• ×
الإثنين 26 يوليو 2021 | 07-25-2021
بابكر سلك

صابرين لكن فرحانين

بابكر سلك

 5  0  1526
بابكر سلك

* الصبر شيمة كويسه ما بطالة
* وقيمة عالية ومقدرة
* ودائماً يشار الى صاحبها بالبنان
* الصبر على المرض والأذى والفقر
* الصبر على الناس
* فلله خلق يمتحن بهم الناس
* وخلق يمحن بهم الناس
* والصبر على الإبتلاء (غير الرفض والمرض)
* إذا ربنا إبتلاك بى زول أصبر عليه
* ومن أشهر أهل الصبر سيدنا أيوب
* أيوب الصابر
* وإن كان الكثير مننا يعيد نسبه الى رسولنا الكريم عليه أفضل الصلاة والتسليم وينكرون نسبهم لأبى لهب بتاع

حمالة الحطب
* فأنا ارجح أن معظم أهلنا جدهم سيدنا أيوب
* صبر زى ده صبر أنبياء ما صبر عادى
* والأهلة الشرفاء هم أهل الصبر
* بعرف هلالاب كتاااااااار من شدة صبرهم حبوبتهم إسمها الصبر
* تمنية وتمنين سنة صبر رقم قياسى عالمى يفترض أن يدون فى موسوعة جينيس للأرقام الفياسية
* ولعل شعار الأهلة الشرفاء هو
* سأصبر حتى يعجز الصبر عن صبرى
* وأصبر حتى يأذن الله فى أمرى
* وأصبر حتى يعلم الصبر أننى صابر على شئٍ أمر من الصبر
* والأهلة صبرهم باتع
* صابرين أقدم محطة
* خاص صفحة الأحمر الوهاج
* صابرين على صفر أحر من الجمر
* صابرين على صفر أمر من العلقم
* ولكن ما يعجبنى فى الأهلة هو تمسكهم بالصفر والصبر
* أولاد الصبر
* وحاجة الصبر ركيزة من ركائز مجتمعنا العتيق
* أبقوا عشرة على الوالدة
* أمسكوا فى الصبر قوى
* وصابرين
* أيها الناس
* الحديث عن الإستثمار لن ينتهى
* ومشروع مجلس الشرف المريخى مشروع كبير
* يجب ان لا نفشل فى الخروج من الجيوب
* ويجب ان نتعامل مع المشروع بطريقه مختلفة عن الطرق التى تعودنا أن نتعامل بها مع مشاريع الدعم
* تكالب
* هيجة
* تصوير وفلاشات
* ثم فتور
* ثم نسيان للموضوع
* وإعلان فشلنا فى الخروج من الجيوب
* ونعود لحجوة أم ضبيبينة من جديد
* أيها الناس
* المشاريع الداعمه للكيان كلها تنحصر فى الإستثمار
* فى الأرض
* خاص صفحة الأحمر الوهاج
* فى الإنسان (ده إستثمار الدول البتفهم)
* فى الأسم الكبير للكيان
* والمريخ يقطر فهل نستغل المسألة لوضع حدٍ مع الشركة الصينية وتوقيع عقد الإستثمار الذى يجعلنا فى مأمن

من الخطر؟
* أيها الناس
* وقع المريخ عقداً مع شركة شيكان للتأمين لمدة عشرة سنوات
* ريعه الشهرى الثابت الصافى لا يقل عن الخمسمائة مليون للمريخ
* وأرى انه من المشاريع الضخمة صاحبة الدخل الثابت غير المتأثر بالهوشه ثم النسيان
* ولكن كعادتنا فى المريخ أهملنا الموضوع برغم سريان العقد
* هذه الجزئية سأعود لها بالتفصيل الممل جداً
* عسى عودتى لهذا الموضوع تساعد على تفعيله
* المهم
* اليوم نؤدى أولى تجاربنا بقطر فى المرحلة الثانية من المعسكر
* نتمنى عودتنا من المعسكر بالفائدة المرجوة
* أيها الناس
* تعازينا الحاره للأستاذة سهير عبدالرحيم فى وفاة والدها رحمة الله عليه ولأهله الصبر وحسن العزاء
* أيها الناس
* ن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* محطاتنا بقن صابرين
* غنيتنا بقت صابرين
* وحبوبتنا الصبر
* خاص صفحة الأحمر الوهاج

