* وااااااااااو
* هكذا يعبر المخاطب عندما يسمع رواية تسجيل باسكال من متكلم صفري شلولح بهضرب سااااي
* ونريد تناول الموضوع حتي نسمع من المتكلم الصفري عبارة
* وااااااااااا
* وله الخيار في الحرف الاخير
* ان اراده واوا يضعه
* وان اراده آخر حروب الهجاء هو حر فيما يختاره
* المهم
* تم منح باسكال الجنسية السودانية بموجب قرار السيد رئيس الجمهورية وفقا لسلطاته التي منحها له القانون
* وسلطة رئيس الجمهورية في منح الجنسية السودانية سلطة مطلقة لا قيد عليها ولا جبر عليه في ممارستها
* وكان ذلك المنح بموجب الخطاب الصادر من رئاسة الجمهورية
* لفح المريخ الخطاب و تعامل به منذ ذلك الحين
* عزيزي القارئ ركز لي في لفح دي لمن نرجع ليها
* وتسحب الجنسية السودانية الممنوحه للاجنبي بموجب المادة 11 من قانون الجنسية وبشروط محدده تنطبق علي احدي الحالات الوارده بالماده
* والسلطة ايضا لرئيس الجمهورية ولكنها مقيدة وليست مطلقه
* حيث يتقيد استعمال رئيس الجمهورية لهذه السلطة عند حدوث حاله من الحالات المنصوص عليها حصرا بالماده
* و نلاحظ ان القانون اجاز للمسحوب عنه الجنسية في هذه الحاله ان يستأنف خلال قيد زمني محدد بعد اعلانه بالقرار
* ثم بعد ذلك تكون لجنة للتحقيق في الحاله ووقتها يمكن ان يلغي حتي قرار سحب الجنسية نفسه
* و الحالات الوارده بالماده علي سبيل الحصر واضحه لا تخفيها كسكته
* وما سمعنا بباسكال تخابر مع جهات اجنبية
* ولا سمعنا بيهو حارب الدولة
* ومافي زول قال باسكال حصل علي الجنسية بالتجنس عن طريق الغش او الخداع او اخفاء واقعه مادية
* يكون يا ربي واوا اتجسس لصالح ساحل العاج بعد منحو جنسيتنا !!!!
* ولا ياربي يكون باسكال مدان في السودان في جريمة تثبت كراهيته للسودان وعدائه له
* يبقي طالما انتفت اسباب سحب الجنسية التي تم منحها بالتجنس لايوجد سبب قانوني لسحب الجنسية عن الاجنبي (سابقا ) المجنس
* واذا حدث ذلك يكون في الامر مخالفة دستورية واضحة
* واظن ان اخوتنا الاهله هم اكثر الناس تمسكا واحتراما للدستور
* تتذكروا لما رفضوا قرار شداد باشراك تلاته اجانب وقالوا سولي شريف مواطن ودستورا يحق له ممارسة لعب كرة القدم دون قيود ?
* اها ياهو ده نفس الدستور يا روشا
باسكال سوداني ولا يحق لكائن من كان ان يسحب عنه الجنسية الا بتوافر الشروط التي حددها القانون
* ومن السذاجة ان نردد بان انسان او كيان او كائن من كان قد طالب باسقاط او سحب جنسية انسان آخر
* يمكن ان يكون المريخ قد تقدم بطلب لتجنيس لاعب آخر تأسيسا علي انهاء عقده مع اللاعب المجنس
* ولكن ليس تبديلا للجنسية الممنوحه له باخري للاعب الجديد
* ايها الناس
* حتي في حالة الخطا في الاسم
* فان هناك اجراءات حددها القانون وتمارسها المحاكم لتصحيح الاوضاع
* منها الاشهاد بان الاسمان لمسمي واحد
* سيرجي باسكال هو نفسه سيرجيو باسكال
* ويشتغل قرار المنح بسيرجيو باسكال
* ويشتغل جوازو العاجي بسيرجي باسكال
* وهذا اسهل من تصحيح الاسم في خطاب المنح المسبق
* ايها الناس
* تعالوا نستعرض الخطابات المنشورة والمتداولة المتعلقه بسحب جنسية باسكال
* اولا شوفوا الرقم بتاع الخطاب
* النمرة ق / 67 / ب/ 1
* من الله خلقكم قابلكم رقم خطاب شرطه ببدا بالحرف (ق )
* من زمن الشرطة اسمها العسس وبتشيل الهراوات ما سمعنا بي (ق) في نمرة خطابها
* القانون يقول سحب الجنسية و الخطاب معنون ( اسقاط )
* شرطة تستعمل من الكلمات ما يختلف مع المسميات القانونية دي ماشفناها
* الخطاب المعنون للسيد وكيل وزارة الخارجية بالرقم ق / 67 /ب /1 تاريخه واضح وهو
2014/1/7
* وباسكال لاعب في المريخ كوطني حتي ديسمبر 2014
* دي يفهموها كيف يا حسين !!!
