• ×
السبت 15 مايو 2021 | 05-14-2021
محمد عثمان الجعلي

العماني نال التعادل مع الهلال

محمد عثمان الجعلي

 20  0  4017
محمد عثمان الجعلي

قال مدرب المنتخب العسكري العماني مهنا سعيد العدوي إن تجربة الهلال السوداني كانت جيدة للغاية لمنتخبنا لأن الهلال قدم لنا فائدة فنية كبيرة وأن الأزرق يملك عدداً من اللاعبين المميزين في صفوفه خاصة منطقة الوسط والهجوم ( أشاد بكاريكا وتيتيه وأطهر ) ، وأضاف نجحنا في المحافظة علي شباكنا أمام خصم شرس وصاحب خبرة كبيرة في الملاعب الأفريقية ونعلم أنه بطل الدوري والكأس في السودان وأنه دائم الحضور في الأمتار الأخيرة لرابطة الأندية أبطال أفريقيا ويتمتع بزاد بشري طيب ويضم لعيبة أصحاب موهبة كروية وهذه المباراة لاخاسر فيها !! ( مشكوور ياكوتش بس كلّم العيال بتوع التمهيدي ) و كتبت بعض المواقع ومنها موقع مريخاب أون لاين أن مدرب المنتخب العماني قال إن الهلال فريق ضعيف ومتواضع !! طيب لو كان كلامكم صاح ليه الهلال ماخسر أمام العماني بخماسية تبلدية !! صحيح أن هذه التجربة أثبتت أن خط الدفاع الذي كنا نخاف أن نؤتي من قبله أثبت نجاعته ولكن بعد ذلك نريد أن نرى فعالية خط الهجوم ، ومباراة النصر القادمة يوم الثلاثاء نريد أن ترى هجوم الهلال يحرز الأهداف بغزارة خاصة وأن النصر من فرق الدوري المصري الممتاز بالقسم الثاني الذي يقوده الزمالك ، ومما يحمد للجهاز الفني أنه لعب بالتشكيلة الأساسية مع إضافة بعد البدلاء والذي أعجبني في ذلك إشراك المدافع العاجي واتارا الذي سوف يفيد الهلال في الأبطال لشهر يونيو إذا أراد الله لبطل السودان أن يواصل مسيرة النور وزحفه الميسور ، ولعب كذلك رمضان كابو والصيني وأطهر وأبوعاقلة الذي حلّ بديلاً له جابسون وكان الوسط بقيادة ( سلاح المهندسين ) ناس بشة وأوكرا ونزار وشيبولا الذي أصيب ودخل مكانه الصادق شلش أما الهجوم فكان بقيادة كاريكا وتيتيه ، الحمد لله ملامح هلال 2017 بدأت علاماتها تظهر بنسبة 90% ، وخاصة عندما يبدأ الدوري يوم 24 يناير ويلعب الهلال مباراياته الودية أمام قورماهيا الكيني والبن الأثيوبي وربما الأشانتي الغاني ، ومباراة قورماهيا سوف تفيدنا لأننا سوف نلعب أمام توسكر الكيني في تمهيدي الأبطال ( أستغفر الله ) ، التمهيداب ديل الجيران ونحن عندنا راحة شهر ( عشان أولاد راحات ) وسوف نبدأ النزال الأفريقي في شهر مارس وناس فبراير ديل ناس عاشور وعلي جعفر ... حوالينا ولا علينا .
*** ياحكماء الهلال تقدموا قبل أن تندموا
مازال التنافس مستعراً بين رئيس الهلال الكاردينال وخصومه من بعض الأقلام الزرقاء بعد أن فجرّ الكاردينال قنبلة الرشاوي وفجرت بعض الأقلام الزرقاء في خصومتها معه ، ودخلت في خط الدفاع على الكاردينال المنسفة فاطنة ( حمالة الحطب ) التي مازالت تحاول أن تنسف كل جسور الوصال بين أبناء الهلال ، لذا يجب أن يتحرك حكماء الهلال قبل فوات الهلال وهلال الديمقراطية والحركة الوطنية بحمد الله مازال يذخر بالحكماء وأبناء الهلال يجمعهم حب الكيان وأدب الهلال وهم الذين تخرجوا من مدرسة الهلال النموذجية ، يجب على أبناء هلال الساجدين والناس الصالحين أن يعلموا أن الله لا يحب الجهر بالسوء من القول إلا من ظلم ، ووصية نبينا الكريم عليه أفضل الصلاة وأتم التسليم يقول لأمته ( لاتحسسوا ولاتجسسوا ولا تحاسدوا ولاتدابروا ولاتباغضوا وكونوا عباد الله إخوانا ) ، نعم على كبار الهلال أن يتحركوا ويصلوا الكاردينال أول حاجة ويشوفوا الحاصل شنو !! إمكن حمالة الحطب دي ماسكة عليه حاجة ، وهي التي سبق لها أن هاجمت رئيس الهلال الأمين البرير بسبب شطب قريبها ( معتز رابح !! ) رحل أخيار الهلال وإبتعد بعضهم وتركوا الساحة لفاطنة الصادق تسرح وتمرح ولله در القائل *** يامنزلاً لعب الزمان بأهله ...فأبادهم بتفرق لا يجمع
*** إن الذين عهدتهم فيما مضى ...كان الزمان بهم يضر وينفع
*** أصبحت تفزع من رأت وطالما ... كنا إليك من المخاوف نضرع
*** ذهب الذين يعاش في أكنافهم ... وبقي الذين حياتهم لا تنفع
لذلك يجب على حكماء الهلال أن يتقدموا قبل يندموا وأن يتحركوا قبل أن يتركوا .
