• ×
الثلاثاء 27 يوليو 2021 | 07-27-2021
شوربجي

بس رجعوني ريس

شوربجي

 3  0  829
شوربجي


((())) المريخ في خطر مالي والهلال كردنه رئيس طوالي:

ولو كان الفقر رجلا لقتلته

وهلال الملايين مقرش وفي الحفظ والصون

وما محتاجين نفرات حكوميه وكله في المضمون

والحمد لله شبعانين

وما دايرين قروش قروبات ولا نحن شحاتين

وما دايرين تحويل رصيد ولا متبرعين

ولوحة الشرف ما لازمانا وما عندنا اشكال

ومنتظرين اميرتنا بس دايرنها بالحلال

اما في الضفة الجنوبيه الحزينه

فمعسكر انطاليا ملح

ومعسكر الدوحه ملح

وهو علي حساب رابطة المريخ المسكينه

وكله شيرنق وهم بيضبحوا وينطوا في التيران السمينه

وفعلا المريخ يعاني ويعاني ولا يملك المال

ووين تذاكر السفر والفنادق والاقامه والطعام والحال

ولا اظن ان جمال سيدفع الملايين

وما في نفرات حكوميه ولا حسبو ولا عبد الرحيم

والحكومه والدواء والعصيان وقفل الصيدليات والدكاكين

وتحويل الرصيد كان فاشل

وقائمة الشرف ستكون فاشله

وانشاء الله يدفع ليهم ابراهيم احمد عمر رئيس البرلمان

ويدفع ليهم عصام الحاج ويدفع نادر وتابيتا بطرس والحبان

وطبعا لم ينجح احد في آخر النفرات الحكوميه

فكيف الحال في قائمة الشرف الحاليه

وبصراحه المريخ في خطر كبير ان لم يرصد اهله اي ميزانيه

وما عيب ان يستدين المريخ من كردنه ويطلب سلفيه

وكردنه زول دفيع وعندو رحمه وحنيه

وما شاء الله امبارح اتبرع لبنك الثواب ب ٢٤٠ مليون

واتبرع للولايات في الشمال والجنوب وفي الشرق والغرب وسدد كل الديون


((())) بعض اسباب تدني مستوي كرة القدم :

عندما نمعن التفكير في اسباب تدني مستوي كرة القدم السودانيه نجدها تتلخص في التالي :

*** ادمان السودان لنخب رياضيه ظلت هي الحاكمه لكل الرياضة في السودان منذ امد بعيد ونفس الاسماء ونفس الشخصيات تتخلف دورة وتعود اخري حاملة نفس الفشل ولا جديد

*** سيطرة كبار رجال الاعمال وهم محاطون بجيوش من المطبليين والمنتفعين

*** محدودية الفكر الكروي لدي هؤلاء الرؤساء وجهلهم التام لكيفية تطوير اللعبه والعمليه كلها مجرد وجاهة وهيلمانه علي الفاضي

*** ورؤوساء يتحدثون اكثر مما ينجزون

*** وكيف تتقدم الرياضه وبعض الرؤساء علي هذه الشاكله :

- يقول احدهم قال الله تعالي ( العارف عزو مستريح )

- ويقول آخر ممكن تجيب لاعب خرافي زي بنزينه ويفشل

- وهناك رئيس متهم في دوله خارجيه يحاول الرجوع عبثا العوده رئيسا

- وآخر لا يساهم في دعم نادي الهلال رغم مقدرته الماليه ويحاول العودة رئيسا

*** واعلام يعشق التطبيل والسير في زفة الرئيس

*** ودولة لا تدعم الرياضة وتعتبرها لعبة محرمه صنعها الاعداء حين كانوا يلعبون برؤوس اسراهم



((())) بس رجعوني ريس :

يا جماهير هلال السودان

انا صلاح ادريس الارباب الملحن والفنان

انا اللي كنت رئيس في غابر الازمان

وانا رئيس فاهم وفي القروش غنيان

وانا السجلت كلاتشي والكل كان فرحان

وقدوين ويوسف وبكري وبشه واتجرس الدلقان

وانا بعرف الحكومه والمعارضه في السودان

وانسوا اراضي جده وانا بكسب الرهان

بس رجعوني ريس وسامحوني يا حبان

وبشوت ليكم كردنه وارجعوا بورسودان

والجوهره ما دايرا وحليلو سوق العيش والملعب التعبان

بس رجعوني ريس لهلالنا في السودان


((())) فوز المريخ وهزيمة الهلال :

فوز المريخ علي منتخب قطر العسكري بثلاثيه لا يغير قرار الكاف كون المريخ صغير

وخسارة الهلال من وادي دجله لا يغير قرار الكاف كون الهلال كبير

وحتي لو فاز المريخ علي كل الفرق القطريه سيبدأ من التمهيدي

وحتي لو هزم الهلال في كل مبارياته التجريبيه سيبدأ مع الكبار

لقد قضي الامر

والكتوف لن تتلاحق

وفرمان السيد عيسي حياتو اطال الله عمره هو الفيصل


محمد حسن شوربجي


امسح للحصول على الرابط
بواسطة : شوربجي
 3  0
التعليقات ( 3 )
الترتيب بـ
الأحدث
الأقدم
الملائم
  • #2
    عبدالرحيم العوض 12-25-2016 12:0
    صغير انت والله وما عندك موضوع. وفعلا الكتوف لا تتلاحق ايش جاب الكاسات المحمولة جوا لصفرك الابدي..
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019