((())) الهلال تمام ورامي قدام :
تصدقوا ما في اي حاجه تستحق النقد في الهلال
فالاقمار يعيشون احلي استقرار
والاشي معدن
والتدريبات منتظمه
وشيبوب راجع يوم السبت
وابو سته استاند باي
وجابسون جاكم
وهيما الله يحفظوا ديما
وتيتيه الله عليه
والجهاز الفني رائع
والقروش راقده
والادارة تمام التمام
وكل لاعب استلم مرتبه
وديون علي الهلال نهي
ومطالبات من الفنادق نهي
وتلاعب في التذاكر نهي
ونفرات ماعايزين
واعضاء شرف ما عايزين
وتحويل رصيد ( بري بري انا دي )
ومرتشين طلعت تهمتهم باطله
وكردنه ما قالها
والمعارضه تعارض زي ما دايره
والارباب بكتب وهو حر في رايه
وطه منتظر المناظره
والكاردينال ما داير مناظره
وده هو الهلال ديمقراطيه احلي من ديمقراطية ويستمنستر
وممكن الهلال يعلم دونالد ترامب الديمقراطيه الصحيحه
نكتب شنو عن الهلال
الجوهرة آخر روعه
والمدرجات ما في كلام
وبدل طابق ٣ طوابق
واسانسير ولا احلي
وكشافات ولا في الاحلام
وفندق للاعبين
ومستشفي لاصابات الملاعب
واكاديميه رياضيه
وبص حقيقي ما خرده
واحلي جمهور يسد عين الشمس
ووين وين وين تلقوا زي ده
((())) غارزيتو وابنه يثيران الرعب في المريخ :
انا غارزيتو تقولوا علي سمسار
ولازم انا اعرف مين اللي قال الكلام ده
يا انطونيو جيب ليا الزول القال الكلام ده فورا
والجماعه لايصين ما بين نكران واثبات لهذه التهمه الشنيعه
وبدأ من اتهموه بهذه التهمه التملص نهائيا مما قالوا وكل واحد يقول انا ماقلت
وقد اعدوا قناعا جديدا لمقابلة الفرنسي
وبالتأكيد تم تجهيز كل كلمات الثناء لينثروها علي الرجل وابنه
وبسرعه قالوا ان من اطلق اسم السمسار علي غارزيتو هو محسن سيد
وقالوا ان غارزيتو سخر من محسن ووصفه بانه لا يجيد رص العلامات
فرد عليه محسن وقال له يا سمسار
والجميع خايف شديد من الخواجه بل خايفين من فطوطه (انطونيو )
فبكلمة واحده من الفرنسي او ابنه الميكانيكي تلقي نفسك في الشارع
واياك تزعل فطوطه لان ابو فطوطه حيزعل
وابو فطوطه لو زعل الله قال بقولك
وبصراحه الفرنسي نشر الرعب في المريخ قبل ان يحضر
والجميع بصدد تعلم بعض الكلمات الفرنسيه الجميله لارضاءه وابنه
وعلي سبيل المثال كلمات مثل :
انشانتي دوفوفوار وتعني انا سعيد جدا لرؤيتك
كومان فون صونتي وتعني كيف صحتك
ايل يالونتان كوجو نو فوزي بافو وتعني انا من زمان ما شفتك
والكثير الآخر من كلمات كسير التلج
وفي اعتقادي ان عودة غارزيتو قصد منها اعادة الانضباط للاعبي المريخ
وقد فشل هاي في ايجاد ذلك الانضباط
ولا داعي لذكر حالات الانفلات التي كانت في معسكر انطاليا
ولا ذلك المتحدث في الواتساب عن احمد السيد والتاج ابراهيم
او ما قيل عن باسكال
غارزيتو بالتأكيد وبشخصيته القويه قد يعيد التوازن في الفريق مع بدايات الموسم
وبالطبع سيكون هنالك ضحايا كثر
وقد تستضيف دكة البدلاء اسماء صفقت لها الجماهير
وقد تطير اسماء طبل لها الاعلام
وقد تلمع اسماء كانت منسيه
وبصراحه اللي عايز اموروا تسلك عليه التقرب من فطوطه
وفطوطه بصراحه هو حبيب بابا
بابا يا بابا بابا يا بابا .... بابا بابا بابا أيه
مين حبيب بابا أنا
مين روح بابا أنا
((())) ٢٠١٧ الدوري في الراديو احسن من النيلين :
معقول النيلين تاني في ٢٠١٧ ما اخير الراديو
الملاعب تم استبعادها لحاجة في نفس يعقوب
والشروق كانت جاهزة كذلك
والنيل الازرق كانت جاهزه
لكنهم يريدون السجم والرماد
يريدون صاحبة الواسطه غصبا عن المشاهد
بصوره بدون صوره بصوت بدون صوت لازم نقبل
ويا النيلين ويا امشي بيت ابوي
الفشل الاتحادي والرضوخ امام الضغوط يجب ان يعجل برحيل جماعة معتصم
الناس ماشيه قدام ونحن في تخلف لا يعلم به الا الله
والله يكون في العون
((())) سؤال من فضلكم :
يتوهم المريخاب ان عودة غارزيتو هو نصر للمريخ علي الهلال
والسؤال هل انتصر المريخ علي الهلال بوجود غارزيتو ؟
محمد حسن شوربجي
ما هذه الركاكة ؟
ما هذه الركاكة ؟