• ×
الجمعة 16 أبريل 2021 | 04-15-2021
شوربجي

هل تنجح ابو قفه في العوده بالمريخ

شوربجي

 4  0  1514
شوربجي


((())) متصدر ولا تكلمني :

الوقائع تقول ان الهلال اولا

وان تكون في المقدمه فهذا فخر لك

و أن تكون سيدا فهذا يعني أنك مميز

ومع البدايات يتصدر الهلال الدوري

وبنظره سريعه لترتيب الفرق الاخري

نجد ان المريخ وابنائه هم من في قاع الدوري ولا غيرهم

وقد يطول بهم البقاء في هذا المكان حتي يقضي الله امرا كان مفعولا

وقد يسقط الاب في بورسودان امام حي العرب

وقد يتدحرج عن الوصافه التي اعتاد عليها طويلا

وفي ٢٠١٦ كاد ان يفقدها في خواتيهما

ولكنه ظفر بها بكرامة البليله بسبب اجتماع جده ما بين الارباب وجمال الوالي

وخروج الارباب من السجن

وزيارة جمال الوالي له في المنزل

ونتج عن ذلك اداء الباهت لاهلي شندي لتسليم المريخ وصافته الموروثه

وقد كان هلال التبلدي والخرطوم الوطني واهلي شندي في صراع محموم لنيل تلك الوصافه

ولكنها ذهبت للمريخ غير راضيه

ما يهمنا هو ان يحافظ الهلال دوما علي تقدمه


((())) التهديدات وثورة ابو قفه :

هي ثورة فرنسيه اعلنها السيد ابو قفه وحتي النصر

ومن قفة كسلا لسمك بورسودان

ومن جمعه القضارف الي مهند بورسودان

والخوف من السوكرتا

وحماس السوكرتا

واصرار السوكرتا

وزعل السوكرتا

واذا كان في كسلا ثعابين وحجبات في بورسودان دلافين وحيتان

واكيد عاشور سيواصل مسلسل الخوف من ( التعبان ) الثعبان بنطق المصريين

وكويس انو فطوطه وصل وابو فطوطه معنوياته عاليه

ولكنه اصدر تهديداته القويه لللاعبين

في الفاشر لقيت خاتم سليمان

وفي كسلا لقيت قفة برتقان

وفي بورسودان انشاء القي لي سمك وحيتان

اي لاعب يقصر في واجباته حنخليه في بورسودان

واي لاعب ما يلعب تمام هو الخسران

ويا لاعبي المريخ يجب انقاذ ما يمكن انقاذه

وسوف يتم رفع ساعات التدريب الي الساعه ١٢ بالليل

وما في شيشه ولا سهر ولا كونكان

وفي خصم ٢٠ ٪ لاي لاعب فلتان

و الفريق عبد الله حسن عيسى هو كمان زعلان

من الاستهتار الغريب الذي ادى به اللاعبون مباراة كسلا وانه سيضرب الفوضى والتسيب واتخاذ عقوبات رادعة خاصة بحق كبار اللاعبين الذين تنازلوا عن دورهم في القيادة للقيام بأدوار أخرى لا تفيد المريخ في شيء

وعصام الحاج برضه زعلان وهدد اللاعبين بالخصم المادي

واعلام المريخ برضه زعلان وهدد اللاعبين

وفاروق جبره برضو زعلان وهدد اللاعبين

وجمال سالم برضه زعلان وهدد الادارة بالمستحقات

يا بورسودان حني عليا

وعروس البحر يا حوريه

يابورتسودان ياحنيه

من قلبي التايه في حبك

اهدي سلامي والف تحيه

يشوق الفرحه النشوانه

يأماسي الحب الشرقيه

لرقصه رشيقه بجاويه

لغنوة حزينه سواكنيه

لعيون احبابنا الحلوين

لليالي الفرح الورديه

لدروبك في الحب نديانه

تخضر لحظات رايعه هنية

والبحر الهايم في ريدك

يرسم خديك بحنيه

ياثغر البهجه بذكراك

ماليا حياتي و جوا عينيا

يا عروس البحر ياحوريه

يابورتسودان ياحنيه

من قلبي التايه في حبك

اهدي سلامي والف تحيه


((())) صهيب الثعلب ازرق الهوي :

