• ×
الأحد 26 سبتمبر 2021 | 09-26-2021
شوربجي

الخسارة من الغيني ارحم من توقيع العقد مع غارزيتو

شوربجي

 14  0  1770
شوربجي


((())) الهلال وتريعة البجه والاميره الافريقيه :

بطلوع الروح فاز الهلال علي تريعة البجه

وهو فريق جديد علي الخريطه

ولا تاريخ له في الدوري السوداني

ومستحيل الكتوف تتلاحق

ولكن هذا هو الواقع

وللاسف الشديد اننا لم نشاهد المباراة بتفاصيلها

ولكنه السمع الاذاعي وحده والذي اعادنا الي عصور الظلام

والعالم في عصور النانو

وما فائدة ان يكون لنا اتحاد ينظم اللعبه

ومعتصم راح ومعتصم جا

ومجدي قال ومجدي ما قال

واسامه متهم واسامه ما متهم

والجاكومي عنده باسطه والجاكومي عنده هريسه

ومن اين اتي هؤلاء؟

وما علينا وعلي كل حال فالهلال لم تتحسن ملامحه حتي الآن

وان كان الفريق متصدرا للدوري الممتاز حتي الآن

ولا اظن ان العروس السمراء ستقبل بعريس هزيل

نريد هلالا يهز افريقيا تحت اقدام عظمائها

فالكاردينال قد بشرنا بالامس وفي ذكري تأسيس نادي الهلال ان ٢٠١٧ هو عام الهلال

وهو حقا وكما يقول هو عام الهلال مع الجوهرة الزرقاء

وهو حقا عام الهلال واكاديمية الهلال

وهو حقا عام الهلال وفضائية الهلال

ولكننا نريده عاما للهلال مع فريق قوي وبطل

لا نريده فريقا مففك تتلاعب به فرق مثل تريعة البجا وهلال كادوقلي وهلال الابيض

فالدفاع هزيل جدا

والوسط تائه جدا

والهجوم عقيم جدا

ولا اظن ان الحلول في اقالة المدرب الفرنسي

ولا الحلول في الخلاص من طابور صلاح ادريس ناس بشه وكاريكا

الحلول الحقيقيه في ازكاء الروح في نفوس اللاعبين

والحلول الحقيقيه في الانضباط وان يعطي بقدر ما يأخذ من اخضر ليموني امريكاني

فالكثير من اللاعبين يلعب بدون حماس وروح قتاليه

نريد لاعبين علي شاكلة لاعبي المنتخبات الافريقيه

نريد لاعبين بمستوي وحماس محمد صلاح المصري لاعب روما

نريد لاعبين بمستوي وحماس كهربا المصري لاعب الاتحاد السعودي

نريد لاعبين بمستوي وحماس ابوبكر الكاميروني

نريد لاعبين بمستوي وحماس كريستينو سوغوغ الكاميروني

نريد لاعبين بمستوي وحماس فاسو شارل البوركيني

نريد لاعبين بمستوي وحماس دانيل امارتي الغاني

نريد لاعبين بمستوي وحماس جونيو كابانغا الكنغولي

لا نريد لاعبين متواضعين لا تستدعيهم منتخباتهم او فرقهم

لا نريد لاعبين محليين تعبانيين وكسالي

ايها الكاردينال مهر الاميره الافريقيه ليس بالهين ولا بالكلام المعسول

الاميرة السمراء دايره ليها رجال

فهل لديكم رجال يا اهل الهلال


((())) في النهايه هي مباراة تمهيديه :

واحيانا يقولون عن امرأة :

"دي بتعمل من الفسيخ شربات".. جملة نسمعها كثيرا عن المرأة الاقتصادية المدبرة التي يمكنها أن تطوع أدواتها، ولا تقف أمامها أي عقبات، كما يمكنها أن تحول أي خامات بسيطة غير مستخدمة إلى أغراض نافعة.

