• ×
الجمعة 25 يونيو 2021 | 06-25-2021
كبوش

وجاءت الفيفا بخطابها

كبوش

 13  0  1976
كبوش

< في بلدنا دي.. وفي ظل صراعنا ده.. اذا كان محدثك غير عاقل فمن باب أولى أن يكون المستمع كذلك.. حتى تستقيم الحياة.. ويكون التعايش مع ما يحدث موضوعياً ومنطقياً.. دعونا معاً نقرأ هذا التصريح مرة.. ثم نستزيد بالثانية.. والثالثة واقعة .. والرابعة بطبيعة الحال لها شروط وجوب وصحة: «هاجم مجلس ادارة اتحاد الكرة جناح الفريق عبد الرحمن سر الختم، الاتحاد السابق ممثلا في اسامة عطا المنان أمين المال ووصف سيف الدين الطيب مساعد الرئيس وعضو المجلس ان الخطاب الذي Ãعلن عنه اسامة عطا المنان فيه تضليل للرأي العام موضحاً أن الخطاب جاء رداً على خطاب قدم منهم للفيفا عن تدخل وزارة العدل وكشف الطيب أن الخطاب حمل حديث عن الفريق عبد الرحمن سر الختم الذي عينته الحكومة وأن وزارة العدل تدخلت وسلمتهم مقر الاتحاد في حين أن الفريق سر الختم لم يتم تعيينه من قبل الحكومة وإنما جاء بإنتخاب وعمومية يوم 30 ابريل أحرز فيها 48 صوتا ومضى سيف الطيب الشهير بـ(سيف الكاملين) ان الحديث عن التجميد يوم 10 يونيو غير صحيح لأن الخطاب قال ان الأمر سوف تتم إحالته لمجلس الفيفا يوم 10 وليس التجميد واعتبر سيف الطيب أن حديث أسامة عطا المنان هو كذب في نهار رمضاااان.
< جاء هذا التصريح في أحد المواقع الإلكترونية المعروفة أمس وأستطيع أن أجزم بصحته إنطلاقاً من معرفتي الحقة بالأخ سيف الكاملين.. صحاف مجموعة الفريق المدهش الذي أراد أن يٌجرّم أسامة عطا المنان فمثل ما قاله دليل إدانة لكل الحراك السالب الذي يقوم به الفريق المدهش ورهطه.
< خلونا نصدق يا جماعة بأن أسامة عطا المنان يكذب ويتحرى الكذب.. طيب يا ناس انتوا موش مشيتو البحرين.. وقلتوا لاقيتو انفانتينو الجن ده واتصورتوا معاهو سيلفي وختيتوهو في الصورة.. ووعدكم خير بعد اداكم كرتو الخاص وقال ليكم تعالوا لينا هناك.. مرحبا بكم في سويسرا.. الكلام ده حصل ولا ما حصل.. ؟ طبعاً حصل!! وجيتوا عملتوا اجتماع وقلتوا نورتوا قياداتكم وقاعدتكم العرررررريضة ناس نصر الدين حميدتي وعبد العزيز نصر الدين وامين الجابري ومعتصم عبد السلام.. ومبارك تكتيك وعمر علي عبد الله.. فعلاً عررررريضة..
< خلوها قصة البحرين.. يوم الأحد الفات القريب ده موش كان سيف الكاملين الهوا ضاربوا والكندشة شغالة في راسو في مقر الاتحاد بعد أن تم انتزاعه بالقوة الجبرية المحمية بالشرطة وقرار وزارة العدل.. سيف الكاملين ده موش قال الفيفا على علم بكل هذه الخطوات؟ نسيت الكلام ده يا سيف.. ليه دائما انتوا بتقروا الخطابات زيكم وزينا كده في الواتساب.. تكون فاطمة سمورا دي ما عارفة بريدكم.. معقولة.. كدي حاولوا صاحبوا ساعي البريد يمكن الجوابات دي تصلكم قبل ما تصل ناس اسامة ومعتصم.. ياخي انتوا بالامس موش قلتوا عملتوا تسليم وتسلم مع واحد اسمو ابوجبل.. ووظيفتو الأمين العام.. وأصدرتوا تعليمات واضحة بأنو المكاتبات والمخاطبات تكون بإسمو هو بس.. طيب الحصل شنو.. احتمال فيفا غلطت في العنوان.
< بعدين قصة جابو سيرة عبد الرحمن سر الختم في الخطاب دي قصة مضحكة يا سيف.. لازم يجيبوا سيرتو يا سيف يا اخوي ولازم يقولوا ليك «معيّن» لأنو لو قالوا ليك «منتخب» يبقى معترفين بيك ومعناها مدنك شرعية والقصة كلها انتهت.. لكن ديل يا اخوى لا عارفنك ولا متذكرنك عشان كده قالوا ليكم فريقكم ده معين ساي.. كده شوفوا عبد العزيز محمد سيد احمد وشوفوا مكاتباتو عن الجمعية دي مشت لى ياتو بريد.. اوع تكون مشت لى فاطمة تانية في بالي.. اكيد دي ح تطلع «كيسكم فاضي».
امسح للحصول على الرابط
