• ×
الأحد 26 سبتمبر 2021 | 09-26-2021
شوربجي

لافاني كيسو مليان وهاي باي باي كيسو فاضي

شوربجي

 5  0  2096
شوربجي
كيس لافاني مليان وكيس هاي باي فاضي

((())) والكاردينال معانا حنطور الرياضه :

وليعلم الجميع ان قطار الانجازات الازرق والسريع قد انطلق ولن يتوقف

في وقت يسير فيه قطار كريمه البخار ويادوب وصل محطة الكاسنجر

واليوم كانت قناة الهلال

ذلك الحفل البهيج واحلي الاغاني وكل الهجيج

وانجازات الهلال والعهد الجديد

جوهرة وفندق وكشافات واكاديميه وفريق حديد

والجميع في فرحه وجاهزين لفرحة العيد

الا ولد نوح هو الزعلان ومكشر وقرفان اصلا هو زولا عنيد

ما داير يركب معانا وممكن يغرق وما يحضر العيد

انها حقا مسيرة الهلال وقد انطلقت

و عهد جديد للهلال تشرق شمسه في سماء زرقاء


((())) فريق مجلس اباء والتحكيم :

اهلي شندي فعل ما لم يفعله المريخ وهزم الاتحاد السكندري بسهولة ويسر

رغم ان المريخ هو المستضيف لهذا الفريق وهو الخسران ماليا وضيافة وتذاكر ونثريات للفريق المصري الفقير

الا ان المريخ عجز في هزيمة هذا الفريق بل خرج مهزوما بالحسابات الصحيحه والنزيهه وليست الحسابات التحكيميه التي انحازت للمريخ في المباراتين

ففي بورتسودان اهدي الحكم هدفا مجانيا للمريخ

وفي الخرطوم احتسب الحكم كرة بكري المدينه هدفا للمريخ رغم انها لم تتجاوز الخط

وقد احتج مختار مختار علي هذا الظلم وبطريقه عصبيه ولولا تهدئة الموجودين له لضرب الحكم

وطبعا مامون ابوشيبه اختفي من المشهد الرياضي وممكن يتصل بسيحه لتأكيد صحة الهدف يوم الجمعه

اهلي شندي يا جماعه لم يعسكر في تركيا ولم يذهب الي الدوحه ولم يقلب الحقائق

اهلي شندي عسكر في امدرمان وكانت مبارياته التجريبيه ضد تريعة البجا والجيش فقط

ولكنها عزيمة شباب اهلي شندي وقد طغت علي اداء هذا الفريق

وبعكس المريخ الذي فشل اعداده في تركيا فشلا ذريعا بسبب عجائزه واللعب الوقافي والانتصارات الوهميه التي كان مردودها سالبا علي اداء اللاعبين في المباريات القويه يا جماعه قلنا ليكم اللاعبين كبار سن باسكال والعاشور وكلاتشي او ( مجلس الاباء ) كما قال حبيبنا محمد عبد الماجد

والله يسهل عليكم في التهميدي


((())) ما بين الهلال والمريخ :

الحمد لله والشكر ان الهلال مرتاح ماليا

والهلال مستقر معنويا

والهلال رائع فنيا

والامور تمام التمام

ولا ديون ولا مستحقات محترفين

ولا محتاجين لنفرات ولا نحن شحاتين

ولا قائمة شرف ولا نحن متجرسين

وحياتنا كلها احتفالات وكل يوم فرحانين

والفريق جاهز ورامي قدام

ولافاني كيسو مليان وتمام

والعروس الافريقيه دايره علي الهلال يا سلام

والليله فرحوا الليله عيدوا عريسنا سار لى يوم جديدو

عريسنا ودعز الاهل فى الحاره ما خيب أمل

الليلة ابشروا بى مهل يوم عزتو وسط الاهل

الليلة فرحة ويوم سرور ده عريسنا الفارس الجسور

عماتو ولعن البخور خالاتو زغرتو بسرور

وفي الضفه الاخري المريخ يعاني كثيرا وكل اعتماده علي جيوب ٣٠٠ او ٣٥٠ من اعضاء مجلس الشرف المريخي

وقد تفشل الادارة الحمراء في تحصيل الاموال من اعضاء مجلس الشرف

وخاصة ان المريخ مقبل علي الاستحقاق الافريقي الذي يحتاج الي مال غزير

وهناك التزامات ماليه للمحترفين والتي لا تعرف التأجيل

فمثلا اصر جمال سالم علي قروشو وما رجع من يوغندا

ادارة المريخ ستدخل في ( اضافرينها )

وقد تستجدي اعضاء الشرف بدفع ما عليهم من التزامات

وكيف للاميرة ان تقبل بعريس عايش علي الاعانات

السيد عصام الحاج قال ان مجلس الادارة استطاع حتى تحصيل مليار ونصف المليار جنيه بالقديم وهو عدد يساوي رسوم 75 شخصاً، وتوقع تضاعف العدد على أقل تقدير خلال أيام قليلة.

