• ×
الجمعة 25 يونيو 2021 | 06-25-2021
شوربجي

لافاني مظلوم وبرئ يا جماعه

شوربجي

 28  0  2129
شوربجي


((())) ٢٠١٧ عام للنسيان والرديف هو الحل :

نتيجة الهلال في نيالا تعني ان لافاني كان مظلوما

ويجب علينا الاعتذار له

فالمشكله مشكلة لاعبين دون المستوي

وحتي محمد محي الدين الديبه لم يفعل شيئا مع هؤلاء اللاعبين

ومهما غير اي مدرب في التكتيك ومهما نوع في طريقة اللعب فلا اظن انه سينجح مع هؤلاء اللاعبين

فالهلال قد اخطأ حين استغني عن عضم الفريق

وذهاب الشغيل ومساوي واتير وموكورو كانت مصيبه كبري للهلال

وشيبولا قد اكتفي بهدفه الصدفة في المريخ

واوكرا صدقت فيه كلمات غارزيتو انه لاعب لا يظهر الا في المباريات الضعيفه

نعود ونقول ان لافاني طلع مظلوم والعيب كل العيب في اللاعبين

وبالامس كان كل لاعب يلعب في وادي

وكانت حركة الفريق الكليه بطيئه جدا

وكان وسط الفريق ضعيفا للغايه

وعلي الكاردينال ان يأتي بالحل الفوري

فالهلال قد افتقد ٨ نقاط في الدوري حتي الآن

وخوفي ان تكون فضيحتنا بجلاجل في افريقيا

ولا يمكن المشاركه افريقيا بمثل هذا الفريق المفكك

معقول ان يتعادل الهلال في اربع مباريات كامله

وهل عام ٢٠١٧ سيكون عاما للنسيان

ام ان الهلال سيعود فجأة

لا اظن


((())) نقاط الهلال مستباحه لجميع الفرق :

يا سبحان الله فنقاط مباريات الهلال اصبحت مستباحه لفرق الدوري

وكل من هب ودب اصبح يتقاسم نقاط مباريات الهلال

واصبح الهلال حملا وديعا وسط فرق الدوري

وخلال اربع مباريات كل الهلالاب حاطين يدهم علي قلبهم خوفا من هزيمة متوقعه للهلال

والحمد لله ان الهلال لم يهزم حتي الآن

وهذه محمدة تجعلنا نطمئن قليلا عي ان يتعدل حال الفريق

و١٥ عشر مدرب كرة قدم اقيل من جهاز التدريب

وهو رقم قياسي عالمي لم يشهده فريق من قبل

حينما فاز الكاردينال برئاسة نادي الهلال تفاءلنا خيرا وخاصة ان الرجل يعشق الهلال حتي الثماله

وبدأ الرجل مشواره الصعب في ادارة نادي الهلال

وشهد عهده اكبر طفرة بنائيه في تاريخ

وكانت الجوهرة الزرقاء

وفي خضم فرحتنا بهذا الانجاز العظيم كانت تنتابنا احزان بحال الفريق وما آل اليه من ضعف

وكنا ننادي بأن يكون العمل متوازيا ما بين المنشآت والفريق

رغم ان المنشآت هي المكسب الاكبر لجماهير الهلال العظيمه

ولكن ادارة الهلال اهملت الفريق كثيرا

ولم توكل الامور لاهلها

واهمل قدامي اللاعبين

وبدلا عن الاستعانه بخبرات اللاعبين القدامي امثال محمد حسين كسلا وفوزي التعايشه والفاتح النقر وامين زكي ومصطفي النقر وغيرهم كثيرون

اوكلت الاداره الي مهندسين ومحامين وجياشه وصحفيين

فكان الفشل نصيبا للفريق

حيث لم يوفق هؤلاء في عمليات الاحلال والابدال

ولم يوفق هؤلاء في اختيار المدرب الكفء

ودفع الهلال الثمن نقاطا مهدوره لم تتوقف حتي الآن

ونريد حلا ايها الكاردينال


((())) نحن مع الهلال وان تدحرج للمركز الاخير :

