• ×
الإثنين 1 مارس 2021 | 02-28-2021
محمد كامل سعيد

مريخاب يحتفلون بالتعيين.. وعجبي..!!

محمد كامل سعيد

 9  0  1999
محمد كامل سعيد

* انتهت فترة لجنة تسيير المريخ بقيادة جمال الوالي.. وعلى الرغم من انها (فشلت) في الاعداد لعقد الجمعية العمومية لاختيار مجلس ادارة جديد منتخب يشرف النادي ويعكس تاريخه الناصع التليد الاّ ان من يتابع الكرنفالات ابتهاجاً بالتمديد لا يجد غير التعجب..!!
* انتهت فترة لجنة التسيير وظل نادي المريخ بكل تاريخه وامجاده يعيش واقع التعيين المقيت لسنوات وسنوات ويحتفل انصاره بالتمديد للجنة التسيير التي اكملت مدتها وها هي تتأهب لمواصلة مسيرتها بذات السعادة التي استقبلت بها قرار التعيين قبل شهور..!!
* ان ابتعاد المريخ حامل لقب السفير المعتمد للسودان وبطل الكاسات والبطولات الجوية وصاحب الانجازات الخارقة سواء محلياً او خارجياً ـ عربياً وافريقياً ـ يحسب بلا شك على رجال الزمن الحالي الذين فرطوا بسهولة وغرابة في الديمقراطية..!!
* وعلى الرغم من ان لجنة الوالي باعدت بين المريخ والديمقراطية الاّ ان ذلك التجاوز لم يجد اي اشارة من الاسرة الحمراء التي تتعامل مع القصة الحالية التي تدور احداثها وسيناريوهاتها على مسرح النادي بشئ من الرعب والخوف والقلق المشوب بالحذر..!!
* المتابع لخط سير الاعلام يجده لا يخرج عن دائرة الاجماع السكوتي ولعل كل من يحاول الاشارة الى اي خلل او ابداء اي ملاحظة حول الاداء خاصة الاداري او الفني المتعلق بالسلبيات فان سهام النقد كلها ستتوجه اليه ويترك الجميع لب الموضوع..!!
* الحقيقة ان السياسة العرجاء للدفاع عن الوالي ولجنته تسببت في تراجع قيمة المريخ لدى العديد من الزملاء واثرت بلاشك في خط سير العمل المهني وبالتالي تحولت جل الاصدارات الحمراء الى نشرات لا تعرف غير التسبيح بحمد قادة المجلس..!!
* اشرنا من قبل ان خلافنا مع المجلس لا علاقة له بالامور الشخصية وانما قناعتنا في الطريقة البدائية التي يصرف بها الرئيس امواله والتي جعلت فقراء الامس اغنياء في عهده دون الوقوف امام التكرار الممل للاخطاء والذي يحدث كل عام بصورة كربونية..
* المتابع للواقع المريخي في السنوات الاخيرة يجد ان السماسرة تمددوا وكذلك التجار واصحاب المصالح والذين لا تهمهم مصلحة الاحمر في شئ.. ومع مرور الوقت تتبدل الاوضاع ونجد الدخلاء وهم الاكثر دفاعاً عن الحال المائل تحت ستار المصلحة..!!
* وفي ظل التأييد المطلق ـ حتى ولو كان كاذباً ـ تظل المصالح هي العنوان الابرز في تعامل السواد الاعظم للديناصورات الذين هجموا بدون سابق انذار على النادي وتمددوا بداخله وكونوا مليشيات وجماعات تشابهت في ان مصالحها واحدة ومشتركة..!!
* ويبقى الحديث عن انجازات وهمية في محله ومردود لاصحابه الذين لا يعرفون غير التلميع والتمييع.. وبالنظر الى واقع فريق الكرة نجد ان الاموال الخرافية التي يتغزل السواد الاعظم من المصلحجية قد فشلت في قيادة الفريق لمنصات التتويج القارية..!!
