• ×
الأحد 26 سبتمبر 2021 | 09-26-2021
شوربجي

يا باسكال مفروض تلعب فالسودان للسودانيين

شوربجي

 10  0  1988
شوربجي


((())) ثلاثيه رأسيه في الفرقه العطبراويه :

ورقم قياسي جديد في الاهداف الرأسيه

وان طردتم الكوكي فستنتصر الامه الهلاليه

فالهلال هو مكسيم وكابو واطهر وعمار وكاريكا وشلش وتيتيه واوكرا وولاء ووووووووووو

والهلال هو فوزي الحريق

والهلال هو حمد كمال

والهلال هو ذلك الجمهور الرائع

وهو قدامكم متصدر باستحقاق ولا تكلمني

وثلاثيه رأسيه في الفرقه العطبراويه

وما تخافوا علي الهلال

وجاهزين يوم السبت للخبت

والهلال ممكن يشيل الدوري من حسع

والهلال ممكن يشيل الافريقيه من حسع

والهلال ممكن يضرب الوصيف من حسع

ومين يراهن من حسع

واخلاقنا رياضيه

وعطبره هلاليه

ورغم فوز الهلال ناس عطبره بيحبو الهلال

وسامحنا يا جمال حسن سعيد

وسامحنا يا زغبير

وسامحنا يا شوقي

وسامحنا يا شجرابي

وسامحنا يا أبو شنب

وسامحنا يا كمال حامد

وسامحونا يا ناس عطبره

سامحونا يا ناس الوادي والوطن والشبيبة والنسر والشاطئ

وسامحونا يا عمال السكه حديد

لمان تدفق عطبرة سيور الغضب

لمان تشابى من الورش ألسن لهب

تملأ الشوارع بالهتاف الداوي في اليوم الصعب

تتحدى في عزم مكين

تخرج جموع الكادحين

ممزوجه بى دم الزنوج الحار وبى عزم العرب

أهي عطبرة

للما سمع للقايل التاريخ كضب

أهي عطبرة

وأينما تكون شعلة نضال وولاده ماسكين الدرب

عن الكفاح لا لن نحيد

يا عطبرة النار والحديد

صوتك ملأ الآفاق هدير بيسمعوا الراح والقرب

يا عطبرة النور البشع الحاشا عننا ما إتحجب

يا عطبرة النار أم لهيب لعدوها بتسوى العجب

يا عطبرة الأم الحنون حبك على الأوطان وجب

يوم شمرتى والجرح إتوصل

سكتى في اليوم العظيم صوت العمل

سجلتا أعظم انتصار توج كفاحك في رجب

وشكرا الشاعر : هاشم حسن الطيب

و سامحونا اهل عطبره فانتم فى حضرة الهلال


((())) مريخ الاوهام وفوبيا التحكيم :

في كوستي انكشف المريخ

وهلل انصاره عشية فوزهم علي طيش الدوري بالاهداف الهديه

وشكرا حارس مرمي مريخ كوستي الداعم الاول للوصيف الواهن

ومع الرابطه شاهدنا مريخا مختلفا وكأنه تليكوم جيبوتي او تفرغ باميه

وانصب اللوم علي الحكم المسكين كالعاده

ودي عادة المريخ ومرة فوق ومره تحت

وكل من شاهد مباراة مريخ كوستي يعلم ان الكورة لم تكن في الملعب فقط

ففي مباراة مريخ كوستي لم يهاجم الفوبيون الحكم

وفي مباراة الرابطه جاتهم الحاله الفوبيه

واصيبوا بالاحباط بعد ان وضع الهلال نقاطه الغاليه في الجراب الازرق

وقال ايه الحكم ظلم الاكسبرس والغي هدفا صحيحا

والظاهر انهم في حاجة ماسه لطبيب عيون لما بهم من رمد

وهل يا تري الغت الفيفا قوانين الاوفسايد ونحن لا ندري

ام ان للمريخاب قانون تحكيمي منفرد

فلاعب الاكسبرس وبشهادة الجميع متسلل مليون في الميه

وياريت ترجعوا الي التسجيل بعد استخدام قطات العيون

او بعد عمليات ازالة حبيبات الرمد والمياه الزرقاء والبيضاء وعلاج الشبكيه والتي اصبحت يسيره في هذا الزمان

