• ×
الخميس 22 أبريل 2021 | 04-21-2021
موسى مصطفى

كم انت كبير !!

موسى مصطفى

 6  0  2149
موسى مصطفى

طالعت مقالا للزميل ايمن كبوش تحدث فيه عن قيمة وموروثات الهلال و ذكر فيه الفئة المتصعبة التي طالبت لاعبي الهلال و عبر السوشيال ميديا بفتح شباك الهلال للفريق الموزمبيقي و تسهيل مهمته و جعله يمر الى دور الثمانية و ابعاد الغريم الازلي المريخ باسلوب قذر !!
ايمن و من قبله الزميلة رقية الشريف كتب تحت عنوان (المريخ خصم وليس عدو) !!
الحبيب ايمن كبوش ذكر اهل الهلال و اللاعبين بقيم الهلال و انسان السودان الداعية الى الحفاظ على شرف التنافس و عدم النزول الى مستنقع آسن و اساليب قبيحة و مرفوض تدعم الغرباء !!
نقول لاخ ايمن ان الرسالة قد وصلت و كم انت كبير !!
ايمن ابن هذا الشعب و التراب الغالي كتب من اجل وطنه و حبه الهلال و عشقه السرمدي !!
اكد ان الانتصار بالطريقة المشروعة افضل من الانتصار الملوث !!
اما الاخت رقية الشريف و التي اكدت انها ستترك الهلال و تشجيع كرة القدم الى الابد ان اتضح ان الهلال قد فتح شباكه لخصمه لابعاد المريخ !!
لك و للاخ ايمن نقول ان المريخ كبير و انه قادر على تحقيق الفوز على النجم الساحلي !!
للمريخ مواقف مشهودة مع الاندية التونسية و يعرف كيف يحقق الانتصار ويسعد جماهير الرياضة في السودان و اسعادها بعد ان شبعت حزن و بؤس !!
لن نطالب الهلال باللعب من اجلنا ولكننا نقول انه حينما يرفع علم السودان تأكد ان المريخ سينتصر من اجل السودان !!
سينتصر لان هناك عدد قليل من المهوسيين ينتظرون خسارته حتى يشمتو فيه لانه هزم فريقهم و حرمهم من الترشح !!
لن يمنح المريخ فرصة للشامتين و لكنه يسعطي الاهلة الخلص الاوفياء الحادبين على مصلحة الرياضة مزيدا من مساحات الفرح !!
ندرك ان هناك ايضا متعصبين فرحوا لتعادل الهلال امام النجم و لكننا نفرح للمريخ و لا نفرح لهزيمة الآخرين بل نتعلم منها لتكون زادا لنا و خسارتنا تعطينا الامل !!
شكرا الحبيب كبوش و الراقية رقية الشريف و كل الحادبين على مصلحة الرياضة !!
لا ننكر اننا نتناكف و نداعب بعضنا بعض و لكن لا يصل بنا الامر ان نغوص في الخيانة و نفرح لهزيمة الهلال او اي فريق سوداني حينما يمثلون الوطن.
بالامس افردنا المساحات لهلال النفير و من قبله الهلال السوداني لان دورنا وطني !!
متفرقات
النجم الساحلي يلعب من اجل ان يتفادي الصدام مع الترجي التونسي في دوري الاربعة خاصة في ظل تراجع الاندية المصرية و خروج الهلال !!
المريخ بمقدوره الفوز على النجم الساحلي و يتصدر مجموعته لو لعب بقوة من اجل الايمان بحظوظه في ربع النهائي .
ليس امام المريخ سوى الفوز لاسعاد جماهير الرياضة السودانية بعد تأهل الهلال الابيض الى دور الثمانية !!
اخيرا جدا
كم انت كبير !!


امسح للحصول على الرابط
بواسطة : موسى مصطفى
 6  0
التعليقات ( 6 )
الترتيب بـ
الأحدث
الأقدم
الملائم
  • #1
    ابو حسام 07-05-2017 09:0
    كبوش الذي تمجده لأنه كتب كما تشتهون كبوش لايعجبه الهلال في ظل قيادة الكاردينال ومن بدأ يسن قلمه لمهاجمة الكاردينال ويتمنى أن ينهزم الهلال حتى ينال من الكاردينال
  • #2
    سيد البلد 07-04-2017 05:0
    لا يصل بنا الامر ان نغوص في الخيانة و نفرح لهزيمة الهلال او اي فريق سوداني حينما يمثلون الوطن.

    ******************************************

    شراء زمم الحكام الرمم .. بتسميها شنو؟.

    وانتم ليه دايرين تعتمدوا على الهلال طوالي .. دخلناكم ابطال افريقيا كمرافقين احمدوا الله واقعدوا الواطة.

    عندكم مباراة قدامكم ومادام مافريقكم فريق بطولات فليهزم النجم ويتاهل عن جدارة لانه اي فريق من هنا وقدام اقوى من النجم الساحلي بمراحل.

    *والله انتم جبنا ومنافقين وتدعون الاخلاق زروا .. وين الامانة كصحفيين ليه بالله واحد من كتاب المريخ ما اشار لاداء التحكيم اطلاقا؟؟؟؟؟؟؟!!!!!!!!

    - فريقكم دخل نادي المرتشين من اوسع ابوابه .. سقط افريقيا بحق وحقيقة. فريقكم دائما متامر على الهلال يتدخل في تسجيل لاعبي الهلال وزيادة العروض المالية فقط للاستنزاف والمكايدة .. الى ان ظهر لكم اشرف سيد احمد واصبح يعاملكم بالمثل.

    + الهلال حيلعب بالبدلاء زيو وزي اي فريق يفقد فرصة التاهل .. المباراة بالنسبة لينا تحصيل حاصل لايهمنا فوز ولا خسارة. ولا يهمنا المريخ شاري الزمم .. يا ديك سوسة انتصروا وخشوا قوة عين. وان شاء الله الهلال يتغلب عشان تقعوا البحر من سواحل سوسة.

    * مافي طريقة ليكم الا تدفعوا كمان للتوانسة والحكام.
  • #3
    الثريا 07-04-2017 01:0
    وطنيتك دي ظهرت فقط اليوم ، وانت بتهلل لفقدان الهلال للنقاط
    عموما خلي مريخك يهزم الليتوال اذا اراد الترشح
    الهلال يمر بفترة صعبة جدا ولن يتمكن من هزيمة فيارو
    وسلملي على الوطنية والاخلاق
    وبالله سوق معاك بت الشريف
  • #4
    Hassan 07-04-2017 01:0
    هههههههههههههههه

    طيب إذا كان المريخ كبير النقة الكتيرة دي لزومها شنو؟!
    وما شاء الله كلكم بقيتوا بتاعين وطنية ومُثُل وأخلاق!!!
    يا يوم الجمعة ما تسرع عشان نرجع لموضوع التجميد تاني
  • #5
    أبو ناهد 07-04-2017 10:0
    أيمن كبوش، كان كبيرا ! ولماذا انتم كنتم صغارا حين تواطأ المريخ مع كانوبلارز في 2009 ليبعد الهلال من الصدارة؟
  • #6
    أبو ناهد 07-04-2017 10:0
    وانتم لماذا لم تذكروا لاعبي وادارة وجماهير واعلام المريخ بقيم المريخ ومورثاته عندما تواطأ مع كانوبلارز في العام 2009 ليبعد الهلال من الصدارة؟


    ألعبوا غيرها أهل الهلال ليس بهذه السزاجة التي تفترضونها فيهم. إن لم تهزموا النجم او يفتح لكم لن تصعدوا إلى دور الثمانية أبداً.
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019