يحلم بعض السذج بامكانية انتقال لاعب الهلال الموهوب صهيب الثعلب الي المريخ وبنفس طريقة هيثم طمبل

الوضع يختلف هنا

فصهيب متعاقد مع الهلال وتم تجديد عقده ثلاثه سنوات وهذا يمنع تسجيله في المريخ

ولا اظن ان يكون هناك كبري او سمكره في الموضوع

الهلال متفق مع اللاعب ومع الفريق السعودي بطريقه قانونيه سليمه

واللاعب سيعود الي الهلال بعد ٦ اشهر ليتم الاستفاده منه في قادم المستحقات

لا اظن ان لاعبا ذكيا سيرمي بنفسه في الجحيم الاحمر حيث العوز والفلس

ومرتبك ما مضمون وحتي وقت تجميع الاموال من النفرات او قائمة الشرف او تحويل الرصيد

خزينة المريخ خاويه علي عروشها ودي حقيقه صرح بها بعض الاداريين

ايه اللي يجيب الثعلب او اطهر او اي لاعب للمريخ

والايام بيننا


((())) لا للسلع الزراعيه المصريه في السودان :

دعت القاهرة، الجمعة الخرطوم إلى رفع كافة القيود على الصادرات الزراعية المصرية إلى السودان وإعادة النظر في قوائم السلع السلبية. وحظرت الحكومة السودانية استيراد جميع الخضر والفاكهة والأسماك من مصر مؤقتا منذ سبتمبر الماضي، بعد تقارير أميركية تشير إلى تسبب المنتجات المصرية في مشكلات صحية كإلتهاب الكبد الوبائي وأمراض أخرى. وكانت 7 دول إتخذت اجراءات مشددة لحظر استيراد المنتجات الزراعية المصرية بعد شكوك من جهات دولية حول مدى صلاحيتها للاستهلاك الأدمي، كما شددت دول الكويت، الأردن، الإمارات، السعودية، روسيا واليابان، رقابتها على السلع الزراعية مصرية المنشأ. وبحسب المتحدث باسم وزارة الخارجية المصرية أحمد أبو زيد، فإن لقاءا بين وزيري خارجية السودان ومصر تناول أهمية النظر في رفع كافة القيود السودانية على الصادرات الزراعية المصرية وإعادة النظر فى قوائم السلع السلبية، بما يسهم فى دعم التجارة المشتركة بين البلدين. وانعقد اللقاء بين وزير الخارجية السوداني إبراهيم غندور ووزير الخارجية المصري سامح شكري على هامش اجتماعات الدورة العادية الـ 30 للمجلس التنفيذي بالاتحاد الأفريقي في العاصمة الإثيوبية أديس أبابا.

انتهي البيان

ليس الحكومه من ترفع الحظر

الشعب هو من يرفع الحظر

انا وانت

وعلي الحكومه ان لا تملأ الاسواق بالمنتجات المصريه المرويه بمياه المجاري

لا تشتروا اخوتي المنتجات الزراعيه المصريه

ولا تأكلوها ولو بالمجان

لان المقابل امراض كبد وبائي لا علاج له

وان ارادت الحكومه ان نأكل المنتجات الزراعيه المصريه عليها الالتزام الاخلاقي بالفحص المخبري الدقيق علي هذه المنتجات والالتزام الكامل بعلاج اي انسان يصاب بمرض الكبد الوبائي


((())) شوفوا مزمل ابو القاسم بيقول شنو :

((())) اعتراف بفشل معسكر تركيا :

اعترف السيد مزمل ابو القاسم بأن معسكر تركيا كان تعبان شديد حيث قال :

تحدث اللاعبون وقتها عن أنهم لم يدخلوا صالة الجيم بتاتاً في أنطاليا والدوحة والخرطوم، ولم يؤدوا أي تدريبات على الرمال خلال فترة الإعداد، وذكروا أن كل تمارين هاي في المعسكرات الثلاثة انحصرت في تدريبات كرة، وتمارين تقوية للبطن والظهر.

* في تركيا تحدث نجوم الفريق مع التركي هيلات حول عدم كفاية التدريبات اللياقية، وذكروا له أنهم هيأوا أنفسهم لما هو أصعب مما يحصلون عليه، فاعتذر بأنه غير متخصص في اللياقة البدنية، وأن تكليفه بهذا الملف أتى على خلفية تعيين فاروق جبرة مدرباً عاماً للفريق!!

