• ×
الجمعة 29 مارس 2024 | 03-28-2024
بابكر سلك

مزمز عمل لايك

بابكر سلك

 5  0  2268
بابكر سلك



أيها الناس
الإستعجال فى الحكم على المدربين يضر جداً
لأنو الكمبيوتر لا يستطيع أن يقييم أداء مدرب منذ المعسكر التأهيلى
فعمل المدرب يبدأ منذ بداية المعسكر التأهيلى ويستمر خلال الموسم حتى ختامه
والحكم على المدرب وتقييمه يكون بقياس مستوى لياقة اللاعبين لموسمٍ كامل
ثم طريقة تعامله مع المباريات فى ظروف مختلفة
ثم إكتشافه لنجومٍ كانت خافية
ثم توظيفه للاعبين فى وظائف جديدة تمكنهم من عطاءٍ أكبر
ثم سيطرته على جميع الجوانب المتعلقة باللاعب بالذات تلك الجوانب النفسية
ثم إكمال الموسم ليبدأ التقييم
يبقى من أسى حقو ما نحكم
وما نتدخل
ندى الراجل فرصتو كاملة
ونحكم عليهو بفياسات علمية وعملية
فعلى رأسنا لا نضع كسكته كى نحكم على مدرب بخلو كيسو من بداية المعسكر
وعلى جيبنا لم نقبض لنسكت
فلسنا من التمنين فى الميه
ولسنا من التمنين فى الميه من التمنين فى الميه القبضوا من ايد فطومه
ولا من ناس الظرف ابوعشرين
ظرف فيهو عشرين مليون؟
يعنى الظرف ما ضيق
ظرف ولا شوال أسمنت ده البشيل عشرين مليون أهيف؟
*الدور الجاى ختوا فى الظرف الف دولار
عشان ما تملو الظرف ورق
الورق إتفرك يا فطومة
المهم
مزمز فتح الفيس

جاتو ليك DO YOU KNOW KARDANA
قال ليهم بالحيل
وبعد الضم دخل الصفحة
لقى ليك موضوع التمنين فى الميه طاشى
عمل اول حاجه تاوق
كشف كده
شم العبير
عجبو الكلام
لايك عمل
وبعد لايك طوالى عمل لايق
لايق ليك الموضوع بملوة ويكه إنتاج السنه دى
وبدأ تحقيق
على اليمين يا مزمز المحقق كونن ما إشتغل شغل زى ده
اللايق بعد اللايك صعبة خلاص
قلت لى يا مزمز ننشر فى قوائم مجلس الشرف وشغالين ينشروا فى القبض قرف !!
فعلاً فرق يا ابراهيم
لكن يا ميزو طلب بسيط
شهر كده لى قدام ما عندك شغله غير لايك وبعدها لايق
اللايوق بعد معسكر مصر جاى كتييييير
المهم
بنفس القدر الذى لا يمكننا من الحكم حالياً على المدرب بالفشل
لا يمكننا ان نحكم عليه بالنجاح
ولكن نتمنى ان تكون (هاى) تحية مريخية تغيظ غيرنا
روشا
هاى يا مااان
آها
أمس بعد الفطور بنادى المريخ

فطور الجمعة الإجتماعى
كانت مساءً نفرة القروبات
زئير الشفوت الشهرى الذى يؤكد ان الزعيم محروس بأبنائه الشفوت
تزين النادى فزاد جمالاً
حضر الشفوت مساءً فعادت الشمس أكثر إشراقاً بعد المغرب
حتى كراسى الإحتفال مكتوب عليها ما يسر القلب
قروب صفوة بلادى بالواتساب
وكل جانب جمال بالنادى كان كأنه يذكر أسم القروب الذى قام بصيانته
شاهدت جميع القروبات المريخية على جميع الجدران واللوحات الجمالية بالنادى
لله درك يا زعيم
أولادك يسدوا عين الشمس
ويدهشوا الزمان الوقف ورفض يمش
يمش وين !
يمشى بهناك عشان يقولوا كيس الزمان فاضى !!!
النفرة كانت ناجحة نجاح اهلها
أوصيكم يا شفوت عليها
ففيها شرف الإنتماء
وأصالة الولاء
وكل الوفاء
المهم
قالوا هلالابى قابض
شاف فطومة جايه عليهو شايلة ليها ظرف
فرح وقال
أمر القبض ده جايينى أنا خلى بالك
وإتقبضى
أيها الناس
المريخ قادم من قطر والهلال غاطس فى خطر