*** وصيف السنين وأكل الكول بالشوكة والسكين
الجيران دائماً ( كديستهم جمل ) ورغم أن مستواهم الحقيقى جعلهم مع التمهيداب إلا أن اللسان الطويل مازال يحش الطرفة وتشوف الفصاحة تحلف تقول ( مع التسعة الكبار ) ، عشان كدة بعد معسكر أنطاكيا وخسارتهم من كايزر وتابول فشوا الغبينة في المرخية والأهلي القطري الذي هزموه برباعية ، رغم أن الأهلي القطري لعب بالأشبال ومحترف واحد نزل في الشوط الثاني هو المدافع البحريني محمد سيد عدنان بالإضافة للمدافع الإيراني بيجمان منتظري العائد من الإصابة ولم يشارك في الدورة الأولي لدوري النجوم القطري وربما يشارك في الدورة الثانية حيث يلعب الأهلي مع الغرافة في الرابع من يناير ، وذكرت صحيفة الراية القطرية أن مباراة المريخ السوداني كانت فرصة للمدرب يوسف آدم لتجربة العديد من اللاعبين وتطبيق بعض الخطط التجريبية ( يعني الجيران ياصاحب كانوا حقل تجارب ) لثامن الدوري القطري !! عشان كدة الإعلام السالب لم يحتفل بهذا الفوز كثيراً وإنما صب كل جهوده على خلاف الكاردينال مع بعض الأقلام في إعلام الهلال ، ونحن نعلم أن وصيف السنين يأكل الكول بالشوكة والسكين ، ويعمل لينا إتصالات جيبوتي ونغيمة زي الريال والبرشا ، مفروض ناس سيف خواجة وصديقه عثمان جميل ( مريخاب الدوحة ) يعملوا سجدة شكر ويضبحوا كرامة بعد إنقصاء معسكر المريخ بالعافية والسلامة ، وبراكم شفتوا الحصل لما حسني راح فيها وكذا القذافي راح في حق الله وسفير روسيا في أنقرة ( لحق حبوبتي ) ولا رأيكم شنو ياعزالدين إبراهيم (مريخاب الرياض ) كدي شاور إبن الوهاج وودعقيدة ... بالمناسبة المريخاب يستحقوا جائزة نوبل في الكراع الحارة وعينهم كذلك !! لذا لزم التنويه .
*** همسة الوداع
حبايبنا الحلوين آخر إنضباط !! منحوا عاشور أفندي زيارة للإسكندرية لمدة 3 يوم عشان أهله ( وحشوه أوي أوي ) وإحتمال الحكاية تجر ( واللي خلّف ماماتش ياحضري ) وإبن الوز عوام !! وإبن الفأر حفار ، وكمان ضفر رجع الخرطوم كراعو مفكوكة وعنكبة مصاب وكذلك عاطف خالد وبخيت خميس ، وبهذه المناسبة نهمس في أذن الإعلام الأحمر إنتوا ناسكم ديل كلهم مصابين !! كانوا في عملية تحرير الميل أربعين !! ومدربكم دا هاي ولاّ هتلر ؟ مجرد سؤال .
امسح للحصول على الرابط
بواسطة : محمد عثمان الجعلي
 20  0
التعليقات ( 20 )
الترتيب بـ
الأحدث
الأقدم
الملائم
  • #1
    ودالمصطفى 01-01-2017 09:0
    معليش ياخوى النصر فريق من اى منطقه من مصر من كفر الشيخ ولا كفر الدوار
  • #2
    مريخ الوصافة 01-01-2017 04:0
    أرجو إظهار تعليقي بخصوص الغواصة الاعلامية الحمراء في الديار الزرقاء الله يهديكم.
