• ×
الثلاثاء 19 مارس 2024 | 03-18-2024
بابكر سلك

حتى تكتمل الصورة

بابكر سلك

 6  0  2176
بابكر سلك








* العودة القوية لضفر وعلاء الدين هي اضافة
* وجميعنا يعلم ان تجربة الاتحاد السكندري الاولي كان تفتقد لعناصر كثيرة هامة
* مثل علاء وراجي وضفر
* حتي من الجدد افتقدنا التكت (قلق 2017 ) وبعض الجدد
* وكذلك في تجربة الاسكندراني التانية
* وحتي في التجربتين شاهدنا اسماء في خانات جديدة عليها
* ومهام لدي اشخاص جديدة عليهم
* والامر كله في اطار التجريب لان المرحلة وان كانت متقدمة هي مرحلة اعداد
* وفي الاعداد لابد من التجريب
* لذا
* علينا ان لا نستعجل الاحكام حتي تكتمل الصورة
* اها
* مشروع مجلس الشرف كنوع من الاستثمار في الجماهير يمضي مشرقا
* ونفرة القروبات اضحت ثابته وشئ مفروغ منه
* فالخبر ليس في قيام النفرة شهريا
* ولكن الخبر في غياب النفرة لا سمح الله
* فالنفرة الشهرية تمثل صحة وعفة واخلاص
* ومعين الشفوت لم ينضب ومساهماتهم لم تنقطع
* فما زالت يد الشفوت شابة تستطيع ان تقدم الكثير
* وجميعنا بعد نجاح النفرات ونجاح مجلس الشرف كاستثمارات في الجماهير
* جميعنا ينتظر من المجلس الاسراع في الاستثمار علي اراضي المريخ حتي تكتمل الصورة
* المهم
* الثورة التي يقودها الصديق احمد عباس في المراحل السنية مبشرة
* وايد احمد براها ما بتصفق
* و عشان نعرف نخلف الصفقة مع ايد احمد في ايقاع منسجم
* يجب علي احمد ان يستعين بالخبرات في كل المجالات
* وان يعد مع تلك الخبرات برنامجا واضحا يعرضه علينا لنقوم بالواجب تجاه ذلك البرنامج حتي تكتمل الصورة
* ايها الناس
* الزعيم الي جيبوتي منافسا علي بطولة العالم العربي
* نهئ الامر النفسي لدرجة الامتياز لاننا نحلم بالبطولة العربية مكملة لمانديلا حتي تكتمل الصورة
* ايها الناس
* قبل ان نفرح للقرار الامريكي برفع العقوبات جزئيا و لفترة محددة ومؤقتة ومشروطة حقو نفهم دوافع القرار حتي تكتمل الصورة
* ولكن المفرح في القرار الامريكي قبل ان تكتمل الصورة هو عدم اشتراط الامريكان لرفع العقوبات حصول الهلال علي بطولة جوية ومفارقة الصفر
* لانهم لو ختوا لينا شرط زي ده كان الضحك شرط الامم المتحدة ومجلس الامن والاتحاد الافريقي زاتو
* وكان بي بساطة قلنا للامريكان قلتوا لينا الكبري دايرنو من جده لي وين ???
* الامريكان هوووووي
* اذا اردت ان تطاع أأمر بالمستطاع
* والله تختوا لينا حكاية الهلال يجيب بطولة جوية مع الشروط نجيب ليكم السم القدر عشاكم
* نسيتوا اللجنة الشعبية بام ضريوه تحذر امريكا ???
* يوم حذرتكم تلك اللجنة قلبكم موش داير يطير من محلو من الخوف !!!
* اتف اتف .تف تف تف
* داير يطير من محلو
* عزيزي ترمب انت شايت وين ?? دايرين نعرف حتي تكتمل الصورة
* ايها الناس
* قبل ان نفرح للقرار الامريكي برفع العقوبات جزئيا و لفترة محددة ومؤقتة ومشروطة حقو نفهم دوافع القرار حتي تكتمل الصورة
* ولكن المفرح في القرار الامريكي قبل ان تكتمل الصورة هو عدم اشتراط الامريكان لرفع العقوبات حصول الهلال علي بطولة جوية ومفارقة الصفر
* لانهم لو ختوا لينا شرط زي ده كان الضحك شرط الامم المتحدة ومجلس الامن والاتحاد الافريقي زاتو
* وكان بي بساطة قلنا للامريكان قلتوا لينا الكبري دايرنو من جده لي وين ???
* الامريكان هوووووي
* اذا اردت ان تطاع أأمر بالمستطاع
* والله تختوا لينا حكاية الهلال يجيب بطولة جوية مع الشروط نجيب ليكم السم القدر عشاكم
* نسيتوا اللجنة الشعبية بام ضريوه تحذر امريكا ???
* يوم حذرتكم تلك اللجنة قلبكم موش داير يطير من محلو من الخوف !!!
* اتف اتف .تف تف تف
* داير يطير من محلو
* عزيزي ترمب انت شايت وين ?? دايرين نعرف حتي تكتمل الصورة
* المهم
* تدشين قناة الهلال تم علي شاشة قناة النيل الازرق
* زي الزول الجا يعرس وقالوا ليهو شغال شنو
* قال ما شغال لكن اخوي مغترب
* موش كان تنتظروا الحلم يبقي واقع يافطومة يا اختي يا نائب مدير القناة وتدشنوها علي شاشتها حتي تكتمل الصورة ??
* ولا قلتوا تخلوها حتي تكتمل المقصورة ???
*ايها الناس
* بمناسبة رفع العقوبات
* نعلم جميعا ان امريكا بتلك العقوبات تضغط علي الحكومة
* و ينتقل هذا الضغط بالكربون من الحكومة لينا كشعب
* فهل نتوقع بعد القرار سحب الكربون عن ظهورنا عشان نشم الهواء !
* ولا حانقعد لسه مكربنين ??
* وامريكا ماتنفع معاها الا العين الحمراء
* فعل دبلوماسي تمام وتترفع كل العقوبات بدون شروط ولا قيود
* و التحية للدبلوماسية السودانية
* المهم
* قرأت قصيدة لكردنة مناسبتها الذكري العاشرة لرحيل والده المغفور له باذن الله اللواء سيداحمد الحسين عليه رحمة الله
* ساعلق عليها غدا يا روشا
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* اغاني البنات ما عبث ساي لينا
* اغاني البنات وصف للحال الفينا
* تشريح للبحصل لينا
* وتأريخ لكل حقبة يا والينا
* عهد غناهن للمدرس
* شرطا يكون لبيس من هيئة التدريس بوري مكانة التعليم في ذلك العهد بالنسبة لينا
* ولما يغنن سجل لي عماراتك وسجل لي عرباتك ما انت العسل ذاتك يا والينا
* بورن تحول المجتمع من مجتمع يهتم بالقيم الادبية و المعنوية لمجتمع اضحت قيمو مادية بحتة لدرجة ان الامر لا يعني بناتو من اين اتيت بعماراتك او تلك العربات يا والينا
* فقد تكون قد اتت من الاتجار في المخدرات
* وقد تكون قد اتت من تجارة الاعضاء او الاتجار بالبشر او الوطن او اختلاس المال العام او ضارب ليك اجانب بره وزايغ او لافح ليك اجانب ضيوف في بلدك
* كل ذلك لا يهم يا والينا
* فقط المهم تلك العمارات والعربات والعسل الوراها وبنحلم بيهو جايينا
سل
* وقبل كده غنن يا والينا
* دبلوماسي انا انا
* طلبوا قاسي انا انا
* ووووب علي انا
* انا انا
* ولكن علماء اغنية البنات وفقهائها ما ورونا طلب الدبلوماسي البجيب الوووب يا والينا
سلك كهربا
ننساك كيف والكلب قال طالما صدقتوا الساعة ستة انها سبعة تاني اي شئ بتصدقوهوا ولو كان كاس الكنغو
والي لقاء