بواسطة : كبوش
 13  0
التعليقات ( 13 )
الترتيب بـ
الأحدث
الأقدم
الملائم
  • #1
    الهلالي ابوسليمان 06-13-2017 10:0
    انت ماجور ومشكلتك عنصري وذي احمد هارون الحاقد واسامة (اللون يجبرك) ان تدافع لهم وفاطمة البتقصدا شريفة اكتر منك وتتهم الناس في نهار رمضان بالسرقة وانت سامع اخرس لانك ?????????? aow hgpr] d[vd td ]l;
  • #2
    الهلالي ابوسليمان 06-13-2017 10:0
    انت ماجور ومشكلتك عنصري وذي احمد هارون الحاقد واسامة (اللون يجبرك) ان تدافع لهم وفاطمة البتقصدا شريفة اكتر منك وتتهم الناس في نهار رمضان بالسرقة وانت سامع اخرس لانك ?????????? aow hgpr] d[vd td ]l;
  • #3
    الهلالي ابوسليمان 06-13-2017 10:0
    انت ماجور ومشكلتك عنصري وذي احمد هارون الحاقد واسامة (اللون يجبرك) ان تدافع لهم وفاطمة البتقصدا شريفة اكتر منك وتتهم الناس في نهار رمضان بالسرقة وانت سامع اخرس لانك ?????????? aow hgpr] d[vd td ]l;
  • #4
    نعمان عمر 06-09-2017 02:0
    هسي انت ما اكبر مضلل ومتملق . جمعية شنو البتتكلم عنها يا كبوش افندي هل اسمي هذا العبث جمعية يا خي اختشي لمان تقول بنسبة ٤٨٪ بالله عليك احترم عقولنا .. منو الدعم للجمعية .. نحن نعلم جيد أن عبد الرحمن سر الختم هو بلدياتك واحد اقرباك .. ةلازم تكتب ما يضلل الرأي للعام ..
  • #5
    ابو محمد 06-09-2017 04:0
    حتي الاعلام بات منحازا بطريقة تدعو للآسي فهذا بوق يردد ما يكتبه الأرباب
  • #6
    abojeddo 06-09-2017 12:0
    هههههههههههههههههههههه والله انت ممتع يا كبوش ... لكن البفهم الكلام دة منو؟؟؟
  • #7
    الرهيب 06-08-2017 11:0
    هههههههه والله ياكبوش جبت خبرهم هههههههه فاطمه الفى بالى ههههه الله يجازى محنك ياكبوش اااااى يابطنى هههههههههه
  • #8
    سيف المدثر 06-08-2017 10:0
    ياكبوش ان عبد الرحمن هو الريس الشرعي للاتحاد مش طغمة الفساد الساقطة في الانتخابات خليك محايد يا استاذ
  • #9
    سيف المدثر 06-08-2017 10:0
    ياكبوش ان عبد الرحمن هو الريس الشرعي للاتحاد مش طغمة الفساد الساقطة في الانتخابات خليك محايد يا استاذ
  • #10
    الوحنين ال شريف 06-08-2017 10:0
    اول مرة اضحك مع كبوتش عايرة وادوها سوط ولا ما كدة ايها الغريق المندهش
  • #11
    سيد البلد 06-08-2017 10:0
    استاذ ايمن خليك من ده كلو .. خطاب الانذار بتاع امس ده بالفاكسميل مش معنون وموجه لمعتصم جعفر كرئيس للاتحاد؟ فاطمة سامورا بتقول في الخطاب للاتحاد برئاسة معتصم ان يخطر الجهة العدلية بان تسحب قرارها وترجع مقر الاتحاد لجماعة معتصم المعترف بيها من قبل الفيفا ... وإلا يوم عشرة؟؟

    جماعة المدهش فعلا ديل بس عليك الله دايرين شنو تاني؟؟. الناس ما تفهم ولا شنو؟

    يا اخي ايوا انتوا فزتوا في انتخابات والبلد كلها معاكم ومافي زول داير معتصم وجماعتوا يستمروا .. لكن الفيفا كلامها واضح اصبروا لغاية شهر عشرة. الكلام ده صعب فهمه ولا الحاصل شنو؟؟ .. حسبنا الله ونعم والوكيل بالله ناس عاملة زي الشفع.

    رجل افريقيا المريض يا حلاته السودان ده!!!
  • #12
    الوليد ابراهيم عبدالقادر 06-08-2017 09:0
    انت الكيسك فاضي يا كبوش.. حد عاقل يساند اتحاد اللقيمات.. غايتو يا كبوش كنت مغشوش فيك سااااكت.. ســـــــــــــــلام..
  • #13
    الوليد ابراهيم عبدالقادر 06-08-2017 09:0
    انت الكيسك فاضي يا كبوش.. حد عاقل يساند اتحاد اللقيمات.. غايتو يا كبوش كنت مغشوش فيك سااااكت.. ســـــــــــــــلام..
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019