• ×
السبت 31 يوليو 2021 | 07-30-2021
بابكر سلك

نفلق ونداوي

بابكر سلك

 0  0  1397
بابكر سلك


* نحن المريخاب كان فلقناك ما تزعل
* لا تحزن
* لاننا بنداويك
* فنحن اشتهرنا باننا قوم يفلق ويداوي
* ونصرف دم قلبنا في المداواه
* ثم نفلق
* لنداوي من جديد
* ايها الناس
* تعلمون ان غارزيتو مدربي
* وسبق وان اطلقت عليه لقب المعلم والبروف والمجضما
* وسبق ان اعلنت احتجاجي علي اقالته او اجباره علي الاقاله
* وسبق وان استنكرت وصف الرجل بالعجوز والسمسار والمتعجرف والباع كورة مازيمبي لموتيابا
* يبقي يفترض ان اكون اسعد الناس بعودة غرزه مدربي
* ولكنني حزين
* ليس لان غرزه مدربي قد عاد
* ولكن حزني سببه اننا لا زلنا نفلق ونداوي
* ونتعاقد مع اجانب دون اتباع اساليب تمرحل القرار الشرائي
* فالحاجه تحدد السلعه
* وترتيب اولويات الحاجات هو اهم مراحل قرار الشراء
* ثم المقدره المالية
* وهي التي تحدد السلعه الملائمة من بين السلع التي نفاضل بينها
* وهكذا
* ولكننا مازلنا كمريخاب نذهب لمركز التسويق لشراء شاي مثلا
* تقع عيننا علي صناديق صفراء علي الرف فنسأل
* الفي الصندوق الاصفر ده شنو ?
* ده شعير
* اديني واحد عليك الله
* العلبه الخضراء ديك سمنة ?
* ابدا .. دي بسلة
* اديني واحده عليك الله
* خاص صفحة الأحمر الوهاج
* الباغات ديييك زيت ?
* ابدا . سمنة
* سمحه ??
* والله شايف الناس بشيلوها
* اديني اتين بالله
* وده صابون بشري نوع جديد ?
* ابدا دي طحنية باللوز مستوردة
* مستوردة ! اديني ستة
* واخيرا تدفع الحساب تلاته مليون في مركز للشراء دخلناهو لشراء نص رطل شاي بي خمسة

وعشرين الف جنية ثم نخرج محملين باشياء لم نحسبها ولم نفكر عند شرائها مصيرها كيس النفايات

ليعبث بها الكلب
* نخرج ونحنا ناسيين الشاي الدخلنا عشانو البقالة
* هكذا نحن دائما
* عندنا الحنة
* ولذا نحنن مايعجبنا في اي زمان واي مكان
* والماعاجبو يجيب حنتو يحنن فكرتو من فقرتو
* المهم
* نفهم من اعادة غرزه انه ترك السمسرة وحسن اخلاقو وبقي صادق وبطل عجرفه وخلي البيع

لمازيمبي وبقي صبي ???
* ام اعدناه بصفاته القديمة سمسار واخلاقو كعبه وكضاب ومتعجرف وببيع لمازيمبي وعجوز !!!!
* ايها الناس
* القرارت الغير مدروسة
* والقرارت لردة فعل
* والقرارت المتسرعه
* والقرارت لتغيير المواقف وتقلبها
* والقرارات الساكت
* كلها قرارات تقودنا للبقالة لننزل جميع الارفف تمهيدا لرميها في كيس النفايات
* ولما عربية النفايات تتأخر تتعفن تلك السلع وتملانا ضبان
* ايها الناس
* قرار اعادة غرزة هل ناقش مسألة رفض غرزه لاسماء بعينها للعمل معه بالقطاع الرياضي ???
* وهل استصحب معه طلب غرزه لاسماء بعينها في القطاع الرياضي ???
* وهل الجماعه الاولانيين حايسكتوا علي الجماعه التانييين ???
* ولا حاياخدوا تاكسي ويرجعوا ???
* خاص صفحة الأحمر الوهاج
* المهم
* امس كانت رحلة التعبئة السنوية
* استدعت القيادة العامه الجميع
* وكرمت شخصيات ترمز لكيانات مريخية مختلفه
* جميعها استحقت التكريم
* ولكن رسالة التكريم كانت هي الاجمل
* بصرف النظر عن موقعك انت مريخي تستحق التكريم
* كرموا الوالي وونسي
* وكرموا العميد عامر وقريش
* وكرموا المرأة السودانية في شخص سعدية المريخية
* وكرموا مزمل ودراج
* واكرموا وفادتنا جميعا بتكريمهم للمريخ في تلك الشخوص التي استحقت التكريم
* لم يفرزوا بين مجلس ومعارضة
* ولم يفاضلوا بين الوالي وونسي
* ولم يميزوا بين مزمل ودراج
* وكرموا تجمع الروابط
* ولكنهم ارادوا ان يقولوا نحن في المريخ اخوة
* لذا شرف الرحلة معظم الوان الطيف حتي من الروابط التشجيعية
* وكانت رابطة الثورات كرري بنوباتها فاكهة الرحلة
* ايها الناس
* كيف جاء هاي ??
* وهل فعلا لهاي اتصالات منذ عهد كروجر بي جاي ???
* فلفلناهو ولا جبناهو ساااي !!!
* ايها الناس
* ان تنصروا الله ينصركم
* اها
* نجي لي شمارات والي الخرتوم
* أكان شفت يا والينا
* غرزه تاني جايينا
* تفتكر لو قابلنا مازيمبي ببيعنا تاني يا والينا !!!
* خاص صفحة الأحمر الوهاج

سلك كهربا

** ننساك كيف والكلب قال كان ماشي البقالة خلي جزلانك في البيت عشان ما تلقط من طرف سااااااي
امسح للحصول على الرابط
بواسطة : بابكر سلك
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019