• ×
الأحد 11 أبريل 2021 | 04-10-2021
بابكر سلك

اشرق الوالي على ظلمات سوق العيش

بابكر سلك

 0  0  7649
بابكر سلك


* كشافات كردنة عجزت عن الايفاء بحاجة الاستاد للضوء
* فكانت اضافات كشافات بيوت البكا التي عاكست الكاميرات وجعلت اهل المقصوره يضعون اياديهم علي جباههم ليشاهدوا الكورة
* لذا فات علي الكثيرين منهم مشاهدة روعة السماني وسجدة اب سته
* المحظوظ فيهم شاهد اب سته رافعا من السجود
* وظل سوق العيش مظلما
* لو مرقت ايدك مابتشوفها
* الا ان زيارة الوالي لهم كانت اول اشراق علي سوق العيش
* لدرجة ان الجقور توارت
* لان الجقور لاتظهر الا في الظلمات
* والجقر البظهر في النور ده جقر داقس ساكت
* الزيارة لم تعجب روشا علي حد تعبيرة
* ولافطومة اختي
* ولكن بما انو اي شئ زاد
* المثل القديم زاتو زاد
* المثل البقول
* ابدأ العرس ربك بتمو
* زاد واصبح كالآتي
* ابدا العرس ربك بتمو وابدا الاستاد جمال بتمو
* ولذا كان تبرع الوالي الملياري لاكمال مظلات كردنة البيش المعروشة خيش
* عفيت منك يا والي
* تقعد تسلي وتقوم تخلي
* ولكن
* الكثير من الاهله خاف من زيارة الوالي
* ظنا منهم ان الراجل جاي يعمل مقلب
* وليهم حق لانو كديس فداسي المربيهو الوالي ماحصل دخل برج حمامهم ده والا خرج باكبر واشحم حمامه عندهم
* فطومة اعملي رجيم
* فتسارعوا للتجديد لمكسيم خوفا من كديس فداسي المربيهو الوالي
* والعقد الجديد زي العقد القديم
* البره الخط بره العقد
* والبره الخط مع مكسيم ده حصلت كتير خلاص
* قون علولو في بداية الموسم داك من دائرة السنتر بره الخط
* قون الميرغني كسلا بره الخط
*قون اتحاد ليبيا بره الخط
* قون اتحاد الجزائر بره الخط
* قون مريخ نيالا في الدوري ده بره نيالا
* قون اهلي مدني في الدوري ده باستاد الهلال بره شارع مدني
* والامثلة كتيييرة آخرها قون السماني ابو سجود من غير وضوء ده كان من بره العقد زاتو
* حارس زي ده بجددوا ليهو يافطومة قبل يكمل مدتو لو ما الخوف من كديس فداسي المربيهو الوالي
* وتبجحت فطومة اختي قالت المريخ اعاد بكري خوفا من كردنه
* هاهاهاهاها
* والله ياهو البضحك
* بكري ومحمد عبد الرحمن والسماني قلعهم الوالي من آدم
* هدايا كردنتك وغزوات كديس فداسي المربيهو الوالي هي اسباب قدوم بكري الفقري والسماني الغالي البسجد الناس بدون صلاة وبدون وضوء ومحمد عبدالرحمن الذي سيهزم نجم تونس
* وضحكتني فطومة شديد لما قالت
* حتي لا تتكرر وجعة شيبوب وابراهومة وسلمون واوكرا
* فطومة فرقي بين النفايات والنافعات
* نحن وضعنا ابراهومة واوكرا في كيس النفايات بالشطب
* فما هي فهلوة كردنة في ذلك
* ونحن الذين لحقنا سلمون عربة النفايات باشتراطنا خضوعه للكشف الطبي قبل التجديد لنا
* وهو الآن علي كنبتكم يحمد خمتكم ومستني عربة نفاياتكم تشيلو
* اما شيبوب
* اعدناه بعد ان تلب من الفندق الداسنو فيهو انتو
* وفكيناهو في شارع الله ده
* وعلي الطلاق يافطومة تدخل الاجاويد لاقناعي شخصيا يوم مهرجان استقبال اللاعبين الجدد بالمريخ وقتها
* تدخلوا لاقناعي باخبار الجماهير بقدوم شيبوب حتي امهد له دخول الاستاد لانه بالقرب من الاستاد مع الاجاويد ديل زاتهم
* طلبوا تدخلي حتي تقبل جماهير المريخ
