تعالوا نضحك شوية
+ صباحاً ، الاعمدة الحمراء ، كل الاعمدة الحمراء تتحدث عن انتفاع الهلال من تأجيل لقاء القمة ، وانه خائف كيلا يفسد عليه الاحمر استعداده للقاء نصف النهائي الافريقي .
+ مساءاً المريخ يعاني الامرين ، ابوعنجة يصيح ، بلة ما تياس ، وكروجر مزنوق زي ترزي يوم الوقفة ، طبعاً عارفين الترزي في الوقفة ، زنقة ليها ضل .
+ وحده علم الدين هاشم الواعي (القراي) قرأ الحقيقية وفكفك طلاسمها .
+ علم قال ان المريخ تعبان الان وهجومه غائب و التأجيل سينزل عليه برداً وسلاماً .
+ غايتو الوالي لو في الليلة كان راجي قبض بالتقيل .
+ الفاتح النقر عمل للجماعة اشكدي في الاذين الاحمر .
+ انتو القلب فيهو اذين احمر .
+ المهم
+ الصحافة الصفراء دي احياناً لا تخلو من غشامة .
+ بسب قلة الحيلة وعدم القدرة على الاستنباط ليس الا .
+ الفهم قسم .
+ فريق هجومه مافي ، العجب اجتهد وتعب ومرق ، الشغيل مرة تصيب وعشرين تخيب والزومة صديق الكشافات لا يزال يوالي ارسال رسائل محبته الكروية للكشافات .
+ انتو الزومة ده كان في الكشافة الجوية والا شنو .
+ جنو جو وجنو كشافات .
+ وانا جني وجن اللاعب الاروش ، ده مفروض طوالي يعملوا ليهو اعتزال مبكر .
+ اعتزال بقل ما يبدأ .
+ كروجر كل مرة يصيح بلنتي بلنتي ، ابو برمودا قرب يبقى سوداني عديل .
+ آ جنى آ كروجر ، دحين داير العجب .
+ المريخ ضعيف ، ليس في الهجوم الغائب لا ، وانما في الدفاع الهلكان التعبان ، عنكبة بالغت ياخ ، انت يا عنكبة عايز تبصر متين .
+ كروجر مع تسجيل الهدف ركض زي أي مشجع متهور وما مصدق ، الالماني بالغ .
+ الله يجازي محنك يا الفاتح النقر ، بطريقتك دي بتكتل ليك مريخابي .
+ بالله الخرطوم بقى للجماعة زي اتراكو ، الا عنكبة ابى .
+ يا طمبل احترم تاريخك ياخ .
+ معقول بعد عمرك ده في الملاعب يوجهوك بالكواريك زي الناشيء .
+ مسكين راجي ما حضر زمن الوالي ، كان قعد وما قام .
+ الجماعة نهرو الحكم ، وزرزروه ، وجمهورهم عمل حركتوا ديك بتاعة زيسكو .
+ ما قلتوا الصفوة ، صفوة شنو دي .
+ بالطريقة دي حقوا الهلال ينفصل من الدوري السوداني .
+ انفصال لي انفصال ننفصل من خمج كروي زي ده .
+ راجي سواها .
+ اقول ليكم الجماعة ديل نحن ما عاوزين نلاقيهم بي فرصتين ، يقوم الزومة يمرقها على الكشافات تلف تجي عندنا .
+ اصلهم متعودين كورة طائشة وشترة ، مرة دحدوح ومرة محمد موسى .
+ دايرنهم عديل نحن ، عايزين مشاوير سادومبا وخلخلة المدينة وتوووووشك .
+ عايزين جيب من جوة .
+ غايتو محمد كمال اليوم داك بياخد اورنيك مرضي .
+ جيبو لينا المناضل اب جنسية مزدوجة .
+ نحن بنحب المناضلين والمرابطين .
+ المرابط دي من رباطيس والا شنو ، جنو شلاليت .
+المرابط ده بنجهز ليهو علاء فييرا بياخدو متكفي .
+ الصفاقسي احبط الجماعة .
+ كانو عايزنها اربعة والا خمسة .
+ اعمدتهم باظت ، وحروفهم حبطت .
+ التأجيل في مصلحة منو عليكم الله .
+ ابوعنجة بكون جاهو وجع لوز .
+ اموت واعرف سر تمسك الزومة بالكشافات .
+ كشاف اول ، بمرتبة الرواشة .
+ السنة دي الممتاز حقنا ، والجعرانية كمان .
+ هلالنا فخيم ، تاريخو سليم .
+ هلال الناس ، والديمقراطية ، والانتماء الصادق والوطنية ، الامين ، الوهيط ، الفسيح ، الما اسسوا عبد المسيح .
هتاف اخير
+ النقر خطر .
+ طمبل خلاص .
+ التأجيل ما حبابو .