وبتاع الخرد صوتو بح
خرد خرد خرااااااااااد
قلنا ليهو الخرد لسه فى مصر ما تفلقنا
ونوصى بتاع الخرد
خردة مجانى ما تشيل
بكره بطلعوك قابض
أها
إخوتى التمنين فى الميه
الجايات أكتر من الرايحات
تانى لو شفتوا فطومة أطفوا النور وأفتحوا كاميرات موبايلاتكم
لو فى كاميرا فى المكان بتظهر ليكم على الشاشه نقطة حمراء
ولو ظهرت ليكم النقطة الحمراء أعملوا رايحين
لأنو لو عملتوا لايك
مزمز تانى بيعمل لايق
أيها الناس
إن تنصروا الله ينصركم
أها
نجى لى شمارات والى الخرتوم
أكان شفت يا والينا
زماااااان
زمن الجاهلية يا والينا
كنا بنعزل اللحمة السمينه
أسى الماجى قست علينا
لحمة تانى ألا يكتبها الدكتور لينا
وتكون متاحة للناس داخل تأمينا
الإستقلاق باكر جايينا
إن شاء الله يلم فينا

سلك كهرباء

ننساك كيف والكلب قال برى يا بيه ؟؟!!
والي لقاء
سللللللللللك
امسح للحصول على الرابط
بواسطة : بابكر سلك
 5  0
التعليقات ( 5 )
الترتيب بـ
الأحدث
الأقدم
الملائم
  • #1
    الامين محمد نور 12-31-2016 09:0
    عمود مضيعة زمن .ما طلعنا باي فايدة فقط تاكدنا ان الصحافة الرياضية مليئة بالغث ويقل فيها الثمين .
  • #3
    عزالدين ابراهيم عبدالرحمن 12-31-2016 04:0
    هو مزمز براااااااااااااااهو العمل لايك ما ال75% من السودانين الحمر مع ضم الحاء عملو لايك ولايقناها بفدان ويكه من امها واتوكوكي ....
    بالله شوف عمود شوربه بعنوان تحرو الهلال وشوف تعليق باسم عزالدين ابراهيم اسالك بالله شوفو عشان يمكن تجينا نسبه وسلاااااااااااااااااااام
  • #4
    جون سينا 12-31-2016 03:0
    ملك العوارة والهبالة الليلة يا حاج تنقو يا عجوز أثبت لينا حقيقة إنو إنت والكورال فعلا تحت قيادة المرشد وإنت زول رغم تقدمك فى السن طلعت طرطور يعنى فقط بتثنى وبتقول لايك تبع المرشد أما رايك ودورك فى الرياضة زى خرمجتك فى الكتابة يعنى زول سلبى دورك كله متابعة المرشد يا أبو صلعة ياجدو يا عجوز- لبعدين الكسكتة دى الدخلتها فى الدلاقين مابنسوها ليوم الدين- زعزعكم وطير النوم من عيونكم وخلاكم تشتكوا وتعملوا فحص وتبكوا وتنسحبوا ورفع سقف تسجيلاتكم وشال أفضل ما فى كشفكم- والكسكتة بلبسة زول جيبوا تقيل إنت مع شنو لابسها- على القفر والشحدة.
  • #5
    عثمان فاضلابي 12-31-2016 03:0
    صدق الوالي الرئيس طوالي هو قال شنو ياسلك علي الصحفييين والصحافة الصفراء نسيت والله هههههههههههههههههه الله يطول عمر الوالي علشان يحكم طواااااااااااااالي هههههههههه
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019