* وعلي الطلاق كان ردي كالآتي
* لو جماهير المريخ قبلت بشيبوب لن اقبل انا
* وساقوا شيبوبهم ومشوا
* والاجاويد قاعدييييين يافطومة
* كردنة شنو البقلع من المريخ يا اختي! !!
* فطومة
* شفتي ليك كديس بختف ثعلب وارنب ويجري بيهم
* حاتشوفي قريبا
* ابقوا علي ثعلبكم وارنبكم عشرة
* الكديس هايج وحااااايم الليل كلو
* المهم
* الزيارة كان ممكن تكون نتائجها ايجابية لو الناس صفت النية
* واعجبني حديث الوالي وكردنة وتشديدهم علي اعلام وجماهير الناديين بعدم اساءة رموز الناديين
* اعجبني ذلك برغم ان المستفيد الوحيد منه هو الهلال
* فالرمز عندنا لا تحوم حوله شبهات حول حسن اخلاقة وجمال خصاله وعظمة تربيته
* ولا تحاصرة ادانات سقطت بالتقادم واخري لم تسقط وثالثة جديدة في المستقبل ودولية كمان
* برغم كل ذلك اعجبنا التوجيه لان الوسط كلما كان محترما كلما تفرغ الناس للتطوير
* المهم
* كتب روشا ان الفيفا جابت انذار للمريخ عن طريق الاتحاد السوداني
* الانذار ده جابوهوا يا روشا للمدهش بتاعكم ده ولا للمكنكش بتاعنا ده
* عشان تعرفوا التناقض
* روشا لايعترف باتحاد معتصم
* ولكن روشا يعترف باتحاد معتصم اذا تعلق الامر بانذار الفيفا للمريخ
* مابندفع قروش كوفي الا يجيب لينا الانذار الفريق المدهش ياروشا
* قال فريق قال
* والله انت ياروشا لاعندك فريق ولاعندك فريق
* فريق ميت في صفرو موته
* وفريق يقابلوهوا بالبرمودا
* المهم
* شاهدنا نجم تونس امام الترجي
* الناس ديل مابقدروا علي العقرب وجكسا
* ووسط دفاعم فيهو اتنين اب ستة
* السماني يوم التلات الا يجيب معاهو برش
* السجود حايكون جماعي
* المهم
* الحبيب البلال قال سلك بقعد جمب الدايات
* الدايات اكتر من الرايحات
* الدايات عندي فيها شهادة بحث
* انت قايلني قاعد جمبها بي شهادة وارد يا بركة ولا بي لوحات ليبية
* ايها الناس
* الشفوت يعملون ليل نهار لاجل نصر كبير يوم التلات
* واعلان ومناشدة للشفوت
* بالقلعة الحمراء من عصرا بدري يوم التلات للمشاركة في مسيرة النصر الكبيرة التي ستجوب شارع المريخ قبل المباراة
* من التادي للمحافظة لود البشير
* الشارع ده شهد جويات كتيرة
* دايرين نذكروا بيها عشان نفتش الماضي ونرجع ليهو
* كعبين البفتشوا ماضيهم ويلقوا جقر بس
* لان مخزن الماضي عندهم صفر كبير
* لذا يسكنه جقر كبيييسر
* الخوف كديس فداسي المربيهو الوالي يمشي برجكم ده ويختف جقركم يحلكم من صفركم
* لكن العزاء الكديس مدرب مابختف ساي
* المهم
* ماتقدونا بي جوهرة جوهرة
* المثل بقول
* مامهم كيف تبني المهم وين تبني
* وموقعكم ده وهمان الببني عليهو مجرد امل
* زريبة وموقف ومنطقة وحوش بلدية
* وجقووووور
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* المطرة نقطت فينا
* وفي حتات قالوا يعمينا
* حتي المطرة بقت بالمحليات يا والينا
* محليتنا لو مادفعت نقطة ماتجينا!
* من السنة الجاية قالوا المطرة دفع مقدم يا والينا
سلك كهربا
ننساك كيف والكلب قال انتوا قايلنها فوضي زي زمان المطرة تخمج من الجبل للسروراب البلد اتنظمت ماتدفع البرق مابتشوفو
والي لقاء
سلك
امسح للحصول على الرابط
بواسطة : بابكر سلك
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019