• ×
الثلاثاء 19 مارس 2024 | 03-18-2024
بابكر سلك

شيوعيين وغرقانين في مدني

بابكر سلك

 1  0  2138
بابكر سلك





* قلت ليكم لو اتكلمنا يقولوا شيوعيين ولو سكتنا مدني تغرق
* المرة دي شيوعيين وغرقانين في مدني
* نغادر اليوم لجيبوتي
* بالطيارة
* والطيارة بالتذاكر
* والتذاكر يا من الخطوط يا من الوكالة
* والنجار داير عروس
* والعروس دايرة المنديل
* والمنديل بالدستة طبعا اقل سعرا من المنديل بالقطاعي
* يعني المنديل بالقطاعي لو بي عشرة
* بالدستة المنديل بقع بي تمنية
* عشان بتكون المناديل قروب فير
* ولما تجيب لي المنديل قروب بي اربعطاشر تبقي مشكلة
* يبقي المنديل عند الجهال
* والجهال دايرين لبن
* واللبن عند البقر
* وبقرة الزعيم حشيشها ايرادات مجلس الشرف ومساهمات القروبات
* والحشيش داير مطر
* و المطر عند ربنا
* ياربي تجيب لينا مطر سيول يشيل كل العثرات
* ويشيل العروس زاتها
* النجار ده اصلو مابشبع !!!
* طوالي ينجر
شبكة ود الرفاعي الاخبارية
* ولن يكبر شجرنا طالما نقار الخشب يسرح بين السيقان في امان
* ولنا عودة
* المهم
* اليوم الي جيبوتي
* نسأل الله التوفيق للزعيم
* الحسم ممكن يبدأ هناك
*جيبوتي ما عندها شئ
* فرقها كلها صفر دولي ساي
* لذا تخطي فريق جيبوتي عادي جدا
* ولكن الذي نتمناه هو هضم اولادنا لتوجيهات هاي وتنفيذهم للمطلوب منهم باتقان
* دايرين نشوف شكل للاداء يطمئننا ويريح اعصاب المدرب من الوتره التي يعيشها
* ونهمس في اذن الاخ حاتم عبد الغفار ليستوصي خيرا بالمدرب
* فموقعك ياحاتم قريب من المدرب يفرض عليك ان تكون من المقربين له لدواعي الاستقرار
* ايها الناس
* مساهمات الاقطاب لنيل عضوية مجلس الشرف
* ومساهمات الشفوت من خلال القروبات لنيل شرف المشاركة في دعم الزعيم
* ومايتكبده (بعض ) اعضاء مجلس الادارة من اموال
* يجعلنا ننادي بالحرص الشديد والشديد جدا عند انفاق تلك الاموال
* فمثلا لو المريخ مسافر بره البلد
* نشوف التذكرة فرادي بي كم
* وكبعثة بتقع بي كم
* و الخطوط الافضل منو
* وهل افضل نقطعها من الخطوط ولا من الوكالة
* وياتو وكالة هي الافضل
* حرصا علي الزعيم وحفاظا علي اموال يدفعها الناس من دم قلوبهم حبا في الكيان
شبكة ود الرفاعي الإخبارية
* ايها الناس
* بهذه المناسبة اري ان تقليل نفقات تسيير العمل بمكتب مجلس الشرف يحقق تلك الاماني التي من اجلها يدفع الناس
امسح للحصول على الرابط
بواسطة : بابكر سلك
 1  0
التعليقات ( 1 )
الترتيب بـ
الأحدث
الأقدم
الملائم
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019