• ×
الجمعة 29 مارس 2024 | 03-28-2024
حسن عبدالرحيم

السجم والرماد في الهلال

حسن عبدالرحيم

 0  0  5806
حسن عبدالرحيم

=الهلال بات مثل المسرح ومشاهدة الاحداث فية تجعلك تتخيل نفسك جالسا علي مسرح قاعة الصداقة وياحليل المسرح القومي البقي زي الهلال تنعق فية الغربان
=وانتا جالس تشاهد مسرحية ملف سري او مسرحية الناس العملو قروش ومسرحية عرفنا السرقوا قروشنا والسرقونامنو
=دة الحال في الهلال كل الحاجات سرية والقرارات مبهمة ومافي زول عارف الحاصل شنو ومنو البتخذ القرار وبماان الشينة منكورة فالكل يزوغ من القرار
=واخر القرارات السرية مانشر في الزميلة قوون قبل ايام باعفاء الرجل الصامت وصاحب المهام الصعبة والاداري الشاطر الاخ خضر طة من منصبة وتعيين الاخ المهندس شاكر علي الطاهر وبماان الخبر مر علية كم يوم الاانة ولاعضو في مجلس الهلال لم يقم بنفي الخبر اوتاكيدة وهذا يؤكد حاجة واحدة ان القرار اذااتخذفان اعضاء المجلس لاعلم لهم بالقرار مع العلم ان المقال مباشر لمهامة بالمكتب التنفيذي للهلال
=لاالرئيس ولاالامانة العامة ولاحتي ابوكلابيش نفوا هذا الخبر او اكدوة والغريبة ان الاخ محمد هارون الشهير وسط الاهلة بسلفي كان في السابق هو من يتصل باي شخص يتم اعفاؤة من منصبة ولكن يبدو ان محمد سلفي سيظهر هذة المرة بعيدا عن الاضواء كما اخبرني احد المقربين ان هارون سلفي لن يكون لة ظهور في الصحف وبالامس علي مااعتقد ظهر لي تصريح لهارون سلفي بالمناسبة سلفي زي السمك الذي لايمكن لة العيش خارج المياة وهارون لايمكن لة العيش خارج التصريحات والصحف والسلفي كمان
=اهانعود لموضوعنا بتاع خضرطة فهو تم اعفائة بطريقة سرية والدليل ان الاخ المهندس شاكر علي الطاهر الان تم تعينية مسؤؤلا للمراسم والاستقبال في حفل افتتاح الجوهرة ودي ياربي ناس المجلس عارفنا ولالاوشاكر سبق لة ان قام من قبل بشكوي الهلال في عهد الحاج عطاالمنان وتم تعينية في عهد الكردنة وفي ظل سياسة المجلس الكاردنالي والتغييرات المتعددة تم تعينة مديرا للكرة الاانة رفض بعد اعفائة من منصبة كمدير تنفيذي للنادي وتعييين الاخ خضر طة بديلا عنة
=ففي مسرح الهلال كل شئ ممكن يعني شالو شاكر وجابوة واعتقد ان واحد من اسباب ابعادة انة ود الارباب وطبعا الرجل مظلوم لاهو اربابي ولاطهاوي بل هلالابي وشاكر مثلة ومثل فوزي وهارون وكل اللجان بتتغير الاخالد النقر قاعد ومتحكر في منصبة
=بالمناسبة ياخالد النقر محمد جلال الخضر ماالزول المقصود لانة مافاضي يلبس جلباب غيرة وهو في حالة سفر دائم ولايحتاج لدعم خارجي او لوجستي انتا عارف لما كان عندهم المليار الناس قايلاهوحبوب بندول
=والان دعونا نتساءل قبل افتتاح المسرحية ماهي الاسباب التي ادت لاقالة شاكر وهارون من منصبهما من قبل وماهي اسباب عودتهما وماهو راي شاكروهارون عندما تم اعفائهما وماهو رائهما الان وهما يعودان لذات المنصب
=الم اقل لكم اننا في مسرح الهلال حيث كل شئ مباح ومتاح ومعروف للجميع الاالسادة اعضاء مجلس السرور والهنا
=بالامس تلقيت العديد من المحادثات التلفونية من شخصيات هلالية محببة الي نفسي ولكن اجمل اتصال كان من اخ استشاري وهو اختصار لكلمة عضو الهئية الاستشارية بالهلال ودار الحوار التالي بيننا
=قال لي بكرة عندنا اجتماع بمنزل ملاح
=قلتا مقاطعا منزل الراحل المقيم محمد احمد ملاح ولاابنة الفاضل الحبيب عامر ملاح
=قال المهم في بيت ملاح ماعارف الراحل ولاابنة وطبعا دة في ظل سياسة الهئية الانفتاح علي الاشخصيات الهلالية والاجتماع القادم في بيت البابا وبعدة في منزل قاهر الظلام
=قلتا والله فيكم الخير طيب يااستشاري ممكن اسالك سؤال هل كان اعضاء الاستشارية في عزاء ارملة الراحل عبد المجيد منصور ومنو من المجلس البدير الهلال حضر للعزاء الادكتور حسن بصفتة الشخصية لا الاداراية ومنو من ناس الاستشارية كان مشاركا وحضورا في حفل التابين السنوي للراحل قاهر الظلام
=قال ان اجتماع اليوم سيكون لمناقشة اشياء كتيرة
=قلتا لة هل تستطيع الاستشارية الاعتراض علي قرار الكردنة باختيار المدرب المريخابي محمدالطيب مدربا للهلال هل تستطيعون الاعتراض علي قرار اتخذة الكردنة وهناك اعضاء في اللجنة ابدوا رائهم الواضح في هذا الامر
=قال حنتخذ حزمة من القرارات
=قلتا لة القرار ات ستكون كالاتي مخاطبة رئاسة الجمهورية بتكريم الكردنة ومنحة وسام ابن السودان البار والانجاز والتامين علي كل القرارات التي اتخذها مجلس الادارة مؤخرا بقيادة الكردنة وعلي راسها تعيين المدرب المريخي محمد الطيب وماتنسي ان الكردنة سيكون حضورا يعني كسير تلج من امة وتتزكر الكردنة مافي كسرتو تلج وهسة موجود حتعملوا شنو عليكم الله ماتنسو الدنيا برد خلو تكسير التلج
=ضحك قائلا لا
=قلتا لة اتحداك ان يكون هناك اعتراض علي اي قرار اتخذة الكردنة وماتنسي يااستشاري ان الكردنة سبق وقال ان توصيات الاستشارية اوامر واجبة التنفيذ عشان كدة اتخذوا القرار الصاح عشان الناس تحترمكم وتقول انكم كبار الهلال والهلال بخير
=وحليل الهلال
=وحليلو هو
=اخر المشاوير
=منو البتخذ القرار في الهلال ياكردنة
=خبرطازج السجم والرماد في الهلال



امسح للحصول على الرابط
بواسطة : حسن عبدالرحيم
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019