سلك كهرباء

** ننساك كيف والكلب بعد بيع كل بواخر هيئة الموانئ البحرية..بورتسودان دايرنها تانى ولا برضك بايعنها يا

اخوانى .. عشان نفهم بس ؟؟!!
والي لقاء
سللللللللللك
ش
امسح للحصول على الرابط
بواسطة : بابكر سلك
 5  0
التعليقات ( 5 )
الترتيب بـ
الأحدث
الأقدم
الملائم
  • #1
    حفيد حماد ودالقيد 12-24-2016 11:0
    ريعه الشهرى الثابت الصافى لا يقل عن الخمسمائة مليون للمريخ
    * وأرى انه من المشاريع الضخمة صاحبة الدخل الثابت غير المتأثر بالهوشه ثم النسيان
    * ولكن كعادتنا فى المريخ أهملنا الموضوع برغم سريان العقد
    * هذه الجزئية سأعود لها بالتفصيل الممل جداً ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
    تعود لها بالتفصيل الممل معقول وتنسا الهلال الهارد فشفاشك هههههههههههههههههه
  • #2
    bagadi 12-24-2016 04:0
    عليك الله دا عمود صحفي محتزف شابكنا الصبر و صابرين استحي علي دمك يعني عامل فيها ظريف انا ما عارف الجريدة بتدفع ليك علي اي اساس
  • #3
    abdelhadinasr 12-24-2016 03:0
    عزيزي سلك ... حكاية الثمانية وثمانون سنة انت لوحد كتبتها في معظم اعمدتهم وارجع راجعها يعني مكرر وبرضو الصبر طيب .... ارجو ان تكتب بشجاعة المعهودة عن متي لعب المريخ مباراة نهائية في كاس اندية افريقيا وليست مانديلا التي دمجت واصبحت كونفدرالية .... وكم كاس افريقي احضره المريخ بعد مانديلا... ولماذا لم يتمكن من الحصول علي اي كاس بعد مانديلا افريقيا ... الان السؤال المهم ((( بعد كل هذا هل تطور المريخ ام الي الخلف در؟))) اسأل لان المريخ بعد مانديلا كان لازم يجيب كاس اندية افريقيا عشان يؤكد جدارته ونغني بالجد للكاسات الجوية ... نرجو بحث اسباب ترجع المريخ كل هذه الأعوام وشوفه كم سنه
  • #4
    الامين محمد نور 12-24-2016 02:0
    انت غير الصفر ما عندك حاجة تكتبها راسك صار افرغ من فؤاد ام موسى و اليوم تكلمت عن صبر الاهلة لكن في قرارة نفسك انت مقتنع بصير القراء على ترهاتك و انك تعلم ان جعبتك خاوية وكما انك تعلم علم ( اليقين ) انك و الابداع خطان متوازيان . لذا عليك بشكر ناس كفر و وتر لانهم ما قصروا معاك بس باخي اتحرك شوية عشان ما تحرجهم مع القراء فهم صبروا عليك حتى علم الصبر ذلك . ( اقتراح ) بما انك معجب بالتوانسة ( الزناطير ) و ( احلامكم جزء من ماضيتا ) نموذجا اقترح عليك ان تبحث في شعاراتهم عسى و لعل ان تجد ضالتك عندهم فانت رجل ضعيف الموهبة فقير المفردات ركيك العبارات ساذج الافكار .الله يعيت القراء .
  • #5
    جون سينا 12-24-2016 01:0
    وإنت من الإبتلاءات التى أصاب الله بها مجتمع الصحافة- كل يوم كابى قيحك وزفرك دة فى الجرايد يا حاج تنقو يا عجوز- أصبر إنت على التمهيدى الذى صار ماركة مسجلة بأسم بنى دلقون- ولبعدين كأسك دة لو كان حقيقى لما وضعوك فى التمهيدى مع الشفع- كبير وهبيل وعوير ما محترم نفسك ولا محترم القراء- الكاف وضعك فى المكان الذى تستحقه يا حاج تنقو- بس كلم مرشدك يجهز شكوى من 20 صفحة يشكك فى عدالة ونزاهة الفيفا واعملوا فحص بس مايطلع زى فحص شيبوب- لكن والله يا جدو تنقو يا ككو- التمهيدى حار نار الله- التمهيدى كشف زيفك إنت والإعلام السالب مصورين فريقكم كأنه برشلونة وهو لسة فى الحضانة- والكاف كشف كاسات الوهم .زول كبير وعجوز وبتلعب فى التمهيدى .
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019