الي الذين يقولون ان الهلال قد مات نقول :

حتي ولو تدحرج الهلال الي المركز الاخير في الدوري فسيظل الهلال في قلوب كل الهلالاب

ولن يترك الانصار هذا الكيان العظيم بل سيزداد ترابطهم به

وبالامس تساءلت ماذا لو تعادل الديبه في نيالا ؟

وماذا سيحدث للهلال ان تعادل الديبه في نيالا

وهل ستلحق ادارة الهلال الديبه بلافاني المسكين

والكيس فاضي والكيس مليان

ام ان كردنه سيعتمد علي الفريق الرديف ويسرح اللاعبين كما قال

هو الهلال اخوتي ولنكن معه في الهزيمه والفوز والتعادل


((())) هل مواسير المريخ هم السبب :

قال البعض ان سبب تدني مستوي الهلال ليس لافاني وليس الديبه وليس البرير بل هو شطب الهلال لنجومه الكبار والاستعانه بمواسير المريخ اوكرا وابراهومه وجابسون


((())) سؤال من فضلكم :

فرحة اهل المريخ بتعادل الهلال تفوق فرحتهم بالفوز علي فريق تفرغ زينه المغمور

والسبب طبعا معرفتهم التامه انها مباراة تمهيديه ولم تبدأ المباريات الحقيقيه لابطال العرب وناس جون أنطوي، ماليك إيفونا، عماد متعب، عمرو جمال، أحمد عبد الظاهر، جدو، محمد حمدي زكي وعبد الله السعيد

احمد جعفر ستانلي باسم مرسي خالد قمر

شراحيلي ويحي الشهري والسهلاوي وادريان وهزازي وردريجو

إدواردو، العابد، ليو بوناتيني فهد الثنيان، أسامة هوساوي، محمد شلهوب، تياقو ألفيس، سلمان الفرج، فيصل درويش وناصر الشمراني.

يا تري هل ستكون مباريات المريخ مع هذه الاسماء بنفس سهولة تلكوم جيبوتي وتفرغ زينه وعجباني ؟

تذكروا هذه الاسماء جيدا


محمد حسن شوربجي


امسح للحصول على الرابط
بواسطة : شوربجي
 28  0
التعليقات ( 28 )
الترتيب بـ
الأحدث
الأقدم
الملائم
  • #1
    احمد صالح 02-26-2017 12:0
    الزول ده كلموهو ... انت من زمن جدو ... و عماد متعب .. ماليك ايفونا بلعب في الصين .. جون انطوي فشل في الاهلي و بفتشو ليهو في مخارجه .. خالد قمر بلعب في الاتحاد السكندري ... ادريان النصر بلعب في الشارقة الاماراتي ... ناصر الشمراني في العين الاماراتي و هو اسوأ لاعب ..محمد الشلهوب احتياطي ليهو سنتين و على مشارف الاعتزال .. و فيصل درويش .... مين فيصل درويش ده ..
    بس عشان تعرفوا انو هذا الرجل صحفي بالصدفة و ليس له علاقة بكرة القدم
  • #2
    أبو محمد 02-26-2017 10:0
    للأسف .. راسب لغة وراسب معلومات عامة

