*انها الفتنة
إن أحدهم يمشي بين الناس بالفتنه
لم نخف على هاي
ولكن خُفنا على منصب ومركز النمام فالنمام شمام
يشتم الأخبار ويوصلها لمن يحب كما يُحب
مع إنه لا يُقارن بهاااي
فإن كان هناك خيار بينهما فإن الخيارات نفسها ستسقطه من حساباتها
حقو الناس تعرف قدر الناس وقدر أنفسها وعلى المجلس أن يكون واضحاً مع النمام
امنع الكلام
والا بأي ويبقى هاي
المهم!!
أمس استمتعنا بتمرين ذي التمرين
لياقة عالية ماشاء الله وتمرير سليم
الله يكفينا شر العين
من شر حاسد إذا حسد ومن شر النفاثات في العُقد
فمايدفع للنفاثات كي يضعها في العُقد لعرقلتنا
يفوق مايدفع لمعسكر الاعداد ولكن فكينا الله
أيها الناس!
يمضي مشروع مجلس الشرف على قدم وساق وبقدل كمان
انها أمة المريخ التي لا تبخل
المهم.
حال النجيل يسُر الناظرين
جهود رائعة يقوم بها المتمكن حمودة المصري
ويعدنا حمودة بلوحة على النجيل
النقش بالنجيل على النجيل في مباراة الاتحاد السكندري
نبقى معه
المهم!!
قالو عاشور ابوهو بتاع روبابيكيا
الزول ده ماتوروهو محل الناس البيكيا
يقوم يخلي الكورة ويصدر البضائع لابوهو
وشيبوب لسه بعاني
كان يافطومة اختي تستعجلي ليهو العلاج
كان تقولي للدكتور دة تلب من الفندق في جوبا من الطابق الثالث
تاريخ المرض برضك بساعد على التشخيص السليم يافطومة
قلتي لي ابسته فتاق ساي
الهِدِم لمايبدا فيهو شرط صغير بخيطوهو اول قبل يلبسوهو.. هذا العمود من قروب عشاق المريخ من أجل المريخ مفتوق كدة الشرط بذيد والهدم بنتهي مرة واحدة
المهم!!
نمضي قدما بفضل الله
ونستمر على ذلك بفضل جهودنا بعد توفيق الله.
فلا تبخلو على الزعيم
أيها الناس!
أن تنصروا الله ينصركم
اها!!
نجي لي شمارات والي الخرتوم
كان شفت ياوالينا
تالت خالتن لينا
ولما تالتن يخالتن يا والينا القصة بتطول علينا
حقو ناس تالتن نقرضن ياوالينا عشان البلد ماتضيع ويضحك الزمن علينا
سلك كهربا
ننساك كيف والكلب قال في بوبي برضك مخالتن مابعضي ولا بنبح عشان كده الحرامي حايم فينا
ههههه
والي اللقاء....