• ×
السبت 31 يوليو 2021 | 07-30-2021
بابكر سلك

محاسن جيبي جردل

بابكر سلك

 4  0  1673
بابكر سلك


> الرائع الراحل المقيم فينا بفنه الأستاذ العميري اتحف المكتبة الفنية السودانية بكثير من الروائع
> مسرحي ناجح جداً و صاحب رؤية حقتو براهو
> وشاعر ينظم المعاني والقوافي نظماً فريداً
> يغني وكأنه ولد على وتر
> يلحن وكأن الكلمات تولد في قصائده على يد الكمنجة
> من أروع ما كتب العميري
> لو أعيش زول ليهو قيمة أسعد الناس بي وجودي
> زول ليهو قيمة
> مازول صفر ساي
> ألف رحمة تنزل عليك أخي العميري
> المهم
> لو زول ضرب ليك من تلفون كلو أصفار ما ترفع
> ديل الصفراب كايسين مدرب > نقيط شديد
> نقيط الهلال بقى أكتر من نقيط النمر
> نمر شنو
> الهلال بقى زي الزير الجديد
> محل ما يودوهوا يشرشر وينقط
> محاسن جيبي جردل
> آها
> روشا تقدر تسعد الناس بي صفرك ؟
> يبقى عشان تسعد الناس القيمة ضرووورة
> والصفر ما قيمة
> فيزياء
> خاص صفحة الأحمر الوهاج
> جسم يسير بسرعة صفر بصل المطار متين ؟
> الإجابة الصحيحة طبعاً إلا المطار يجي للصفر في محلو
> واتصفري
> أيها الناس
> حل مشكلة الهلال ليس في إبعاد لافاني ولكنه في تسجيل لاعبين تاني
> معقولة
> بويا ثيردباك والطاهر الحاج طرف وبخاري ؟
> معقولة في النص شيبولا وأوكرا مع بعض ؟
> ديل في تشكيلة واحدة زي لمن تقول جيب علبتين برنجي
> نفس الشكل والنكهة والطعم
> مشكلتكم كبيرة يا روشا
> والأهلة الشرفاء كانوا بعد المباريات يهتفون
> تيمك صاح يا صلاح
> بقوا بعد المباريات يتناقشوا في الله مرقنا
> الحكم جاملنا
> مرة واحد فيهم قال مرقنا ربنا وكرامة البليلة
> التاني قال ليهو ربنا وكرامة البليلة والحكم
> وأخيراً أصبح هتاف الأهلة الشرفاء بعد المباريات
> تيمك فتة يا أب كسكتة
> وبعد هذا الهتاف
> ستطل علينا فطومة أختي مبررة وداقة جرس
> أول مرة الهلال يدرن في أستادو دورياً..
> قبل كده في إستادو ده مريخ الثغر موش أداهو اتنين بي ناس فتيل
> خاص صفحة الأحمر الوهاج
> الهلال يايمة أخد خمسة من مازيمبي في إستادو ده
> نسيت !
> أجي يا صلاح
> هو الهلال ذاتو تمنية وتمنين سنة جاب شنو ؟
> يلا شطبنا
> فطومة دقي جرس
> المهم
> حلاة غرزة ماسك القلم وبوقع بالفرنساوي
> غرزة عدو الأصفار
> ما بحب إلا الأندية صاحبة الإنجازات الدولية
> المريخ مثلاً
> مازيمبي مثلاً
> لكن ناس قريعتي راحت وكسكتتي طاحت ديل يشوفوا ليهم لافاني تاني
> ولكن هل صحيح إن كاريكا قد رفض الاحتياطي إلا حنسوهوا ؟
> الزول ده ما بعد يختم حياتو مع فريق بطولات كبير
> فطومة جيبي كشف الشطب
> أيها الناس
> حضرنا مباراة الأرباب وكردنة على الشاشة
> حضرناها زي الفاتحين راديو
> إضاءة الإستاد رديئة
> مافي زول شايف شيء
> لاعبين بنور الطبلون أظنهم
> الجوهرة أم شموع
> خاص صفحة الأحمر الوهاج
> وحقو أي فريق يرفض اللعب ليلاً في هذه الضلمة
> كافيا (بحسب الكاف ) الإضاءة دي لاتصلح
> ولكن يدور سؤال
> لماذا لم يدخل لاعبو أهلي شندي لغرف اللاعبين بين الشوطين ؟
> محاسن جيبي بخور
> أيها الناس
> لن ننسى أن وقود النصر الحقيقي هو المدرجات
> تعالوا نقوم بواجبنا كاملاً و نستفيد من نفط المدرجات وتوربيناتها
> وفي محبة لأجل محبة وبسلام
> أيها الناس
> إن تنصروا الله ينصركم
> آها
> نجي لي شمارات والي الخرتوم
> أمس حلمان يا والينا
> إننا كلنا خاتين خريطة الوطن أمام عينينا
> وقاعدين نغني يا والينا
> الحياة صعبت علينا وبي أثر فقدك شعرنا
> شفت كيف حبك حياتنا حياتنا
> إنت يا الحبك حياتنا حياتنا
> يشغل الوجدان يعذب آهـ
> وكيف بدون حبك نكون
> وييين هانهرب منو وين
> خاص صفحة الأحمر الوهاج

سلك كهرباء

>> ﻧﻨﺴﺎﻙ ﻛﻴﻒ والكلب قال تهربوا منو وين و انتوا رسوم مغادرة ما عندكم.. وهز ضنبو

وقال ابو اللميييين ياخ وجري؟!!!!
امسح للحصول على الرابط
بواسطة : بابكر سلك
 4  0
التعليقات ( 4 )
الترتيب بـ
الأحدث
الأقدم
الملائم
  • #1
    ود جبره 02-23-2017 11:0
    بكره نتهرب من الكتابه وتتخبي .... ما تفرح ما تفرح وبطل لغز وهمس ولو مالي يدك بغرزة ارجع لمقالاتك بعد غزلك فيهو كتبت شنو ولا نذكررك .. شنو صفر صفر يا خي جبت كاس الابطال ياخيي؟؟؟؟؟؟ ارجوك نقطنا بساتك او اكتب كلام يدخل عقل نملة ... والهلال بلاقيكم وجايكم بس اركز.
  • #3
    االجمصي 02-22-2017 12:0
    ههههههههههههههههه .. سلك يامتعه وجنون .. ﻻفاني جيب علبتين برنجي
  • #4
    02-21-2017 10:0
    >> ﻧﻨﺴﺎﻙ ﻛﻴﻒ والكلب قال تهربوا منو وين و انتوا رسوم مغادرة ما عندكم.. وهز ضنبو

    وقال ابو اللميييين ياخ وجري؟!!!!
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019