* رقصة بعانخى التى أداها باسكال مع السمانى كانت رائعة
* وسر روعتها أن باسكال بن بعانخى ودالبلد الأصيل يجيدها كورة عن جده لأبيه عمك بعانخى
الكبير
* وإذا دققنا فى الرقصة نجدها عبارة عن إستعراض للفنون الشعبية فى هذا الوطن الكان شاسعاً
* فحركة الأرجل هى نفسها رقصة المطر القديمة عند أجدادنا (راجع رجلين باسكال ودعمى أثناء

الرقصة يا خالد عزالدين)
* وحركة الأيادى تشبه الى حدٍ بعيد رقصة الحصاد عند جدودنا زمان الوصونا على الوطن (

ونحنا ناسين للوصية)
* أما حركة الرأس وتحريكه أفقياً تارةً ورأسياً تارةً أخرى فهى حركة فيها تعبير عن الحقب

التاريخية للممالك السودانية القديمة
* وحلاقة باسكال ود بعانخى بتشبه الككر الذى كان يجلس عليه المبجل المانجلك
* وهو شكل لايعرفه إلا السودانيين أولاد قلب البلد القدام أمثال باسكا خشم الباب وضو القبيلة
خالد عز الدين
* وأثناء الرقصة نلاحظ للحية باسكال ترتفع وتنخفض مع حركة الرأس وفيها صنقعة
* وده بدلل على توسل جدودنا للسماء طلباً للمطر عند الزراعة
* دى وقعت ليك يا روشا ولا نعمل ليك فوتوشوب لباسكال بدون دقن يمكنيطلع عاجى
* على العموم كان بعانخى نجماً للمباراة
* من اللليلة إسمو بعانخى
* بدل نقول باسكال سودانى
* أو نقول باسكال صاحب الجنسية السودانية
* نختصر القصة ونقول بعانخى
* المهم
* بداية جيدة لإبراهيم جعفر
* أحرز هدفاً جميلاً
* وصنع هدفاً من كبرى وتمويهة تدل على أنه سيصبح لاعباً كبيراً (إذا صبر ولم يستعجل

النجومية)
* والأجمل من كده كلو إنو إبراهيم جعفر بطل لواكة الكورة وبقى يلعب من لمسه واحدة أظهرت
إمكانياته الكبيرة
* باص وخانة يا كابتن والنجومية فى القزاز
* تلوك الكورة وتأخرها وتستعرض
* المنشات بعيدة خليها النجومية
* أمير كمال فى الدفاع كان أفضل من أمير الوسط
* لأنو عاشور تقيل وأمير تقيل وبلوك الكورة كمان
* عشان كده بنلقى عاشور وأمير قاعدين زى أمراء قريش قبل الإسلام
* ما بتحركوا من محلهم
* الناس كلها تجيهم فى محلهم وتديهم الشمارات
* سيدى أكان شفت بنى النضير وكان شفت بنى قينقاع وكان شفت ناس يثرب لاعبين تمهيدى
ويمكن يصعدوا ومحتاجين لى دعمك وكان شفت اللاتى ختاهو قرض مع لعزى لمن هبل زعل وقل
نازل إنتخابات الألهة براهو ما متضامن مع اى إله تانى طالما ألهة كبار زى اللاتى والعزى
بعملوا حركات الشفع دى
* الكلام ده كلو طبعاً قبل الإسلام يجى يكاويهم ويوريهم ليهو
* لكن الخلاصة أمير فى المساك أفضل وعاشور خلف المهاجمين أفيد والرأى الصائب عند
البروف غرزة
* باص عاشور للعقرب كان جميلاً
* باص لاعب بفهم كورة
* كتل الأوف وكتل الخندقة من الدقيقة الأولى
* وجهجه الفاتح النقر
* يخندق ولا يدرن
* فى الشوط التانى قال يدرن
* أريتو كان خندق
* فكة الخندقة دقيقتين بى قونين
* لكن العقرب بالغ
* مررة يشنق الحارس لوب (التريعة)
* ومرة يشنق الحارس شوط (غينيا)
* ومرة يرمى الحارس ررررب (مكسيم)
* بالطريقة دى بتكتل ليك روشا يا عقرب
* أيها الناس
* بعانخى لعب فى المحور بمزاج سودانى رايق وفايق
* ورقص رقصة سودانية رائعة
* قال الرقصة الجايه بعرض
* وبعانخى رقااااص
* برقص بى دقنو
* موش المثل السودانى قال البرقص ما بغطى دقنو؟
* خلاص بعانخى ماسك فى مثل أجدادو ورقص ما غطى دقنو
* وإتدقنى
* على العموم كانت مباراة أثبت فيها الكثيرون أنهم ماضون فى الطريق الصحيح
* أيها الناس
* فيها أيه لو كلنا إشتركنا فى تأهيل وإكمال إستاد الجبل
* تلك المنطقة تذخر بالمواهب الدرر وبالجماهير المحبة لكرة القدم
* يستاهلو إستاد يملى العين
* واثق ان كردنة سيكون اول الداعمين
* بالذات والهلال موعود بزنقة هناك فى الدورة الثانية سيما وجبل أولياء ليست بحاجة لمستشفى

ولادة
* يلدو براهم يا كردنة
* بس ورينا سهمك فى إستاد الجبل ونلبس ليك السمك كسكته
* لكن بعانخى ما بلبس الكسكته
* قال ماها لباس سودانيين
* ده خمج كاوبويات ساكت
* باكر البطل بيرجع البلد وتلقى الكسكتات مجدعات والحصين جاريات بدون ناسن والجثث

مجدعة والشريف يشيل ويعد فى الجثث ويسجل
* والبطل ينفخ المسدس ويدخلو فى بيتو ويرجع شعرو لى ورا
* البطل البرجع شعرو لى ورا أكيد ما كردنة ولا أنا
* شوفو الناس التانيين بتعرفوا البطل
* البطل أب شعراً سبيبى وعقال يا كردنة
* لكن بعد قصة مجلس التعاون الخليجى دى كلنا بنلبس العقال
* بس الشعر البنرجعوا لى ورا نزرعو ولا نتفق مع الراجحى يزرعوا لينا ؟
* شوف الراجحى لو وافق يا كردنة قول ليهو نفرين
* قول ليهو نفرتين
* المهم نزرع
* أيها الناس
* إن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* العقال بسخن بينا
* كفاية السخانة الفينا
* دول اليورو شوفوها لينا
* شيلو اليورو إنتوا يا والينا
* ونحنا بس يأشروا لينا
* شوف تانى كان تلموا فينا
* خاص صفحة الأحمر الوهاج

سلك كهرباء

✯✯ ﻧﻨﺴﺎﻙ ﻛﻴﻒ والكلب قال وكت بقى فيها يورو النشوف لينا معهد لغة ?!!!!