• ×
السبت 31 يوليو 2021 | 07-30-2021
محمد عثمان الجعلي

صاحب السيادة ومقعد الريادة

محمد عثمان الجعلي

 10  0  2901
محمد عثمان الجعلي


من أراد أن يتزود بمعلومات رياضية عن الرياضة السودانية عن طريق الإنترنيت ( واطاته أصبحت ) لأن إتحاد الفشل العام لا يكلف نفسه عناء تحديث المعلومات ربما ( لضيق ذات اليد ) وذلك عذر الإتحاد عندما يلام على نتائج الخيبة التي تحرزها منتخبات الوطن ، والغريبة أن تحديث البيانات في موقع كوورة الإلكتروني لا يكلف موظف صغير في الإتحاد أكثر من نصف ساعة ، تخيلوا حتى هذه اللحظة مباراة الهلال وأهلى عطبرة مبرمجة يوم 25 مارس !! رغم أن الإتحاد أجلها حتى يوم الخميس 31 مارس وكذا الحال بالنسبة لمباراة المريخ والرابطة كوستي وبقية مباريات الدوري ، أما مشكلة تحديث البيانات أول بأول بالنسبة للإتحاد ( دونها خرط القتاد ) وشجر القتاد هو الهشاب وإزالة شوكه باليد من الصعوبة بمكان ، أما مباراة الأمل والهلال في الثالث من أبريل والمريخ والرابطة أيضاً في نفس اليوم والهلال يلعب بالجوهرة والمريخ في كوستي وكما قال كابتن الهلال في العهد الذهبي جكسا ( العندو فريق عاجبو يمشي يجربو في كوستي ) عشان كدة مافي حل للجيران إلا يهاجموا التحكيم من هسه عشان يضمنوا نقاط كوستي لأن اللعب بشرف أمام قمة كوستي يعني التعادل أو الخسارة بهدف على أقل تقدير ، يلا يا أبوشيبة ( لوك لبانة التحكيم يستهدف الزعيم ) ، والصدارة إن شاء الله يوم الخميس زرقاء ( والداير يتألق يلبس أزرق ) وسوف تعود الريادة لصاحب الجناب العالي لأنها تشبه سيد البلد ، إشتهينا المتعة الحلال واللعب النظيف ناس واوا لما يلعبوا إلا تكون قدامنا ليمونة ، لكن في ناس بتكيفوا ليهم !! سبحان الله !! حب الناس مذاهب ، لعب المريخ زي أكل ( الكول ) بجانب شية الهلال ، مشكوور المدفور عطل لينا أسود الجبال لكن فرسان كادوقلي رافعين شكوى في باسكال لأنه مجهول الهوية منذ عام 2015 وسبق لإتحاد اللقيمات الكسيح أن منح المريخ نقاط هلال كادوقلي عندما طعن في اللاعب توك تونج كما سبق للمريخ أن طعن من قبل عام 2013 في لاعب هلال كادوقلي معاذ هارون وقالوا إن بيانات الجنسية تختلف عن بيانات الجواز وأن اللاعب من مواليد أفريقيا الوسطى والآن ماذا يفعل إتحاد الفشل العام هل يميل للحق أم يواصل مسلسل إنحيازه الأحمر حتى وهو يلفظ أنفاسه ، طبعاً نحن من مصلحتنا تعطيل المتصدر لكننا نرفض الأنانية ونظرية ميكافيلي ( الغاية تبرر الوسيلة ) عشان كدة نقول للإتحاد ... إعدل ... وكلكم راع وكلكم مسئول عن رعيته ، ولله در القائل
*** حتى متى لا نرى عدلاً نسر به ... ونرى لولاة الحق أعوانا
*** مستمسكين بحق قائمين به ... إذا تلون أهل الحق ألوانا
*** يا للرجال لداء لا دواء له ... وقائد ذي عمى يقتاد عميانا
وكما تقول الحكمة من عفً عن ظلم العباد تورعاً ...جاءته ألطاف الإله تبرعاً .