* حتى عمليات الصادر والوارد من المحترفين الفاشلين الذين لم تتوقف رحلاتهم الى العاصمة الخرطوم نجد ان الفشل هو العنوان الابرز والاهم بدليل اننا ورغم الجيوش التي ارتدت الشعار الاحمر الاّ ان واحداً منهم لم يتقدم شبراً عقب انتهاء فترته معنا..!!
* عشرات بل مئات اللاعبين الوطنيين الذين تعاقد معهم المريخ بمئات المليارات اثبتت الايام فشلهم وضلوع السماسرة في اشعال سوق التعاقد معهم هذا بخلاف الحرب البائسة التي تبناها المطبلاتية وعلاقتها مباشرة بالاستعانة بفائض عمالة الهلال..!!
* وعلى الرغم من سواد الواقع الاّ ان هواة التبرير وكل من يجيدون حسن التعليل ويتفردون في تجارة الكلمة وبيع السراب سعوا بكل ما يملكون لتبييض الصورة المظلمة والتي لا تخلو من انغماس في الاعتماد على جيب الرجل الواحد بمعزل عن الاستثمار..!
* تخريمة أولى: احتفالية انيقة اقامها ابطال جيل مانديلا بمنزل الراحل المقيم عبد الحميد الضو حجوج تم خلالها تكريم العديد من الزملاء الصحافيين والمشجعين ولم اتعجب من الطريقة التي تعامل بها هواة الصيد في المياه العكرة مع ذلك الحدث المهم..!!
* تخريمة ثانية: التحية للزملاء الاساتذة حافظ خوجلي ـ الرشيد بدوي ـ علي الريح ـ عبد الرحمن عبد الرسول ـ الراحل المقيم سيف المريخ البتار صلاح سعيد ـ الراحل المقيم عبد المجيد عبد الرازق وتمتد التحايا لخالد ليمونة والحاج ابو سوط..!!
* تخريمة ثالثة: لا ادري بماذا نصف جيل مانديلا لاعبين ـ ادرايين ـ مدربين وصحافيين او مشجعين.. ولعل الكلمات تقف عاجزة عن التعبير او ايفاء اولئك الابطال الاساوش حقهم المعنوي.. والظن ان التجربة تحتاج للمرواجع والاستفادة ولنا عودة باذن الله..!
امسح للحصول على الرابط
بواسطة : محمد كامل سعيد
 9  0
التعليقات ( 9 )
الترتيب بـ
الأحدث
الأقدم
الملائم
  • #1
    حسن ميرغني عثمان 12-17-2016 04:0
    غايتو يا عمر ماعارف أقول شنو عند تشبيهك الوالي بي فيرونتينوبيريز غير انو جمال سجل النعسان وفيرونتينو بيريز سجل ورونالدو دون النظر لأي فوارق اخري
  • #2
    عمر 12-16-2016 01:0
    هل تعلم ان فلورنتينو بيريز هو رئيس ريال مدريد من 2000 وحتي الان باستثناء 3 سنوات 2006 ل 2009 ؟؟
    هل تعلم ان فلورنتينو بيريز رئيس ريال مدريد فاز بالتزكية في الانتخابات الاخيرة ؟؟
    هل تعلم ان بيتر هيل وود كان رئيس ارسنال من 1982 حتي 2013 ؟؟
    هل تعلم ان ماسيمو موراتي رئيس انتر ميلان من 1995 ل 2004 ومن 2006 ل 2013 ؟؟
    هل تعلم ان فترة الوالي منذ 2003 لم تكن كلها بالتعيين وفاز مرتين بالتزكية ؟؟ وكذلك ابتعد موسم كامل عن الرئاسة خلال هذه الفترة ؟؟
    ياخي عليك الله ارحمنا شوية وبطل نقة وشجع المريخ وسيب الوالي في حالو .
