• ×
الثلاثاء 3 أغسطس 2021 | 08-02-2021
بابكر سلك

ايه كان حايحصل !

بابكر سلك

 2  0  1617
بابكر سلك


* ايها الناس
* يا اهل الربع
* ربعنا يعاني قلة الجرذان في الوقت الذي تنعم فيه مضاربنا بتربة خصبة وري دائم
* فهل العيب في ربعنا ام في مضاربنا ام فينا ???
* ام في زماننا الذي نعيبه ولا عيب له سوانا ??
* يا معشر المريخيين
* يعتمد كياننا علي جيوب بعضنا ومساهمات البعض منا ونفرات ابنائنا
* فهل تستمر هذه الهبات ابد الدهر ??
* وهل تؤدي تلك الهبات الي خلق كيان يضاهي العالمية ونفاخر به ???
* ايها الناس
* حبانا الله بموقع استثماري واستراتيجي رائع وضخم
* ولكن نحن نؤجل تفعيل الاستثمار لاجل غير مسمي
* قد تكون العاطفة احد اسباب ذلك
* وقد تكون النظرة الضيقة سببا جوهريا في ذلك
* وقد تكون محدودية الاحلام سببا قويا في ذلك
* ايها الناس
* في بلد اقتصاده متأرجح بل ومؤشرة طوالي ماشي في النازل ولوائحة وقوانينه المنظمة للتجارة والاقتصاد كلو يوم بي راي زي بلدنا دي
* مافي استثمار انجح من الاستثمار العقاري
* ونحن نملك الموقع المميز جدا
* برج من الناحية الشمالية الغربية وشرقه برج ثم شرقه النادي وشرق النادي برج ناصية
* لو حصل ده يحصل ايه ??
* النادي زاتو بعد الابراج دي يبقي برج
* ماذا نقدم نحن في النادي للمريخ ???
* اشتراكات شهرية رفضناها
* يبقي ممكن نستفيد من موقع النادي ونحول النادي لاي جانب آخر في الاستاد
* ولكن نادي بشروط جديده
* باشتراكات تليق بالمريخ
* بمستوي يشرفنا ويجعلنا نكرم وفادة اعتي ضيف فيهو وبكل فخر
* نادي بلوائح ونظم راقية ليقدم اداء راقي
* لو حصل ده يحصل ايه ?
* ايها الناس
* الملعب الرديف في منطقة سكنية راقية
* رأيكم شنو في تحويلو لمجمعات سكنية و تجمعات عمرانية تدر علينا المليارات شهريا ???
* ثم نحول الملعب الرديف لاي حتة اخري تصلح له ?
* لو حصل ده يحصل ايه !
* ايها الناس
* نحن نملك فرصة الخروج من جيوب الافراد لرحاب الاعتماد علي الذات
* ولكنا نتعامل مع الامور بعاطفية وعنترية حتي اضحينا مثل الدبيب نحرس جوهرة لا الدبيب مستفيد منها ولا بسمح لغيرو يستفيد منها
* ايها الناس
* تلك الفرص مطروحة الآن علي طاولة المجلس
* علي المجلس عدم التردد في قبولها
* فقط العقد البحفظ حقوق الكيان ويطمئن المستثمر
* فالزمالك المصري يعتمد علي ايجارات علي سور ناديه
* والاهلي القاهري يعتمد علي اشتراكات اعضاء النادي
* والاتنين ماشيين زي العسل
* ايها الناس
* فالنخرج بمضاربنا عن كلاسيكية التفكير ونمطية الطموح لنخرج ربعنا عن قائمة المعاناه من قلة الجرذان
* فهمتوني !!!!!!!!
* في مضارب زي مضاربنا دي الاستثمار يا عقار يا تجارة دولار
* وزول قلبو علي وطنو مابتاجر في الدولار و يجيب الدمار
* عشان كده العقار العقار العقار
* ايها الناس
* الي ذلك الحين ابقوا عشرة علي مجلس الشرف
* فهو الشريان الذي يضخ الدم في جسد الزعيم
* السجل وما دفع يستعجل
* الدفع قسط يلحقنا بالتاني
* الماسجل يجيب كاشو وعلي المكتب التنفيذي عدل
* ده المشروع الوحيد المفروض ندفع قبل ما نفكر فيهو
* ضرووووري ياشفوت
* اها
* الجماعة قربوا يغرقوا في التريعة
* فكشفت الجماهير الكذبة
* وماملت عيونهم سيقان السيخ وغابات الاسمنت الطالعة من جنبات الكسكتة
* فهتفت جموعهم
* كيسك فاضي يا اب كسكتة
* اقصد يا لافاني
* وطبعا لافاني هتف بالفرنساوي
* كيس لعيبتكم فاضي يا روشا
* وقالوا افضل لاعب في الهلال كان ابراهومة
* فعلا الطشاش في بلد العمي شوف
* ايها الناس
* غرزه جاهز
* فهل الجمهور جاهز ??
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* اليومين دي جابت ليها هوا
* وزمان قالوا لينا
* الهوا ما تداقسو يا والينا
* هي لكن مانداقسو عاد كيفن بس والبقت بقت فينا ???

سلك كهربا

ننساك كيف والكلب قال سقوط معلمة في حمام مدرسة في قلب العاصمة سقوط لاشياء كتييييييرة

والي لقاء

سلك





امسح للحصول على الرابط
بواسطة : بابكر سلك
 2  0
التعليقات ( 2 )
الترتيب بـ
الأحدث
الأقدم
الملائم
  • #1
    بابا 02-17-2017 07:0
    كلام فى المليان كالعادة وما داير ليهو فهامة
    هل يفهمون هل يعقلون؟؟؟!!!
  • #2
    ابو عبدالله 02-16-2017 07:0
    الجمهور زعلان من خمسات التبلدى عشان كدة حردان وكمان جابت ليها شرطة كمان!!!!
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019