• ×
السبت 15 مايو 2021 | 05-14-2021
شوربجي

انا رئيس الهلال يعني انا ما دهل

شوربجي

 37  0  2492
شوربجي


((())) نريد لقاء مكاشفه مع رئيس نادي الهلال :

وبما انك رئيس نادي الهلال وقد قلتها بصريح العبارة :

ما أنا رئيس الهلال، أنا رئيس، أنا البصدر القرار، وبتحمل تبعاتو، شوفي الرئيس، ما رئيس، ما أنا رئيس مش لعب، يعني أنا ما دهل، أنا رئيس الهلال، أنا رئيس بتاع كيان، رئيس بتاع كيان، أنا قوة قراري مهمه

فهذا يعني انك تتحمل خسارة الفريق الاخيره اما المريخ

وانك بالتأكيد غير سعيد لخروج الجماهير وهي حزينه

لذا نتمني ان تخرج علينا ايها الرئيس لتقول كلمتك الفصل

اخرج علينا لترينا كيف ستعالج المشكله الدفاعيه في الهلال

اخرج علينا لنضع حدا لتلك الرهبة التي ظلت تلازمنا في كل لقاءات الهلال

لن نقبل اطلاقا ان تطل علينا من شرفة قصرك لتقول لنا : لماذا لا تأكلوا البسكويت

وكما قالت ماري انطوانيت ملكة فرنسا

لا نريد ايها الرئيس ان نقرأ غدا في الصحف انك قد اقلت الكوكي

لا نريد ايها الرئيس ان ندور في حلقة مفرغه

نريد لقاء مصارحه تضع النقاط علي الحروف

نريد مكاشفه وجماهير الهلال

ويا حبذا لو كان ذلك في نادي الهلال

فحال الهلال يغني عن السؤال

وواهم من يظن ان الكوكي هو من اخطأ في تشكيلة الهلال

والحقيقه اننا نظلم المدربين ونظلم انفسنا

رغم ان العلة ليست تدريبيه

العله في فقدان التجانس

العله في فقدان الروح

العله في عدم وجود كابتن حقيقي للفريق

العله في تأخير بعض مستحقات اللاعبين

فمن قبل اقالت الادارة الكثير من المدربين ولم يتحسن الحال

وظلمنا لافاني حين قال الحقيقه عن حال الهلال

فالفرنسي ظل يعاني في توليفة الدفاع

ولم يصل ابدا الي التشكيلة الاساسيه

وقد تعادل الهلال في الدوري ٤ مرات

وتمت اقالته هو الآخر رغم انه مدرب بطولات

وظلت الادارة تتوهم ان الفريق ستكتمل صفوفه بشفاء ركبة جابسون

او عودة شيبوب

ولا نفع شيبوب المعطوب

ولا نفعت ركبة جابسون التي تغنينا بها طويلا

ولا نفع ابراهومه المدلل

ولا نفع اوكرا الذي حذرنا منه غارزيتو

ولا نفع شيبولا الذي اكتفي بهدف في المريخ

ولا نفع بخاري

ولا نفع الجريف

ولا نفع الدمازين

وبصراحه الفريق يحتاج الي ٨ لاعبين حقيقين

وياريتك تلغي بعض مشاريع البنيه التحتيه

فالجماهير الحزينه لا تريد اكاديميه في الوقت الحالي

والجماهير الحزينه لا تريد بيتا للاسره في الوقت الحالي

والجماهير الحزينه لا تريد مستشفي اصابات في الوقت الحالي

الجماهير تريد حاليا فريق قوي

وقد يكفيها الجوهرة بشكلها الحالي

من قبل صنع الارباب فريقا يزلزل الارض تحت اقدام الافارقه دون بني تحتيه

وكان الهلال في زمانه يخيف اعتي فرق افريقيا

رغم ان الارباب لم يبني عمودا واحد في استاد الهلال

ومازالت بعض الجماهير تتباهي بانجازاته الكرويه

والبعض يمني النفس بعودته رغم الديون التي خلفها