فالكرة اخوتي تسلل واضح لا يقبل الجدل

حتي وان حلف سيحه واقسم بالله انها متسلل

وبعدين لم يحتج لاعبو دفاع الاكسبرس وعادوا بهدوء الي دائرة السنتر

والمباراة انتهت والحكم صفر وتعانق الجميع في محبة

وعقد الكوكي مؤتمره الصحفي بمعية مدرب الاكسبرس

من قبل قلنا انها فوبيا التحكيم وحدها التي تؤرق مضاجع اهل المريخ

وسنسمع كثيرا عن ظلم الحكام للمريخ في افريقيا

وخاصة بعد ان يتلقي المريخ الهزائم كبار افريقيا

كذلك سنري السخط علي الحكام العرب المشهود لهم بالنزاهه بعد مهرجان الاهداف النصراويه والهلاليه والاهليه والزملكاويه

من قبل طالب المريخ بتحكيم اجنبي في احدي مباريات القمه

فأتوا بالحكم السعودي عبد الرحمن الزيد في ٨ فبراير ٢٠٠٠ وهو حكم عالمي ادار مباريات كثيره في كاس العالم

وهو حكم كبير ومشهود له بالمهنيه والنزاهه

طبعا المريخاب طلعوا ليك الحكم ده فاشل وما بيفهم حاجه

وكذلك وصفوا الحكم المصري الكبير جمال الغندور بالفاشل

واتهموا جهاد جريشه المصري كذلك

هو في النهايه مرض لا علاج له سيتفاقم في الكثير من المباريات

وهو كذلك شماعه يعلق فيها اعلام المريخ اخفاقات فريقه

ومن سيتهم من يوهم جمهوره بأن المريخ فريق كبير ورهيب غير التحكيم


((())) سؤال من فضلكم :

ما حرام عليكم ما تلعبوا باسكال السوداني ميه في الميه في مباراة الرابطه ؟

معقول تلعبوا الاجانب وما تلعبوا السودانيين اهل البلد ؟

يا باسكال مفروض تلعب فالسودان للسودانيين


محمد الحسن شوربجي
رد سريع
امسح للحصول على الرابط
بواسطة : شوربجي
 10  0
التعليقات ( 10 )
الترتيب بـ
الأحدث
الأقدم
الملائم
  • #1
    السما الأحمر 04-05-2017 08:0
    والله العظيم افسدت ذوق المشجعين وامثالك كثر في الهلال .. احسن حاجة يقفلوا نادي المريخ عشان يجيكم نوم واصلا انتو 20 في المية والمريخ 80 في المية وطبعا حاتكوت المنافسة مع الحمل الوديع وكاس الغزالة عفوا العددددالة وهم عدلا وصرفا متشابهين وثلاح سااخ يبطل سلخ والبطولة للهلال كالعادة حقيقة غث وعك كرهتونا السودان لو في بلد يقبلنا بنخلبهو ليكم وبعدها القيامة تقوم والزلزال يضربكم
  • #2
    ياسر عبد الله محمد طه 04-05-2017 02:0
    بسم الله الرحمن الرحيم
    المحترم : محمد الحسن شوربجى
    السلام عليكم ورحمة الله وبركاته
    بمشيئة الله تبارك وتعالى يظل المريخ رائد وزعيم كل اندية العالم
    المريخ فريق عالمى وليس محلى وذالك من فضل الله تبارك وتعالى علينا
    الميخ نجمة من الذهب الخالص عيار 1000 كلما طرقته او عرضته لنار اذداد وهجا والقا وبريقا ولمعانا
    والسلام عليكم ورحمة الله وبركاته
    ياسر عبد الله محمد طه
    ليبيا
    بنغازى
  • #3
    عبدالعظيم 04-05-2017 01:0
    أهو باسكال رسل الرد
    قال ما بلعب مع الفاقد التربوي زيك
  • #9
    رضوان 04-05-2017 07:0
    الهلال الذي شاهدناه أمام الأمل لا يقوى على الصمود أمام المريخ لشوط واحد إلا تنسحبوا بين الشوطين وباسكال ح يلعب يا شوربة دفاع الهلال ينضرب بباصين تلقى المهاجم في مواجهة مكسيم غايتو لو ما خايفين من رئاسة الجمهورية كان تقولو يأجلوها إلى ما بعد التكميلية لكن ما في طريقة
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019