• ×
السبت 19 يونيو 2021 | 06-19-2021
محمد عثمان الجعلي

الهلال الفنان وهروب الجيران

محمد عثمان الجعلي

 14  0  3664
محمد عثمان الجعلي

هلال العشق الجميل ماض وافر وحاضر باهر ومستقبل زاهر ... صدق من قال ... إن الهلال مثل عود الصندل يعطر فأس قاطعيه ، طبعاً هلال 2017 ماشاء الله وتبارك الله قدامكم وهو بطل الثنائية ومعفي من التمهيدي مع التسعة الكبار ، وكما يقول مثلنا السوداني ( البنشاف بي العين مابتشكر ) ... وهلال الساجدين يكسب نقاطه على الدوام بخدمة اليمين وعرق الجبين ، عشان كدة ينال على الدوام كأسات المكاسب ويرفض ( كأسات المكاتب ) ... وشايف الجيران يقلبوا في صفحات التاريخ ويقولوا أن الهلال ينال على الدوام فوزه بمحاباة الحكام وهذا إفتراء يكرره المرجفون في المدينة بإعتبار أن ( ماتكرر تقرر ) كما تقول الحكمة ، واليوم نحن فاضين ليكم عايزين نقلب صفحات التاريخ ، والتاريخ خير شاهد وهو شاهد محايد ، وعايزين نتحدث عن هروب المريخ من أمام سيد البلد ، تخيلوا المريخ هرب من الهلال 3 مرات أو أكتر ( والله زي ما أقول لكم ) الأولي يوم الأحد 22 يوليو 1956 ( أيام حكومة أزهري ) حيث أقيم لقاء ودي بين الهلال والمريخ إنتهي لصالح محبوب الملايين برباعية مقابل هدفين أحرز رباعية الهلال... زكي صالح هدفاً رائعاً برأسية في شباك حارس المريخ فيصل السيد في الدقيقة الأولى مستفيداً من كرة حمادة العالية ( من زمان أسامينا حلوة ) وفي الدقيقة 15 أرسل حسن العبد كرة أمام المرمي حاول سبت دودو صدها ولكنها إرتدت أمام مهاجم المريخ بشرى الذي أحرز منها هدف التعادل وفي الدقيقة 30 إحتسب الحكم ضربة جزاء للهلال تصدى لها الأمير صديق منزول وأحرز هدف الهلال الثاني وهنا أنفلتت أعصاب جماهير المريخ وأساءت للأمير صديق منزول وأحرز على محجوب الهدف الثالث للهلال في الدقيقة 38 من كرة هيأها له صديق منزول بالمقاس ، وأحرز بشري الهدف الثاني للمريخ وباغت لاعب المريخ ( قرعم ) نجم الهلال عثمان الديم بلكمة خطافية على وجهه وطرده الحكم ودخلت جماهير المريخ أرض الملعب وتم إخراجها بواسطة الشرطة وبعد ( تحانيس ) أكمل لعيبة المريخ المباراة بعد أن إنسحبوا ...وأطلق عامر حسن رصاصة الرحمة وأحرز الهدف الرابع للهلال ، ده الهروب الأول ... أما الهروب التاني ( ياسيد الأمنتي ليك ) كان يوم الأحد 10/12/1973 عندما فاز الهلال على المريخ في مباراة دورية بثنائية جكسا وقاقرين حيث أحرز جكسا الهدف الأول في الدقيقة 15 وفي الدقيقة 25 لعب عزالدين الدحيش كرة لولبية للرمح الملتهب علي قاقرين الذي أحرز منها الهدف الثاني فإحتج مدافع المريخ سليمان عبد القادر على الهدف الثاني بحجة التسلل ووجهه للحكم إنتقادات وكلمات لاذعة وطرده الحكم بالكرت الأحمر فرفض تنفيذ الطرد ووجه لاعب المريخ عمر أحمد حسين لكمة لرأس نجم الهلال محمد على الجاك ( شواطين ) أفقتده الوعي لمدة يومين ورفض المريخ إكمال المباراة ( الناس ديل من زمان همباتة !! ) أما الهروب التالت مع بداية الدوري الممتاز بمسماه الجديد بأستاد المريخ يوم الجمعة 18/7/1996 عندما تقدم الهلال بثنائية جمال سانتو ووالي الدين وتعرض زاهر مركز لكعبلة داخل خط 18 من مدافع المريخ حاتم ولم يتردد الحكم حسين سليمان في إحتساب ضربة جزاء للهلال ، وهنا تقدم زيكو وخطف الكرة ومنع تنفيذ ضربة الجزاء وقال قولته المشهورة ... ( معقول نخلي العوراء ديل يغلبونا ستة !! ) ... أها بعد دا كلو عزيزي القارئ الكريم إن شاء الله تكون عرفت ليه الإعلام السالب بهاجم التحكيم صباح مساء ووقتها لم يكن الرجل القوي أحمد محمد صالح سكرتير لجنة الحكام وكان التميز أيضاَ هلالي .