ايها الكاردينال لقد حباك الله مالا وفيرا والحمد لله

وكم نحن سعداء بانتهاء العقبة الماليه لنادي الهلال

فلماذا لا يكون للهلال فريقا قويا

ومتي كان الهلال بهذا الضعف والهوان امام وصيف دنيانا

متي كان فريق ودنوباي ندا للهلال

نريد اولويه قصوي واهتماما بالفريق في التسجيلات القادمه

لا نريد خداع جماهير الهلال بقصص ساماتا والاحرف من ساماتا

لا نريد هلالا يتصالح وجماهيره بمباراة في الدوري ضد فريق ضعيف

لقد وعدتنا ان ٢٠١٧ ستكون هلاليه

فهل انت علي وعدك ام ستخدعنا الكسكيته



((())) تدخل الحكومه في الشأن الرياضي خطير جدا :

رغم اننا سعيدون بذهاب هذا الاتحاد الفاشل

الا ان خوفنا يزذاد وتدخلات الحكومه في الشأن الرياضي

وماذا لو تفاجأنا بقرار خطير من الفيفا بانزال عقوبة قاسيه بايقاف السودان بسبب التدخلات الحكوميه في الشئون الرياضيه رغم اننا فرحون بمجلس يترأسه الرئيس المدهش

هذا وقد حذر النائب الأول للرئيس السوداني رئيس مجلس الوزراء بكري حسن صالح من مغبة أي تدخل من قبل الحزب الحاكم أو الدولة في انتخابات اتحاد كرة القدم السوداني اليومين القادمين.

ويسود اعتقاد جازم في الأوساط الرياضية بتدخل الحكومة في انتخابات الاتحادات الرياضية للدفع بموالين لحزب المؤتمر الوطني الحاكم للسيطره علي مفاصل الرياضه

كذلك هناك ايدي خفية تتلاعب بالقوانين الرياضيه ومشكلة تجنيس وسحب تجنيس باسكال لصالح نادي المريخ

وهذه بالتأكيد مخالفات لا تقبل بها الفيفا

ومن يدري فقد تصبح هذه القضايا وبالا علي السودان

وفي الذاكرة ايقاف الفيفا لدولة الكويت ومالي لتدخل الحكومات في حل اتحاد الكرة


((())) سؤال من فضلكم :

من هو الخبير الكروي الفاشل او الصحفي الفاشل الذي استشاره الكاردينال في الاستغناء عن بكري المدينه والشيخ موكورو ومهند الطاهر والشغيل وحتي ميدو ؟

فهؤلاء اللاعبون هم من يصنعون الفارق هناك

وبصراحة خاب الكاردينال حين استشار من هو غير كفء للاستشاره رغم ان الحديث يقول : ما خاب من استشار ولا ندم من استخار


((())) وسؤال تاني :

سفر باسكال المفاجئ الي بلاده يثير الكثير من علامات الاستفهام لان هنالك ترتيبات تجري وبطريقه سريه لاصلاح الوضع وسمكرته وطبعا اعلام المريخ يظن ان هذه الامور اسرار دوله وطبعا الناس مشغوله بمباراة القمه وانتصار المريخ وحزن الهلالاب

ولكن خالد عز الدين قد يفاجأنا في اي وقت بمستند خطير يكشف كل ما جري

ويلا يا خالدونا


محمد الحسن شوربجي
امسح للحصول على الرابط
بواسطة : شوربجي
 37  0
التعليقات ( 37 )
الترتيب بـ
الأحدث
الأقدم
الملائم
  • #1
    عماد الدين 04-11-2017 02:0
    لو عايزين حال الهلال ينصلح.. جيبو الارباب رئيس للنادى والكاردينال الممول الاول ليه؟؟ رايكم شنو
  • #2
    عماد الدين 04-11-2017 10:0
    من قبل صنع الارباب فريقا يزلزل الارض تحت اقدام الافارقه دون بني تحتيه

