• ×
الجمعة 18 يونيو 2021 | 06-18-2021
بابكر سلك

الراجل الحمش فوق الجمر بمش

بابكر سلك

 4  0  7808
بابكر سلك




*شفوت من كل فج عميق اتوا لمناصرة الزعيم لذا انتصرنا
*من ارض المحنة ومن قلب الجزيرة كانت رابطة مدني حضورا
*من كسلا الوريفة
*من دويم العلم وبخت الرضا
*من الدمازين الصامدة
*اولاد المك من شندي
*فاشر السلطان ونيالا الجمال *ناس بورتسودان كالعادة
*والقطينة ومن كادوقلي واولاد الشمالية جت عليهم
*من كل فج عميق ينبع بحب المريخ اتوا
*لذا كان التاهل الجميل
*حققنا المستحيل يا فطومة اختي
*فطومة قالت اربعة مستحيلة
*عشان تعرفي لامستحيل في عالم المريخ
*المستحيل دا عندكم
*اربعة اهداف وحالتنا ماعندنا غرفة مخدرات
*يعني لو عندنا غرفة مخدرات كان فتحنا خيال وبعد الحكم وصل الفندق جبنا قونين
*اما محمد عبد الماجد الذي يسال عندكم ميسي ولا عندكم نيمار ولا عندكم سواريز ولا عندكم انيستا عشان تجيبو اربعة اقوان
*عندنا بكريسي وعقربار وعاشوريز وتكتيستا يا حمادة
*امس الخرطوم مقلوبة فوق فوق تكت
*قناة المريخ الاخبارية علي تليغرام
*ايها الناس
*كردنة قال بكري ما بدقها *دقاها وامس جاب قونين(تلاتة يا سلك)
*لكن العقرب امس بالغ
*زمان بجيب القون حتي يتشقلب
*امس اتشغلب حتي جاب القون *العقرب بتشقلب بتشقلب
*ونشكر كردنة علي هديته الثمينة ولو واصل كردنة في سياسة التخلص من الناس الجابها الارباب
*فطومة ستفي هدومك
*اما هدف التكت الشفت فكان لوحة اثبت اثبت ان عاشور ما صعيدي ساي
*وصلت الكورة لي التكت *قال محاسن
*قالت ليهو اي
*قال ليها جيبي من جوة
*قناة المريخ الاخبارية علي تليغرام
*ايها الناس
*جمهور زي الجمهور
*شفوت مؤصلين
*خمسين الف تكت اقصد شفت علي المدرجات
*فحضر التاهل طائعا لاهله
*ايها الناس
*اليوم تشارك فرق باسم السودان
*نسال الله ان يكمل فرحتنا وتواصل فرقنا مشوارها ولو بالكنفدرالية
*لو كلهم مشواالكونفدرالية برضك ما خسارة
*المهم السودان ينافس
*ايها الناس
*هذا هو المريخ
*وهذه هي روح المريخ
*وهذا هو غرزة الذي تتم محاربته وابنه من الداخل يصنع من فسيخ لياقتنا شربات تاهل وفرح
*المهم
*تحية خاصة للجماهير الوفية
*ونخصصها اكتر لقيادات التنظيمات التشجيعية الذين سهروا من السبت الي السبت *يتفاكرون في كيفية تفعيل الدور الجماهيري لتنطلق منه اسباب التاهل
*حرصو علي استقبال البعثة بالمطار عند الثالثة صباحا وهي خاسرة بالثلاثة
*فرفعو الروح المعنوية للاعبين والجهاز الفني
*وبثوا فيهم روح الانتصار والاصرار والتحدي بعد ان غرسو فيهم الثقة وجددوها *شكرا لكل قيادات تنظيمات الشفوت الجماهيرية
*وشكرا للجماهير علي الرقم القياسي الجديد في الدخل *ومن غيرنا يحطم الارقام ويهزم التنجيم والمستحيل
*المهم
*قالو مع قون التكت مريشيوص غرقت
*الجمهور الدخل الكورة امس يفوق مواطني مريشيوص بي حكومتهم
*وعز الناس اهل
*اها
*غلبنا اربعة
*وزعلنا الناس الاربعة
*اربعة اقوان لافيهم اتنين
*ولا صلحنا الاول بي ايدنا
*ولا صهين الحكم من ضربة جزاء مع مهاجم الضيوف في امر مكشوف ارتكبها بوي اقصد ضفر
*عرق ملعب وشقلبة عقرب *محمد عبد الماجد
*يا محمد عبد الماجد
*شفت امس الريمونتادا دي؟ *اشرب حرجل عشان تهضم *ياناس
*قناة المريخ الاخباريةتليغرام *بطرفنا جواز سفر باسم محمد محمود سعيد ضهاري
*ايها الناس
*ان تنصرو الله ينصركم
*اها
*نجي لشمارات والي الخرتوم
*والينا النديك شمار المدينة
*اول فريق يتاهل يا والينا
*معانا منو كدي ورينا

سلك كهرباء
ننساك كيف والكلب قال لا مستحيل تحت الشمس
والي لقاء




































امسح للحصول على الرابط
بواسطة : بابكر سلك
 4  0
التعليقات ( 4 )
الترتيب بـ
الأحدث
الأقدم
الملائم
  • #1
    ابو الافكار 03-19-2017 07:0
    جبت مدن السودان كلها لكن نسيت القضارف ناس الشرطة ما ليهم حق ابو صلعة
  • #3
    osama 03-19-2017 07:0
    انت راجل جبان لماذا اختفيت بعد ثلاثية نيجيريا ، عامل فيها شفت طلعت اي كلام . تهانينا للمريخابي الاصيل موسي.
  • #4
    ابو الهل 03-19-2017 06:0
    غايتو سبحان الله ى صحفى الغفله كلامك اجوف وخالى من المنطقيه عبارة عن كلام شوارعى للحد البعيد ذى كلام ستات الشاى انتقى كلمات ليها معنى ماتخلى اسلوبك اسلوب كماسرة الحافلات
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019