والمريخ سيعمل من الفسيخ شربات ويستغل هذه المباراة ويقضي علي سوني الضعيف

فترتفع مبيعات الصحف الحمراء مع الفوز علي سوني المسكين

وقد تنسي الجماهير هزيمة شرطة القضارف مع الفوز علي سوني الغلبان

وقد تروج كثيرا لهذا المجلس لانه من صنع الفوز علي سوني الهزيل

وقد تساعد علي توقيع عقد غارزيتو لان غرزته هو من قاد الفريق للانتصار العظيم والعظيم جدا

وهي مباراة لها ما ورائها

وبالتوازي مع مباراة تمهيدية اخري مع الحمام الموريتاني

وهي مباريات قد يستغلها المريخ جيدا قبل الخروج من التمهيدي

حيث ابتداد المباريات الحقيقيه والفرق القويه في بطولة افريقيا والعرب

والفرق التي سيسقط امامها المريخ ولا حد يسمي عليه

الهلال السوداني والاهلي المصري والزمالك ومازيمبي والترجي والنصر السعودي والهلال السعودي وغيرهم في افريقيا وبطولة العرب

ولعلهم سيضحكون الآن كثيرا وعند الانتصار علي الحماميين الغيني والموريتاني ولكنهم سيبكون في النهايه

و قال ايه : المريخ قائد ثورة التغيير في قضية النقل التلفزيوني

والظاهر ان المريخ كان هو من يعطل هذا الاتفاق بشروطه التعجيزيه

واليوم يدعي المريخ انه اقتلع حقوقه من فم الاتحاد عنوة

وقالوا ان الهلال صحي من نومه ولقي كومه

وانه لولا الوقفه القويه للمريخ لما انتهي الاتفاق بهذه الكيفيه

والمريخ طبعا يريد ان يميز دون الانديه الاخري

في وقت رفض الهلال هذا الرأي رأفة بالانديه الاخري التي في حاجة ماسة لدخل المباريات

والهلال طبعا والحمد لله شبعان شديد وما محتاج لملاليم النقل التلفزيوني

فماذا تفعل له ٦٠٪ من دخل المباريات ولنادي كبير كنادي الهلال

المريخ ولانه في ضائقه ماليه شديده والفقر مطلع عينو والنفرات وقفت وقائمة الشرف عملت نايمه دايرين دخل المباريات

و في النهايه المبلغ في حد ذاته زهيد جدا ولا يمكن الاعتماد عليه في تسير نادي كبير


((())) حكام الصومال والجلاكسيات :

وصل الي الخرطوم طاقم التحكيم الصومالي لإدارة مباراة المريخ أمام سوني الغيني ويعتبر هذا الطاقم هو ذاته الذي ادار مباراة الإياب في البطولة العربية بين المريخ وتلكوم الجيبوتي، وسينعقد الاجتماع الفني للمباراة الجمعة المقبلة.

والصومال بلد فقير ويعاني فيه أكثر من مليون شخص من انعدام الأمن الغذائي معظمهم يقطنون الجزء الشمالي من الصومال، حيث الجفاف الشديد المتفاقم شرقي القارة الأفريقية.

ووفقا لأخر دراسة فى عام 2015 والتى صدرت عن الأمم المتحدة، فإن الوضع في الصومال مازال «مقلقا» بعد مرور أربعة أعوام على تعرضه لمجاعة، (مجاعة 2011)، وبلغ عدد الذين يعانون من نقص الغذاء 2.3 مليون نسمة.