    وكان الهلال في زمانه يخيف اعتي فرق افريقيا

    رغم ان الارباب لم يبني عمودا واحد في استاد الهلال

    ومازالت بعض الجماهير تتباهي بانجازاته الكرويه

    والبعض يمني النفس بعودته
  • #3
    أبو احمد 04-10-2017 06:0
    حالك صعب يا بتاع الشوربة ..والضربة القاضية التي تلقيتها من زعيم البلد وكبيرها ومشرفها في المحافل الدولية جعلتك فاقد البوصلة تماما..عاشوووووووووووووووووووووور....عقرووووووووووووب..
  • #4
    عماد سعيد 04-10-2017 04:0
    بعيدا عن مبارك هلال مريخ فعلا دفاع البال نحتاج تنظيم الوسط نحتاج صانع العاب والهجوم يحتاج مهاجمين على شاكلة البلدوزر ووليد طاشين قوة سرعه مهاره والمدرب مسؤل عن تلتنظيم تلدفاعي
  • #5
    مصطفى محمد علي 04-10-2017 04:0
    صحفي فاشل ، الكاردينال المفروض يسجل صحفيين مش لاعبين ، تغير عمودك زي الحربوية كل 24 ساعه ، اقرأ آخر 3 اعمدة وحتخجل من نفسك
  • #6
    شوقي 04-10-2017 04:0
    والله حرام امثالك يكبتوا وينشر لهم
    بالله يا ادارة الموقع احترموا على الاقل المهنية وانشروا لصحفيين حقيقين مش امثال شورجي البنوم ما واعي ويصحي يكتب ليه كلام اذا راجعته من الناحيه اللغوية والانشائية كل خطا فى خطا
  • #7
    صلاح ابراهيم محمد 04-10-2017 04:0
    شيل شيلتك مع فاطمة الصادق. بس انت اركز وابقي قدرها.
  • #8
    صلاح ابراهيم محمد 04-10-2017 04:0
    شيل شيلتك مع فاطمة الصادق. بس انت اركز وابقي قدرها.
  • #9
    عماد محمد 04-10-2017 04:0
    يا حلالك ،مازلة في ضلالك القديم . الأخ سوداني من وين؟؟؟؟؟؟
  • #13
    sahir 04-10-2017 01:0
    ههههههههههه شوربه كبه الجرسه والبكاء .... الكلام دا من زمااااان الناس بتقوله ليك وانت تكاااااابر اقرأ كلامك ده مره تانيه وارجع لكلامك من اربع شهور تعرف انك زول دايش ساكت وبتاع مداهنات ومنافق ... الحاله الوصل لها الهلال سببها الرئيسى انت ومجموعتك ناس فطومه والرشيد ولن تغفر لكم جماهيره ابدا حتى ولو بديت تغير وجهتك وتجلد ذاتك
  • #14
    Hajjam 04-10-2017 12:0
    هل يتجرا احد اعلام الدلاقين ان ينتقد فريقه او يخاطب عزو بهذه الطريقة.............كم انت عظيم ياهلال...............
  • #15
    أبومحمد 04-10-2017 12:0
    (فهؤلاء اللاعبون هم من يصنعون الفارق هناك)

    هناك = المريخ ..... صعب عليك ان تقول انهم يصنعون الفارق في المريخ.

    هذه حقيقة لا ينكرها الا مكابر.

    وقطعا هذا يعني ان المريخ اعلي منكم كعبا في تقييم قدرات اللاعبين وان القرار في أستبعاد من قمتوا بتسجيلكم كان صحيحا تماما.

