* حداشر سنه أكملتها الحبيبة
* حداشر سنه وهى تقدل فينا
* تسلب الأنظار والعقول وتصبح مرتعاً للإبداع والدهشه
* حداشر سنه وصدى تغريد الصدى يطرب فينا
* أكملت الصدى حداشر سنة
* ولن أنسى حينما كنا بندوة بدار النادى نادينا فيها بضرورة ميلاد إصدارات
رياضية مريخيه
* وقلنا وقتها أن رأس المال المريخى يجبن عند الإستثمار فى الصحف
* عشان كده حظنا من الصحف الرياضية ضعيف
* فدق مزمل صدره قبل ان تتبرج مثل المجره
* فكان ميلاد الصدى وإعلان شجاعة رأس المال المريخى فى الإستثمار فى دور
النشر
* وكانت الصدى أول طلقات الدفاع عن مكتسبات الزعيم وتبعتها طلقات وطلقات
* وحتى الأعيرة التى لم تصب دوشت الجماعة جنس دوشه
* حبيبتى الصدى لا أملك إلا أن أقول
* سنه حلوه يا جميلة
* المهم
* عال العال يسير الإعداد
* وفى ناس قنابلهم لسه بتتفجر على صفحات الأسياد
* ومع العلم
* شطبوا مساوى
* الدمازين موقوف كورتين أفريقيتين
* يعنى التمهيدى بالجريف ثيردباك وبخارى
* وباى باى
* خاص صفحة الأحمر الوهاج
* برا لمه
* وكتبوا
* تيتيه والله عليه
* هو تيتيه منو البوصلها ليه !!
* أب سته وتلتين سنه ولا بشه القلتوا عجوز يا فطومه !
* أها
*ناس الرياض والطائف وكوبر والعمارات وأركويت
* قالوا الله يقفل السيستم ده عشان نقدر ننوم
* ما معقوله الليل كلو ارووووووووو
* طياره نازله جايبة محترف للهلال
* ارووووووووو أرووووووووو
* طيارة قايمة مرجعه قنبلة الكاردينال
* غايتو يا فطومه عملتو حركة فى مطار الخرطوم
* والغريبة الهابط صاعد
* المحترف البهبط بالسيارة الأحد
* يصعد بى طيارة تانية الإتنين الصباح
* سمعنا بالصاعد هابط
* لكن الهابط صاعد دى حركات كسكته يا إنت
* المهم
* كشافات ناس روشا بتاعت موقف المواصلات دى ما قانونيات
* لأنو الكاف حدد شدة الإضاءة فى الإستاد كحد أدنى بى الف وخمسمية
* خاص صفحة الأحمر الوهاج
* بتاعاتنا فى أسوأ حالاتن الف وسبعمية
* وفيهن نور طويل وقصير كمان
* وبتاعات ناس فطومه فى أحسن حالاتن سبعميه
* يعنى فريق أفريقى يقول ما يلعب عشان الإضاءة ما قانونية حقكم راح
* الرتينة دى ما بتستركم
* أخير تلعبوا العصر
* اروووووووو.أرووووووو
* أمك طيارة جات
* يكون يا ربى فيها القنبلة !!!!!
* طاااااخ
* إنفجرت
* أيها الناس
* شهادة الفاضلاب الملوك قلادة تزين صلعتى دى
* فلم ار قبلى من مشى البحر نجوه**ولا رجلاً قامت تعانقه الأُسدُ
* شكراً جزيلاً كثيراً لكم أيها الأفاضل
* أيها الناس
* إن تنصروا الله ينصركم
* أها
* نجى لى شمارات والى الخرتوم
* والينا
* دى ايام شمارات عاد !!!
* خاص صفحة الأحمر الوهاج
سلك كهرباء
** ننساك كيف والكلب راقد يعاين ساى ويهز فى ضنبو؟!!!
والي لقاء
سلللللللللللللللللللللللللللللللللللللك .
دفعتوا لمصعب وعمر بخيت عشان ما يشطبوا خالو باسكال ؟
كل بدلية سنه نلقاكم فرحانين وعند المخاض يظهر الكوك
ما حسين الجريف وعمار الدمازين غلبناك بيهم وشردناك بيهم
ناسين يعني انتوا بتنسوا سريع كده الظاهر عندكم زهايمر يا دلاقين