• ×
السبت 6 مارس 2021 | 03-05-2021
شوربجي

جابسون تحييكم

شوربجي

 11  0  3354
شوربجي


((())) مريخ ٢٠١٧ المنبطح دوما :

وفضيحه مريخيه افتتاحيه

وبداية نزيف قويه

والتحكيم يمنح المدفور ١٠ دقائق ليتعادل وبرضو ما فايده

انه حقا العدل الالهي

وفعلا الظلم ظلمات

وده حق المسكين هاي

وقبل ان يلعب مباراة رسميه قالوا ليهو باي باي

ووحدها هي كراع غارزيتو الحاره

وقال ايه الراجل جاي ثورة انقاذ

وعامل نفسو بيحب المريخ

رغم انه مدمن كبير للاخضر الليموني

ومورينيو طلع اشطر منه

وعرف كيف يسقط المريخ

وما احلاكي يا ليلة الجمعه

وقد كان فيكي مسمار جمعه

وما احلاكي يا ليلة الجمعه

وقد كان فيكي مسمار القضارف

وما احلاكي يا ليلة الجمعه

وقد كان فيكي مسمار البوليس

ويا سمسم القضارف الزول صغير ما عارف

قليب الريد الريد كل ما هويتك شارف

يا حبيب بريدك ريدة ريدة الحمامة لي وليدا

يا حبيب تعال تعال تعال نتم الريدة

يا سمسم القضارف الزول صغير ما عارف

قليب الريد كل ما طريتك شارف

لو ما بخاف الروقبة بسير معاك العقبة

عقد السوميت يالفصلوك للرقبة

يا يما مالى وحيدي شايل السبيل في ايدى

مابي الفراش داير الرقاد فوق ايدي

يا يما ما تدقنو العقر ما بيلدنو

انتنين جنيه من امو ما بكفنو

يا حبيب بريدك ريد ريدة الحمامة لي وليدا

حبيب تعال تعال خلي انتم الريدة

وفعلا يا يمه ما تدقنو

وهذا هو مريخ ٢٠١٧ التعبان

وقد بدأت اوصاله تتقطع

والليق الليق .

وميدان عقرب يرحب بمجلس الاباء

وباسكال يا احلي كبري

انتظر تيتيه واوكرا وشيبولا وكاريكا

ومباراة ١٠٠ دقيقه حتي يتعادل الدلاقين

ولكن خاب ظن التحكيم

ورغم ذلك التحكيم كان سمسم القضارف في السليم

وايه يا عم عاشور مين طفالك النور

وما هماني الا السماني

طلع ماسوره وما بيعرف كوره

الفاتحه علي مريخ ٢٠١٧

ويا غارزيتو ما العمل الآن

يقول ابو فطوطه : هو حل واحد ما في غيرو

ان تحضروا فورا فطوطه و ام فطوطه

والمريخ سيودع الانبطاح


((())) هلال ٢٠١٧ وبسم الله نبدأ :

وها هو هلال ٢٠١٧ امامكم

واذكروا الله وصلوا علي النبي

"ورقيتك واسترقيتك من عين اللي ما يصلي على النبي،

ورقيتك واسترقيتك من عين أمك وأبوك،

وعين كل المريخاب

وعين جمال الوالي الى شافك وما صلى على النبي،

وعين الارباب الي شافك وما صلي علي النبي

وعين الجار فيها نار،

وعين الحسود فيها عود،

وعين الذكر فيها حجر،

وعين البنت فيها بشت،

اللهم صل على سيدنا محمد وعلى آل سيدنا محمد،

حوطتك بالله من عيني وعين خلق الله،

احنا طبخنا عدس وجيرانا طبخوا عدس،

اخرجي يا نفس زي المهر ما بتخرج من بطن الفرس،

اخرجي يا خارجة زي الحية الدارجة،

انطفى يا عين الحسود انطفى"

اللهم احفظ الهلال

وشكرا لافاني

وشكرا اوكرا

وشكرا شيبولا

وشكرا تيتيه الرائع

وما احلي ركبتك يا جابسون

وماذا فعلت بهم ايها الكاردينال ؟

ما اروع هذا العزف المنفرد

وما اروع هذا الاداء الجميل

وما اروع هذا الاداء الرجولي

وبرافو هذه القوة الجباره

و هذه الجماعيه العجيبه

اشكر مين والا مين

الظاهر ٢٠١٧ هو عام الهلال

واذا لعب الهلال فخبروني فأن الفن منبعه الهلال

سيبقي السحر ازرق في بياض ويبقي المجد ما بقي الهلال

هنيئا شعب الهلال هذا الافتتاحيه الرائعه

ولم لا يفرح شعب الهلال ويقيم الافراح

افرحوا اخوتي فقد سئمنا الاحزان

فكم انت عظيم يا هلال وانت تفرح جماهيرك العظيمه

وشكرا جماهير الهلال الرائعه

وبأسم الله بدينا


((())) سؤال من فضلكم :

بالله عليكم بهذا الفريق الكحيان كيف ستكون نتائج المريخ في البطوله العربيه وتمهيدي افريقيا ؟


محمد حسن شوربجي
امسح للحصول على الرابط
بواسطة : شوربجي
 11  0
التعليقات ( 11 )
الترتيب بـ
الأحدث
الأقدم
الملائم
  • #1
    Abuali 01-26-2017 11:0
    فاز الهلال و اكمل الفراعنة الفرحة. يا سلااااام على اًولاد الفراعنة كوايين القلوب!
  • #2
    كمال عمر 01-26-2017 10:0
    اخونا القال الخيل فى اللفه هو انتو لسع راجين لفه الحكايه خلاص وضحت كده 9 نقاط طبعا فهمت قصدى
  • #4
    منعم ابوناصر 01-26-2017 01:0
    سلمت يداك يااصيل بس جيرانك الوصايفه خليك معاهم شويه او شوف ليهم واسطه تفكهم من شرطة القضارف والوصيف صغير ماعارف (((معتقل بأمر الشاويش جمعه))))
  • #5
    اسماعيل عبد الرحمن 01-26-2017 01:0
    يا ناس كفر ووتر ليه العنوان ناقص (ركبه جابسون تحييكم )
  • #6
    بدرالدين 01-26-2017 11:0
    سؤال من فضلك ؟
    هل هذا اسلوب صحفي وماذا اسنفدنا ؟
    ارتقي وواكب
  • #7
    سيف المدثر 01-26-2017 10:0
    اللة عليك ياشوربجي وفيت وكفيت حفظك الباري يا هلالابي جد
  • #8
    ودعقيده خلف 01-26-2017 10:0
    يا شوربه اتفسح زي ما داير اليوم ليك وغدا عليك الخيل في اللفه يا صفرابي
  • #9
    oaltahiir 01-26-2017 10:0
    ما لاحظت يا شو مؤشرات معسكر تركيا ثم قطر و دعوة الاتحاد الاسكندري مقارنة بمعسكر دورة النفير البلوشي
    لله درك
  • #10
    السما الأحمر 01-26-2017 10:0
    ما تفرح كثير انتظر والايام بينما. وسيبك من اغاني الحكامات وتعال بكرة.
  • #11
    أبو ناهد 01-26-2017 09:0
    والله يا شوربة يوم امس كان احلى يوم كل الانتصارات كانت كما نرغب فقط النشاز فوز مصر على غانا.
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019