• ×
الإثنين 1 مارس 2021 | 02-28-2021
بابكر سلك

فول وطعمية وتمنين في المية

بابكر سلك

 5  0  1941
بابكر سلك



* الحبيب مزمل تناول ما تناولته من نقد بالنقد وزعمني قروب نظرية المؤامرة
* ابدأ من حيث انتهي مزمل بالمحبة والاحترام
* واوضح ان الكل يعلم بان منصرف معسكر تركيا تبرع جلبته علائق الوالي الواسعه جدا
* فالمعلومة متاحه وليست لها (اسوار ) تتخبأ بداخلها
* ويستوي الامر اذا كان المتبرع اصلان ام اوردوقان
* ويستوي كذلك الامر ان كان التبرع عشرين الف دولار ام مليار ونص بالسوداني القديم
* وماقلنا دي تكتبها ازاي يا (حسين )
* لكن يا مزمل يا اخوي بحسب المعلومات طرفنا ان هناك حجز لفندقين في تركيا
* وهذا لعمري شئ مستغرب
* بدون نظرية مؤامرة يعني اننا نعاني عدم التنسيق
* اما تناولي لقصور المكتب التنفيذي فاوضح لك اخي و للجميع اني لم اتهم شخص في المكتب التنفيذي بالسرقة
* بالذات الموظفين الصغار
* فهم عبد المأمور
* ولكن ارسال شكوي شيبوب (وتتقيل ) العقد الي ماذا يشير ??
* الي اتباعنا لنظرية المؤامرة يا اخي ام الي تآمر من (قرص ) العقد وارسل الشكوي القائمة علي العقد بدون

عقد
* هذه القصة تذكرني بمسرحية ( ARMS AND THE MAN )
* فسبب انتصار البلغار علي السريين وقتها كان لان السربيون قد ارسلوا جيشهم باسلحة لا تعمل
* يعني ارسلوا الشكوي بدون عقد
* اخي مزمل
* تعلم جليا اني احب المريخ منتصرا في كل المعارك
* وموضوع شيبوب هو واحد من تلك المعارك
* ومن (تقل ) العقد لم يكن من صغار موظفي المكتب التنفيذي الذين ينتظرون رواتبهم الضعيفة شهور
* ونعم لكل مقام مقال
* ومقام مجلس الشرف كبير جدا
* ومقام انتصار المريخ في كل المعارك كبير
* خاص صفحة الأحمر الوهاج
* وتنظيم دولاب العمل بالذات بالمكتب التنفيذي يجعل مقام المريخ أكبر
* واظنك تتفق معي يا اخي الحبيب في ذلك
* وشكرا لرحابة الصدر وحسن النوايا
* فنحن في المريخ دوما اخوة
* نناصح بعضنا لاجل المريخ ولا نناكف بعضنا ايضا لاجل المريخ الذي جمعنا وبالطبع لا نفرض وصايا علي

بعضنا لاننا في المريخ اخوه نعشق النجم ولبعضنا نحترم ونوقر ونهوي
* اها
* الحبيب احمد برانا برضو انتقدني (تطير عيشتي انا )
* احمد الحبيب يقول اني لم انتقد عبد الصمد في قيادته لكل بعثات المريخ
* يا اخي الحبيب (كل تلك ) تعني جميع البعثات وانا اعلم ان بعثة مدني قادها الرائع محمد الريح السنهوري

وكان عبد الصمد ضيفا في تلك الرحلة
* وبعثة نيالا قادها الرائع جدا مدلل
* وكان عبد الصمد حضورا بعيدا عن سلطات رئيس البعثة
* وانا اعلم يا اخي احمد كمان ان عبد الصمت كان يتحمل نفقات القطاع براهو وما كتبت في ذلك
* واعلم كمان ان رئيس النادي طوااالي بشيد بعبد الصمد وايضا لم اكتب في ذلك
* اما نقطة علمي بان عبد الصمد يقوم بتسفير موظفنو مع البعثات علي حساب المريخ
* والله دي ما سمعت بيها
* لكن البعرفو انو عبد الصمد بسفر موظفه الصادق ود ام در مع البعثات علي حساب صحيفة الزعيم وبنزل في