وارجو ان لا يحاول البعض استمالة الحكام للتأثير علي مجريات المباراة

واصلا سوني فريق متواضع جدا ولا حوجة لمساعدة الحكام

ففي ٢٠١٦ حصل المريخ علي عدد كبير من ضربات الجزاء وبها وصل الي دور الثمانيه

وهذا العام فضعف فريق المريخ قد يدفع به الي هذه الاساليب الممنوعه

وبالمناسبه فالمريخ قد سجل انتصاره علي الغيني الكحيان في الدقيقه ٩٣ وبعد الهدف مباشرة صفر الحكم بنهاية المباراة

وقد شككت الصحف الغينيه في نزاهة الحكام واتهموا المحامي مجدي شمس الدين بصفته المسئول السوداني عن التحكيم في الاتحاد الافريقي بمساعدة المريخ

وانشاء الله حكام الصومال ما يدخلوا عن طريق صالة كبار الزوار ال في اي بي

كذلك يجب تسجيل العملات التي دخل بها هؤلاء الحكام في مطار الخرطوم ومقارنتها مع العملات التي يحملونها عند الخروج والسفر الي بلادهم

نريد مباريات افريقيه نظيفه بدون استمالة الحكام

بالمناسبه الجلاكسيات في مقديشيو غاليه جدا جدا


((())) سؤال من فضلكم :

واكيد وبعد الانتصار علي الحمام الغيني الضعيف ستخرج المواكب الهادره والسؤال متي سيوقع غارزيتو عقده الدولاري الرهيب هو وابنه انطونيو

وبالمناسبه الخسارة من الغيني ارحم من توقيع العقد مع غارزيتو الصعب والمتخصص في الفرق السودانيه


محمد حسن شوربجي


امسح للحصول على الرابط
بواسطة : شوربجي
 14  0
التعليقات ( 14 )
الترتيب بـ
الأحدث
الأقدم
الملائم
  • #1
    Sami Mustafa 02-16-2017 02:0
    مالك ومال الخبير المعلم غرزة خليك مع المنسقة قالت لافاني كيسو فاضي وساندتها الجماهير فخرج تحت حماية الشرطة ياريت بكرة تكتب لينا عن الموضوع ده يا شوربة
  • #2
    جعفر صالحين 02-16-2017 01:0
    (( حكام الصومال والجلاكسيات ) اتق الله فى دينك ودنيتك ... فأنت لا تعرف سوى الهمز واللمز والتى هى من صفات ( الحريم )
  • #3
    أبوجديري 02-16-2017 01:0
    يا اخي أنت أنسان حاقد وما عندك غير على الوطن يعني المريخ أو الهلال أو أي فريق سوداني يلعب في البطولات القارية أو الإقليمية يعني هذه الفرق بتلعب باسم السودان .
    فلماذا هذا الحقد لمذا هذا الحرب الإعلامية التي لا تعرف أن توجهها وسوقها إين انت أنت واحد حاقد وحسود وأتنمى الفوز للفرق السودانية في المحافل الدولية
  • #4
    د حسين عز الدين 02-16-2017 12:0
    هههههه
    الظاهر نسيت تشرب الشوربة قبل كتابة المقال ، اديك معلومة الحكام ديل تربطني بيهم صلة قوية ، حيستلموا المعلوم وبعد فترة من عودتهم ساقوم بارسال المبلغ لهم بعد ما اخد حقي، انت راجل قديم في فكرك
    غارزيتو دا انا عارف عامليك وكثيرين من اخوانا بتاعن العرضة شمال وجع فشفاش و وجع جضوم
    خليك في هلالك شان عاوزين نشوف الاميرة السوداء في دواليب الهلال بدلا عن بيوت العنكبوت
    بالمناسبة بتعملوا Pest control لدواليب الهلال؟؟؟؟؟
  • #5
    مريخابي بتاع هظار 02-16-2017 12:0
    يا خي خليك من عقد غارزيتو مع المريخ ، مشكلتكم مع غارزيتو و الفيفا وصلت وين ؟؟ انت ما عارف أنو الفيفا مهددكم بالهبوط لليق ؟؟ و غارزيتو (أنتهز) الفرصة و قال عايز فلوسه علي داير المليم ... يعنى و لا (سنت) واحد ما ح يخليهو ...
    مفروض يكون عندك أولويات و تجترح للجماعة حل لمشكلة غرزة دا !!
  • #6
    الزعيم 02-16-2017 12:0
    ارض الصومال ارض الخير والحكم صومالي. الجنسية يا ترى. انت من اى بلد وجنسيتك. مصرى سوري جنوب تركيا يوناني. أرجو. ان تكتب. جنسيتك اصلك وفصلك بعد داك شجع الكاردينال صاحب الاسم الكنسى السودانى نحنا النوبة ما سمعنا بشوربة. من قبل أرجو لا تشنج جاوب بكل هدوء
  • #7
    عثمان جميل الدوحه قطر 02-16-2017 12:0
    والله العظيم إنت لست لديك ذره من الوطنية ..لانك من بقايا ولقطاء الإستعمار ... وخساره الرد عليك لأنك رجل جاهل وستظل تكتب يوميا مثل هذه الخطرفات والكلام السوقي والبلدي بلغة شوارع وحارات شعبية ... وهل آنت عندما تكتب عن المريخ العظيم هذا تكون في كامل قواك العقلية والذهنية أشك لأنك معتوه وثانيا عقلك مغيب بفعل ماتتعاطاه مع تقدم سنك .
    المريخ هو التاريخ اما كتاباتك يوميا عن المريخ وتتابع اخباره يوميا بهذا ال
  • #9
    Sabry 02-16-2017 11:0
    (وانشاء الله حكام الصومال ما يدخلوا عن طريق صالة كبار الزوار ال في اي بي