*** هلال الأبيض المتفاني ومباراة الموانئ
لماذا يحبس إعلامنا الرياضي نفسه في سجن هلال مريخ فقط أليس هلال الأبيض يمثل الوطن في الكونفدرالية لماذا لا نساعده ولو بمعلومة بسيطة عن خصمه الغامبي بورت أوثيرتي ( سلطات الموانئ ) والغريب في الأمر أن المدرب إبراهومة قال أن الخصم بالنسبة له بطيخة مقفولة !! ... الكلام دا عيب في زمن الإنترنيت يا إبراهومة ... مفروض تتحصل على ( سيديهات ) عن مباريات هذا الفريق على الأقل التي لعبها في الأبطال هذا العام وقد تأسس عام 1973 وخرج على يد فريق فيتا كلوب حيث عادل بأرضه بهدف أحرزه ألاجي سار وخسر في الكنغو بثنائية ومن أبرز نجومه المدافع بوجانج ماندو والمهاجم حطاب بادجى ( أساميهم زي أسامي الدينكا ) ومباراة الذهاب في غامبيا يوم الأحد التاسع من أبريل والرد بعد إسبوع 16 أبريل بملعب شيكان ومادام الحسم في كردفان يجب على أخوان مهند والشغيل الحسم من ( قولة تيت ) وهلال التبلدي حجز مقعده بين الكبار وبإذن الله يسير في درب الإنتصار والفريق يعج بالنجوم الخبرة ويقف معهم بعد عون الله تعالى الوالي الناجح مولانا أحمد هارون وسيروا وعين الله ترعاكم .
*** رسائل غنائية رياضية من الفنان عثمان حسين
نريد أن نرسل 4 رسائل غنائية رياضية من أغنية ( مسامحك ياحبيبي ) كلمات السر دوليب غناء عثمان حسين والرسالة الأولى من رئيس الهلال أشرف الكاردينال وهو يخاطب شقيقه صلاح إدريس بأن حب الهلال هو الجامع بينهما وأن الأقمار لا يعرفون الحقد والنية بيضاء والصراع حول قيادة الهلال ظاهرة صحية في هلال الديمقراطية ومهما حصل فحبل الود ممدود وأمل اللقاء موجود وتقول الرسالة
*** مسامحك ياحبيبي مهما قسيت عليً ... قلبك عارفو أبيض وكلك حسن نية ... وماخطرت بقلبي سلوى تحيدو عنك ... ماممكن أعاتبك وياخد خاطري منك ...أنا عارف خصامك وغضبك في كلامك ... مامن جوة قلبك كلو على لسانك ، والرسالة التانية من نجم الهلال كاريكا العائد بقوة وينفي بالعمل ماقيل عن خلافه مع الإدارة وأن حبه للهلال زاد أكتر وأكتر وتقول الرسالة *** ظلموني القالوا عني غيرني البعاد ... وحياة نور جمالك زاد البيّا ... زاد ... أصبح شوقي أكتر ... وحبك عندي أكبر ... وأملي الفي هواك نامي ولسه أخضر ، والرسالة التالتة من أندية سيكافا وهي تشتاق للمريخ رفيق دربها ( الذي عمل خيانة ) ووصل دوري المجموعات وهي تنتظر عودته سالماً وتقول الرسالة *** أسأل عني طيفك وذكراك هم شهود ... ياما إشتقت ليكا ورجيتك لو تعود ... وحشتني الإبتسامة وعيونك بي كلامة ... تداري في إشتياقة وتفضح في غرامة ، والرسالة الأخيرة من فاروق جبرة وهو يخاطب فريق المريخ ويستعد للرحيل بعد صراعه من أنطونيو وإنحياز غارزيتو لصف ولده ويقول فاروق إن المريخ سوف يطلب خدماته وقت الحوجة وأنه لن يتغير مهما جار عليه المريخ وظلمه وتقول الرسالة الأخيرة *** سيان عندي عدلك أو جورك علي ّ ... تكابر أو تداري حبك باقي ليّ ... بترجع ليّ تاني وتسأل عن مكاني ... تجدني زي ماكنت زايد في حناني ، معليش يافاروق مادوامة .
*** همسة الوداع
حبايبنا الحلوين وصولهم لمجموعات الأبطال مفروض يعملوا ليه عيد ميلاد لأنه ظاهرة نادرة الحدوث ، لكن تعالوا شوفوا غزة الكوع الفوق الجوع ... وصرة العين الفوق الدين ، العجوز أب قفة قال يتمني في مجموعته صن داونز والهلال وسانت جورج الأثيوبي مع العلم أن المريخ ضيف جديد على عتاولة المجموعات ناس الهلال والأهلى والترجي ومازيمبي ، لكن الضيف طبعه شين !! وبهذه المناسبة نهمس في أذن الإعلام الأحمر إنتوا عجوزكم دا الضيف العارف الكنش ولاّ شنو ؟ مجرد سؤال .
