• ×
الأحد 26 سبتمبر 2021 | 09-26-2021
موسى مصطفى

ما الجديد !!!

موسى مصطفى

 4  0  1317
موسى مصطفى

يعلن وزير الشباب و الرياضة بولاية الخرطوم خلال الساعات القادمة لجنة تسيير جديدة للمريخ لقيادة المريخ لفترة جديدة لمدة شهرين على الاقل للتحضير للجمعية العمومية للمريخ و اختيار مجلس جديد للمريخ .
في الاخبار ان الوزير جدد الثقة في كامل عضوية المجلس .
التجديد يعني انتقال الصراع و المتصارعين لمرحلة جديدة و خطيرة و ربما تنسف استقرار المريخ و تتسبب في ابعاد المريخ من المنافسات الافريقية للعام الثاني على التوالي بجانب غقجانه لبطولة الدوري الممتاز.
المريخ موعود بصراعات خطيرة خلال الايام المقبلة بعد تعمد تغييب الديمقراطي عن اكبر نادي في السودان بيد ان اندية الحواري تتمتع بكامل الحرية و اصبح المريخ يسيطر عليه ثلاثة اشخاص فقط يتحكمون فيه و في مصيره و مصير اهله .
من قال لهؤلاء ان المريخ لن يمضي بدونهم قد خدعهم و حول احلام جماهير الى كابوس.
حرمان نصف الشعب السوداني من الاستمتاع و التمتع بالبطولات و تبادلها مع الند التقليدي خلق نوعا من الاحتقان و لن يكون مفيدا للرياضة استمرار عصام الحاج ورفاقه في العمل الرياضي بالمريخ .
اتمنى ان ينصلح الحال في المريخ و يتنازل المتطلعين القابضين على حلاقيم الجماهير سنين عددا و اجعوها بالهزائم المحلية و الدولية.
رضينا بان يكون الوالي رئيسا و لكن نرفض ان يفرض علينا اسماء ارتبطت بالفشل و ادمنت السقوط في وحل الهزائم.
ما يحدث الآن في المريخ غير حضاري في مجتمع يفترض ان يكون حضاريا.
المريخ ليس قطيع اغنام ليسوقه الاخ جمال كما يريد و يفرض عليه من يسوقه من اذنيه
المريخ امة و حب و عشق يحتم الواقع على الاخ جمال ان يحترم رغبتها بدلا من استغلال قدرته المالية و جندلتهم .
المال لا يدوم و تبقي الاعمال الجليلة و الكامة الطيبة لا الاساءات اخي عصام.
اول مرة تغيب النبرة الحادة و الخطاب المنفعل من الاعلام الرسمي رغم ان المريخ يعيش في محنة طول 15 عام .
ان كان الاعلام الرسمي يحتفي بالسقوط الخماسي داخل استاد المريخ و يطالب بتكريم المجلس الفاشل طبيعي ان يكسر اقلامه.
المريخ يعيش في محنة حقيقية سببها الاعلام .
الوزير لا يعقل ان يقف ضد رغبة الاعلام الرسمي الذي تسبب فيما حدث.
الاعلام الرسمي تخوف من صحيفة عبد الصمد و آلته القوية التي يعادل قلم واحد منها 40 قلما من الاعلام المصنوع.
اخيرا
سقط الاخ عصام الحاج و الاخ مزمل في امتحان مجلس الشرف
ود الحاج طالب بالتقصيد و مع انه هاجم اولاد المريخ و شتمهم بالهلالية.
الهلال الذي يعاير به ود الحاج المريخاب هو قلعة الديمقراطية بينما المريخ مستعمر لاشخاص منذ 2003 و لم يعرف الديمقراطية و دفنت مع حجوج.
عصام الحاج دخل المريخ معينا و طبيعي ان تكون قراراته ارتجالية و كسر رقبة.
اخيرا جدا
التقسيط المريح فقه جديد لعصام الحاج.
لا تنهي عن خلق و تأتي بمثله عار عليك ان فعلت عظيم

