• ×
الجمعة 30 أكتوبر 2020 | 10-29-2020
حسن فاروق

ونسة حكومة .. وشرعية رئاسة سوداكال

حسن فاروق

 3  0  2144
حسن فاروق
ممكن ببساطة يتعامل مجلس إدارة نادي المريخ المنتخب مع قرار الوزير الولائي اليسع على إنه ونسه حكومة، يعني في ناس نافذين ومن عتاة التمكين لسه عايشين في وهم إنه الحكومة ماف أي جهة ممكن تقيف في وشها والفيفا والاتحاد ده كلام فاضي، والأكبر من الفيفا نحن قدرنا عليهو، وعشان كده ممكن الوزير يطلع قرار ويعين لجنة تسيير بنفس الشخصيات السابقة العينها ووصلت المحكمة والقرار نفسه وصل الفيفا والفيفا وصلت السودان وحذرت وشداد قال تحذير الفيفا وحذر المفوضية، لكن ونسة الحكومة في الغرف المغلقة قالت ده كلام فاضي بس القرار يطلع والوزير يعمل تعديل في القرار، وفعلا طلع قرار بتعيين لجنة تسيير مع انه قرار المجلس المنتخب مازال ساريا وفيهو محكمة شغالة، ولانه الربكة ماطبيعية، الوزير ماحل المنتخب المجلس المنتخب مرة تانية زي ما عين لجنة تسيير تانية.
بعد ما القرار بالتعيين اتذكروا انه في محكمة شغالة، طيب يعملوا شنو يعملو شنووو .. مشوا المحكمة وسحبوا القضية، ولانه الارتباك ماطبيعي نسوا انه بسحبهم للقضية أصبح آدم سوداكال رئيسا شرعيا لمجلس إدارة نادي المريخ لان شرعية رئاسته كانت مربوطة بحكم المحكمة في القضية، وبما ان القضية تم سحبها او شطبها في المحكمة اصبح الرجل الرئيس الشرعي لنادي المريخ.
لازم نؤكد إنه قرار الوزير الحالي مافيهو أي إشارة لحل المجلس المنتخب (تعيين لجن تسيير فقط)، بعد داك لما لقى نفسه في ورطة تعيين لجنة بدون حل مجلس قال استند في قراره على ماورد من المفوضية بإنهيار المجلس بالإستقالات ( الما استلمتها المفوضية)، طيب في حل للمجلس ولا لا هنا رد محمد الشيخ لانه الوزير بعد ماطلع القرار مشى المطار سافر (عمرة)، ود الشيخ قال المجلس المحلول اتحل تاني .. كيف الكلام؟ قال قرار الوزير الأول كان حالة تقديرية بعدم كفاءة المجلس عشان كده قام حلاهو، وده موضوع حسب كلام ود الشيخ قابل للصاح والغلط يقصد (تقدير الوزير)، يعني المجلس وقتها وقت الحل كان شرعي ( ماف إجابة) ..
وحاليا المجلس فقد شرعيته بالاستقالات .. ده كلام ود الشيخ ما الوزير معناها القرار حل المجلس مرتين مع انه ماف قرار وزاري بحل المجلس للمرة التانية.
الونسة في مكاتب الحكومة المغلقة قادت لاصدار قرار لايساوى الحبر الذي كتب به، مجرد ونسه حكومية لاثبات ( انا اقرر انا موجود)، والمجلس المنتخب سيتعامل مع الامر كأنه لم يكن ويمكن ان يذهب في اتجاه التصعيد مع الاتحاد الدولي ونحن في إنتظار أن يفتينا من اصدر القرار كيف سيتم تنفيذه؟ كيف ستصل لجنة التسيير للمكتب التنفيذي وتستلم مقاليد الامور؟ بالقوة الجبرية .. جربوا عشان ماتكون ونسة حكومة في المكاتب المغلقة .. يلا كلنا في انتظار التنفيذ أهجموا .. ونسة ساكت قرار ماعندو قيمة.
امسح للحصول على الرابط
بواسطة : حسن فاروق
 3  0
التعليقات ( 3 )
الترتيب بـ
الأحدث
الأقدم
الملائم
  • #1
    ابو السيوف 06-16-2018 11:0
    اري ان التعليقات علي الموضوع اهملت الجوانب القانونية والتساؤلات التي ذكرها صاحب المقال وركزت علي جوانب انصرافية في القضية مثار التساؤل
  • #2
    عثمان جميل الدوحه قطر 06-13-2018 03:0
    الأخ العزيز أحمد التجاني الهلالي الأصيل النبيل الجميل شكرا جزيلا لك لتعليقك الهادف الجميل بكلمة حق قلتها في حق الأخ جمال الوالي الذي قاد ثورة الإعمار بنادي المريخ في ردك السابق على ردي للمدعو حسن فاروق الذي نسى كل مشاكل الهلال وصار يحشر أنفه في قضايا المريخ وتحديدا لتصفية خلافات قديمه مع الأخ جمال الوالي ونحمد الله بأن الوالي لم يعره أدنى إهتمام وجعله يكيل من الشتائم في إذاعته المفضوحه وفي مقالاته الممجوجه وأدب وحياء وتربية جمال لا يلقي بالا أو يرد على أمثال هؤلاء.
    واليوم نصب سوادكال رئيسا للمريخ سبحان الله ياأخي أنت فاضي والفاضي يعمل قاضي ياأخي إتلم.
  • #3
    ود الموردة 06-13-2018 03:0
    هجومك على المريخ ليل ونهار القصد منه. لارضاء كاردينال والست فاطمة اولا. كردنة. قبل كدة قال فى ناس يكتبو ضدى. بتحويل رصيد ابو خمسة جنيهات والله. صدقت. زى هذا السخفى ممكن يكتب. بربع. ساندويتش. ان شاء الله سودكال. يفطرك صباح العيد هذا السخفى معزور العيد قدام والصرف. تقيل. والأسواق مولع نار الرحال فعلا ماتو فى كورى ما عزة النفس.
أكثر

للمشاركة والمتابعة

جميع الأوقات بتوقيت جرينتش +3 ساعات. الوقت الآن هو 06:0 الجمعة 30 أكتوبر 2020.

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019