*** مباراة التريعة والنقاط السريعة
هلال العشق الجميل إمتداد لذاك الجيل ، جيل الذهب ناس الدحيش وجكسا ومنزول وقاقرين وغيرهم من نجوم الهلال الميامين ... ومباراة الهلال القادمة مساء الثلاثاء أمام القادم الجديد تريعة البجا ورصيد أولاد الجبل 7 نقاط نالها التريعة من فوز على الأمل عطبرة ومريخ نيالا وتعادل مع أهلي عطبرة وخسر من الوادي نيالا ، ويقوده المدرب الوطني الفاتح النقر ، ومن أبرز نجوم التريعة مصعب العلمين والمهاجم حامد بشير والمحترف التشادي موسى نور وهشام موسى وأحمد أبكر وعبدالله فكي وبرتدي الفريق الزي الأخضر ، وبإذن الله مباراة تريعة البجا هي مباراة عودة الحق إلى أهله والهلال إلى صدارته ، ونتمني من المدرب الفرنسى لافاني أن يمنح الفرصة كاملة للكابتن الخلوق كاريكا ويجب ألا ننصب له المشانق إذا لم يوفق في ضربات الجزاء عدة مرات لأنه أدخل على نفوسنا الأفراح عدة مرات بأهدافه الحاسمة ، أما ضياع ضربات الحظ أو ضربات المعاناة كما يسميها البعض فقد أضاعها كبار النجوم في العالم فقد أضاعها قائد منتخب فرنسا ميشيل بلاتيني في كأس العالم 1986 كما أضاعها قائد منتخب البرازيل سقراط في نفس المباراة أمام فرنسا وأطاحت بأحلام بلاده رغم أن سقراط تخصص ضربات جزاء وأضاعها مارادونا عام 1988 في مباراة الريال ونابولي كما أضاعها روبيرتو باجيو وأطاحت بإيطاليا من كأس العالم 1994 وأيضاً أضاعها الإنجليزي ديفيد بيكهام أخصائي ضربات الجزاء فى مباراة بريطانيا وفرنسا في أمم أوربا 2004 ، أعجبتني جماهير الهلال الواعية وهي تؤازر الكابتن الخلوق كاريكا بعد ضياع ضربة الجزاء وهي تهتف ولا يهمك واثقين منك وكاريكا رصيده يسمح ، ولله در القائل
*** دع من شفيع صحبة ما أذنبت ...وأهنأ بمحبوب الجمال بديع
*** وإذا الحبيب أتى بذنب واحد ... جاءت محاسنه بألف شفيع
يجب أن نعلم أننا في حوجة لكاريكا خاصة أن مباراتنا السادسة مع الأهلي شندي بالجوهرة وبعدها سوف نذهب لنيالا لنلعب ضد مريخها وبعد إسبوع سوف نلعب ضد الوادي في نيالا وبعدها قمة عطبرة في الجوهرة الأهلى والأمل على التوالي .