  • #3
    الامين عبد القادر 01-01-2017 11:0
    التحية والسلام اخوى الجعلى حتى الان نحن فى البر ولكن سوف نعرف كل الكلام عندما تبدأ معارك ادغال افريقيا وبعدها ممكن تتغنى وتهدى وتوزع الابتسامات والضحكات يمينا وشمالا ولكن الان فى شنو يا حبيب ؟؟؟؟؟
    الخوف تقبل عليك يا الجعلى هذه الفاطنة بعد هذه الاعمدة التى سليت فيها سيفك اقصد قلمك تجاهها ويومها سوف يفرح كثيرين ولكن نحن يسعدنا هذا القلم الصادق والمصادم من اجل اسياد البلد ---
    نتمنى من كل الاهلة الحادبيين وحكماء الهلال واعضاء الشرف للعمل من اجل وحدة الصف قبل النزال الافريقى المرتقب --
    ودمتم للوطن والهلال فى حفظ الرحمن ورعايته
  • #4
    د. حسين عزالدين 01-01-2017 10:0
    الله يسامحك
    تنادي بأن تكون لغة الحوار كما امرنا الله بها التسامح وترك التنابز والتباغض وقول الحسن ، وتأني بشتم الاستاذة فاطمة ب ( حمالة الحطب ) ام جميل الكافرة زوجة ابو لهب لا تكن متناقضا صحح نفسك وعالج نفسك و من ثم انصح الاخرين
    الله يرحمكم يا كتاب الهلال

    يا مزمل قصرت في حق اخوانا بالعرض شمال لازم تشوف معاك اي ثلاثة من المريخاب شان تصلحوا بين الاخوان ( وان طائفتان من المؤمنين اقتتلوا .... الخ ) الآية
  • #5
    ابوحسن 01-01-2017 09:0
    لك التحية استاذنا محمد عثمان والله موضوع الاسمها فاطنة دي يحير ععععععععععععديل ششششكلها خخخخخخخازوق زي ناس
    هيثم وهي حكايتها شنو في جهاز الامن ولا موتمروطني بتخوف الناس والغريبة المشاكل دي كلها مع اعلام الهلال طبيب لو
    كانت مع ناس الصفوة بيحصل شنو ولا الكاردينال خطيها في الواجهة عشان لسانا طويل ولا القلم كتاب (!!!!)مجردسؤال
  • #7
    منعم ابوناصر 01-01-2017 09:0
    عاد ياابوعثمان الليله ارجى الراجيك من حبايبك الوصايفه وبالاخص ودالعقيده وعزالدين ابراهيم طبعا هم الروح الرياضيه عندهم صفر وصدرهم لايتسع فأرجو ان يتسع صدرك انت وانا متأكد من ذالك@@@@لكن فعلا كديستهم جمل وصيف السبين اواكل الكول بالشوكه والسكين ديل لسانهم يقطع الصنط مش الطرفه الوصيف دايما بكملها كلام اى كلام @ان الذين عهدتهم فى مامضى كان الزمان بهم يضر وينفع @كللام جميل وياريت نشوف حكماء الهلال تحركو وان لايتركو امر الهلال للرجرجاء والدهماء واصحاب المصالح
  • #8
    ابو حازم 01-01-2017 08:0
    سلام عليكم ورحمة الله حبيبنا الجعلي وبقية قراء الكفر والووتر.
    يا الجعلي امك ما تضوق نارك انت الوحيد البتعرف لناس قريعتي راحت ديل، فعلا تشوف كتاباتهم تقول الناس ديل بستعدو لنهائي ابطال افريقيا، وللعلم ان مباراة المريخ مع الاهلي شهدت تبديل لاحد اللاعبين في الاهلي ، طلع اخد ليه راحة 10 دقائق ورجع تاني ، يعني فعلا القطري معتبر المباراة تجريبية وناس العقرب يشيلو ويتشقلبو، ظاهر انهم عرفو افكار كتابهم وجوهم في عزفو ليهم في الوتر البنفع معاهم.
    بعدين لعب المحروق والممغوس ظاهر، ما ظهر به الغربال يدل على ذلك، لو عمل انكرابتو دي ده الهلال ما كان شطبوه.
