لن تسمح جماهير المريخ بسرقة احلامها ولن تسمح لمن طعنوا في سوداكال ان يحققوا اغراضهم بحرمان المريخ من الفوز بالبطولات واهداءها الى الند التقليدي الهلال !!
من طعنوا في سوداكال هدفهم هزيمة المريخ وضرب استقراره ومنح الهلال التتويج بالبطولة الكبري قبل اسابيع او شهرين من نهاية الموسم .
جماهير المريخ لن ترحم من تسببوا في خسارة المريخ في النقعة وقد تنتظره مهمة عسيرة امام الخرطوم الوطني يوم جمعية المريخ العمومية !!
الاتحاد العام ضالع فيما يحدث للمريخ فقد برمج مباراة خطيرة وكبيرة للمريخ يوم جمعيته العمومية !!
الاتحاد العام يدرك ان المريخ خطير وسيقف ضده لو فاز سوداكال لذلك سعى عبر علاقاته واراد ان يضرب المريخ ولكن جماهير المريخ التي قادرة على حماية المريخ ستحول استاد الخرطوم الى كارثة لو حاول الاتحاد التلاعب عبر حكامه المعروفين !!
اسامة ومجدي خسروا المريخ وسيستمر خسرانهم لان المريخ لن يدعمهم فشداد او الارباب افضل لنا الف مرة من مريخاب يضربون استقرار المريخ ويطالبون بلجان التعيين لان الوالي اعتذر !!
حاولوا ان يأتوا باصدقائهم من اجل مساندتهم ولكن هيهات !!
نعود للمؤامرات الت تحاك من داخل نادي المريخ ويتبناها اعداء المريخ !!
جماهير المريخ تنتظر قرار المفوضية والذي سيكون بردا وسلاما على مجتمع المريخ !!
خشم الموس رئيس المريخ لانه الانسب بعد هروب الجماعة !!
الجماعة كبوا الزوغة !!
هههههههههههههههههههههههههههههه!!
بالغتوا ...!!
انتهي عهد ادارة المريخ بالدين والكرين وعربات الايجار !!
من يركبون عربة واحدة ويديرون عبرها المريخ مات فنانهم وفات زمنهم !!
لا لاعادة المريخ الى الوراء
لا لزمن الشماعة والركوب مجان !!
المريخ يحتاج الى الرجل المقدام سوداكال صاحب المال !!
رجل لا يملك المال عليه ان يشجع المريخ من المدرجات !!
كفاية مهازل مقعولة 7 شهور غارزيتو بدون مرتب
معقولة جمال سالم شال حالنا !!
كفاية مهازل ... 12 مرة وصيف للهلال !!
بالغتوا ..انتو ما بتخجلوا !!
ما عايزين نقول ليكم انت كج لكن كفاية ادونا عرض اكتافكم وبارضكوا رئاسة سوداكال !!
الرجل لم يقصر معاكم وملأ خزينتكم بالدولار وجاب ليكم افضل اللاعبين الاجانب والمدربين الاجانب فهل مصيره المعارضة !!!
جماهير المريخ لن ترحم من طعنوا في مريخية سوداكال!!
الراجل دفع دم قلبه فماذا قدمت للمريخ غير الوصافة والشحططة في السجون !!
على من يريدونه رئيسا للجنة التسيير جديدة ان يتوجه الى السجون قبل ان يصل نادي المريخ !!
شيكاتهم جاهزة و اوامر القبض جاهزة !!
ديونكم مكشوفة وشوداكال قال ليكم تعالوا شيلوا قروشكم عشان تاني ما تدخلوا نادي المريخ بعد اليوم !!
من يريد ان يسترجع من دفعه لن يدخل دار المريخ بعد اليوم
من يحرر امر قبض على ابناء المريخ لن يشاهد المريخ الا في التلفزيون !!
لن ترحمكم جماهير المريخ !!
هناك شخصيات جهزت اوامر قبض ولكنها ستكون وبالا عليها !!
الامر اصبح فيه اللعب على المكشوف !!
حقوقكم محفوظة !!
تاخدوها وبعدها كلمة شكر !!
المريخ كبير ولن يقصر معاكم !!
اركبوا الصف لتنالوا حقوقكم وبعدها ادونا عرض اكتافكم ولن تكون في مسيرة العظام بعد اليوم
من طعنوا في سوداكال ضربوا المريخ في مقتل !!
من طعنوا في سوداكال هزوا استقرار المريخ وجعلوا الهلال يعيش امانا !!
سوداكال اشرف رجال المريخ لانه تقدم الصفوف !!
اما من تهربوا فلهم الخزي والعار !!
اخيرا جدا !!
انت راجل وودرجال يا سوداكال فالرجل يثبت في المعركة ولا يهرب منها ولا يترك الجنود جرحي !!
حتى لو قبلوا الطعون ستظل الرجل الكبير الشجاع ما هربت ساعة الحارة وما (قلت الروب ) !!
على جماهير المريخ ان تنصب لك التماثيل لانك شجاع احترمت جمال وتسلمت منه الراية لانك رجل والرجال قليل !!
لم تكن يوما خيال مآته لك التحية يا ابن الرجال الاوفياء فنحن سندعمك لانك لم تهرب من ساحة المعركة والمريخ يحتاج الى أمثال لا لمن يقفون خلف الرجال في ارض المعركة ويطالبون بالدرقات !!