    طبعا انا ما جبت حاجة من عندي هذه قراءة لما بين القوسين.
  • #16
    محمد عيسى 04-10-2017 12:0
    ياهذا الروبيضة ارعوي
    عامل فيها صحفي !!!! لا كتااااااب يامستر شوربة عدس مع الفلافل
    كتابات رتيبة واحرف مهترئة وبعد دا تجد حظها من النشر مش مطالب تحرج نفسك بهذه الطريقة يا شوربتي
    النار حرقتك ولا لسه
  • #17
    تاى الله ود السارة بت الفضل 04-10-2017 11:0
    عمك شوربة فقد المنطق .. هلالو العاجبو تمومة جرتق .. مرة ينظر ومرة يهرطق .. ساعة يعوعى وساعة يهنق .. جاتو العقرب شوكه يطقطق ..
  • #18
    علي محمد 04-10-2017 11:0
    شوربة كتبت السبت وقلت السبت نعصبا لانك لاتعرف حالة عشقك ومشغول بالزعيم وقضاياهو وامس كتبت تقلل من انتصار الزعيم ومعذور لان حالتك كانت لاتسمح بالكتابة لان الغلب حار ويكوي القلوب واليوم رجعت وبعد ان افقت من الصدمة كتبت تسال عن حال الهلال وتنتقد الهلال ولكن فات الاوان عمودك ده كان اكون من زمان لانك ضيعت الوقت والمساحة التى كان بامكانك المساهمة دعم عشقك وانشغلت بالكتابة عن الزعيم المنتصر المنشرح فاحسن تحتجب
  • #19
    ابوعلي 04-10-2017 11:0
    اليوم أحسن كتبت عن هلالك عشان يتم علاج الخلل ؟ وخلي المريخ لناس المريخ خليك صحفي ماتكون ؟؟؟؟؟
  • #20
    جلابي الدوحه قطر 04-10-2017 11:0
    حراااااام والله حننتني شديد لامن الشاي وقع من يدي ...معقوله ده شوربه حبيبنا وحبيب المريخاب يصاب بالارتياب ويهاجم ولي نعمته ...لالالا مبالغه ,,,كم انت عبير يا مريخ بهدفين فقط مع الارفه والرحمه وخالي الدسم من اللحمه تم انشاء اكبر صيوان في افريقيا ( بيت بكي ) والفراش ما اترفع حتي اللحظه واكتر المغمي عيهم حتي الان صحفيو الغفله والطابالين والمنافقين والمتسلقين ...حرااااام يا بكري اليوم الراجل اعترف بيك
  • #21
    عبدالرحيم ساردية 04-10-2017 10:0
    اول مرة اشوفك واقعي وبتتكلم عن هلالك اكتر من المريح..الحمد لله انو المسمارين ديل اعادوك لوعيك قليلا
  • #22
    جعفر صالحين 04-10-2017 10:0
    أرحم نفسك شوية يا شوربة وأضحك .. والله الهلال ما جينفعك مع السكرى والضغط :ـ مسطول قالوا ليهو :ـ ليه المريخ غلب النيجيري اربعه وغلب الهلال اتنين بس ؟؟

    قال ليهم كورة الهلال دي تابعه لاتحاد الطلاب عشان كدا ركبناهم بنص القيمه
  • #24
    تونجيلا 04-10-2017 10:0
    الحقوا عمنا شوربة المخدر بداء يفك ... اولا علاج مشكلة ابو الهل قبل ما يقع الطوبة فى المعطوبة كالاتى:ـ مكاشفة رقم واحد يجب من صحافة الهلال بقيادة شوربة وحاج ادم وبقية المطبلاتية الابتعاد من الشأن المريخى والانتباه لراكوبة الخريف ...ثانيا يجب استمرارية المدرب الكوكى مهما يكون النتائج وعدم الاطاحة به بحجة كيسو فاضى... ثالثا على كردنة الاعتماد على مستشار فنى يفهم فى الكورة بدل جوز اللوز فطومة والرشيد على ... وختاما تمنياتنا العافية للكورة السودانية.
  • #25
    أبو الفاضل 04-10-2017 10:0
    الله يكملك بي عقلك اليوم مالك يا شوربة تعرف اسلوبك بقي خطير وجادي لو اسمريت علي كده صدقني تيمك بستفيد لأنك تلمست الداء.
  • #26
    محمد عبد الرحمن محمد 04-10-2017 09:0
    ولكن خالد عز الدين قد يفاجأنا في اي وقت بمستند خطير يكشف كل ما جري

