• ×
الخميس 24 يونيو 2021 | 06-22-2021
بابكر سلك

يا التجانية يا التيجانى الماحى

بابكر سلك

 2  0  1456
بابكر سلك



> سادتنا التيجانية أهل صلاح ودين وأصحاب سجادة طال عمرها ويطول هى متسعٌ لإقامة

الصلاة وتعلم القرآن والفقه
> مدد يا سادة
> وتحية إجلال لسادتنا الصوفية أينما كانوا وحيثما قطنوا
> وإحتراماتنا لكل من علم الناس حرفاً فى أمور الدين
> المهم
> آخر ما توصلت ليهو فطومة اختى هو توجيهها لكردنة ليتعين بسادته التيجانية فى إخراج

الهلال من حالتو الصعبة دى
> ونحن نضم صوتنا لصوتها
> الحاصل فى الهلال ده يا التيجانية يا التيجانى الماحى
> ياهو البجنن
> أربعه درونات وأربعين مدرباً ؟
> ده ما ياهو البجنن ذاتو
> كلمناكم قلنا ليكم شيبوب وجابسون واب سته وبخارى بخلوا حالتكم شلش
> تمشوا تجيبوا شلش ذاتو ؟
> شوفى يا فطومة أختى
> لو التيجانية ما عالجوكم
> وما عندكم تأمين بدخلكم التيجانى الماحى
> علاجكم تانى يا فطومة إلا عند الأرباب
> ديل من ناحيو بعالجوكم بعالجوكم
> لكن علاجهم حااااااار
> كيه من نار وبتر
> جرعة عسل مافى
> ببتروا ليكم الأعضاء الضارة بالهلال حسب فهمهم
> القصة علاج ما تزعلوا
> خاص صفحة الأحمر الوهاج
> غيتو يا محمد عبدلماجد لو بقيت من المبتورين يا حليلك
> حا توحشنا
> لكن بصراحة الهلال محتاج تكريم يا فطومة
> لأنو فريق بمستوى زى ده وعدم إستقرار فنى زى ده وتصريحات لقيماتيه خنفشارية زى

دى
> وكلما يظهر بمظهرٍ سئ كردنتو يلبس كسكتتو ويزور جوهرتو ليعطى ميعاد جديد للإفتتاح
> المدرب البجيبو أول يوم خبير وكبير وصائد بطولات وبعد شهر كيسو فاضى وما بيصيد

مع الهلال غير صيانة المستشفيات الولائية العامه وتشييد مستشفيات الولادة
> ده مدرب ولا إختصاصى صحة إنجابية يا فطومة؟
> فريق بكل تلك الصفات ولسه قاعد يحتاج لتكريم يا روشا لا للعلاج
> يا التيجانية يا التيجانى الماحي
> الجن بنداوه
> المهم
> من الجانب الآخر
> تصل البلاد فجر اليوم بعثة النصر المريخية الظافرة قادمة من موريتانيا تحمل تلاتة نقاط
> تلاتة نقاط دى الهلال بجيبها فى تلاتة مباريات فى حالة إرتفاع مستواه وإفادته من أخطاء

التحكيم الطبيعية الشائعة
> المهم تعود البعثة الظافرة المنتصرة بهدف راموس جعفر الرسى من ركنية السمانى كوفى
> أوكراه كيف ؟
> غيرتوهوا فى نيالا مالو إن شاء الله خير
> خاص صفحة الأحمر الوهاج
> غرزه قال ما نافع يبقى الكسكته شربت المقلب
> المهم
> يقابل ابوالهل وادى أسامه عطا المنان
> ولا نظن أن علاقة صديقى محسن الجيدة بصديقه الديبة ستكون سبباً لتراخى أولاد الوادى
> أولاد الوادى يطمعون فى النقاط بالكامل
> ومن حقهم
> الخصم ضعيف جداً
> الأرض أرضهم
> والجمهور جمهورهم
> ونيالا لا تحتاج لمستشفى ولادة
> فطومة
> أمشوا التيجانية بعد كورة الوادى
> باقى ناس الوادى ديل برضك تيجانية كباااااار وقدااااااااام
> وكان غلبكم الصبر
> فى وداعية شاااااطرة بتشوف البخور أحد وأربع
> طالما إيمانكم بالحاجات دى وصل للدرجة دى
> فى زول فى الجبل بحوط
> إمشوا ليهو يحوط ليكم ماكسيم البتستقبل أقوان من بره الإستاد دى
> رغم انى زمااااان قلت ليكم ماكسيم شعارو البره الخط بره العقد
> الدليل قون علاءالدين يوسف
> خاص صفحة الأحمر الوهاج
> ولو زول الجبل قال ليكم الشبكة دى ما بتتحوط لأنها الشبكة الأوسع
> فى زول فى مايو شااااااااطر
> لكن اول حاجه تحولوا ليهو رصيد وتدوهوا أسم أم مكسيم ويبيت ليكم فى الخيرة
> لما الواطه تصبح تكون واطاتكم أصبحت تقوموا ترجعوا للتيجانية
> جنيتوا يا فطومة أختى
> جن عدييييل
> سمعنا قالوا الأزيرقاب بدوا الجنى
> لكن اول يوم نسمع بالتيجانية بدوا القون
> دى جديدة يا فطومة
> أيها الناس
> يا ناس
> إن تنصروا الله ينصركم
> أها
> نجى لى شمارات والى الخرتوم
> أكان شفت يا والينا
> الباعوض الشارح فينا
> ولا شغال بينا
> لابقرصنا ولا بعضينا
> قال قايلين روحكم بشر
> تخيل يا والينا
> خاص صفحة الأحمر الوهاج

سلك كهرباء

>> ﻧﻨﺴﺎﻙ ﻛﻴﻒ والكلب قال حتى الباعوض سفهكم ! نودى وشناويييييييييييين عاد ؟!!!!





امسح للحصول على الرابط
بواسطة : بابكر سلك
 2  0
التعليقات ( 2 )
الترتيب بـ
الأحدث
الأقدم
الملائم
  • #2
    ودعقيده خلف 02-26-2017 07:0
    يا عمك براحه علي الجماعه ديل الايام دي دمهم فاير اكثر من لاجيئ سوريا وجنوب السودان
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019