* كذلك تحدث مدرب الحراس الجزائري مع إدارة النادي منتقداً طريقة الألماني في تجهيز الفريق، وكلفه ذلك فقدانه منصبه، بعد أن علم هاي برأي سبع فيه.

تعليق :

طيب يا سيد مزمل ما كنا نقرأه في صحفكم هو مغاير لهذه الكلمات

لقد وصفتم لنا فريقا رهيبا يهز الارض ويهزم الفرق باهداف غزيره والغربال كان رائعا وعاشور كان متألقا وبكري سيلعب في اوروبا

والله حرام عليكم جماهيركم المسكينه وهذا الخداع

ويا حسره


((())) شوفوا محمد عبد الماجد بيقول شنو :

ﻣﺠﻠﺲ ﺍﻟﻤﺮﻳﺦ .. ﻗﺎﻟﻮﺍ ﻟﻴﻚ ﺍﺟﺘﻤﻊ ..ﻭﻗﺎﻝ ﺍﻋﻀﺎﺀ ﺍﻟﻤﺠﻠﺲ ﻧﺤﻦ

ﻻﺯﻡ ﻧﻌﻤﻞ ﻟﻴﻨﺎ ﻗﺮﺍﺭﺍﺕ ﻗﻮﻳﺔ.

ﻻﺯﻡ ﻧﻄﻠﻊ ﻟﻴﻨﺎ ﻗﺮﺍﺭﺍﺕ ﻗﻮﻳﺔ .. ﺗﻌﻴﺪ ﻫﻴﺒﺔ ﺍﻟﻤﺮﻳﺦ .. ﻭﺗﺤﻔﻆ ﻟﻴﻨﺎ

ﻛﺮﺍﻣﺘﻨﺎ ﺑﻴﻦ ﺍﻟﺠﻤﺎﻫﻴﺮ.

ﻋﺼﺎﻡ ﺍﻟﺤﺎﺝ .. ﻗﺎﻟﻮﺍ ﻗﺎﻝ ﻟﻴﻬﻢ ﻧﻌﻤﻞ ﺷﻨﻮ؟ ﻋﺎﻭﺯﻳﻦ ﻟﻴﻨﺎ ﻗﺮﺍﺭ

ﻗﻮﻱ ﻳﻌﻴﺪ ﺍﻟﻬﻴﺒﺔ .

ﺣﺎﺟﺔ ﺗﺸﻐﻞ ﺍﻟﻨﺎﺱ .

ﻭﺗﺸﻐﻞ ﺍﻟﺠﺮﺍﻳﺪ.

ﻭﺗﻤﺮﻗﻨﺎ ﻣﻦ ﺍﻟﺤﻔﺮﺓ ﺩﻱ .

ﻓﻲ ﻭﺍﺣﺪ ﻣﻦ ﺍﻟﻤﺠﻠﺲ ﺭﻓﻊ ﺍﺻﺒﻌﻮ ..ﻭﻗﺎﻝ ﻧﺸﻴﻞ ‏( ﻏﺎﺭﺯ#65267;ﺘﻮ ‏)

ﺯﻱ ﻣﺎ ﺷﻠﻨﺎ ﺍﻧﺘﻮﻧﻲ ﻫﺎﻱ .ﻧﺸﻴﻞ ﻏﺎﺭﺯﻳﺘﻮ .

ﻋﺎﻣﻞ ﻋﻴﻮﻧﻮ ﺍﻟﺨﻀﺮ ﺩﻳﻞ.

ﺍﻟﻤﺠﻠﺲ ﻛﻠﻮ ﻗﻌﺪ ﻳﺼﻔﻖ.

ﺑﺺ ﺍﻟﻮﺍﻟﻲ ﻗﻌﺪ ﻳﺼﻔﻖ.

