((())) البرسا في افتتاح الجوهرة بكامل نجومه :

عن من نتحدث ايها الاحبه ؟

نتحدث عن فريق تأسس عام 1899

نتحدث عن اقوى فرق العالم قاطبة

نتحدث عن برشلونه سيد الاسم والهلال الديمه مبتسم

نتحدث عن شراكه تاريخيه سيخلدها التاريخ

نتحدث عن باب كان مغلقا و انفتح على مصراعيه

نتحدث عن الكتلونى الدى داع صيته فى الآفاق

نتحدث عن الفريق الكاتلونى الدى يمتع الجميع

نتحدث عن ليونيل ميسي الدى يبهر العشاق

نتحدث عن نشيد البرسا الدى يردده الكثيرون

نتحدث عن الاورغيانى الخطير سواريز

نتحدث عن باكو وفيدال وغوميز

نتحدث عن شتيغن وماسيب وبيكيه وصامويل وخافير وجيرمى

نتحدث عن انيستا وايفان راكيتش

نتحدث عن اقوى فرق العالم قاطبه وهى تستعين بلاعب من الهلال

ابهرنى الخبر بالامس فحسبته خبرا اسفيريا كادبا

ولكنه كان حقيقة واللاعب على التركيه

واتارا الأن فى سيكون ضيافة النادى الكتلونى

ويكفى انه قد يجرى تمرينا اختباريا مع اخوان ميسي

ففخر للهلال ان يسوق لاعبا للعالميه

وفخر للاهله ان يكونوا هم السباقين فى اقتحام هده القلاع الحصينه

والسمانى الصاوى لاعب المريخ على رادار فريق كويتى

وهى خطوة لا بأس بها لهدا اللاعب الرائع

وهو كدلك مؤهل لان يكون فى صحبة واتارا

وياريت لويس انريكى يشاهد هدف السمانى اللوحة فى منتخب اثيوبيا



((())) ما اجمل البن الحبشي في شيكان يا مولانا :

مبروك للسودان التأهل الجميل

وشكرا السماني فلقد حققت الاماني

وبركاتك يا الفانيله البيضاء

فبها وحدها كان الانتصار الكبير

وبها وحدها كان التأهل الجميل

ولا عودة للفانيلة الحمراء التي جلبت علينا الهزائم

وان كانت من اشادة فبهدف السماني الرائع

وحقا فلقد اعادنا ذلك الهدف للزمن الجميل

وهدف الفنان والي الدين في المريخ

وهدف جكسا الاسطوري في البطوله الافريقيه

وهدف قاقا في عتوقة تونس

وهدف صبحي في نادي الزمالك

وهدف كرنقو في الحضري

وهدف سادومبا في اكرم الهادي

لقد لعب المنتخب كم لم يلعب من فبل

وان كان من شكرا فلابد ان يوجه الي والي كردفان احمد هارون

فالرجل قد قام بما لم تقم به شلة اللقيمات

ويكفي انه قد وعدنا بشرب القهوة الحبشيه في شيكان وقد كان

ولابد من تكليفه رئيسا للاتحاد العام

وصدر تحت توقيعي بانه يستحق هذا الشرف

وعلي شلة اللقيمات ان تورينا عرض كتافها غير مأسوف عليها

وشكرا لنجوم السودان الرائعون

ومبروك للجميع


((())) يا جماعة ما تبطلوا لخبطه :

من يا تري المسئول عن تاجيل مباراة المريخ وهلال التبلدي كل هذه المده ؟

ولماذا هذه الخرمجة المبرمجه لمباراة من الدور السابق كان لابد لها ان تقام

اهو تخوف المريخ من هزيمة تبلديه جديده

ام هو تجهيز المريخ لحكام يسهلون مهمة الفريق كالعاده

هذا وقد طالب الجنرال خوجال رئيس نادي هلال التبلدي لجنة التحكيم باختيار طاقم علي قدر علي من الكفاءة ليعطي كل ذي حقا حقه و يجعل لاعبي الفريقان للانصراف لامتاع الجماهير بسهرة كروية


((())) اوتارا وشعراء الهلال :

ود المجذوب
ود البشري اخوي...فعلا مصدق إته
الخبر الاكيد مالي المكان والحتة
بعد اوتارا فات كلملنا اب كسكتة
عايزين الريال ياخد معاهو اب ستة
...
ود البشري
بندور (اتلتيك بيلباو) ،،، يسوق جينارو
واسبانيول خطف ( تيتيه ) المولعة نارو
ود نمر الحريف ،،، قال ليك كتاااار انصارو
خشو على التويتر شان يعرفو اخبارو
...
ود المجذوب
الخبر الاكيد في القارة سوي دمار
قالو البارشا ركز عينو للاقمار
فرحتونا ياخ..والعقبي لي عمار
ما عايزين كمان شيبوب محل نيمار
...
ود البشري
نحن اسياد بلد ،،،،، دايما هلالنا مطور
وحقو الناس تخش صفحتنا شان تتنور
اب كسكتة يا كاتلونيا كان إتهور
بجبر ميسي يجي للجوهرة ويتصور
...
ود المجذوب
الاخبار بقت في الميديا غير مدسوسة
وابداعات هالالنا موثقة ومحسوسة
بعد قونو الجميل الفي مباراة سوسة
مانشستر دحين ما عينو لي ود موسي
...
ودالبشري
ود حامد نزار ،،، ناس الريال عايزنننو
بشطبو ليهو ( مودريتش ) ولة ( ايسكو ) اظنو
( بيريز ) الرئيس فات الكبار في سنو
والبقعد معااهو ،،، الناس بتقنع منووو
...
ود المجذوب
نحن معلمين ما فينا زولا اشتر
الثعلب بشوفو اخير يجرب لستر
اطهر يمشي شالكة عشان يغيظ اوتوفيستر
كاريكا البلوز و الريدة لي مانشستر
...
ود البشري
جابسون (ركبتك ) ،،، فيها الفهم والرصة
والفن الرفيع ،،، منك دوام بتحسة
موهبتك مميزة ،،، حااااشة ما بتندسة
نادي الآرسنال ،،، قالولي طلبك هسسسة
...
ود المجذوب
ياما نشوف عجايب وياما نلقي بلاوي
بكرة وصيفنا يعلن انتقالو الداوي
حا يقول ليك ميونخ قالو عايز الصاوي
تلقي خبر مفبرك ..والوصيف بيكاوي
...
ود البشري
بكرة بقولو ( باسكال ) ماشي ،،،، سان جيرمان
وعمك ( ود كمال ) بتشوفو في ( الميلان )
بقولو ( كلتشي ) ،،،، مطلووب هسة في اليونان
ود نمر ،،، الشفت في شيلسي ليهو مكان
...
ود المجذوب
هل ممكن يجوز القلب يصبح كلوة
ولا القمرة تظهر في النهار والقلوة
اها الخبر الجديد وصلت بشايرو الحلوة
مانشستر بدور كونلي وامير وابو علوة
...
ود البشري
دورينا انتعش ،،،،، فارق ضلامو وودع
في القارة العجوز لاعبنا انجز وبدددع
اهداف راجي ،،،، بتخلي الدفاع يتصددع
التكت التكت ،، في اليوفي قالوا إتجدع


محمد الحسن شوربجي