• ×
الأربعاء 29 سبتمبر 2021 | 09-28-2021
كبوش

يا فاسدين غرامنا.. !!

كبوش

 0  0  1727
كبوش


Ø اسعدني جداً التحول التاريخي الذي طرأ على قناعات بعض الانقلابيين مما يسمون بمجموعة 30 ابريل.. تلك المجموعة التي سددت للكرة السودانية ضربة قاضية كادت ان تقضي على (اليابس).. بعد ان قضى الدكتور معتصم جعفر على (ابو الجورج) (الاخضر) بإصرار يحسد عليه.

Ø اسعدني جداً بان المفسدين الذين قبضوا على خناق الكرة السودانية لاكثر من عشرين عاما متصلة.. صاروا (فجأة) هم (الاخوة الاصدقاء) الذين تجوز مشاركتهم ومجالستهم في السراء والضراء وحين البأس.

Ø لم تفاجئني (اللقطة) المعبرة التي فاتت سهواً على عدسات مصوري صحافتنا الرياضية.. وضعت قدمي على اول عتبة لمدخل مبنى الاتحاد العام بالخرطوم اتنين.. فوجدت امامي (بلدوزر) مجموعة 30 سيف الكاملين.. برفقة الفاسد الاكبر اسامة عطا المنان.. ترافقا معاً وكأن شيئا لم يكن في عربة واحدة.. احسب انها تخص (بلدوزر الفساد) المعلوم.. مضيت في طريقي الى مكتب الاستاذ علي حسين العبد لقضاء امر يخص نادي هلال سنار.. ولكن لم انس فضولي الصحفي ولا ذاك (الشمار الحار) وبدلاً من المضي قدماً الى باب الخروج وجدت نفسي في صالة استقبال مكتب الدكتور معتصم جعفر رئيس الاتحاد الشرعي.. على الطاولة بقايا من مياه غازية ومعدنية وساندوتشات.. لا اعتقد انها ساندوتشات طعمية.. تبارى في التهامها الكابتن مازدا والدكتور بكري المناقل ومعتز الشاعر ثم انضم للركب القاصد محاربة الفساد والمفسدين في بلاد ملتقى النيلين كل من عز الدين الحاج وعبد القادر همد ومامون بشارة ناصر ثم المقاتل الميداني الشرس نصر الدين بيك حميدتي... تلاقوا وتعانقوا واعتقد انهم نسيوا احن الماضي القريب وتعاهدوا على تجاوز مقامات الحزن الاكبر.. وهل هناك حزن اكبر من الاحساس بان المجموعتين المتصارعتين اوقفتا (حال) الكرة السودانية وتسببتا في تعليق النشاط الوحيد الذي يشكل رفاهية للسودانيين اجمعين.

Ø اسعدني بان البلدوزر سيف الكاملين حسم (قرينه) الذي اراد ان يصنع منه اسامة عطا المنان جديد.. هذا هو التسلط يمشي على قدميه عندما يريد الصحفي ان يغادر دوره كصحفي ليلبس الاداري خاتماً في اصبعه... او علاقة مفاتيح على الجيب الخلفي..

Ø (يا سيف البوديكم شنو تقعدو مع الناس ديل)..

Ø (قلت شنو يا اخوي.. كدي عيد كلامك ده تاني)..

Ø (القعدكم تتفقوا مع جماعة معتصم شنو) ؟

Ø (ياخوي نحن مع الحركات المسلحة ذاااتا بنقعد ونتفق.. ناس معتصم ديل انت قايلهم من اسرائيل.. نحن اولاد منظومة واحدة... وكدي خليني اقول ليك آخر كلام عندي.. انا عاااادي ممكن اعمل مؤتمر صحفي واعلن فيهو انضمامي لمجموعة معتصم.. رأيك شنو؟)

Ø ...............................

Ø (خلاص يا اخوي تاني ما تضرب لي كان ده كلامك.. تلفوني ده ما تدق فيهو).

Ø يارييييييت يا اخوتي ان يظل الصحفي.. صحفي.. والاداري اداري.. واللاعب لاعب.. ولا كيف يا اخي حسن فاروق.؟






امسح للحصول على الرابط
بواسطة : كبوش
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019