امسح للحصول على الرابط
بواسطة : موسى مصطفى
 4  0
التعليقات ( 4 )
الترتيب بـ
الأحدث
الأقدم
الملائم
  • #1
    musab 12-14-2016 09:0
    انظر ياحبيبى ماذا فعلت الدينقراطيه بالهلال حيث أتت بالكردندوش ايعجبك مثل هذا ام والى الجمال ثم الشحصيه الحلافيه الوحيده هو حبيبك عبد الصمد ياريت لو ترك المريخ لحالو
  • #2
    معاوية الجريف 12-14-2016 12:0
    نواصل مع أصحاب النِسَبتين المئويتين (80% و20%) ونقول لهما أن الكاردينال طلع راجل ذكي وقال المرتشين بيظهروا بعد حديثي
    أها الجماعة ظهروا لكن ما كنا فاكرنهم بالكمية التجارية الشفناها وإكتشفنا إنو النسبة دى بسيطة
    80% مرتشين .. بيني وبينكم عندي إحساس قوي كردنة حا يرجع يزيد النسبة
    إحتمال كبير يقفلها 90%
    ما تمشوا بعيد .. خليكم قُراب
    يعني إعلام المدعوم مرشح يكون 90% منو مرتشي بحسب كردنة
    طبعاً أي حوار تاني لي كردنة في ناس من ال20% حا يتحسسوا جيوبهم .. أقصدوا مقاعدهم ..
    مع كردنة نغني .. يا (راشي) جفيتني وأنا ضائع
    (أرشوك) يا نسيم روح ليهو وبأشواقي صرح ليهو ..
    (راشي) منك بس إشارة ..
    سيد الإسم .. الدنيا يا ناس (ترتشي) .. الفرحة تملاها وتزغرد فيها والشوق (يترشي)
    بي هواهم (إرتشينا) يا النفور حن علينا ..
    (أرشيني أرشيني) من ريدك أرشيني
    وشوشني العبير (فأرتشيت) ..
    لقيتو واقف (مرتشي) .. تشتاق عيوني لي (رشوتو)
    في بنانك (أرتشت) الزهور
    الحنين البي ليه ما قدروا .. العمر من وين (برتشوه)
    أيها (المرتشي) وما بك داء .. كيف (ترشو) إذا (رشوت) عليلا
    يا محمد عبد الماجد لو جايي الخرطوم أدينا (رشوة) أقصد غشوة
    التحية للنجمتين (رشوة) الرويني و(رشوة) كرم ..
    أيها المرتشون .. (أرشوكم) .. كفاية كدة ..
    بكرة .. (راشنكم) .. أقصد جاينكم ..
    على طريقة فطومة .. خلاص (رشرشنا) أقصد شطبنا ..
    وعلى طريقة الرشيد علي عمر .. (إرشوا) معي ..
    (إترشرشي) ..
    دا من مقال معاوية الجاك كاتب مريخى يستهزأ بزملائه الهلالاب بدل ما يستنكر اهانة الكاردينال لهم ودا مثال للتعصب الاعمى ويجب محاسبة مثل هذا الصحفى
  • #3
    خالد حسن محمد الرياض السعوديه 12-14-2016 11:0
    يازول ماعندك علاقه مع الصحافه شوف شغله غيره كلامك خارم بارم
  • #4
    حسن الامبن 12-14-2016 10:0
    ههههههههههههه الجديد الوالي رئيس طوالي
    والاهم عبد الصمد فررررر
    اهم شي المريخاب مبسوطين من عصام ومزمل ومجلس الشرف
    عبد الصمد يتاوق بس خلي يهرب ومجالس المريخ يشمها قدحة ههههههه
    نحن من زمان عارفين عبدالصمد ضد مصالح المريخ
    لا تخوفنا بصحيفة معارضة للمريخ نحن صحف الهلال ما بتسوي فينا شي
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019