امسح للحصول على الرابط
بواسطة : محمد عثمان الجعلي
 10  0
التعليقات ( 10 )
الترتيب بـ
الأحدث
الأقدم
الملائم
  • #1
    ابوحسن 03-28-2017 10:0
    لك التحية استاذنا الجعلي كلامك جميل وظريف وواقعي مافي مشابة ابوالهل هو سيد البلد بشهادة العرب وافريقيا والعالم والكل بيعرف الهلال السوداني وصاح المريخ هو الوصيف الهلالي التاريخ بقول كدا والواقع *
  • #2
    الامين عبدالقادر 03-27-2017 06:0
    التحية والسلام اخوى الجعلى والتحية لكل الهلالاب على امتداد المعمورة ونتمنى ان يكون هذا العام عام الانتصارات الزرقاء والتتويج بالاميرة السمراء --
    الحديث هذه الايام عن جنسية باسكال والخطأ الجسيم الذى ارتكبه المريخ والان رئيسة بيقول من حقنا الاستئناف لان الداخلية لم تخطرنا بسحب الجنسية ؟؟ رد اقبح من الذنب معقولة الداخلية تخاطب نادى سلم الجنسية لماذا ؟؟
    وننتظر سمكرة اتحاد السجم العام كالعادة فى مثل ذلك ليخرج مع الجماعة ولكنها قاصمة الظهر للمريخ والاتحاد معا !!!
    لاترجع لنا لصلاح ادريس ونحن نعيش فى استقرار فنى وادارى ماعاوزين وجع راس وفلقة دماغ وغنى بعيد يا كابتن !!!1

    111 اللون الاحمر باهى فى تعليقات اخوان ود عقيدة وهذا ما يحتاجة الموقع تماما
    ودمتم للوطن والهلال فى حفظ الرحمن ورعايته
  • #3
    فيصل الاقرع 03-27-2017 12:0
    سلام جعلينا اليوم التعليقات مريخاب ساااااي السماء الاحمر والبشري وحبيبنا ود عقيده الرحيق خطير اولع النار للسماء الاحمر هع عافي منك وبلوحة الشرف دي يا خلف الله تمهيدي ومستوي تالت
  • #4
    منعم ابوناصر 03-27-2017 10:0
    كلامك سخيف واسلوبك هابط ذى شكلك وذى وصيفك الذى جاب بطوله على جثة صحفى هذه اساليبكم وهذه طريقتكم كما هو اسلوبك الركيك ياصحفى يامصدى يامتخفى بالسماء الاحمر لو عندك شخصيه اظهر لكن دوما هذه اساليبكم من اتحاد اللقيمات وحتى اتحاد سيكافا اساليب رخيصه وشراء ذمم والدليل كاس المكاتب وكاس سيكافا 000ياخى استحى رجل جاب كلمات رصينه من شاعر كبيرواداء فنان قامه تقوم انت تقول صعب صعب اغانى هابطه ذى شكلكم وذى ركاكة كلامك 00افترح عليك اتحول هذه الكلمات الركيكه الى زميلك هيثم كابو عشان هو مختص فى الاغانى الهابطه ومن برددن الاغانى
  • #5
    ابو حازم 03-27-2017 08:0
    نحييك ياجعلينا وانت تمجد في سيد البلد وسيد اندية عموم البلد، هو الهلال ولا شئ غيره.
    هلالك هل واتجل وسيزيد تجليا في مقبل المباريات الافريقية والوصول الى التتويج، بس الجيران يساعدونا بالسكات والموية الباردة.
    وتحياتي
  • #6
    السما الأحمر 03-26-2017 10:0
    اقعد خفف في دمك كدا لما تقع الفاس في الراس وترجع مكسوف كما تعودت وخليك في الغزل الكاذب ههههه سيادة شنو الوهم في راس الرشاشات والله دي احلام ظلوط ان صح التعبير وبعدين المريخ دا زي الشمس ما بتقدر تحجب نورها مهما عملت وسيكافا البتتهكم بيها دي عشرين سنة ما قدرت تفوز بيها وتفكوا عقدة الدونية صحيح رشاشات معقدين يهرفوا بما لا يفهموا وانتظر بداية المجموعات والسنة دي ما في سمكرة ولجنة حكام مجدي استقال ابا الدعم السريع من صلاح صالح وانت منتظر كوستي وسيطول انتظارك والصدارة بعرق الناس ما حلال وطبعا نسيت نقطة التبلدي الهدية ودعم من اب شنب والاغنية التالية هدية ليك ..صعب صعب يا جعلي من غير شنب اصلوا النقاط يا علي ما ساهلات يا ...
