• ×
الأحد 11 أبريل 2021 | 04-10-2021
موسى مصطفى

جماهير المريخ تنفست الصعداء

موسى مصطفى

 22  0  3259
موسى مصطفى

وزعت جماهير المريخ الحلوى عقب اعلان المفوضية الولائية بوقف تنفيذ قرار ابعاد القومية لكردنة !!
عودة صلاح ادريس ستشكل خطرا على المريخ و قد تبعده على الاقل ثلاث سنوات عن الصعود الى منصات التتويج !!
الارباب الذي ابعد المريخ خمس سنوات متتالية من منصات التتويج و جعل الندية معدومة بين المريخ و الهلال عودته تعنى عودة اعوام الرمادة لديار المريخ
في وجود كردنة فاز المريخ مرتين ببطولة الدوري الممتاز مقابل بطولة واحدة لكردنة و عادت الندية بين الكبيرين!!
جماهير المريخ فرحت و هللت لقرار المفوضية وسعدت سعادة كبيرة قبل انصار الكاردينال !!
في عهد الارباب ظل الهلال يسجل لاعبين مميزين ويشكلون اضافة حقيقية للكشوفات الزرقاء بينما ركب المريخ المقالب وسجل المواسير !!
في اول موسم للكاردينال قام المريخ بتسجيل درة الهلال المدينة و الذي حول المريخ الى فريق مرعب لتعود الندية بين النادييين !!
سبق و ان كتبنا اكثر من مرة ان الارباب اداري ذكي وفطن ويعرف كيف يحقق النجاحات للهلال ويجعل المريخ وصيفا لا لان المريخ اقل قامة ولكن لان الارباب يعرف كيف يشغل اهل المريخ بمشاكلهم ويحول استقرار المريخ الى حرب و خلافات !!
الارباب لم يدخل في صراع مع المريخ ولكنه يصدر المشاكل الى مجتمع المريخ ويستفيد منها ويحقق البطولات !!
حتى ان الهلال ظل في عهده مهابا قويا على المستوى الافريقي !!
لست هنا كي امدح الارباب و لكنني اقول ان عودته خطرا على المريخ !!
متفرقات
ما يحاك من مؤامرات ضد المدير الفني للمريخ دييغو غارزيتو يشكل خطرا على المريخ
حتى ان الاخ حاتم عبد الغفار لم يسلم من تلك المؤامرات و نعتقد ان ايامه شارفت على النهاية في المريخ !!
حاتم الذي تربطه علاقة قوية بالفرنسي مهدد بفقدان منصبه بما يحاك ضده من مؤامرات تستهدف ابعاده من المريخ .
انتقل الصراع بين الاتحاد القديم بقيادة الدكتور و الاتحاد الجديد بقيادة الفريق الى الدولية !!
سافر الفريق مع فرده الى البحرين و التقطوا الصور في المنامة مع اصدقاءهم من المقيمين في البحرين !!
الاتحاد الجديد ينتظر نتيجة مباراة القمة و سيقوم بعدها بالتصعيد !!
وربما اقتحام مباني الاتحاد بعد نتيجة المباراة المقبلة !!
اخيرا جدا
بالامس واصل المريخ اعداده الجاد لمباراة القمة !
المريخ خاضا مرانا لساعتين قدم خلال محاضرة للاعبي الفريق عن كيفية اغلاق المنافذ امام مفاتيح اللعب بالهلال و قطع التواصل بينهم داخل الملعب !!
لا نريد ان نستبق الاحداث ولكن نقول اننا سنشاعهد مباراة رفيعة المستوى بين الفريقين !!
مدرب المريخ غارزيتو هو المدرب الوحيد الذي حقق الفوز على المريخ حينما كان يشرف على تدريب الهلال و فاز على الهلال حينما كان مدربا للمريخ و تعادل في مباراة !!
مباراة الجمعة هي المباراة الرابعة للفرنسي !

