((())) وفي السبت سيعانق الازرق محبوبته :

وبالامس انتصر الهلال بعزيمة الرجال

وضرب موعدا مع الدلاقين ليعيدهم الي الوصافة خائبين

وشوط اول للنسيان وشوط تاني تمام التمام

وكما قالت اختنا العزيزة ميرفت عبده : الحمد لله فزنا بى حقنا،لاركلات جزاء وهميه ولا شلنا عرق ناااااس

وموعدنا السبت وإن السبت لناظره لقريب

و إن المرابطون فيه لمنتصرون إن شاء الله

فأدائهم القوي الذي قدموه امام الخرطوم الوطني هو أبسط دليل على فوزهم يوم السبت بعون الله

وكذالك هي دعوات ملايين العشاق الذين يتضرعون للخالق سبحانه وتعالى اناء الليل و أطراف النهار بأن لا يخيب ألهلال

و الخالق سبحانه وتعالى لن يخيب أملنا إن شاء الله وهو القائل أدعوني أستجب لكم ونحن دعوناه وندعوه وفي دعائه مستمرون.

وكم هي غالية دموع عبد اللطيف بويا وقد حلق بالهلال عاليا ليعقد موعدا و الدلاقين

ويالها من ليلة تاريخية سيتحري فيها كل اهل السودان هلالهم الذي احبوه

ولكن الخوف كل الخوف من ظلمة التحكيم التي قد تحجب الرؤيا

فيشهد السبت ضربات جزاء مجانيه تمنج للدلاقين

وحينها فليترك الامر كله لجماهير الهلال وشفوتها لحماية الهلال من لدن طيور الظلام

وسبت الغرام وبعدت ليه

بعدك هاعيش واحلم بايه

قلبي اللي كان طول عمره ليك

من غير هواك راح يسوى ايه

سبت الغرام وبعدت ليه

بعدك هاعيش واحلم بايه

قلبي اللي كان طول عمره ليك

من غير هواك راح يعمل ايه

وللكوتش حداثه تحيه خاصه وقد جهز الفريق لهذه المباراة الصعبه

فالخرطوم الوطني فريق قوي ومحترم

وهو يتفوق كثيرا علي مريخ الشوط الواحد وفي كل الخطوط

ويتميز لاعبوه باللياقة البدنيه العاليه التي يفتقدها عجايز المريخ علاء الدين وعلي جعفر وامير ونمر

والذين حتما سينهارون امام الهجوم الهلالي الكاسح

والتحيه لاوتار الذي تحمل الاصابه من اجل الهلال

والتحيه للصيني الذي ابدع في مباراة اليوم

والتحيه لبويا الذي عاد ليحيى الطرف الشمال

والتحيه لبشه

والتحيه لكاريكا

والتحيه لابو عاقله والسمؤال وجمعه

والتحيه لشيبولا الذي تحرك كثيرا

والتحيه لصخرة دفاع الهلال ابن الدمازين البار

والتحيه لسادومبا الجميل

والتحيه للثعلب ولمسات الجميله

حقا لقد كنتم رجالا وهكذا نريدكم في الليله ديك


((())) ما مصير الراجل ابو جلابيه يا شداد :

هذا زمانك يا مهازل فامرحي

وفي النقعة كانت الحرب علي الهلال

وبتدبير مسبق ومتفق عليه ما بين اعداء الهلال وكل المتربصين

ولا ادري كيف تناسي الراجل ابو جلابيه ان الهلال هو سيد البلد وكبيرها ؟

وقد تجرأ في ايذاءه بهذه الطريقه القبيحة

ومن وراء هذا المؤامرة والايذاء الذي لحق بالهلال

وكأنهم يريدون للهلال ان يسقط ويخسر النقاط

وكالعادة تخرج ادارتنا الضعيفه لتتحدث عن شكوي قدمت

وليس هناك شكوي ولا يحزنون

معقول مسئول في اتحاد محلي في اطراف السودان وعلي شاكلة الراجل ابو جلابيه يسئ للهلال ولا احد يحرك ساكنا

لا نقول هذا القول لتغطية سقوط الهلال في النقعه

فالهلال سيئ ( وزي الزفت ) ولكنه عشقنا الابدي

والمصيبة ان كل ما حدث لا تحقيق فيه ولا ادانة

وكل شيئ مسكوت عليه بطريقة باركوها وعفا الله عما سلف التي اضاعت الكثير من حقوق الهلال

وهو الهوان من لدن اضعف ادارة هلاليه تمر علي تاريخ الهلال

فأين المسآءلة لهذا الرجل عن ما بدر منه في النقعه ضد الهلال

وما هي عقوبة الحكم الذي افسد المباراة

وما عقوبة اتحاد الفاشر الذي اخفي اللاعب عن الحكم

وما عقوبة حارس مريخ الفاشر الذي ضرب حسين الجريف امام الكاميرا

وما عقوبة الراجل ابو جلابية الذي يجب ان يكون شغال في حواشة

ومن يقف وراء هذا الرجل الذي نزل بالجلابيه ليدير المعركة

وان كنا جميعا نعرف من هو الذي يحارب الهلال


((()))احلي ما قرأت لحبيبنا محمد عبد الماجد :

بيت العزابة.

انتوا عارفين دفاع المريخ الايامات دي زي (بيت العزابة) البيكون مجاور (للميناء البري) اي زول يجي الخرطوم ينزل فيه.

تلبت يصل.

تلبت يخش.

بيت قريب من الموقف.

بيت العزابة الفاتح ساكت.

المفتاح بكون معلق فوق الباب(اي زول عارفو) ، بما في ذلك سيد اللبن.

اي زول بيجي بيدخل.

توووش.

وحلة اللبن في نص الحوش ما في زول بيتعقد منها.

ناس البلد ما عندهم زول بيجي الخرطوم ما بنزل في البيت دا ..(بيت جوار الموقف طوالي).

وصفو ساهل..وبابو فاتح.

من البص للبيت.

العندو (جنسية)..

العندو رقم وطنيالماشي الحج ..العندو فحوصات ..البقرأ في الجامعة كلو بيجي ينزل في (بيت العزابة).

العاوز يطلع جواز..العندو عملية عيون.

كمان ناس عمليات العيون ديل بقعدوا (21) يوم.

و21 يوم الدكتور بقول ليهم ما تطلعوا برة.

البيت كان مفتوح لكل الناس.

تخش وتطلع منو على كيفك.

ولا في زول بيسألك.

ولا في زول بقول ليك حاجة.

دفاع المريخ بقى زي (بيت العزابة) دا تعمل في دفاع المريخ اي شيء ما بيسألوك.

نفس الشيء اي زول بيفوت فيه.

الامل يجيب قون.

الاهلي عطبرة يجيب قونين.

صلاح الامير قون.

وهلال التبلدي خمسة.

الشيخ موكورو براهو جايب تلاتة.

الشيخ موكورو العملو في صلاح نمر وابراهومة ما عملوا (الخريف) في ولاية الخرطوم.


محمد الحسن شوربجي