  • #7
    السما الأحمر 03-26-2017 10:0
    اقعد خفف في دمك كدا لما تقع الفاس في الراس وترجع مكسوف كما تعودت وخليك في الغزل الكاذب ههههه سيادة شنو الوهم في راس الرشاشات والله دي احلام ظلوط ان صح التعبير وبعدين المريخ دا زي الشمس ما بتقدر تحجب نورها مهما عملت وسيكافا البتتهكم بيها دي عشرين سنة ما قدرت تفوز بيها وتفكوا عقدة الدونية صحيح رشاشات معقدين يهرفوا بما لا يفهموا وانتظر بداية المجموعات والسنة دي ما في سمكرة ولجنة حكام مجدي استقال ابا الدعم السريع من صلاح صالح وانت منتظر كوستي وسيطول انتظارك والصدارة بعرق الناس ما حلال وطبعا نسيت نقطة التبلدي الهدية ودعم من اب شنب والاغنية التالية هدية ليك ..صعب صعب يا جعلي من غير شنب اصلوا النقاط يا علي ما ساهلات يا ...
  • #8
    ودعقيده خلف 03-26-2017 05:0
    استاذ لك التحيه دوما لاتفرح كثير الغريغ لسع قدام يا مرتشي اليكم انجازات الفرق التي تاهلت لمجموعات الابطال بالكاف نالت كاسات الكاف حسب لوح الشرف الافريقي وهي علي النحو التالي اولا الاهلي القاهري 8ابطال 4 كاس الكؤؤس او الاتحاد الافريقي او الكونفدراليه الزمالك 5 ابطال وواحد كاس الكؤؤس النجم الساحلي التونسي واحد ابطال وواحد كؤؤس وواحد كونفدراليه صن داونز الجنوب افريقي واحد ابطال الترجي التونسي واحد ابطال 2كاس الكؤؤس الوداد المغربي واحد ابطال واحد كاس الكؤؤس المريخ السوداني زعيم البلد واحد كاس الكؤؤس اتحاد الجزائر صفر ابطال صفر كؤؤس القطن الكامروني صفر ابطال صفر كؤؤس فيتا كلوب الكنقولي صفر ابطال صفر كؤؤس اهلي طرابلس الليبي صفر ابطال صفر كؤؤس الهلال السوداني صفر ساااااي يا زول صفافيرك تعبر عن حمامك وطيرك الهلال السوداني صفر ابطال صفر كؤؤس صفر اتحاد صفر كونفدراليه صفر سيكافا صفر يازول الهلال محل ما تهبش يصفر تسعين سنه يصفر استاذ الجعلي هللالك داء كلو يصفر عربيه مطافئ ولا أسعاف يا كافئ البلا
  • #9
    ودعقيده خلف 03-26-2017 05:0
    استاذ لك التحيه دوما لاتفرح كثير الغريغ لسع قدام يا مرتشي اليكم انجازات الفرق التي تاهلت لمجموعات الابطال بالكاف نالت كاسات الكاف حسب لوح الشرف الافريقي وهي علي النحو التالي اولا الاهلي القاهري 8ابطال 4 كاس الكؤؤس او الاتحاد الافريقي او الكونفدراليه الزمالك 5 ابطال وواحد كاس الكؤؤس النجم الساحلي التونسي واحد ابطال وواحد كؤؤس وواحد كونفدراليه صن داونز الجنوب افريقي واحد ابطال الترجي التونسي واحد ابطال 2كاس الكؤؤس الوداد المغربي واحد ابطال واحد كاس الكؤؤس المريخ السوداني زعيم البلد واحد كاس الكؤؤس اتحاد الجزائر صفر ابطال صفر كؤؤس القطن الكامروني صفر ابطال صفر كؤؤس فيتا كلوب الكنقولي صفر ابطال صفر كؤؤس اهلي طرابلس الليبي صفر ابطال صفر كؤؤس الهلال السوداني صفر ساااااي يا زول صفافيرك تعبر عن حمامك وطيرك الهلال السوداني صفر ابطال صفر كؤؤس صفر اتحاد صفر كونفدراليه صفر سيكافا صفر يازول الهلال محل ما تهبش يصفر تسعين سنه يصفر استاذ الجعلي هللالك داء كلو يصفر عربيه مطافئ ولا أسعاف يا كافئ البلا
  • #10
    البشرى السيدالامين 03-26-2017 05:0
    مريخنا عاملكم الكي والقرض النيي ياهلالاب انتم كبار ايش عندكم ياكبار لمن كنتم بتخلوا الابطال بالحكام وشهد اصحاب التحكيم فضيحة كانت بجلاجل وعلى الهواء مباشرة اتقارن الصفراب مع الزعيم المشرف الكرة السودانية
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019