    راجع معلومات عن الأندية الحالية للاعبين الذين تريد ان تخيف بهم المريخ
  • #4
    عثمان جميل الدوحه قطر 02-25-2017 05:0
    ارفع راسك وشوف قدام
    مريخنا. زعيم لي الاتيام
    مريخابي وصوتي صريح
    صوت جمهورنا الصفوه يصيح
    المريخ. المريخ المريخ
    انحنا. اسيادك. يا تاريخ
    اصفر واحمر لون الصوره
    والجمهور فوق المقصوره
    اي دوله. انحنا. نزوره
    مريخنا بعلما اصل الكوره
    مريخاب اسياد لي المجد
    فخر اليوم وفخر الغد
    نحنا كوسنا محال تتعد
    في الميدان. بنجيد الرد
    نحنا نحبك. يا مريخنا
    نجمه تضوي كل تاريخنا
    نحنا المجد اخترنا طريقنا
    في الابداع مافي شريكنا
  • #5
    عبدالله الخير 02-25-2017 04:0
    نحن كمريخاب نملك مدرب له فكر عالي والله دي حقيقة من يوم ما استلم المريخ في خلال هذا الشهر اشرف علي عدد 6 مباريات ولله الحمد جميعها كسبها وغير كدة نملك لاعبين عندهم غيرة علي الشعار مش زي جنايزكم ديل
  • #6
    ضفر 02-25-2017 04:0
    يااخوانا شوربة دا مايستحق كل هذه التعاليق الزول دا يقوم يصدق انو كاتب بالجد
  • #8
    أبو احمد 02-25-2017 03:0
    بتاع الشوربة دا ح يموت يوم كمدا بعد انتصارات المريخ وتقدمه لأن همه الأول هو أن يخسر المريخ حتي يكون مرتاح....أحيانا اتمني ان يخسر المريخ حتي لا يموت كمدا بتاع الشوربة هههههه.
  • #9
    محمد دياب 02-25-2017 02:0
    خليك في فريقك البقي شوربة يا شوربجي أمس 5 من من مواسير أقصد مشاطيب المريخ أساسي في الهلال سبحان الله
  • #10
    محمد دياب 02-25-2017 02:0
    خليك في فريقك البقي شوربة يا شوربجي أمس 5 من من مواسير أقصد مشاطيب المريخ أساسي في الهلال سبحان الله
  • #11
    عزالدين ابراهيم عبدالرحمن 02-25-2017 11:0
    من البدايه يا شوربه عدس ما كنت تتغزل في جابسون وابراهومه واوكرا وديل احسن لعيبه ووووووو خلاص الان بقو مواسير عجبي؟
    لا يا خوي عارفين نحن داخلين علي مباريات تقيله في البطولتين العربيه والافريقيه وما منتظرين شوربه يكلمنا عارفين مع من سوف يلعب الزعيم واي فرق انت خليك مع ناس حي الوادي ومع فطومه والاكياس القاعده تتطاير دي وسختو البلد ياخي
  • #13
    جلابي الدوحه قطر 02-25-2017 10:0
    واحمد مارتن ...ما ذكرته ليه
    كفاااااارة ..نشعر باحباطكم ضربتين في يوم واحد ..تعادل مع المريخ نيالا ..وفوز المريخ الزعيم والضربتين يحملون اسم المريخ ...الله يكون في عونكم ..مساكين حالكم يرثي له ..وكمان جايه افريقيا ..املو شوالاتكم باكياس فاضية
  • #14
    سامح 02-25-2017 10:0
    عمك شوربجى بقت تفك منه...النزيف المتواصل بدا واضحا انه يؤثر على توازن عمك شوربه وعلى صحته النفسية...اركز يا شوربة وبطل الهضربه.
  • #15
    ORWA 02-25-2017 10:0
    معقولة انت صحفي وما عارف مالك ايفونا وناجي جدو تركو الاهلى من بدري وما عارف ناصر الشمراني عامل شنو مع الهلال تبقي مصيبة صحفي كيف
  • #16
    أبو الفاضل 02-25-2017 10:0
    انا اقترح يا شوربة انك انت تدرب الهلال مادام كل المدربين اكياسهم فاضية.
  • #18
    alyyas 02-25-2017 09:0
    سبب تدهور الهلال الى حد كبير من فطومة الصادق . ادخلت عبارة كيسه فاضي الى ان اصبح هلالنا كيسه فاضي فعلا .
  • #19
    الملوك 02-25-2017 09:0
    الكاردينال يعشق الهلال ؟؟؟؟؟؟؟؟؟؟؟؟؟؟؟؟؟؟؟؟؟؟
    الكاردينال جا الهلال عشان يعمل غسيل سيرة ذاتية ... عشان كده بدفع عشان يظهر بصورة لرجل البر و الاجسان و يتس التاس تاريخ الكاردينال

