* بعثتنا حلت بارض المعركة بسلام
* لا نخاف عليها من محاولات النيجيري استمالة الحكام والتي تسهل دائما مع الحكام الافارقة
* فالفرق التي تستميل الحكام يستحيل عليها تحقيق انجاز قاري
* لان الحكام لن يتابعوها حتي النهائيات
* فينكشف امرها في،المراحل المتقدمة وتخسر بالخمسات والستات
* لذا تظل في محطة الصفر وما اكثر الاصفار بافريقيا
* اصفار افريقيا اكثر عددا من اصفار المليار
* المهم
* لا نخاف شئ في نيجيريا
* ونتشوق ليوم الاحد
* فقد ينعم الله علينا فيه بفرحتين
* الاولي فرحة النتيجة الجيدة عصرا
* و الفرحة التانية ليلا
* ما داير افسد ليكم مفاجأة الفرحة التانية واكشفها ليكم الآن
* ولكن في وقتها سأحدثكم عنها
* فقط تذكروا انها الاحد ليلا
* المهم
* وصلت بعثة بورت لويس 2000 لارض الوطن للتباري مع الاخوة الاهلة
* الفين ?
* ده فريق ولا تعريفة حافلة ?
* بتجيبوا الحاجات دي من وين يا روشا ??
* الفين ?
* موديل ده يا حسين ?
* ونحن بالكرم السوداني نقول للاخوة الموريشيوصيين الفين سلام
* موريشيوصيين دي كلمة ولاتجربة كي بورد !!!
* بتجيبوا الحاجات دي من وين !
*ايها الناس*
* سمعنا عن الشركة الايطالية والازياء وتفاصيل العرض المقدم
* ولكن لم نسمع رأي المجلس في الموضوع
* ان شاء الله خير ?
* مستنين رأي المجلس بفارغ الصبر
* هو نحنا بنعرف اكتر من المجلس !
* بس منتظرين رأي المجلس
* وقافلين دي بي طينة ودي بي عجينة وخاتين الخمسة في الاتنين
*ايها الناس*
* نسمع كثيرا عن ما يفعله الاخوة من سوريا
* والسجال علي الفيس بوك احتدم
* محاكم النظام العام بدأت تظهر فيها محاكمات اطرافها سوريين وسودانيات
* والشارع العام يحدث عن رجال كالاسود الضارية واقفين راجيين المواصلات
* ولبواة تلك الاسد تتنقل بالفارهات المظللات وتتنقل الكدايس علي اسطح البنايات الشامخة بين الشقق في رشاقة ومتعة
* وده كلو ما مهم
* المهم هل سمعنا بسوري قام بجريمة اغتصاب او اغواء او اعتدي جنسيا علي طفل ???
* اجابة هذا السؤال تخجلنا وتجعلنا نبحث عن معالجة الاسباب التي دفعت الكدسة لتسلق حوائط شقق البنايات الشامخة
* واذا سألنا الكدسة لا يسعنا الا ان نقول الله يجازي الكان السبب الخلي كدستنا تتحاوم علي الاسطح نهارا جهارا وعلي عينك يا الاسد الراجي المواصلات
* اللهم استر عروضنا وعروض عبادك الذين اضعفتهم الاقتصاديات واضحو لا يستطيعون قولة بس للكدايس تبعهم
*ايها الناس*
* الكديسة لو ما جاعت مابتجيك لو قلت ليها جو جو جو
* ولو جاعت براها بتجيك وانت بتاكل وتقيف تحت رجلينك وتشبكك نجاو نجاو نجاو ميااااااو
* ومياو في لغة الكدسة معناها موافقة
*ايها الناس*
* ان تنصروا الله ينصركم
*اها
* نجي لي شمارات والي الخرتوم
* والينا
* الامر جد صعب علينا
* سمعنا بكديسة البيت
* سمعنا بكديس المستشفي
* سمعنا بكديس المطعم
* لكن كدسة الشقق دي جديدة علينا
*~سلك كهربا~*
*ننساك كيف والكلب قال يا حليل زمن الكديسة بتخاف من الكلب بقينا زي كلاب السيجة هو ما بنقولها*
*~والي لقاء~*
*~سلك~*