• ×
الأربعاء 23 يونيو 2021 | 06-21-2021
بلل

يا يوم بكرة ما تسرع

بلل

 4  0  1111
بلل

الليلة الوقفة وبكرة العيد.
الخرطوم ستتزين من اليوم إبتهاجاً لعودة سيد البلد يوم غد الثلاثاء.
اخيرا ستعود الامور الي طبيعتها بعودة فارس الكرة السودانية.
(ياااااخ انت طولت مننا طول).
(تاني من يوم بكرة ح نمشي الجوهرة الزرقاء لمتابعة تمارين الهلال).
سنجلس ونتابع ابداعات نجومنا.
لا يهمنا من سيتألق .. لكن في النهاية الهلال موجود في البلد.
سواء تدرب الازرق أم لم يتدرب.
في النهاية هو موجود بيننا.
بإستطاعتنا ان نري الهلا في اي وقت.
لا تدركون عندما يرحل الهلال عن البلد ماذا يحدث لنا.
وأكثر من هذه المشاعر موجودة في الدواخل فرحاً بعودة الهلال.
سنذهب كلنا الي مطار الخرطوم لاستقبال الازرق.
الحياة ستعود للخرطوم بعد ان توقفت بسبب سفر سيد البلد للقاهرة.
هذا العام من اجل زيادة افراح الشعب الازرق.
الازرق في البلد .. هذا هو الأهم.
لا نريد ان نكتب عن فريق الكرة.
(عايزين بس نفضل بنحب في الهلال كدا بس).
دا الهلال الهلال عارفين شنو الهلال.
البعرف سيد البلد كويس وحبو جاري في دمو اكيد ح يقول اكتر من الكلام دا.
والله ما بنرضي فيهو اي حاجة.
ما عايزين حاجة غير تحقيق الانجازات.
طيب أقول ليكم حاجة مهمة.
انا شايف الهلال أكبر نادي في الدنيا.
ما فاضي للبقولو عليها الفرق العالمية.
هو في عالمي اكتر من الهلال.
السنة دي عايزنها تكون سعيدة لكل الأهلة.
كلها افراح وانجازات داخلية وخارجية.
ستبقي البطولة الافريقية هدف رئيسي.
إذا لم نحقق لقبها الموسم دا .. لن يتسرب اليأس الي نفوسنا.
سنظل نحاول ونحاول حتي نحقق المطلوب.
فقط علينا بالإجتهاد والتخطيط السليم.
بالتخطيط الناجح سنصل الي ما نتمناه.
ما عايزين نطلع من السعادة بعودة الهلال.
خلونا في حالنا.
تاني من بكرة المشاوير كلها في اتجاه واحد.
يا زول ماشي وين.
ماشي تمرين الهلال .. ماشي الجوهرة الزرقاء.
انت ما عندك غير الهلال.
اي كان عجبكم.
أراهن الجميع انه لا توجد جماهير تعشق ناديها بهذه الصورة غير جماهير الهلال.
الفريق الماعندو زي جماهير الهلال حقو راح.
ما عايزين نجيب سيرة اي فريق تاني مع الهلال.
مافي نادي بستحق الشرف دا.
كنا عايزين نعمل مقارنة مع جماعة كدا.
لكن قلنا ما نديهم الشرف دا.
خليناكم عشان محبوبنا.
نحن الأهلة نرحب بعودة سيد البلد الي قواعده سالما .. ونتمني له مزيد من الكؤوس والانجازات في العام الجديد.
نحن الهلال بنريدو جد.
(صمت اخير) ..
يا يوم بكرة ما تسرع.
امسح للحصول على الرابط
بواسطة : بلل
 4  0
التعليقات ( 4 )
الترتيب بـ
الأحدث
الأقدم
الملائم
  • #3
    د. حسين عزالدين 01-02-2017 02:0
    اخير ليك هلال رمضان ، البحبو الهلال ماتو جوة الاستاد ولو منتظر كاس جوي (بطوووووووووووول)
    كدي امرق لي من النصر بتع المنطقة الصناعية وابقي قابلني
  • #4
    idris awad 01-02-2017 11:0
    ههههههههههههههههههههههههههههههههههههههههه شيكو شيكو عمل معاكم الجلاشه و وداكم ورا مصنع الكراسي
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019