    تكتب عمرك كلو ولسه تكتب (انشاء الله)
    استحي والله عيب
  • #11
    waleed 02-16-2017 11:0
    والله حقيقه قالو الاختشو ماتو ياخي انت لا تختشي ولا بتموت سيبك من المريخ لانك لو تابعته الزعيم ح يجيك شلل بالله ركز مع هليلك المتهالك وصفرك الكبييير فريقك عاااطل ما عندو غير الدوري المحلي ناس التريعه والبريعه وغيره والاحتكاك مع فرق زي دي ماباكلك عيش في دوري الابطال والشافك راكب طيران الافريقيه ما كضب ودائر كمان بكل قوة عين تتكلم في المريخ انت لو بتفهم في الكوره يا بتاع الشوربه اي مباراة يلعبها المريخ في ابطال العرب او افريقيا بتجهز الفريق وبتكشف للمدرب مواضع القصور عشان يعمل علي علاجها وخلينا نتقابل بعد اول مباراة ليك في ابطال افريقيا بس ما تحتجب يا بائع الشوربه النتنه
  • #12
    تونجيلا 02-16-2017 10:0
    ولا اظن ان العروس السمراء ستقبل بعريس هزيل زى صفر البلد صدقت فى دى ياعم شوربة"" العروس السمراء دايره ليها ناس تسد وتقد دفاعكم الراقد صلطة ما بينستلر مع الخطاب الكثر"" شوفوا عروس محلى شبهكم والحكام ما بيقصروا معاكم.
  • #14
    عزالدين ابراهيم عبدالرحمن 02-16-2017 10:0
    انا داير اعرف الدخل الحمام الميت الهليل مع الفرق ناس الاهلي والترجي والمريخ الفرق المسجله في لوح الشرف شنو انتو مسجلين مع ناس الاهلي الخرطوم ومريخ كوستي والتريعه اوعك تسجل الهلال مع الفرق دي تاني والله دي تعليمات ستكم فطومه
    الفرق مقامات وانتو مقامكم ما هنا ابدا انتو مع الفرق التي لم ولن تحمل كاسات خارجيه يعني رصيدها صفررررررررررررررررررررررررررررررررررررررررررررررررررررررررررررررررررررري وسلام يا شوربه عدس
    هات واحد شوربه عدس وصلحووووووووووووووووووووووووو
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019