    تحياتي للجميع
  • #9
    عزالدين ابراهيم عبدالرحمن 01-01-2017 08:0
    قلت لي العماني نال التعادل كيف يعني اها فهمت انتو ما صفركم ليه كم وثمانين سنه وصفر العماني لسه 0/0 صفركم كبييييييييييييييييييييييير
  • #10
    محمد حسن جلوال 01-01-2017 07:0
    يا جماعة ما تتلموا المنسقة قاعدة و حالفة طلاق قالت العقل أدبه انا حا انشر فاعلموا حسابكم من النشر
  • #11
    نعمان عمر 01-01-2017 07:0
    تبحث عن اصلاح ذات البين وتهاجم امرأة يا رجل كون اكثر عقلانية كيف تشبه فطومة حبيبتنا بحمالة الحطب فهذه ادانة يمكنها أن تقاضيك بها .. فلا تعبث مع فطيم فتحجب عنك المظروف بمناسبة رأس السنة وتفطمك من رضاعة ثدي الكردينال وعندها مية بزازة ما ح تنفعك ..( انت من ال ٨٠٪ ولا ال٢٠٪)
  • #12
    سيف المدثر 01-01-2017 06:0
    اللة ياجعلي وفيت وقلت الصدق ربنا يلم الشمل وأهل الخير أمين
  • #13
    مريخ الوصافة 12-31-2016 11:0
    الجعلي عوافي....ليس لي عداء مع أحد في اللون الأزرق ...لا طه ولا صلاح ولا برير ولا كاردينال مع تقديري وعشقي لهم جميعا ولكن إحساسي الأزرق يحدثني بالغواصة الحمراء فاطمة ...والا بماذا تفسر محاربة الأقمار بغرض تصديرهم للوصايفةومحاربة مخلصي الازرق وهدم الاستقرار..أرجو كشف تلك الغواصة التي نالت منا كثيييييرا يا الجعلي وأنت لها....مع تكراري ليس لي عداء معها ولا أعرفها والله خير الشاهدين.
  • #14
    ودعقيده خلف 12-31-2016 11:0
    استاذ الجعلي لك التحيه بس خليك مع ناس فاطنه حماله الحطب اميرتكم اما بالنسبه للتسعه الكبار ثمانيه لهم تاريخهم واسمهم في الكاف الا هليلك ابو اصفار يا حمبرا قباض الطير بعدين والله يا ابو كرفته حمراء تسر الناظرين انا بتكيف للرحيق عشان خاطر الكرفته الحمراء لانو لو لا الكرفته الحمراء لما قرات سطر من عمودك بس داء كلو عشان خاطر اللون الاحمر
  • #15
    منعم ابوناصر 12-31-2016 10:0
    تحياتى كلام تمام كما العهد بك دوما وماقصرت فى الوصف التفصيلى لمبارة عمان أما حكماء الهلال ياريت يتحركو كما نتمني قبل أن يتحركو أن تستقيل تلك الفاطمه عشان تتطلع ولى نعمتها من الحرج وتفسح المجال لعغلاء الهلال لعلاج الامر فعل
  • #16
    عزالدين ابراهيم عبدالرحمن 12-31-2016 09:0
    يا جعلي نحن مدربنا اسمو هاي هاي وفطومه لي ناس ال 80% من شعب الهلال حا تقول ليه باي باي اوعي تكون منهم عشان ما نفقدك والله تعودنا عليك وبقينا اصحاب حتي لو منهم ما تسحي .
    برضو نحن لا بنخاصم لا بنعادي نحن الصفوه.
  • #17
    الامين محمد نور 12-31-2016 09:0
    صدقت انها حمالة الحطب . الله يكفي الهلال شرها .كلما انطفت نار اوقدت نارا .كما لها اليد العليا في اي مصيبة تحل على هلال الملاييين .
  • #18
    صلاح ابراهيم محمد 12-31-2016 08:0
    والله هانت الزلابية انت كاتب ودسوقي كاتب يبدو لي انت من أصحاب العشرين في المائة الغير ملمين بأبجديات الكرة ....
  • #19
    عزالدين ابراهيم عبدالرحمن 12-31-2016 08:0
    اولا استاذنا الجعلي كدي جيب لينا مدرب المنتخب العماني القال استفاد من الهلال دا يكون سكران والله عندو حمي والله فريقكم دا متهالك والنقر حميتو قروشو وراجيكم مع التريعه شيلو شيلتكم هو ياخي انتو مع النصر (درجه ثانيه) النصر التعدين ممتاذ ب يا شاطر لا تخم الناس ساكت وبعدين ماسك لينا التمهيدي التمهيدي انت ناسي السنه القبل الفاتت لعب تمهيدي وبعدين نحن هزمنا فرق في الدوري القطري الممتاز مش درجه تانيه وتالته المصري وبعدين نحن ندي دا ازن والله داك ازن فوق عديلنا انتو فوق شنو وانت شايفك وشك قوي علي المنسقه ما قبض منها شي شكلك ماك من جماعه 80% ماك جعلي والله خفت من الكاميرات البتصور
    قايتو فطومه سوته وجات والله مسحت بكرامتكم الارض انا كان في محلك انكر تب اني هلالي تعال لينا لا عندنا فطومه لا عندنا غير تتضرع وسط الرجال بس ما تخجل وخليك مع ولاد اختك احسن ليك ما تخجل ....
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019