* سحبوا جنسية باسكال ولعب بعدها سنة كاملة كوطني ?
* وفي نفس الخطاب ورد ان تاريخ الحظر في شهر واحد الفين وخمسطاشر
* خطاب شهر واحد الفين واربعطاشر يحوي تاريخ حظر ناس في شهر واحد الفين وخمسطاشر
* جنس مسخره غايتو
* وورد في خطاب رد وزارة الخارجية (المفتري عليها ) علي وزارة الداخلية (التي لا اعتقد انها صاغت ذلك الخطاب الركيك ) ورد فيه ردا علي خطابكم بالرقم ق/ 67/ ب/1 بتاريخ 2014/12/29
* بقدرة قادر تحول تاريخ خطاب وزارة الداخليه من 2014/1/7 الي 2014/12/29
* اعتقد ان في الامر هرطقة فارغه سببها فايروس اشراك الطاهر الحاج المطرود عصر في مباراة وادي نيالا
* وعلي الاتحاد ان يعطي وادي نيالا نقاطو
* وعلي هلال كادوقلي ان لاينخدع تاني و يسمع كلام المرجفين
* وعلي ناس روشا يدونا عجاج كرعينهم
* ايها الناس
* منح باسكال الجنسية في 2011 بموجب خطاب رئيس الجمهورية
* وبعدها كان بإمكاننا المضي قدما في تكملة الاجراءات و استخراج الرقم الوطني والجواز
* ولفحنا الخطاب وجرينا
* عرفتوا لي فوق قلت ليكم اتذكروا لي لفحنا دي
* ده شغل مكتب تنفيذي
* كان اغنانا عن الحاصل ده كلو
* معقولة زول يمنح جنسية ويقعد معاك تلاته سنين ورقم وطني ماتكملو ليهو ?
* مثل هذا التقصير و الاهمال يجبرنا علي اجترار مواقف المكتب التنفيذي علي شاكلة عقد شيبوب الذي ارسلت الشكوي التي تستند عليه بدونه
* ولا يفوت علي الخاطر رحلة العلمة والغاء الحجوزات
* اظن اني محق اذا اسميته البوكلين التنفيذي
* اكبر حفار في العالم
* ولنا ان نسأل عن الوظائف التي اعلن عنها المريخ ومن بينها مدير تنفيذي
* والناس قدمت وارفقت مستنداتها
* ولكن اظن ان سيرة الوظائف دي البوكلين التنفيذي حفر ليها ومسكها عرق الدهب
* ايها الناس
* من 2010 تغير الاسم الي ادارة السجل المدني
* فكيف في 2014 يكون الاسم ادارة الجوازات والهجرة و الجنسية
* محاسن اديتيهم شنو الناس ديل ?
* ايها الناس
* ان تنصروا الله ينصركم
* اها
* نجي لي شمارات والي الخرتوم
* والينا
* اذا صحت خطابات الداخلية والخارجية المنشورة لينا
* يبقي وووووووب علينا
سلك كهربا
ننساك كيف والكلب قال خطابات الحب مابتكون في متناول اليد كده ..برضو الجقر ياربي ?
والي لقاء
سلك