امسح للحصول على الرابط
بواسطة : موسى مصطفى
 22  0
التعليقات ( 22 )
الترتيب بـ
الأحدث
الأقدم
الملائم
  • #1
    الامين محمد نور 05-11-2017 09:0
    فاز الفرنسي في مباريتين و تعادل في واحدة و سيخسر القادمة لتكتمل السلسلة فوز + تعادل + خسارة .يعني القمة زرقاء نتوقعها 3 او 4 للازرق العاتي . تقبلوا النتيجة بصدر رحب . مش قلتوا انكم صفوة .
  • #3
    موسى عمر 05-10-2017 06:0
    استغفر الله العظيم
    استغفر الله العظيم
    استغفر الله العظيم
    يا زول إنت جادي
    والله حزنت لمستوى الصحفيين
    عرفت الآن البلد منتهيه ليه فى الكوره
    رحم الله عبدالمجيد عبدالرازق
  • #5
    زعيم السودان 05-10-2017 05:0
    منتظرين شنو من فريق كل رئيس بجى بتاعين سجون ومشجعين كرور وماعندهم ولا الى اى رائس بس مصالحهم وصحفين بتاعين فول بعزركم يامشجعين الله يكون فى عونكم هههههه هلال الكرور
  • #6
    منتصر الضو 05-10-2017 04:0
    هذا هو حال اعلام المريخ دجل - كذب- نفاق - وتزييف للحقائق
  • #7
    سيد الدلاقين 05-10-2017 12:0
    إنت جادي في كلامك ده؟ يعني مازعلان لرفض القرار من المفوضية؟ نعوذ بالله من تقلب وتبدل المواقف ! ده إنت ياراجل في أول يوم مع صدور قرار المحكمة طلعت تظمبر وشمتان !
    الظاهر إنو العكس هو الصحيح وروحك عاوزة تطلع من الغيظ، لأنكم يابني صهيون كنتوا عاوزين زول الحبيب تكعيب.
    بعدين غير بطولة اللقيمات بتاعة لجنة سمير شلتوا الممتاز متين؟ ههههههههه والله حالتك تحنن وتضحك في نفس الوقت
  • #8
    خال أماسى 05-10-2017 12:0
    والله سذاجة ما بعدها وكذب صريح والله جماهير المريخ وعلام وادارته جميعهم يتمنوا ذهاب الكاردينال لانو عامل ليكم رعب ورعب حقيقى تعال يارجل ورينا وزعوا الحلاوة وين امكن ننال لينا حبة حبتيين بطلوا نفاق الكلمة امانة والناس بتدفع عشان تشترى الصحف حرام تكتبوا هذا الهراء
    الله ينتقم من كل قلم يكتب لمصلحة واى قلم يكتب لارضاء الاخرين ع حساب المبادى والقيم
  • #10
    ود أمبدة 05-10-2017 12:0
    كلام مجافي الحقيقة تماما ..يبدوا إنك غير متابع الاحداث.
  • #11
    Hajjam 05-10-2017 11:0
    هههههه هاااااا. دلاقين وكذابين ومنافقين. وشر البلية ما يضحك.
  • #12
    Ana Sudani 05-10-2017 11:0
    برضو لا مكان لي صلاح باذن الله في نادي الهلال وكلامكم ده ما بسوي قيمة الحبر الانكتب بي ووداعا صلاح ولو البطولات مربوطة بيك مع الف سلامة
  • #13
    بكرى 05-10-2017 11:0
    والله خرام تكون صحفى وانت بالسطحيه دى علما ان الكاردنال فاز بالدورى مرتين 2014-2016 والمريخ فاز مرة واحدة 2016 من مكاتب الاتحاد وليس الميدان والهلال كان متصدر بفارق 5 نقاط ياخى ابذلو الحد الادنى من المجهود لتوخى الغلط وتمليك المعلومه الصحيحه للقاري المسكين وعدم الكتاب من اجل الكتابة تحرو الحقيقة وبعدها اكتبو مايحلو لكم . الهلال قبل صلاح ادريس كان مهاب افريقيا بل انجازاته قبل صلاح اكبر من عهده الهلال يالحبيب وصل نهائي الابطال مرتين قبل صلاح 87 - 92 .
  • #14
    بوكو 05-10-2017 11:0
    هكذا هم الدلاقين يتلونون كالحربا
    فهم اكثر نفاقا من اليهود
  • #15
    عبدالرحمن بابكر 05-10-2017 10:0
    هههههههههههه هههههههههههههههههههههه هههههههههههههههههههههه
    بالفعل انت مضحك ومضحك جداً
    او انك تستخف بالقراء
    او انك ساذج وسطحي
    او انك تموت غيظ وحمقاً
    او ... او ... او
    سيظل الكاردينال رئيساً للهلال بعمله وانجازاته .. وامر الجمهور .. وليس رئيس طوالي بامر الحكومة غصباً عن المغلوبين علي امرهم من بني دلقون فالكاردينال ليس كالوالي المتسلط المتخفي وراء السلطة والخائف من مجرد ذكر الانتخابات
    قال بطولتين .. قول بلجنتين وتحكيم واتحاد با ناس اسامه وسمير دهب وصلاح محمد صالح ايها المدفور .. شوف مواضيع واترك الأسياد فهي اسياد لا تنسي ذلك .. بقاء الكاردينال او ذهابه بيد ابنا الهلال وعبر صناديق الاقتراع فهمت
    قال صلاح قال.. نحن بنسميه مخرب ابليس.. قيمته من قيمة بني دلقون واقل
  • #16
    ابو بشير 05-10-2017 09:0
    سبحان الله كلام ما عندو معنا، فاز من المريخ في عهد الكاردينال مرة واحدة و عن طريق لجنة سمير و ليس بأقدام اللاعبين، استحى يا راجل فعلا اعلام سالب، الارباب اسوأ رئيس في تاريخ الهلال لم يجلب للهلال غير المشاكل و الديون
  • #18
    محمد 05-10-2017 08:0
    ياخ صحفكم كلها وجماهيركم هللت لقرار المحمكمة لكي يكون الهلال غير مستقر ،،،،كردنة حارق فشفاشكم وقاعد ليكم
  • #19
    الزيدابي - الجزيرة ام طرفة 05-10-2017 08:0
    ياسبحان الله ما هذا الهراء ايها الكاتب .. للدرجة ديه صارت مشاكل الهلال الداخلية تورقكم لهذه الدرجة .. اخي الكاتب اكتب عن التعيين المستمر في مريخك والدكتاتوريه الممارسة منذ الاربعة عشر عاما بنادي المريخ .