ﻣﺰﻣﻞ ﺍﺑﻮﺍﻟﻘﺎﺳﻢ ﻗﺎﻡ ﻟﻴﻚ ﻓﻴﻬﻢ ..ﻗﺎﻝ ﻟﻴﻬﻢ ﺍﻧﺘﻮﺍ ﻋﺎﻭﺯﻳﻦ ﻧﺎﺱ

ﺍﻟﻬﻼﻝ ﻳﺎﻛﻠﻮﺍ ﻟﺤﻤﻨﺎ ..ﻋﺎﻭﺯﻳﻦ ﺗﻔﻀﺤﻮﻧﺎ ﻭﺳﻂ ﺍﻟﻨﺎﺱ ..ﻧﺸﻴﻞ

ﻏﺎﺭﺯﻳﺘﻮ ﻛﻴﻒ ﻭﻧﺤﻦ ﻣﺎ ﺍﺗﻌﺎﻗﺪﻧﺎ ﻣﻌﺎﻩ؟.

ﻧﺸﻴﻠﻮ ﻣﻦ ‏( ﺍﻟﻤﻘﺼﻮﺭﺓ ‏) .

ﺍﻟﺰﻭﻝ ﺩﺍ ﻟﺴﻪ ﻣﺎ ﻣﺴﻚ ﺍﻟﻔﺮﻳﻖ .. ﻣﺎ ﻓﻲ ﻃﺮﻳﻘﺔ ﻧﺸﻴﻠﻮ ..

ﺍﻭﻝ ﺣﺎﺟﺔ ﻧﺘﻌﺎﻗﺪ ﻣﻌﺎﻩ .. ﺑﻌﺪﻳﻦ ﻧﺸﻴﻠﻮ.

ﺍﺻﺒﺮﻭﺍ ﺧﻠﻮﻧﺎ ﻧﺘﻌﺎﻗﺪ ﻣﻌﺎﻩ ..ﻭﺍﻟﻠﻪ ﻧﺸﻴﻠﻮ ﻟﻴﻜﻢ ﻓﻲ ﺍﺳﺒﻮﻉ .

3 ﻳﻮﻡ ﻣﺎ ﺑﻘﻌﺪﻫﺎ ﻣﻌﺎﻧﺎ .

ﺧﻠﻮﻧﺎ ﺑﺲ ﻧﺘﻌﺎﻗﺪ ﻣﻌﺎﻩ .

ﻭﺍﻟﻠﻪ ﻏﺎﺭﺯﻳﺘﻮ ﺩﻱ ﻛﻤﺎﻥ ﻓﻴﻪ ﺣﻼﺓ ﺍﻃﺎﺣﺔ.

ﻓﻲ ﻭﺍﺣﺪ ﻣﻦ ﺍﻻﻋﻀﺎﺀ ﻗﺎﻝ ﻟﻴﻬﻢ ﻣﻤﻜﻦ ﻧﺸﻴﻠﻮ ﻟﺘﻘﺪﻡ

ﺍﻟﺴﻦ .. ﻣﺒﺎﺭﺍﺓ ﺍﻟﺸﺮﻃﺔ ﻭﺍﻟﻤﺮﻳﺦ .. ﻏﺎﺭﺯﻳﺘﻮ ﺍﻟﻤﺒﺎﺭﺍﺓ ﻛﻠﻬﺎ ﻳﻜﻮﺭﻙ

ﻓﻲ ﺍﻟﺼﺎﻭﻱ ﺍﻟﺴﻤﺎﻧﻲ ﻭﺑﻘﻮﻝ ﻟﻴﻪ ﺍﺭﺟﻊ ﻳﺎ ﻣﺼﻌﺐ ﻋﻤﺮ .

ﻗﺪﺭ ﻣﺎ ﺷﺮﺣﻨﺎ ﻟﻴﻪ ..ﻭﻗﻠﻨﺎ ﻟﻴﻪ ﻣﺼﻌﺐ ﻋﻤﺮ ﺷﻄﺒﻨﺎﻩ ﺩﺍ

ﺍﻟﺼﺎﻭﻱ ﺍﻟﺴﻤﺎﻧﻲ .. ﻏﺎﺭﺯﻳﺘﻮ ﻣﺎ ﻋﺎﻭﺯ ﻳﺼﺪﻕ.

ﻣﺎ ﻋﺎﻭﺯ ﻳﻘﺘﻨﻊ .

ﺍﻟﻤﺒﺎﺭﺍﺓ ﻛﻠﻬﺎ ﻳﻜﻮﺭﻙ ﻣﺼﻌﺐ ﻋﻤﺮ ..ﻣﺼﻌﺐ ﻋﻤﺮ.

