> زينة وعاجباني
> عقبال بيك نفرح يا زينة
> نشرب شرباتك يا زينة
> نوقد دمعاتك يا زينة
> هكذا تغنت جماهير المريخ بالامس
> لان غرزه مدربي
> كلمناكم
> قلنا ليكم
> اريتكم لو ماشلتوهوا 2015
> لكن لن نبكي علي اللبن المسكوب طالما غرزة يمسك بتمنة الابداع مليانه فل
> افرحنا المريخ بالامس لان ارض موريتانيا ارضنا
> و جمهور موريتانيا جمهورنا
> والتوب السوداني في الزول الموريتاني يجنن
> و التحية موصولة لمحمد صالح الشنقيطي
> ولشارع الشنقيطي
> ولجميع شناقيط موريتانيا
> الشعب الموريتاني شعب جميل
> الله يجعل لينا خلف منهم
> عاد داك يوم نصاح
> يسويها الله عاد
> المهم
> نشكر المريخ الذي ينثر علينا الافراح درر
> ونحمد الله علي نعمة المريخ التي انعم بها علينا
> ونشكر فضله الذي حول طموحنا من اقل الخسائر خارجيا الي الفوز خارج الارض عنوة

واقتدار
> و غيرنا يفشل في العودة بالنصر من كادوقلي والابيض ونيالا
> وشن جاب لي جاب
> المهم
> الديبة امس لعب بطريقة غلط
> ما شاورني
> كان شاورني كان قلت ليهو الهلال ده بدل يدرن كورتين كورتين
> ويخسر اربعة نقاط في كلو كورتين يدر فيهن
> حقو في كلو كورتين يغلب كورة ويتغلب كورة عشان يخسر في الكورتين تلاتة نقاط بدل الاربعه
> كدي جربوا خطتي دي يا روشا يمكن خسائركم تقل
> المهم
> ماعارف قصة الهلال مع الولادة شنو
> يبنوا مستشفي يطلع للولادة
> وفي بيت الولادة لو تلاحظوا في دقة حديدة للمولود وجغمة مديدة لي امو
> خاص صفحة الأحمر الوهاج
> امس اول من شفت ناس نيالا دقوها في الحديدة مرتين
> عرفت جغمة المديدة قربت
> وفعلا
> مارتن كشح المديده من جبل مرة
> وهي مديدة نصاح
> محاسن جغمي ماتختشي يا ختي
> وتعالوا احكي ليكم كشحة المديدة
> جات لي طرف نيالا
> مررها لي وسط نيالا
> الذي مررها بدوره لي مارتن
> مارتن قبل ما يكشحها
> شتت ابو عاقلة
> خلاهو ليك يحبي
> ماكنت عارف ابو عاقلة لسه طفلا يحبو الا بعد عملية مارتن دي
> و اثناء ما ابو عاقلة بحبي وبحاول يتاتي
> مارتن كشح المديدة
> الكورة ماشة ربع ساعة حتي وصلت المكان المستحيل محل برك الطير
> المسافة المشتها الكورة من كراع مارتن للشبكة
> اطول من المسافة القطعتها طيارة الهلال من الخرطوم لي نيالا
> وطلب مقدم الاستوديو التحليلي اعادة الهدف
> ولكن يظهر حتي قناة الملاعب تبث الممتاز بدون حيادية
> واذا دي بداياتها فالتعلن الحرب علي الجميع ارضاءا لمحبوبها ملك الدرونات
> قصة زي دي مفروض ما تتكرر يا ناس الملاعب
> عشان ما نهتف
> مادايرين الاعيب وما دايرين ملاعب
> ايها الناس
> صاحبي الهلالابي الجا من السعودية فجأه لوفاة الهلال كان علي حق
> والاهلة الشرفاء يا يصبروا
> يا اتنقلوا
> لكن ده حال ما بتصلح
> حتي ولو كان نصيب لاعب الهلال كرتين صفر في كورة واحده
> لانه لا يصح الا الصحيح
> ايها الناس
> درون الهلال القادم متين ومع منو؟
> ما تقول لي مع الوادي نيالا
> لان وادي اسامة عطا المنان عندو غبينة مع ناس روشا ديل
> غايتو الديبة من نيالا للميناء البري
> خاص صفحة الأحمر الوهاج
> ايها الناس
> كلو يوم يثبت محمد هاشم الشفت انه مكسب كبير للفرقة الحمراء
> انتوا اب ستة وييين؟
> المهم
> امس احتفلنا بضربة البداية لزواج الاخ الاستاذ مازن صلاح امين علي ارض النادي
> استعجل يا استاذ
> الهلال محتاج طرف شمال
> اقول ليك
> كتر يا حبيب
> الهلال محتاج تيم كامل
> ايها الناس
> سمعنا قالوا شالوا الديبة وعينوا فوزي
> الديبة مدرب لتعادل واحد
> وقبل كل ذلك عينوا السادة لمدة ساعتين
> الدرب يا محمد عبد الماجد بتركب خمسة ساعات
> انتوا بتركبوا المدرب ساعتين !!!
> حيرتونا
> اقول ليكم شئ
> ركبوا للهلال ده فراشة ادوهوا بيها المدربين
> كترت الطعين في جسد مريض زي ده متعبه ومرهقة وحاااااره
> فراشة واحد ثابتة
> ومن خلالها
> لافاني ستة سيسي
> الديبة نص سيسي
> السادة نقطة سيسي
> فوزي ملح يرفع الضغط درب
> اجر وكفارة يا محمد عبد الماجد
> لكن فريقكم ده بقي لابجر ايد ولا كراع
> فطومي جهزي الحنوط وطقي الثكلي
> ايها الناس
> ان تنصروا الله ينصركم
> اها
> نجي لي شمارات والي الخرتوم
> والينا
> اي زول تقوم في بلدو حرب طوالي كلاجئ بجينا
> موريتانيا دي مافي منها امل يا والينا؟
> خاص صفحة الأحمر الوهاج

سلك كهرباء

>> ﻧﻨﺴﺎﻙ ﻛﻴﻒ والكلب قال محل مايمشوا ينقطوا نقطة درون جديد؟!!!!