*** إقامة سرادق العزاء لضربات الجزاء
إنتوا عارفين الليلة شغلنا تاريخ بس والتاريخ خير شاهد ، تروج الصحافة الصفراء لأكذوبة أن الهلال ينال ضربات جزاء أكثر من المريخ وهذا هو سبب فوزه بالبطولات أكثر من المريخ ، ولقد قام الأستاذ صلاح التوم من الله مشكوراً قبل مدة بإحصائية لضربات الجزاء التى نالتها القمة في 10 سنوات فوجد أن الهلال نال 28 ضربة جزاء والمريخ 37 ضربة جزاء ، وعام 2003 نال الهلال 4 ضربات جزاء والمريخ 3 ضربات وفاز الهلال وقتها بفارق 18 نقطة عن أقرب وصيف ، ويروج الإعلام السالب بأن فريقه منذ عشرين سنة لم ينل ضربة جزاء وهذه فرية أخرى حيث نال المريخ ضربة جزاء ضد الهلال في 19 /10/2014 حيث فاز المريخ على الهلال في نهائي كأس السودان 3/1 وأحرز الأهداف ضفر وأيمن سعيد وراجي وهدف أيمن سعيد من ضربة جزاء إحتسبها الحكم المريخابي وديدي الفاتح ، كما نال المريخ ضربتي جزاء ضد الهلال في الكونفدرالية عام 2012 بواسطة حكم الجلاكسي جاني وأحرز منهما ساكواها هدفين وفاز المريخ 3/2 يعني المريخ نال ضربات جزاء محلية ودولية ضد الهلال ، ورغم ذلك يقيم الإعلام السالب سرادق العزاء لضربات الجزاء أما ضربات الجزاء الوهمية التي نالها المريخ في الدوري الممتاز ضد بقية الأندية فلا يسع المجال لذكرها ، ويجب أن يسأل الإعلام السالب نفسه هل ضربات الجزاء التي نالها الهلال وهمية أم حقيقية وهذا هو مربط الفرس ، مفروض أبوشيبة يحكم ضميره ولو مرة واحدة في العام ويعترف بضربات الجزاء الصحيحة التي لم تحسب للهلال وعكسها الوهمية التي حسبت للمريخ .
*** همسة الوداع
حبايبنا الحلوين قالوا لقوا واحد سوري في مالابو عاصمة غينيا حجز ليهم في فندق هيلتون ودفع مقدم المبلغ للفندق !! إنتوا وفد نادر مالك ماشي بلا فلوس يسوي شنو !! ماشاء الله على هلال التبلدي الذي فاز بثنائية وعندما يذهب إلى سيشل سوف يأخد معه مصاريف كافية مازي ( بشتنة ناس المريخ ) قطر الوالي فيه 32 عضو ماقادرين يدفعوا حق الفندق !! والشعب السوري الفيهو مكفيهو ، وبهذه المناسبة نهمس في أذن الإعلام الأحمر إنتوا ماشين بلا قروش لي مالابو فاكرين نفسكم مدّاحين ولاّ من جماعة التبليغ ؟ مجرد سؤال .
امسح للحصول على الرابط
بواسطة : محمد عثمان الجعلي
 14  0
التعليقات ( 14 )
الترتيب بـ
الأحدث
الأقدم
الملائم
  • #1
    منعم ابوناصر 02-13-2017 10:0
    يكفيكم شراد زيكو يا عزو وصدقنى ماعندكم اى احد يصرف على وصيفنا الدائم هو رجل واحد بصرف من مال الشعب والايام دى مال الشعب بقى مراقب عشان كده شكلكم شبه مفلسين واتحداك خلى الوالى يمشى نشوف مين يتقدم الصفوف مالم يكون فى جه معينه بتدفع او تشمرو السواعد انتم روابط الخليخ وتعملو اشتراكات عشان تمشو جنازة البحر التى لم يقبل بها احد وطبعا عددكم قليل فى الخارج كما هو فى الداخل 00 وانا عارف انكم سوف تلون عنق الحقيقه وذكرت ذالك فى تعليقى لانكم معروفين للقاصى والدانى وشوف تعليق الصحفى المتخفى بأسم ابومحمد والصحفى الاخر المتخفى بأسم السما الاحمر وهذا نوع من جبن الوصايفه اظهر ياصحفى الصدى
  • #2
    البشرى السيدالامين 02-12-2017 06:0
    الحقيقة شروطكم للتعليق بتعني انه لا احد يعلق لا نعني ان نسيء ولكن نرد على الاساءة ونرد على المقالات التي يكون فيها افتراءات والحقيقة ميولكم واضحة وضوح الشمس والملاحظ لا احد يعلق وهذا ماتريدون ..... لا احد يسء وانما هناك تعليقات بتفحم ميولكم فجاءة الشروط والمواصفات زرقان
  • #3
    السما الأحمر 02-12-2017 05:0
    مستحيل يتم نشر تعليق على مقالات هذا الكاتب الذي يدعي الوله والعشق لابوالهل المهلهل بس طولة لسان
  • #4
    الامين عبدالقادر 02-12-2017 05:0
    التحية والسلام اخوى الجعلى -- تعازينا لكم فى الخالة ربنا يجعل مثواها الجنة وجزاكم الله خيرا فى اتصالكم بعد رحيل اختنا وامنا الروؤم آمنه عبدالقادر (بت وهب ) ربنا يرحمها ويغفر لها ويكرم نزلها ويجعل قبرها روضة من رياض الجنة ويسكنها مع الصديقين والشهداء والصالحين وحسن اولئك رفيقا وشكرا لكل الاخوة الذين اتصلوا هاتفيا او اسفيرا ولاخوتى فى هذا الموقع الرحيق خالص مودتى وتحياتى وربنا يرحم امواتنا واموات المسلمين ---
    لن تستطيع ان تجارى الوصيفاب فى بلاويهم ويكفينا اننا اسياد اليلد وفخر البلد وابطال البلد على مر الدهور والخرخرة ما هيلتنا وخليهم يمسكوا فى الصفر ولن يقتنعوا حتى لو احرزنا كاس العالم للاندية !!!