  • #3
    حسن الامبن 12-15-2016 06:0
    في صحفي مريخابي يكتب مريخاب يحتفلون بالتعيين ؟؟؟
    ايوا مريخاب نحتفل ونرقص فرحا بالتعيين
    انت مالك مع المريخ شوف فريقك شجعوا
    وريح المريخاب يحتفلوا او ينتخبوا انت مالك
    عليك الله يا صحفي في غير المريخاب يحتفلوا بشي يخص المريخ عشان تكتب مريخاب ؟؟؟
    يعني مين غير المريخاب بيحتفل بتعين مجلس المريخ
    صراحة مزمل معه حق يوم طردك من الصحيفة ههههههه
  • #4
    أبو المصطفي 12-15-2016 04:0
    وانت يا ابو العريف زعلان من الطريقة البدائية التي يصرف بها الرئيس امواله ولا الطريقة التي جعلت فقراء الامس اغنياء.
  • #5
    M.HUSSEIN 12-15-2016 03:0
    بالبلدى (حبوبتى الله يرحمها مراة حكيمة كانت دائما تناصحنى ومن ضمن نصائحهاقالت لى لو لقيت زول (بنبش) الناس بحاجة وبكرر (نبشه)ليهم طوالى بيها (قطع شك)الحاجة دى فيهو هو زااااتو) انتهى كلام حبوبتى و (النبش وقطع الشك معروفات للجميع)ما محتاجات لشرح والمابعرفهن يراجع سودانيته.لذلك انت اكير مصلحجى وطبال ومنفعجى والدليل تخريمتك الثانية والا لماذا ذكرت خالد ليمونة من ضمن ما ذكرت من عمالقة وهو لايشبههم فى اى شئ غير انك تريد ان تكشف حقيقة من يحركك ويدفع لك لكى تهاجم الوالى .
  • #6
    الجاكومي 12-15-2016 02:0
    مزمز مالك ورئيس مجلس إدارة جريدة اليوم التالي
    مزمز مالك ورئيس مجلس إدارة جريدة الصدي
    مزمز عضو مجلس إدارة المريخ العظيم
    فرق يا ابو عنقرة .......
  • #7
    حسن الامبن 12-15-2016 12:0
    المريخ دا حق الوالي عديل كدا
    نحن في المريخ مسحنا التاريخ من شاخور الي ابو العائلة طوالي الوالي
    انا من المريخاب كان في طريقة احول المريخ دا فداسي كان فعلتها
    ولا اقول ليك كان الوالي دا عمل زي الارباب وكون فريق مريخ شبيه بالاهلي يكون فريق نموذجي
    لان الوالي دا رجل محترم وراجل بدفع كاش وما بقول حقي وكدا
    عشان ما الوالي يمشي فداسي زي الارباب ما مشي شندي خلي الوالي يعمل للمريخ
    مومل ابو القاسم الصحفي الرقم في السودان الجعلي دا كان مشي من المريخ بنخلي تشجيعه هههههه
    مزمل دا السودان كله ينتظر متي يظهر عمود الفطور علي الكبدة الما خمج من الصباح
    مزمل مع العراقة والاصالة كمان عضو في المجلس ياااااااا دي نعمة كبيرة ربنا يزيدو من فضلو
    يا ربي يوم نسمع مزمل رئيس المريخ طوالي يااااااا المريخاب ديل انبسطوا كيف
    لماذا مزمل ؟؟؟؟ لانه شاطر وصحفي رقم ولانه ذكي وبحب المريخ والمريخاب اذكياء جدا
  • #8
    حسن الامبن 12-15-2016 09:0
    هو تعين ساااي تعبين
    تعين رئيسه الوالي تاني في كلام ؟؟؟
    الوالي الغالي رئيس طوالي كيه للحساد
    دا رئيس المريخ طوالي لانه رجل قدم للمريخ الكثير
    انت مع مين يعني ؟؟؟ فقط ضد المريخ في كل شي
  • #9
    عزالدين ابراهيم عبدالرحمن 12-15-2016 09:0
    بالله اسالك سؤال انت بالضبط عاوز ايه عاوز تصل لي شنو مشكلتك شنو مع جمال الوالي ياخي الانتخابات لو اتعملت مين حا يستلم غير الوالي هل انت مقفول منك البلف عشان كده زعلان نكلم جمال يفتحهولك يا باشا ولا تزعل عشان تبقي زي اعلام الجماعه مر.... وسلام
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019