الفندق علي حساب صحيفة الزعيم ايضا
* عشان كدة انا ما كتبت
* تعلم يا اخي احمد برانا اني في المريخ لا اداهن ولا اتملق ولا اكسر التلج ولا اجامل
* لذا تجدني بالمساطب الشعبيه امارس عشقي من وسط الشرفاء
* فانت قريب لي جدا وتعلم بذلك
* تحياتي الخالصات لك يا اخي وربنا يقوي مريخنا
* المهم
* تصريح كردنة الامس هو قنبلة كردنة التي كان ينتظرها كتاب الهلال
* قبل ما يطلع كتاب الهلال من صحن الفول فجر كردنة قنبلته
* تمنين في المية من كتاب الهلال مرتشين
* خاص صفحة الأحمر الوهاج
* لا اله الا الله محمد رسول الله
* يعني عشرين في المية بس هم المامرتشين
* طلعوكم مرتشين يا بتوع طلب الفول
* محمد عبد الماجد انت من التمنين ولا من العشرين ???
* غايتو عربيتك السمحه دي بتجيب ليك الكلام
* لو جيت بيها بالأربعين حايقولوا من التمنين
* يعني اسي العشرين لو جو بي شارع الستين ببقوا من التمنين ولا كيف يا كردنة ???
* خالد عز الدين ما من التمنين
* ولا من العشرين
* خالد من حي الهجرة
* وكترت الفول في الهجرة حولت اسم الحي العريق من حي الهجرة لحي القدره
* والقدره فيها شنوووو ?
* يبقي يا خالد عشان تتطلع من شبهة القدرة رحل اهلك من الهجرة
* روشا تمنين ولا عشرين ??
* فيك الخير
* الزول ده تصريحو واثق منو
* ده موت عدييل ماشق مقابر
* لكن الحبيب محمد الامين نورالدائم عرفت ليكم نسبتو
* الكلام ده سر ماتكلموا زول
* جيبوا اضنينكم
* محمد الامين نسبتو ..
* وقع ليكم
* اما فطومة اختي فهي تمثل تسعطاشر في المية من العشرين في المية
* عارفين الواحد في المية البكمل العشرين في المية منو ????
* اديكم خيارات
* خاص صفحة الأحمر الوهاج
* كاتب غير العربية
* محمد عبد الماجد ما من التمنين في المية
* انت تبرا ياحماده وبريه
* لكن الكلام بتجيبوا ليك العربية
* وبجي يوم يجيبوهوا في الجزيرة و العربية
* وصرح كردنة
* قال سيكافا بطولة الضعفاء
* والناس الرسبوا في امتحان سيكافا عشرة مرات لما دسمسوهم سمناء ما ضعفاء يا كردنة ???
* الزول ده قبل تفكوهوا في الجرايد وروهوا يا روشا
* قولوا ليهو سيكافا دي غلبت الهلال عدييييييييييل
* اها
* الحبيب الحاج قسم خالد ( رئيس التحرير المرتقب )
* الحبيب ياسر عائس
* تفتكروا ناس تمنين في المية ولا ناس عشرين بي دقونهم دي ????
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* اعادة توزيع الثروات حسب ما فهمنا وقالوا لينا
* يكمن في عمال يلموا التراب كيمان علي اطراف الزلط يا والينا
* ويخلوهوا اسبوعين مكوم لينا
* تعفصو العربات وتجيهو الرياح من جديد تشتتو لينا
* وهكذا يتم اعادة توزيع الثروات علينا
* نصيبا من الثروة شنو غير التراب يا والينا
* خاص صفحة الأحمر الوهاج

سلك كهرباء

** ننساك كيف والكلب قال زمان الكتاحة من فوق بتجينا اسي بقت من تحت بتقوم علينا!!!
والي لقاء
سللللللللللك
امسح للحصول على الرابط
بواسطة : بابكر سلك
 5  0
التعليقات ( 5 )
الترتيب بـ
الأحدث
الأقدم
الملائم
  • #1
    سعد محمد عبد السلام 12-17-2016 09:0
    ياسلكنا تحياتنا وسلامنا أحب أن أصحح لك معلوميه مفهومه خطأ أن نسبه ال80% دي مشتركين فيه أثنين ( توته+روشه) وكل الباقين بقيادة خلدونا مشتركين فى ال20% لان خالدونا المتهم بتحريض محيريب ولوكان من ضمن ال80% لكان محريريب الآن فى الدفاع الجوي
  • #2
    ودعقيده خلف 12-13-2016 11:0
    استاذي الفاضل لك التحيه دوما وحفظك الله وعاك لكن عليه الطلاق السواها كردنه في اعلامو البحر ما يغسله حولينا ولا علينا بس اوصيك الايام دي خلي قلمك يكون مليان حبر وخلي المحبره تكون مليانه لان قلم لو قطع حبر بتسقط في الامتحان حتي 80% امكن ما تجيبه وتبقي عليك الاعاده مره تانيه فيها رسوم 20% ههههههههههههخهخخخهخهخخههه
  • #4
    OMER 12-12-2016 10:0
    ياسلك بطلو مسكنة وطيبة واضربو الجماعة زي ماقاعدين يعملو : لما جمال الوالي قال عليكم اعلام سالب مسكو فيها وبقو يلوكو فيها لبانة , ومستحيل يمر يوم وماتلقي واحد فيهم ذكر عبارة الاعلام السالب .
    من اللليلة مفروض تكتبو عبارة : الاعلام المرتشي .
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019