    ودمتم للوطن والهلال فى حفظ الرحمن ورعايته
  • #5
    الامين عبدالقادر 02-12-2017 05:0
    التحية والسلام اخوى الجعلى -- تعازينا لكم فى الخالة ربنا يجعل مثواها الجنة وجزاكم الله خيرا فى اتصالكم بعد رحيل اختنا وامنا الروؤم آمنه عبدالقادر (بت وهب ) ربنا يرحمها ويغفر لها ويكرم نزلها ويجعل قبرها روضة من رياض الجنة ويسكنها مع الصديقين والشهداء والصالحين وحسن اولئك رفيقا وشكرا لكل الاخوة الذين اتصلوا هاتفيا او اسفيرا ولاخوتى فى هذا الموقع الرحيق خالص مودتى وتحياتى وربنا يرحم امواتنا واموات المسلمين ---
    لن تستطيع ان تجارى الوصيفاب فى بلاويهم ويكفينا اننا اسياد اليلد وفخر البلد وابطال البلد على مر الدهور والخرخرة ما هيلتنا وخليهم يمسكوا فى الصفر ولن يقتنعوا حتى لو احرزنا كاس العالم للاندية !!!
    ودمتم للوطن والهلال فى حفظ الرحمن ورعايته
  • #6
    منعم ابوناصر 02-12-2017 04:0
    الحمدلله على كاسات المكاسب و(نبرى) من كاسات المكاتب ودى ماركه مسجله يأسم الوصيف(((بعد الهمبته والملاكمه تانى عندك كلام ياالعارف عزو))فعلا اذا الحبيب اتى بذنب واحد 000جأءت محاسنه بألف شفيع)) يستحق كاريكا ان يشفع له وماقصرت ياابوعثمان00ايه رايك ياالعارف عزو فى هذا السرد عن ضريات الجزاء انا عارف رأيك مسبقا لانكم دائما تلون عنق الحقيقه لكن التاريخ موجود والمؤرخين على قيد الحياة (صنقعو للسماء يطيرو ولا بتجرو))حبايبك ماعندهم فلوس هو رئيس النادى الوالى ولا ودالحاج الخلاها عجاج0 مجرد سؤال
  • #7
    فيصل الاقرع 02-12-2017 01:0
    يسلام جعلينا سوتو قطر الوالي ما كان بص والا الاربعه انفار الزياده بقو قطر انا خايف بعد شويه تسويهو باخره ياالجعلي وشنو الانسحابات الكتيره دي حرب والا كوره ؟ لكن انسحاب زيكو انا بعبروا مبررر وتكتيكي لانه ذكر الاسبابا
    ومن أبرز نجوم التريعه المحترف (التشادي موسى نور وهشام موسى وأحمد أبكر وعبدالله فكي ) ديل لعيبه والا شيوخ اما ضربات الجزاء يا الجعلي هجوم زي هجوم الهلال الفي السنوات الفات غير ضربات الجزاء البوقفوا شنو
    والسوريين ناس بقوا مننا وفينا ومجرد سؤال ان شاءالله اكون رجعوا له قروشه ما الحقن قروش عمر بخيت
  • #8
    ابوحسن 02-12-2017 12:0
    لك التحية استاذنا القديرمحمد عثمان والله جزاك الله خيرا علي اظهار هذه التواريخ والحقائق من زمان علي اهل الصفوة هههههههه
    عرفنه حاجه ناس العارضة من زمان بتعيين شقب والكلام دا اعلام الدكوة عارفو كويس وساكت عامل رايح فضائح هسع وزماان
  • #9
    عزالدين ابراهيم عبدالرحمن 02-12-2017 11:0
    في مثل سوداني بيقول تشكر الراكوبه في الخريف واوعي تكون ما بتعرف الراكوبه يا الجعلي دحين يا خونا ماضي شنو البتتكلم عنو بالفالح شن عندك في الماضي واكان لي بطولات الممتاز والله والله يمكن الربع شلتوها بالحكام
    وضربات الجزاء القعد يتكلمو فيها في الممتاز لا تلخبط الكيمان يا خوي المريخ محرمه عليه عديل 21 سنه ما اخد ضربه جزاء امام الهلال وكان لي احصائيتك دي بس شوف السنه الفاتت مع اهلي مدني 4 ضربات جزاء في مبارتين بالله انتو ما خجلتو سالتكم بالله ونحن يا خوي راجلا قعد يدفع لينا مافي ابدا المريخ فيه رجال يسدو عين الشمس