طيب ماذا يساوي هذا المبلغ مقابل عقد احتراف لاعب واحد بمليار او ملياريين

هي في النهايه فكرة غير عمليه

ويجب علي المريخ ان يجهز البديل مادي لهذا المصدر

والا فسيجابه بتمرد اللاعبين الاجانب

والفريق تعبان والمدرب تعبان


((())) سؤال من فضلكم :

بدأ الجدل في المريخ حول كيس المدرب هاي هل هو فاضي ام هو فاضي وهناك اصوات تنادي بعودة غارزيتو العاطل من يوم انهاء عقده من المريخ والظاهر بيصرف عليه ولده الميكانيكي

المشكله ان الرئيس داعم للمدرب يعني كيسو ما فاضي

والكثيرين ما عايزين المدرب وبيقولوا كيسو فاضي

واحد الخبثاء قال انه كان يدرب فريق نسائي في المانيا

وانا اقول ليه ضفر رجع من تركيا زعلان وقفل جواله

يا جماعه ريحونا هاي كيسو فاضي والا فاضي ؟


محمد الحسن شوربجي
امسح للحصول على الرابط
بواسطة : شوربجي
 5  0
التعليقات ( 5 )
الترتيب بـ
الأحدث
الأقدم
الملائم
  • #1
    عاشق النجوم 01-15-2017 06:0
    بالله ركز مع هليل كردنة ، واليك هذه الأبيات والتي تعبر عن ما وصلت إليه جماهير الهلال من يأس وبؤس الحال :

    يا حليلو يا ناس الهلال

    أصبح مهلهل وحالو حال

    وروني ليه ما يكون كدا

    ما دام رئيسو الكاردينال

    لملم يراعات الوهم

    الحالا يغني عن السؤال

    سموهو سوبرمان عديل

    قالولو يا سيد الرجال

    وصدق المسكين سريع

    وعاش في متاهات الخيال

    لكنه أصبح للأسف

    كالدمية في إيدين جهال

    جمهورنا واعي ومحترم

    مليانة عينو مجبرة

    لو دايرو يهتف ليك براك

    ما بتلقي .. دي مسخرة

    لو حتى جبت بنات نعش

    خليك من الجوهرة

    * مع تحياتي / الشاعر الهلالي عبد المنعم أبو فارس .
    اسالك بالله دي حال نادي ولا سوريا ، الرئيس يتهم إعلام النادي بالمرشي ، ويتهم كبار الهليل بالقاب يعف اللسان علي زكرها وبعد كده عندك نفس تكتب عن مريخ العظمة زعيم عموم أندية السودان اسبشل ون ، صانع المجد في سودان المريخ .
  • #2
    عثمان جميل - قطر الدوحه 01-15-2017 01:0
    ياإبن الحلال ياأخي لو سمحت ونحن بتكلم معك بأدب ولا نريد أن ننزل لمستوى لغتك الحقيره فكها سيره وأبعد من تناول سيرة الزعيم وسيد الكره بالسودان لكي تتجنب من شتيمتنا لك نحن حتى الآن نحدثك حديثا فيه كثيرا من الأدب والإحترام لذلك نريد أن تحترم نفسك وتجنبها من السب والشتم وأنت في خريف العمر .
    فقط نحذرك أن تبعد عن المريخ وشأنه أكتب عن فريقك كيفما شيئت ولا أحد من أبناء المريخ سيتعرض لك بكلمة تخدشك .
  • #3
    سوداني 01-15-2017 01:0
    لو دار تعيش عيشة ملك !!
    ما تستحي .. من أيِّ باب لازم تلِج
    لو كُت غفير تصبح مدير
    بس كيف تكتِّر في التلج
    قاصد المدير قول ياوزير!!
    أحقر حقير عِندك أمير !!
    لابس القطن لابس حرير !!
    نصة نهار عز الهجير
    كسِّر تلج .. كسِّر تلج .. كسِّر تلِج
  • #4
    سوداني 01-15-2017 01:0
    (والكاردينال معانا حنطور الرياضه )
    كسر تلج ... كسر تلج ... كسسسر تلج
  • #5
    عزالدين ابراهيم عبدالرحمن حاج موسي 01-15-2017 08:0
    الاكياس الفاضيه عندكم هناك ما عندنا نحن لو جبنا مدرب نتطلع للاحسن منو مش كيسو فاضي ومع بدايه الدوري تشوف منو الكيسو فاضي لافاني والله هاي وفطومه اخيتي قاعدي الله يديها العافيه بتقول كيسو فاضي وبيمشي انت تطبل وليك الحق.... فسر
    فرحانين بالاهداف المتفق عليها من تيتيه مع الفريق الغاني شوف قورماهيا وتعرف والدوري جاي يا مشجع والله انت حراام يطلق عليك كلمه صحفي
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019