• ×
الإثنين 17 مايو 2021 | 05-16-2021
معتصم محمود

المدرب التعبان وعزلة الكاردينال !!

معتصم محمود

 15  0  3160
معتصم محمود










* بعد سلسله هروب المدربين من الكاردينال لم يكن هناك خيار غير القبول بما هو متاح .

* الفاشل (لافاني) مدرباً للهلال !!

* فشل مع منتخب الكاميرون المرصع بالنجوم وتمت اقالته (2012) .

* فشل مع سموحه وتمت اقالته (2015) بعد ثلاثه اشهر فقط عقب خسارته ل (9) مباريات من (13) .

* اقيل من المغرب الفاسي بعد (4) اشهر من الخيبات (2016) .

* اقيل من نجران السعودي بعد مباراتين لا اكثر !!

* سجل خال من الانجازات عامر بالخيبات !!

* هذا هو المدرب الذي عهد اليه كردنه تحقيق وعده الكذوب باللقب الافريقي !!

* كردنه ابعد امين زكي وقاقا وكسلا والتعايشه وعافيه والنقر اخوان وارتمي في احضان السماسره فكانت المحصله مدرب فااااشل !!

* فشل كردنه في استقدام القنابل التي وعد وهاهو يفشل في التعاقد مع مدرب بقامة الهلال !!

* علي جماهير الهلال ان تقنع من الموسم القادم .

©خربشات

* بالارقام نقول (12) شخص لاغير من جمهور الهلال تابع تسجيل (تيتيه) للاسياد .

* قاطع الجمهور قنبلة الكاردينال .

* كردنه بات يعيش عزله غير مسبوقه لاي رئيس هلالي .

* مهرجان تكريم الرجل الذي قاطعته الروابط خلا من اي قطب هلالي .

* حتي مجلس كردنه انصرف عنه وتبقي فقط عماد والفرحان !!

* موقف الاعلام الهلالي من الرجل معروف وبائن .

* ليس الصحف وحدها بل كافة المواقع الاسفيريه عبرت عن رايها الصريح في ادارة السماسرة للشان الهلالي .

* فرية هذا اربابي وذاك طاهوي او بريرابي لم تعد مقنعه لشعب الهلال .

* لم يحدث ان واجهه رئيس هلالي عزلة اعلاميه وجماهيريه كالتي يعيشها كردنه .

* عزله جعلت ماتبقي من مجلس كردنه اوهن من بيت العنكبوت .

* هشاشة مجلس كردنه والخوف الذي يعتريه بلغت مرحله اصدار بيان حول (لقطه كاميرا موبايل بيد صحفي) !!

* حملات ارهاب الاعلام الهلالي بقوات الردع فشلت لان المحرش ما بكاتل وولاء المرتزقه لمن يدفع فقط .

