عدنا بعد الراحة التي منحها المعلم
عدنا للتنافس المحلي ولكن هذه المرة علي كأس السودان
عدنا اكثر استقرارا ومحبة وثقة
معنوياتنا في السماء بفضل الله و برغم شكوي الريفرز للمريخ في قانونية مشاركة بكري المدينة
وللحقيقة اخاف من قبول الشكوي
وبالتالي اعلان اقصاء المريخ عن المجموعات
لان شكوي ريفرز قوية
صاغها محام فرنسي ضليع
وارتكز فيها علي حقيقة لا اظن ان المريخ يستطيع مقارعتها
ارتكزت شكوي ريفرز للمريخ حول عدم قانونية مشاركة بكري المدينة
وكانت الاسباب تقوم علي عدم صحة تسجيل المدينة في كشف المريخ ابتداءا (دي غلطة مجلسنا في الزمن داك )
وعللوا ذلك بان الشرط الاول للتسجيل سواء للوطنيين او الاجانب هو بني آدمية اللاعب
وان بكري المدينة ثبت انه ما بني آدم
فهذا القدرات تفوق قدرات اولاد آدم جميعا
دي ما قدرات بشر طبيعي
وليست بقدرات سكان الارض
الزول ده مخلوق من كوكب تاني
مخلوقات ومخاليق الكواكب التانية الفيفا لاتقر بمشاركتهم في نشاط كرة القدم في العالم
عشان كده يبقي تسجيلو ماصحيح
اضف الي ذلك انه يهدد المدافعين بالموت المفاجيء نتيجة الهبوط الحاد او قطع النفس في حالة محاولة المدافع سك بكري المدينة
عشان كده الناس ديل بكسبوا شكوتهم ويطيرونا من المجموعات
المهم
في المجموعات قد تقدم ضدنا شكاوي عديده
السماني ده زاتو ما ظنيتو من الارض دي
الارض تجيب زي ناس بويا تجيب زي ناس الطاهر الحاج وزي ناس شعفوف ولا اسمو منو الاحتياطي القدام داك وتجيب ناس حالتهم شلش ساي
لكن زي السماني ده بكون من كوكب تاني
السماني عليك الله
من كوكب تاني عليك الله
ايها الناس
غدا الاحد اشبالنا يقابلون اولاد الجماعة
كي تكتمل المتعة وتنعدل الصورة حضورنا كلنا في غاية الاهمية
تعالوا شوفوا الفرق الحقيقي بين الاتنين
تعالوا لتطمئنوا علي مريخ باكر
الجماعة دايرنها تتأجل
ونحنا دايرين الاحد يجي سريع ويستعجل
لازم يعرفوا حاجة
وكلنا حضورا مبكرا
المهم
يحفظ التاريخ تجليات لا ينساها اطلاقا
من اشهرها تجلي القمر في ليلة ١٥ عربي
وتجلية عمار الدمازين بموريسشيوص
فعندما يتجلي القمر لا ينافسه الا الدمازين لما يجلي
وتصريج بويا لا ينافس تجلية الدمازين ولو صرجت ودخلت غرفة المخدرات
المهم
الاهلي والزمالك اتفقو ولا لسه مختلفين ؟
الفراعنة ديل في الاربعطاشر فريق الدخلن المجموعات ما ضامنين حمام غيركم يافطومة يا اختي ؟
ولا سانت جورج ما حمام زيكم
حقو الكاف يفتح البرج عشان الحمام يطير و تقعد الاتيام
ووقتها حايختلف الاهلي مع الزمالك برضو
الاتنين حايقولوا مادايرين المريخ في مجموعتنا
حايقول الاهلي المريخ المدينة طب ليه انا عملت ايه ؟
انا خاف من نمل يطلعلي عقرب يا خراشي
اما الزمالك لو وقع مع المريخ في مجموعتو حايقول
ايه ده ؟ مين العمل القرعة ديت ؟ مستأصدني يعني ولا مستأصدني ؟ العقرب ? كان مستخبيلنا فين ده كلو ؟
أأول لكم حاجة ؟
حلايب سودانية بس اعفوني من مجموعة فيها عقارب وكهارب ؟
يا عمي ده انا غلبان
ايها الناس
اليكم انجازات الفرق التي تأهلت لمجموعات الابطال بالكاف ونالت كاسات الكاف حسب لوح الشرف الافريقي