    طبعا كفر ووتر سوغ تتولى حذف التعليق
  • #20
    تونجيلا 02-25-2017 09:0
    وشيبولا قد اكتفي بهدفه الصدفة في المريخ ههههه اخيرا اعترفت الاعتراف بالذنب فضيلة

    واوكرا صدقت فيه كلمات غارزيتو انه لاعب لا يظهر الا في المباريات الضعيفه هههههه عمك شوربة فى الطوة... وازيدك من الشعر بيتين مشكلة الهلال ادارية بحتة خربانة من فوق كردنة وحاشيته بقيادة استشارية الاكياس والرشيد عجور تسجيلاتكم مكايدة للمريخ اين ابوستة وشيبون كواى الجيوب واخيرا بداءت تصحوا الاميرة الافريقية راحت فى خبر كان ..2017 عام الرمادة على ابوالهل.
  • #21
    ياسر ابراهيم 02-25-2017 09:0
    حبيبنا شوربجى أثبت الهلال عاوز مدرب كبير بس فريق فيه 10 لعيبة وسط ويكون ماعندو وسط معقول
  • #22
    أبومحمد 02-25-2017 09:0
    ( كل الهلالاب حاطين يدهم علي قلبهم خوفا من هزيمة متوقعه للهلال ).

    ماهذه اللغة الغريبة ؟

    ( فرحة اهل المريخ بتعادل الهلال تفوق فرحتهم بالفوز علي فريق تفرغ زينه المغمور ).

    بل بالعكس تماما حزنك بفوز المريخ علي فريق تفرغ زينة كان أكبر من حزنك بتعادل الهلال وفقدانه نقطتين في سباق الدوري.
  • #23
    waleed 02-25-2017 09:0
    ستظل تنهق خلف انتصارات المريخ حتي يتورم حلقك وانصحك تشوف ليك شغله تانيه غير المريخ لانك ستظل تنهق طويلا والمريخ يحقق الانتصارات افريقيا وعربيا وقلت لي سلمون ركبتو اصبحت كيف محاسن جيبي شربت كوارع
  • #24
    رضوان 02-25-2017 08:0
    إنشغالكم بالمريخ هو سبب تدني الهلال فاعلام الهلال لا هم له سوي الحديث عن المريخ ... وانت في مقالك بالامس خصصت نصف العمود عن المريخ وانه سيشتت مجهوده بين البطولات ... والحمد لله المريخ في افضل حال .. في البطولتين الافريقية والعربية .. وسيعاود الظهور في الممتاز.. فكتاباتكم المسيئة عن المريخ تحفز المريخ وتجعله يخرج افضل ما عنده الهلال هذا الموسم لن يتمكن من الفوز باحد المراكز المؤهلة للبطولات الافريقية ... يعني موسمين للنسيان ونشوفكم ٢٠١٩
  • #25
    نعمان عمر 02-25-2017 08:0
    كدي ورينا اول عايز تدفن الفطيسة بتاعتكم دي وين وحاول انسى المريخ وشيلو من فكرك خااالص
    غايتو يا شوربه اول مره اقرأ ليك مقال يلامس مشاكل الهلال ( غيروا الكسكتة )وبذلك تكون كل
    المشاكل اتحلت حل جزري ..وعادت العافية للهلال .. امنياتي أن يعود الهلال من غيبته ومن ايادي مختطفيه
    الى اهله سالما يهز ويرز ويسعد جماهيره .. لكل جواد كبوة ..عترت ليكم الكسكتة املصوها كفايه كدا ..وحشتونا والله
    الوادي نيالا كيف ..
  • #26
    الرهيب 02-25-2017 08:0
    واحمد مارتن كيف ياوهم مالك ايفونا خلى الاهلى المصرى عليك الله خليك فو شاش وشلش والله ضحكتنى هههه قال مالك ايفونا قال
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019