    ويلا يا خالدونا حلم الجاعان عيش انت ما زي خالد ماتفتش واقنعنا
  • #27
    ودعقيده خلف 04-10-2017 09:0
    يا صفرابي خليك في مشاكل هليلك التعبان وامكم فطومه وابو كسكسته ومشكله طرد الكوكي للحارس
  • #28
    Omer 04-10-2017 09:0
    والله لولا انك خربتها في النهاية بالسؤال الثاني عن باسكال لكان عمودك اليوم 10\10 .
    عمود يخلو من المهاترات , تحدثت بشفافية عن فشل التسجيلات وتكلمت ضمنيا عن خطأ تسجيل مشاطيب المريخ من اجل المكاواة والتريقة وتحقيق كسب اداري .
    بداية العمود موفقة لان الكاردينال هو من يتحمل المسؤولية لانه هو من اعتمد علي جوز اللوز وابعد بقية الهلالاب المخلصين الشرفاء.
    المرة الجاية ياريت تكون شجاع وتضع النقاط فوق الحروف وتقول انو سبب مشاكل الهلال الرشيد وفطومة .
  • #29
    جاغوم 04-10-2017 09:0
    جبت اخرك يا شوربة ولطمت الخدود وشقيت الجيوب اول مرة يفك منك المخدر وتقول الحقيقة لكن ارجي الراجيك بس بت الله جابو ترجع من تايلند وبعدين نشوفك بتطير ولا بتجري
  • #30
    ابومحمد 04-10-2017 09:0
    ههههههههه ماقلنا ليك من زمان شوف حال فريقك المهلهل واترك ولكن لم تستبين النصح الا مع هدف العقرب وان تاتى متاخرا خيرا من ان لاتاتى... اخيرا اعترفت بانو الهليل منتهى والاعتراف بالذنب فضيله
  • #31
    Mustafa A. Osman 04-10-2017 08:0
    خليهو البكا و أبقى على كلامك القديم ما انت نفسك كنت فاكر أن الهلال سوف يهز الارض قبل مباراة المريخ. الحمد لله المريخ كشف ليكم المستور.
  • #32
    بلادي 04-10-2017 08:0
    هدفي العقرب والأدهم أصابتك في مفتل وخلاك تتحدث عن عيوب المدعوم وعرابكم الكاردينال بس ما تكون من جماعة 80%
  • #33
    مكاوي محمد علي 04-10-2017 08:0
    يا اخي ارسى لك على راي واحد انت مره مع المنشاءات ومره مع تكوين الفريق انت زمان ما قلت ناس ابراهومة واكره جابسون المعطوب ديل خيرة اللعيبه في التسجيلات وشكرته الكاردينال ده وصلتو السماء وقلت اي اعلامي ينتقد الكاردينال ده زول ما بحب الهلال بالله انت هسه فرقك شنو من اعلام ناس المؤتمر اللاوطني اختشي يا شوربة
  • #34
    مكاوي محمد علي 04-10-2017 08:0
    يا اخي ارسى لك على راي واحد انت مره مع المنشاءات ومره مع تكوين الفريق انت زمان ما قلت ناس ابراهومة واكره جابسون المعطوب ديل خيرة اللعيبه في التسجيلات وشكرته الكاردينال ده وصلتو السماء وقلت اي اعلامي ينتقد الكاردينال ده زول ما بحب الهلال بالله انت هسه فرقك شنو من اعلام ناس المؤتمر اللاوطني اختشي يا شوربة
  • #35
    إبراهيم محمد الحسن 04-10-2017 08:0
    تغير في النهج والمضمون بين ليلة وعشاها ..
    أمس ما قلت لعب الهلال ..
    ولا فكت السكرة خلاص؟ !!
    عشان تعرف انك فعلا (شوربة)ومساكين الصفراب البتكتب بإسمهم ..

    كسرة:
    غرفة المخدرات كيف؟ عاوزنها؟ شايفك ما ذكرتها في مقالك .. ههههههه
  • #36
    جعفر صالحين 04-10-2017 08:0
    لن نقول لك يا شوربة أكثر مما قال مزمل ابوالقاسم الذى تعرفه جيدا (((ضربنا المدعوم بالعدل والقسطاس، ورفعنا الكاس.. أمام كل الناس
    * بكور الولد الذوق.. راعى العشرة ورفض يعمل شقلوب.
    * العقرب سجل ولم يتعقرب!
    * سجل وما احتفل، احتراماً لفريقه السابق
    *ويبدو أن ولدنا أطهر لم يظهر بمستواه المعتاد احتراماً لفريقه القادم ))))
    وأضحك شوية .. خايفين عليك من الضغط والسكرى
  • #37
    SAYED ABDOUN 04-10-2017 08:0
    أخيراً عاد شوربجي لصوابه للنقد الأيجابي

    تستحق التحية علي مقالك

    ترتيبات باسكال يعني المريخ حكومة وزعيم البلد ودي برضوا تشكر عليها
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019