وهي علي النحو التالي
الاهلي القاهري ٨ ابطال ٤ كأس الكؤوس او الاتحاد الافريقي او الكونفدرالية
الزمالك المصري ٥ ابطال وواحد كأس الكؤوس
النجم الساحلي التونسي واحد ابطال وواحد كؤوس وواحد كونفدرالية
صن داونز الجنوب افريقي،واحد ابطال
الترجي التونسي،واحد ابطال اتنين كأس الكؤوس
الوداد المغربي واحد ابطال واحد كأس الكؤوس
المريخ السوداني واحد كأس الكؤوس
اتحاد العاصمة الجزائري صفر ابطال صفر كؤوس
القطن الكاميروني صفر ابطال صفر كؤوس
فيتا كلوب الكنغولي صفر ابطال صفر كؤوس
اهلي طرابلس الليبي صفر ابطال صفر كؤوس
سانت جورج الاثيوبي صفر ابطال صفر كؤوس
زناكوا وكابس يونايتد وفيروفيارو التلاته صفر ابطال صفر كؤوس
الهلال السوداني صفر ساااااي يا زول
صفافيرك تعبر عن حمامك وطيرك
الهلال السوداني صفر ابطال صفر كؤوس صفر اتحاد صفر كونفدرالية صفر سيكافا
صفر يا زول
الهلال محل ماتهبش يصفر
تسعين سنة بصفر
عربية مطافي يا كافي البلا ؟
ده تاريخ وانجاز الفرق المتأهلة لدور مجموعات ابطال الكاف
لو شلنا الهلال بره و دخلنا بدلو ولد طايع او زينة من موريتانيا او دخلنا بدلو الزوبعة او القطن من تشاد او دخلنا بدلو بيت المال او الاحرار من السودان او شلناهو ومادخلنا بدلو زول فان الحال لن يتغير
يطلع صفر ويدخل صفر نفس الحال بالاصفر قيمة ما اسم ولذا لو شلنا الهلال ومادخلنا بدلو فريق فان مجموع الانجازات الافريقية للفرق،الدخلت دور مجموعات الابطال لن ينقص انجازا علي الاطلاق
فاي قيمة لما تشيل منها صفر لايضيرها شئ
ومع ملاحظة ان عدد الانجازات الخاصة اليها فرق،المجموعات كما موضح اعلاه عددها تمنية وعشرين انجاز
شيل الهلال بره واجمع الانجازات تلقاها برضو تمنية وعشرين انجاز
لكن لو شلت المريخ مثلا
ستجد ان عدد الانحازات نقص الي سبعة وعشرين
واذا سألت الترجي مثلا يصبح عدد الانجازات خمسة وعشرين
يمكن رياضياتنا ضعيفه
شيل الهلال بره واجمع الانجازات التمنية وعشرين يا روشا شوفها كم ؟
يمكن بي حساباتكم بتنقص
انا غايتو خايف باخراج الهلال التسعه وعشرين انجاز يزيدن
فطومة خليكم مع المظلة تظلكم من هجير صفركم ده
لكن انجاز افريقي،ده شعرا ما عندكم ليهو رقبة
ايها الناس
ان تنصروا الله ينصركم
اها
نجي لي،شمارات والي الخرتوم
والينا
ليه يعني للباعوض مخلينا ؟
غلبك ولا فترت ولا محافظنا ماشغال بينا ؟
شارع العرضه يا والينا
المجري الموازي للبيوت وطالي علينا
طول السنة مليان موية لي هنا
والباعوض يخطب ويعرس ويلد ويزغرد فينا
سلك كهربا
ننساك كيف والكلب قال بلد ده الباعوض بطلع رقم وطني
والي لقاء
سلك
وهل يجوز ان نطلق على هذا الهراء بعامود رياضى؟
وهل بيسمح له بالجلوس مع مقامات الصحافة الرياضية من امثال محمد كامل سعيد وياسر عايس والنعمان حسن ؟
والله لا اعتقد لان مثل هذا الصعلوك المدعو سلك لايهدف الا لزع الفتنة وتثبيت فكر التعصعب ولانفلات الرياضى نسأل الله ان يكفينا شر هولاء اذا كانت ( سخافة ) حمراء او زرقاء
الرجاء الإلتزام بشرف الكلمة والبعد عن الإستخفاف بالآخرين وعدم التجريح