سلك

امسح للحصول على الرابط
بواسطة : بابكر سلك
 6  0
التعليقات ( 6 )
الترتيب بـ
الأحدث
الأقدم
الملائم
  • #1
    وطن الجمال 01-17-2017 09:0
    ياخي كمل صورتك الاول وتعال احكي عن صور الاخرين. واحمد الله انكم ما زلتم في غفلتكم عن اكتمال صورتكم. والاهم هل انت صحفي!! اذا كان كذلك فبالله عليك بطل تستعير التعابير والعناوين حق زملاءك الصحفيين. ياخي جيب عنوان من عندك ما بتقدر خليك على قدرك مافي زول لامك يا ... صحفي الغفلة.
  • #2
    عمر خالد علي 01-17-2017 09:0
    الأميركان ربطو رفع الحصار فقط بوصول المريخ لنهائي دوري أبطال افريقيا
  • #3
    Hajjam 01-17-2017 07:0
    مصيبتك كبيرة ياعمنا سلوكة. صلعتك دي طلعت قرعة فاضية وماعندك موضوع. احتاط لنفسك بحبوب الضغط والسكري والاكتئاب. انت يادوب شفت المناظر من عروض سيد البلد والقادم سيكون أسوأ بالنسبة لك وبقية الدلاقين. باي باي مستر هاي. هههههههههههه هااااااااااااااي من يضحك اخيراً يضحك كثيرا
  • #4
    Hajjam 01-17-2017 07:0
    ياملوك التمهيدي واصحاب الصعود اليتيم لدوري الأربعة الكبار لا تتطاولوا علي سيد بلدكم قاهر ابطال افريقيا. صفركم انتو معتق ولا وجود لكم مع كبار افريقيا ياعم تنقو والهجوم خير وسيلة للدفاع.
    لقد استدركتم ضعف الوصيف الواهن الضعيف وعرف جمهوركم المخدر ان معسكرهم الإعدادي كان مع فرق الحواري بتركيا.
  • #6
    Hajjam 01-17-2017 07:0
    ياملوك التمهيدي واصحاب الصعود اليتيم لدوري الأربعة الكبار لا تتطاولوا علي سيد بلدكم قاهر ابطال افريقيا. صفركم انتو معتق ولا وجود لكم مع كبار افريقيا ياعم تنقو والهجوم خير وسيلة للدفاع.
    لقد استدركتم ضعف الوصيف الواهن الضعيف وعرف جمهوركم المخدر ان معسكرهم الإعدادي كان مع فرق الحواري بتركيا.
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019