  • #10
    عزالدين ابراهيم عبدالرحمن 02-12-2017 11:0
    الرئيسية / الاخبار الرياضية / بالإحصاء ..انسحاب الهلال من الدوري هذا الموسم حمل الرقم ١٢ في تاريخ انسحاباته
    بالإحصاء ..انسحاب الهلال من الدوري هذا الموسم حمل الرقم ١٢ في تاريخ انسحاباته

    best prices for all customers! dapoxetine price in egypt . free delivery, buy priligy dapoxetine online. buy fluoxetine online baclofen mg, cheap lioresal, buy cheap baclofen , lioresal mg, purchase baclofen , buy lioresal, lioresal intrathecal. , buy prozac usa, buy prozac online australia. europe fluoxetine 20 mg sevrage cheap brand prozac prozac 20 mg price in india . imageارجع مؤرخون سودانيون انسحاب الهلال من الدوري الممتاز هذا الموسم الي رقم ١٢ مؤرخين ان الهلال قبل هذا التاريخ انسحب من منافسات مختلفة ١١ مرة ويعتبر هذه هي المرة رقم ١٢ وكان اول انسحاب حسب الرصد الذي تنقله (سودانا فوق) عام 1963 حيث انسحب الهلال من مواجهة المريخ. والانسحاب الثاني كان في دوري السوداني م26/3/1968 انسحب الهلال من امام المريخ وفي يوم 6/12/1978انسحب الهلال من مواجهة المريخ في كأس السودان م وفي يوم 5/5/1982م انسحب الهلال من مواجهة المريخ في الدورة الثانية لدوري العاصمة وفي يوم 25/3/1990م انسحب من امام المريخ. وفي يوم انسحب الهلال من مواجهته مع المريخ في الدورة الثانية لدوري الخرطوم يوم 21/10/1997م وفي 5 أغسطس 2000م (بطولة الصداقة الدولية بأبها). وفي لقاء القمة على نهائي دورة اتحاد الخرطوم التنشيطية يوم 12/12/2002م.وفي عام 2008م مباراة النيل (اعيدت المباراة وتراجع الهلال عن الانسحاب وفي ديسمبر 2008 من مباراة الإياب أمام فريق وفاق سطيف الجزائري وفي ختام موسم 2013م انسحب الهلال من مباراته مع المريخ على نهائي كأس السودان،.وفي أكتوبر من عام 2015 من بقية مباريات الدوري .
  • #11
    ابو حازم 02-12-2017 08:0
    سلام عليكم ورحمة الله ، لك التحية الحبيب الجعلي ولكل قراء كفر ووتر الحبيبة، يا الجعلي براحة على الجماعة ديل مهما كان هم برضو جيران ولازم نقدر الحتة دي مادام هم ما مقدرنها، كونو احسن منهم ياخي، ناس زهجانة ومفلسة وراجياهم من مباراة ربما يكون منها الطيران من التمهيدي، خليهم يدخلو المدرسة بعدين اهبشهم، طيران التمهيدي ده كعب خلاص.
    التاريخ فعلا لا يكذب والحقائق مسجلة ومرصودة، لكن المكابرة وتغطية الفلس بتسوي أكتر من كدة، وتحياتي للجيران
  • #12
    السما الأحمر 02-12-2017 07:0
    ههههههههه خلاص غيرت قناعات الناس الطيبين وهلال ايهة..ساجدين ..الظاهر عليك نزلت من الخط الابيض ..نصحيتي لك ان تخافظ على صحتك وتترك التعصب المغيت حق ناس خلف الله.. انت كان فيك حبة شاعرية لكن بدات تقلد خلف الله وتنقل عبارته ..اتمنطقييييييي
  • #13
    أبومحمد 02-12-2017 07:0
    ماهذا الغثاء؟ من أقنعك بأن ما تكتب هو عمود رياضي .

    أعوذ بالله
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019