* احد الذين ورد اسمه في التشكيل المشبوه اتصل بكاتب هذه السطور ونفي ما نُسب اليه وقال ( نعم اناصر كردنه لكني لست غواصه ولا مرتزفه) .
امسح للحصول على الرابط
بواسطة : معتصم محمود
 15  0
التعليقات ( 15 )
الترتيب بـ
الأحدث
الأقدم
الملائم
  • #1
    الصديق ميرغني ساتي 11-29-2016 09:0
    اقترح ان يسميك الناس طائر الشؤم
    لانونك اصلك ما بتشوف غير السواد المغطي قلبك يا حاقد
    ياخ والله انا شفت وسمعت بالناس الحاقده والضميرها اسود
    والناس البايعه ضميرها والمرتشيه والبتقبض قبل تتكلم
    زي تلفونات الشارع بس زيك عمري ما شفت ولا سمعت
    ياخ والله الواحد مرات بحس انو بخجل ليك
    صحي الاختشو ماتوووو
    كســــــــــــــره
    يا معتصم الهلال محتاج فلوس عشان يجيب مدرب غير دا وكمان
    عايز فلوس للاعداد يلا ورينا ح تتبرع بكم مع الرجال البشيلو الهلال
  • #2
    الصديق ميرغني ساتي 11-29-2016 09:0
    اقترح ان يسميك الناس طائر الشؤم
    لانونك اصلك ما بتشوف غير السواد المغطي قلبك يا حاقد
    ياخ والله انا شفت وسمعت بالناس الحاقده والضميرها اسود
    والناس البايعه ضميرها والمرتشيه والبتقبض قبل تتكلم
    زي تلفونات الشارع بس زيك عمري ما شفت ولا سمعت
    ياخ والله الواحد مرات بحس انو بخجل ليك
    صحي الاختشو ماتوووو
  • #3
    نمر 11-29-2016 09:0
    يا أخي اتقي الله وأترك الناس تعمل لا تبخس الناس أشياءهم ، رئيس الهلال أتى عبر انتخابات وله فترة زمنية مستحقة ويجب على كل هلالي مخلص دعم الرجل ، حتى وإن كنت تنتقده فأنتقد نقدا بناءاً ، رجاءً أترك الإساءة وكن صحفي بحق وحقيقة . ما هكذا تعودنا من الصحفيين الحقيقيين . لا نقول لك لا تعارض ولكن بأدب لأن القارئ لا يهمه ما بداخلك فقط يهمه ما يسطره قلمك لا تكن مثل هيثم كابو وسلك وآخرين ليس لهم في الصحافة ومبادئها شيء .
  • #4
    باكمبا 11-29-2016 08:0
    بدل الكلام الممجوج غير المحكم وغير البناء البتكتبو كل يوم ده لتأكل عيش أحسن تشوف ليك ورنيش تضربو لحدي الانتخابات القادمة وتعال وإنت ومن تتبع له، وحينها نشوف كسرة مارس النقد البناء والكتابة الصحفية باحترافية لكي لا تنسى ما كنت تعرفه من أصول الصحافة، إن كان،، والله من وراء القصد،
  • #5
    العمرابي 11-29-2016 08:0
    حقدك ده بيكتلك احسن تخليك في حالك لن تستطيع انت و لا غيرك من ايقاف مسيرة سيد البلد بقيادة الكاردينال
  • #6
    عبدالعزيز 11-29-2016 07:0
    والله فقدنا الامل كليا بسبب ما نرى من مهازل...هل هو في كامل وعيه عندما يتحدث عن الاميرة الافريقية؟
  • #7
    عبدالعزيز 11-29-2016 07:0
    والله فقدنا الامل كليا بسبب ما نرى من مهازل...هل هو في كامل وعيه عندما يتحدث عن الاميرة الافريقية؟
  • #8
    جون سينا 11-29-2016 07:0
    والله الكاردينال دة يا سوس كل الناس واقفة معاه زول دافع من حر ماله والله إنت المعزول يا نكرة- قدمت شنو إنت للهلال- الكاردينال معزول فى خيالك المريض- لكن الحمد لله كل جماهير الهلال أدركت مدى خبثك وكرهك للهلال ورئيسه وسوف ترد عليك فى الوقت المناسب - ياالمعجب بمزمل- زول بقتدى بعدو الهلال الهلال الاول لامكان له بيننا- يا مختصم منبوذ.وسخ-زبالة
  • #9
    خلال الشوك 11-29-2016 07:0
    كردنه بس و لو طقيت راسك بالحيط .... عن اي عزلة تتكلم .... نحن جمهور الهلال ... متمسكين بكردنه و مقتنعيييييين بيهو ... ولو عندك جمهور تاني غيرنا قول لينا يا مغ.....؟
  • #10
    أبو كسكته 11-29-2016 07:0
    موت بغيظك ، الخصخصة جاية ونص أسهم الهلال بإسم عائلة وأحباب وأصحاب والعاشقين للهلال على الورق وفعلياً بأسم أبوكسكته الحرقك إنته .
  • #11
    مجدي 11-29-2016 01:0
    اذا الكاردينال يريد بطولة عنده خبراء لا يكلفوه من المال كثير في حسن المصري وفي احمد عبدالله ديل مدربين صاح لان في رؤوسهم في تخطيط علمي ممنهج لتدريب كرة القدم احمد عبدالله ان شاءالله تكون سمعت كلامه علامه تبارك الله عليه مافي ذيه وكمان حسن المصري اتمني تكون استمعت اليه.لوكنت في مكان الكاردينال علي طول بعين احمد عبدالله مدربا للهلال وهو صارم ولا يجامل ويفهم جيد نفسيات اللاعب ولا تنسى هو وصل بالهلال بتاعك دا لمرتين
  • #13
    الكاهلى 11-29-2016 12:0
    اولا اسمح لى ان اسالك سؤال كيف دخلت الى عالم الصحافة كلنا جماهير الهلال الحقيقة تعرفك انك حربوية ليس لك موقف ثابت تتغير كالحرباية مرة مع صلاح ادريس مرة الامين البرير البدفع اكتر يسلم من كتابتك البزية ياخى حتى طه البشير ماسلم منك عليك الله امشى شوف ليك حوض بصل ازرعوا
  • #14
    الكاهلى 11-28-2016 11:0
    اولا اسمح لى ان اسالك سؤال كيف دخلت الى عالم الصحافة كلنا جماهير الهلال الحقيقة تعرفك انك حربوية ليس لك موقف ثابت تتغير كالحرباية مرة مع صلاح ادريس مرة الامين البرير البدفع اكتر يسلم من كتابتك البزية ياخى حتى طه البشير ماسلم منك عليك الله امشى شوف ليك حوض بصل ازرعوا
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019