✯ لا أجد مبرراً يجعل الناس كسالى من حضور مباراة اليوم بسبب نتيجة مباراة السلاطين
✯ فالجميع يعلم كيف أديناها ولماذا أديناها بتلك الطريقة
✯ ثم إن مباراة اليوم تأهلنا لمجموعات البطولة العربية
✯ وهذه مرحلة فى البلد دى مافى زول غيرنا وصلها
✯ برانا نشيل شيلة الوطن عربياً
✯ وقريباً برانا نشيل شيلة الوطن أفريقياً
✯ قريباً جداً
✯ برغم ان غيرنا بالنسبة ليهو الشغل فكه
✯ إلا ان تلك الفكه لا تنفع أفريقياً حيث الطقوس والكجور
✯ المهم
✯ كعادتنا دولياً نجى كلنا
✯ لنتنافس فى دعم الزعيم معنوياً ومادياً
✯ ولنزفه عريساً لمجموعات العرب
✯ والحردان ما حبابو
✯ أبونا المريخ قال نجى كلنا يبقى نجى كلنا
✯ فالتشكيلة الرسمية لأوركسترا أولاد غرزة لن تتقاعس بأى حالٍ من الأحوال
✯ تعالوا لنغنى كيه للعذابة
✯ لنرقص على أنغام برانا برانا نشيل السيرة
✯ ونتوحد لنعمل عملاً جميلاً على المدرجات
✯ أيها الناس
✯ خاص صفحة الأحمر الوهاج
✯ عربياً نقاتل وحدنا مهما برر الحاسدون
✯ وللسودان سمعه سيئة تاريخياً فى بطولة العرب
✯ فغيرنا شارك وأخذ ستة أهداف فى الشوط الأول فقط
✯ حتى تدخلت الدبلوماسية السودانية وتوسلت للدبلوماسية التونسية والتى بدورها وسطت

وزير رياضة تونس للتدخل مما حدا به للإتصال برئيس إتحاد الكرة التونسية الذى ألزم بدوره

رئيس الترجى الرياضي بوقف الأهداف فى الشوط الثانى والإكتفاء بالدكاترة الستة بتاعين

الشوط الأول
✯ وكان السوء أكبر حينما ضبط عربياً ورسمياً وأثناء البطولة وعند الكشف الطبى لاعباً من

ضمن لاعبى النادى المشارك بإسمنا وهو منشط
✯ منشطات بالثابتة
✯ ناس بتنشط من قبل ما نعرف الشرائح
✯ وإتنشطى
✯ لذا ولذلك ولكل ذلك
✯ يقع على عاتق الزعيم عبء مسح الصورة الشينة والمشينة للسودان فى البطولة العربية
✯ وموش كده وبس
✯ عربياً قبل كده فريق إتغلب إتنين فى سوداننا الحلوة ده وزاغ من كورة الرد
✯ المليون شهيد لى أسى راجين جيتو
✯ لكن حبيبنا زاغ
✯ محاسن جابت ليها جكه؟
✯ أيها الناس
✯ نجى كلنا من أجل تجميل وجه الوطن عربياً بعد كل تلك الفضائح
✯ نجى كلنا لنقول لن ندعك تسير وحيداً يا مريخ
✯ نجى كلنا وفى الخاطر إحتفاء وإحتفال وذكرى ومطار
✯ بمناسبة المطار دى
✯ خاص صفحة الأحمر الوهاج
✯ حقو كردنه يبنى المطار الجديد يمكن يجيبوا بيهو شى
✯ المطار القديم ده سكوهوا من زمن طيارات الورق غير الفضائح والخسائر ما جابو بيهو

شى
✯ وطارت الطيارة طارت طارت الطيارة
✯ أيها الناس
✯ لمن نتأهل بفضل الله لمجموعات الأسكندرية
✯ الفرصة بتكون كويسه للقاء رئيس سموحه ودردقتو
✯ محاسن زوغى الراجل
✯ أيها الناس
✯ إن تنصروا الله ينصركم
✯ أها
✯ نجى لى شمارات والى الخرتوم
✯ أكان شفت يا والينا
✯ الطماطم زى الضغط تنزل فجأة وفجأة تطلع لينا
✯ واللحمة زى السكرى طوالى طالعه يا والينا
✯ والسكر (بضم السين) بقى يزوزى بينا
✯ أمال كيف يكون الحال لو إنفتحت السين يا والينا
✯ راجعوا الأسعار وشكل الحياة لينا
✯ لو درتوا تحسوا بينا
✯ وعلى كيفكم ما مجبورين يا والينا
✯ خاص صفحة الأحمر الوهاج

سلك كهرباء

✯✯ ﻧﻨﺴﺎﻙ ﻛﻴﻒ والكلب قال أخير تكون الأسعار كده..لو فكرو يخفضوها يعملوا لجنة ذات

مخصصات مليارية ، وإنجبروا يزيدوا الأسعار تانى عشان يطلعوا حق لجنة تخفيض الأسعار

ومخصصاتها ?!!!!