ﻭﺍﻟﻠﻪ ﻳﺎ ﺍﻟﺼﺎﻭﻱ ﺍﻟﺴﻤﺎﻧﻲ .. ﺷﻌﺮﻙ ﺩﺍ ﺭﺍﻳﺢ ﺳﺎﻛﺖ ﻣﻊ ﻏﺎﺭﺯﻳﺘﻮ .

ﻧﺎﺱ ﺍﻟﻤﺮﻳﺦ ﺩﻳﻞ ﻟﻮ ﻋﻨﺪﻫﻢ ﺭﺃﺱ .. ﺍﻟﺼﺎﻭﻱ ﺍﻟﺴﻤﺎﻧﻲ ﺩﺍ

..ﻳﺸﻴﻠﻮﻩ ﻭﻳﺮﺟﻌﻮﻩ ﻟﺒﺎﺏ ﺍﻟﻔﻨﺪﻕ ﺍﻟﺨﻄﻔﻮﻩ ﻣﻨﻮ.

ﻣﻔﺮﻭﺽ ﺗﺮﺟﻌﻮﻩ ﻟﻠﺤﺘﺔ ﺍﻟﺠﺒﺘﻮﻩ ﻣﻨﻮ .

تعليق : والله فرق


((())) سؤال من فضلكم :

اقترح علي ادارة نادي المريخ ان يعيدوا من جديد عمليه نط التور مع غرازيتو وولده انطونيو والظاهر غارزيتو منتظر يفوت فاروق جبره ويجيب ليهم تور ماكن

الوقت المناسب لنط التور مرة اخري هو بعد مباراة بورسودان اذا كسبها المريخ

السؤال هل مباراة بورسودان هي آخر مباراة لفاروق جبره ؟

يشتم من كتابات اعلام المريخ أن قرار اعفاء فاروق جبره قد يتخذ


محمد حسن شوربجي
امسح للحصول على الرابط
بواسطة : شوربجي
 4  0
التعليقات ( 4 )
الترتيب بـ
الأحدث
الأقدم
الملائم
  • #1
    Sami Mustafa 01-29-2017 04:0
    غارزيتو قعد الغربال جنب القفه
    موت جماعي احمر
    جابسون تحييكم
    حلفا ستشجع شرطة مورينيو
    فطوطه وابو فطوطه يزرعون الرعب في المريخ
    السمسار وحصاد جديد للاخضر الليموني
    معركة ذات التذاكر قد تزعج الاتحاد العربي
    الله يستر علي هاي لا يروح في الباي باي
    حتي بعد ١٠٨ سنه المريخ يبدأ من التمهيدي
    احترموا تلكوم الجيبوتي
    هل الكسكيته هي السبب ؟
    ماذا سيفعل باسكال مع الكاسحات الهلاليه ؟
    فرقة حسب الله جاهزة للزفه بعد مباراة جيبوتي
    لافاني كيسو مليان وهاي باي باي كيسو فاضي

    يوم واحد اتكلم عن هليلك ان شالله اقعد احسب لينا في التمانين في المية القال عليهم كردنة ديل ولا اقول ليك ورينا الثعلب مشي السعودية عمرة وزوغة ولا بجي راجع يعني حاجات زي دي لانو لو باريت والينا ده بفقع مرارتك بخليها ليك شوربة........ واتشوربجي
  • #2
    اسماعيل عبد الرحمن 01-29-2017 11:0
    يا كفر ووتر عنوان مقال شوربه منقول غلط فى مواقع اخرى صحيح
    نرجو التصحيح
  • #3
    جعفر صالحين 01-29-2017 09:0
    ((( لا للسلع الزراعيه المصريه في السودان : ))) هههههه خليك عندك وطنية يا شوربة
  • #4
    كاكا 01-29-2017 09:0
    مجلس المريخ (بص الوالي) يريد صرف الأنظار عن خيباته وفشله واعماده على الوالي وخاصة متوكل (المعط لاسلك) وعصام الحاج (مستر جعجعة)، بشغل الناس برفض البث التلفزيوني، بالله الناس ديل موش وهم، ده ماشغلكم وعليكم الدفع مثل الوالي أو الانزواء، وهم في وهم، ضيعتو السودان انتو و الزيكم الحاكمين البلد 27 سنة بالوهمات الغريبة دي،
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019