• ×
الإثنين 17 مايو 2021 | 05-16-2021
بابكر سلك

أنا قايل ضفر مرقه من قوننا

بابكر سلك

 2  0  2687
بابكر سلك




ما يدعونا للتندر والسخرية فى مباراتنا ضد زينة كتير
صديقى سليمان كانت له طرفة جميلة
يوم الكورة كان مضيوف
معاهو جماعة مهمين من البلد ومتعشيين معاهو
عشان كده ما دخل الكورة
التلفزيون جوة شغال
بحكى لى سليمان
قال لى أول دقيقتين أسمع ليك قووووون
زغت من الضيوف براحه تقدل
وبمجرد ما أديتهم ضهرى جريت جرى للتلفزيون
لقيت كلتشى جاب قون
صلحت جلابيتى ورجعت للضيوف شايل تربيزة نظام الود مشى يجيبها
قعدنا شويه أسمع ليك قوووووووووووووووون..العقرب..بكرى المدينة يخرب بيت زينة
ولا فى زول جوه نادانى
قمت قلت
شبكة منتدي الرواد
نعم ... جاى
ومشيت
أول ما ما أديت الضيوف ضهرى قمت جارى على التلفزيون
ويواصل صديقة سليمان
لما وصلت التلفزيون لقيت ليك بكرى راكب المارشال ومعاهو كلتشى والتكت
قلت الليلة بنخرب كل الزينة
إطمأنيت
وطيت صوت التلفزيون وصلحت الجلابية ومشيت على الضيوف
الدور ده شايل جك مويه
يا هلا شرفتونا والله
وهاك يا ونسة
بعد ساعة كده دخلت أجيب العشا
غشيت التلفزيون
ألقى ليك ضفر مارقها من خط القون والمعلق بهرج
قلت فى سرى عافى منك يا ضفر
كنت قايل ضفر مارقه من قوننا
لى تانى يوم لمن عرفت ضفر مارقا من قون زينة.شبكة منتدي الرواد
زعلت على عفوى الراح ساى
أيها الناس
العيب لا فى جهاز فنى لا فى لاعبين
والدليل على ذلك أن الأداء الذى بدأنا به المباراة كان قمة التكتيك وفائق التطبيق
شبكة منتدي الرواد.
وأجمل المهارات التى أجاد فى عزفها السمانى الموهوب
وفى الشوط اثلانى أدينا بنفس الجهاز الفنى ونفس اللاعبين
ولكن غابت اللياقة البدنية فغابت معها اللياقة الذهنية وتغير الحال
نخلص الى أن الجهاز لفنى كان حضوراً وكذلك اللاعبين
ولكن غاب الوقود (اللياقة)
فأضحى التكتيك وتطبيقه عبارة عن سيارات فارهة قاطعه بنزين تقبع فى مكانها
شبكة منتدي الرواد ،
يوصفوا بيها
أيها الناس
شوط آه وشوط لأ وأبداً ولا يمكن كمان
بقينا زى الزول الماشى مدنى وعندو صندوق سجاير غيرو ما عندو
من إتحرك من الخرطوم بدأ ينفخ بى سبب وبدون سبب
آخر سيجارة طفاها فى الكاملين
وبدا الجرسه
من أم دقرسى بقى يتمنى السفرية تنتهى ويصل مدنى
فى أب عشر لمح كوبرى رفاعة إفتكروا حنتوب
فى قرية الصداقة فقد المنطق
لما وصل الحصاحيصا قايلها مدنى
لو إتأخر دقيقة كان الخرم كتلو
ده حالنا
ننفخ الشوط الأول بدون حساب
وفى الشوط الثانى الخرم كتلنا
بدل نموت متكيفين قربنا نموت متقريفين
قرار صائب يقضى بوقف التصريحات الصحفية للإداريين والفنيين واللاعبين
فالمرحلة مرحلة عمل فنى ونفسى ونحن على منعرجٍ خطير
حتى الجماهير.شبكة منتدي الرواد
بعد ده دايرة شغل نفسى
وسمعنا إستنكار الرجل لتأجير الحوش كموقف للشاحنات المعروضات بالأقساط
إذن من أجر الحوووووووووش ؟؟؟
راجعين للموضوع
بجبج موجود والنور مقطوع (والزد واى) فى الحوش ؟
أيها الناس
إن تنصروا الله ينصركم
أها ،شبكة منتدي الرواد
نجى لى شمارات والى الخرتوم
أكان شفت يا والينا
الليلة شفعنا ممتحنين لين
ربنا يوفقهم أجمعين يا والينا
ما فى شى نورثهم ليهو عدمانين الملين
تركتنا الوحيدة ليهم علم فى ريسينهم يؤهلهم وينقذهم من حياة فرضها البعض علينا
وبعدين فى إعلامنا الشرعى لما نموت يا والينا
حا ينكتب إنو لا توجد تركة ظاهرة لدينا
لكن التركة العظيمة والمستترة الما ظاهرة للناس يا والينا،شبكة منتدي الرواد
لما يكون مكتوب المرحوم والد الدكتور فلان وخبير الذرة فلتكان وأستاذ الجامعة

سليمان والحائزين على جوازات كل الأوطان


سلك كهرباء
ﻧﻨﺴﺎﻙ ﻛﻴﻒ والكلب قال والعظمة بى تمتعهم بجوازات كل الأوطان تمسكهم بجوز

دولة السودان ?!!!!
امسح للحصول على الرابط
بواسطة : بابكر سلك
 2  0
التعليقات ( 2 )
الترتيب بـ
الأحدث
الأقدم
الملائم
  • #1
    جون سينا 03-07-2017 03:0
    والله البركة فى زينة يا حاج تنقو يا عجوز الخلتك تنسى الهلال شوية كدة وتركز فى رواكيبك- إنت عوير وهبيل لكن اليومين ديل عصرة زينة نستك هبالتك وعوارتك- نتمنى ليك عصرة من الخرطوم الوطنى عشان تعقل شوية- مع إنو العوارة والهبالة فى الزول الكبير شينة- الزول الكبير مفروض يحترم سنو- إنت زول من مواليد 1955 قبل الإستقلال- أعقل شوية.بعد تتعاور والله بتزكرنى اللمبى.
  • #2
    ابو عبدالله 03-07-2017 06:0
    حتى لا نظلم ضفر الكرة معكوسة من بكرى المدينة بقوة شديدة وحسب اعتقادى انو بكرى صوب الكرة بقوة تجاه المرمى .. وضفر لم يتوقع قوة الكرة واراد ان يسدد بقوة واطاح بها خارج الملعب
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019