* اذا عدنا لمباراتنا ضد الخرطوم
* فاننا نعود لنعدد المكاسب التي خرجنا بها
* كنا بعيدين جدا لياقيا
* عاد عدد لابأس به لنسبة عالية من لياقته البدنية
* وفي الطريق كثر
* بدأت الغيرة تتلاشي بعض الشئ عن مظهر الاداء
* ولكنا لاحظنا بعضا من عودتها مصحوبة بشفتنة من بعض اولادنا في الاداء
* فقد كثير من الجماهير الثقة بعدما شاهد بام عينه موقعة السلاطين وواقعة زينة
* فافتقدتهم المدرجات والتي هي في الاساس كانت تعاني وحشة المحبين من بداية هذا الموسم
* واظن ان اكبر مكاسب مباراة الخرطوم هي اعادة الشفوت للمدرجات
* لان من فاته شرف التخندق من داخل الاستاد تضامنا مع اللاعبين لن يفرط في ذلك الشرف مرة اخري
* سيعود الحبيب قريبا وسيعود الشفوت للمدرجات فرادي وجماعات وتعود ابداعاتهم المتفرده طالما قلوبنا تنبض بحب الكيان
* ويبقي صالح الدعاء لبعثتنا المغادرة لنيجيريا
* وفقهم الله في العودة سالمين غانمين
* فما احلي التمتع باقران مجموعات العرب بمجموعات افريقيا
* فالجمع بينهن حلااااااال
* وعلي اعداء المعلم غرزه ان يبحثوا عن عدو آخر
* الراجل مابتحارب طالما تقف خلفه مدرجات يحيها وتحيهو تقديرا لانجازه واخلاصه في العمل ووفائه لجماهير وفية هتفت غرزه مدربي وهو بيننا
* واعلنت غرزه مدربي حتي بعد ان ابعدوه
* المهم
* الحب لله ولرسوله وبالوالدين احسانا
* عندي تجربة في الحب ده مريرة داير احكيها ليكم
* حبيتها منذ نعومة اظافري
* كنت اتشوق للقائها عصرا لنذهب الدكان سويا
* اجزم باني اسعد انسان في العالم وهي ترافقني للدكان
* كبرت وكبر تعلقي بها
* عشقتها بجنون حتي صرت احلم بها وانا مستيقظ
* وابادلها الحديث وانا نائم
* كانت واقعي واحلامي
* اخلصت لها واقسم اني لم افكر في بديل ليها ولو في الخيال
* كنت واثقا من انها لن تستطيع ان تبعد عني
* لذا اغرقتها وفاءا واشبعتها محبة واحترام
* عندما اقابلها كنت اقف اجلالا لها
* اقسم باني لم اصافحها جالسا طيلة حياتي
* ودارت الايام
* هكذا كان الحال منذ صغري
* وبعد اربعين سنة اكتشفت انها خائنه
* لم تقدر وفائي ولا اخلاصي لها
* ذهبت لاناس لا يستحقونها
* بل يتعاملون احيانا معها باهمال وعدم احترام
* يستغلونها في امور يعف اللسان عن ذكرها
* وبعد كل ذلك تذهب لهم مجددا ضاربة بحبي واخلاصي ووفائي عرض الحائط
* صديقي قال لي اديها بالجزمة
* لو اديتها بالجزمة حاتديك بالجزمة
* ولو ما اديتها بالجزمة حاتديك بالجزمة
* عشان كدة احسن تديها بالجزمة
* قلت ليهو لن اضيع اخلاصي لانها ضيعت ما يليها
* اعلم انها ذهبت مع غيري
* وهم كثر
* و صدقني يا صديقي اعلم انها رافقت كل من ذهب لمرقص او حفلة او عشوة مدنكلة
* واعرف انها في تلك الاوقات لا تذكرني
* ولكني لا زلت احبها
* فهي جميلة ورائعة ومتفردة ومن حقها ان تلعب بمن تريد ومع من تريد وان تقبل يد من يلعب بها
* بعد اربعين سنة اكتشفت ان حبي كان حبا من طرف واحد
* اكتشفت ان من احبها كانت تعلم بحبي لها ولاتبادلنيه بل كانت تتلذذ فقط بعذاباتي التي يسبهها حبي لها
* يقطع القروش ويقطع سنينها ويقطع البحبها في حب من طرف واحد
* محاسن دخليني صندوق
* المهم
* قالوا كراسي الجوهرة في موريسشيوص
* حاتصل من هناك قرييييييب
* قبل تلاتة يوم قاعدين نتعشي عند نوش جنوب الجوهرة مباشرة
* جات ستة بطاحات شايلات حاجات مغطغطه
* مشن علي الجوهرة
* قلنا ديل شاحنات كراسي الجوهرة
* الفضول خلانا نباريهن
* اكتشفنا انهن شايلات سكر سعودي
* فطومة رمضان قرب ولاشنو ??
* ولا عارفين جمهوركم لي رمضان بكون قاطعكم بدل كرسي لكل مواطن جبتوا شوال سكر سعودي لكل هلالابي خشمو ملح ملح ???
* المهم
* صديقي الهلالابي حيدر اب ستة قال لي
* كردنة زي الزول العندو بيت في الرياض قايضو ببيت في دار السلام ودفع فرق كمان
* في زول بقايض الشغيل بابي ستة يا اب كسكتة ?
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* القروش كلو يوم تحير فينا
* قدر ماليها مشينا
* حالفة ماتجينا
* وفي ناس بتجيهم بي كرعينا
* وناس يلقوها تحت المخدة في فد صفقة يا والينا
* وفي ناس قالت لما كترت علينا
* ودينها ماليزيا قلنا تخفف علينا
* والزي حلاتنا الخمسين فيها كم بقرة ماعارفين يا والينا
سلك كهربا
ننساك كيف والكلب قال تسكوها بت الكلب المولوده في سك العملة
والي لقاء
سلك