    سوال براي على راي اب جضوم ذلك الكاتب المتصوحف ( هل لكم القدرة والشجاعة في نادي المريخ ان تقولوا بغم على راي الاستاذ والقامة محمد كامل هل لكم من جراءة وشجاعة ان تنتقدوا الرئيس الطوالي جمال الوالي دعك من جمال هل لكم القدرة ان توجهوا اي انتقادات لذلك الصحفي والذي تسبحون له صباح مساء
    الاخوة كتاب المريخ اتركوا الهلال في شانه .. والله ثم والله خجلته ليك في عمودك واظنك كتبته من اجل الكتابة فقط
    كم انت كبير ياهلال ؟
  • #20
    عزالدين تنزانى 05-10-2017 08:0
    يا استاذ موسى /اتقى الله فيما تقول .
    لقد هللت جماهير المريخ بعد قرار المحكمة ببطلان رئاسة الكاردينال
    للهلال اما ما جاء من الفرح الهسترى لمزمل وبقية الدراويش من فرقة
    حسب الله لا يوصف ليس الا لسبب فى نفسها لانها ترى بعد ذهاب كردنه ان
    شهر العسل قد انتهى وان زريبة العيش كما كانوا يلغبونها فى السابق
    قد تصبح مثل المدينة الرياضية ينعق فى الغراب.
    فقد افاقوا من الصدمة التى اقلقت منامهم ببطلان قرار المحكمة وخاب
    سعيهم بعد ما كان ظنهم بتعيين لجنة تسيير لا بتهش ولا بتنش مثلها مثل
    لجنة التسيير التى مكثت تسعة اعوام فى قبضة الرجل الواحد الذى تعلم
    معنى الدلال والتحنيس كلما ما مكث فى داره (زعلان)ويقوم الصباح ويلقى
    ناس مزمز وسلوكة قايدين الجماهير وعيونهم تتوصل بالعودة.
    اما بخصوص الارباب وحديثك المحسوب عليك فالارباب داعم للمريخ اكثر من
    دعمه للهلال .الم يدفع مستحقات فيصل موسى حينما سجله هديه لعديله
    الم يدعم الوالى حينما ركض خلفه فى السعوديه ودعمه.
    الم يكن شريك فى تغيير اتجاه المدينة من الهلال الى المريخ ؟
    جل المريخاب ادارة واعلام وجماهير لا تريد لكردنه الاستمرار فى ادارة
    الهلال لان ما فعله الكاردينال احرق قلوبهم وحرق فشافيشهم بالطفرة
    وسلب منهم عنية واقتدار شيبوب كواى القلوب واوكرا الكوبرا والان
    قلوبهم فى ايديهم وبكورى لك صباح شارب الشاى مع كردنه يا مزمز وسلك
  • #21
    ابوياسر 05-10-2017 08:0
    هههههههههههههههههههههههاي منافق متين المريخ فاز بالدوري مرتين في وجود الكاردينال؟ واحدة وبلجنة سمير ما مزيفي الحقائق
  • #22
    alisheikh mohamed 05-10-2017 07:0
    الكذب لازمته شنو يا دلاقين انتم احتفلتم بذهاب الكاردنال وعندما خاب فألكم غيرتم موقفكم
    انتم دلاقين عزو خايفين من كردنه علي لاعبيكم
    قولوا الروب يخليكم كردنة
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019