• ×
الإثنين 2 أغسطس 2021 | 08-01-2021
بابكر سلك

س (الهلال)

بابكر سلك

 8  0  2845
بابكر سلك
سوف تفيد حدث مستقبلى
* إحتمال يجى وإحتمال ما يجى
* والرائع أبوالأمين مره غنا
* سوف يأتى باسم الثغر يلوح بالأمانى
* طى عينيه بريقٌ وغموض ومعانى
* أريتو يجى أبوبريق وغموض ومعانى ده
* المهم
* للأخوة الأهله برضك حظ فى سوف دى
* بل يمكن يكون لديهم نصيب الأسد
* عشان كده كانت ساسا نغمة ذات معنى عندهم
* ليس المقصود بها سادومبا
* ولكن يقصدون بها (سا)حدث يحدث باكر
* (س) نفوز بالأميرة السمراء
* اقدم (س) فى الوجود
* عمرها تمنية وتمنين سنه
* أسى جابت ليها (س)نحارييب
* أساساً هى سنحارب
* ولكن دخلت عليها (الجره) السورية فبقت سنحارييييب
* إخوتنا السوريين بجرجروا الكلام
* المستعجلين ليها شنو
* قالوا فى سودانى قعد فى سوريا عشرين يوم عمل ليك فيها من أولاد حلب
* من أولاد قلبها
* قابل سودانيين معرفه وصلوا سوري ليهم يومين
* نصب ليك نفسو دليل عليهم
* دخلوا مطعم
* صاحبنا قال للجرسون فى فاصولييييييييييا؟؟
* الجره نظام ود قلبها وكده
* الجرسون قال ليهو فى فاصوليا بس مش بالطول ديييي
* خاص صفحة الأحمر الوهاج
* المهم
* (س) هى سوف
* وغالباً سوف بتطلع جعجعة ساى
* العرب من سبعه وستين يرددون سنحارب والمستوطنات فى زيادة
* الغضب الساطع آتى وأنا كلى إيمان
* سأدقُ على الأبواب وسأفتحها الأبواب
* سأمر على الأحزان
* وستغسل يا نهر الأردن وجهى بمياهٍ قدسية
* وستغسل يا نهر الأردن آثار القدم الهمجية
* بقيت ال(س) ولم يغسل نهر الأردن وجهنا بمياهٍ قدسية ولم يغسل نهر الأردن آثار
القدم الهمجية
* وسيهزم وجه القوه سيهزم وجه القوه
* ولسه بنردد (س) وتضيع بين نبرات السين آدمية العرب وحقوقهم وأراضيهم
وإرادتهم وقوميتهم وثقافتهم ووجودهم
* شالوا المستوطنات وخلوا لينا السين
* ولم يهزم وجه القوة
* إنها ال(س) اللعينه
* لادقينا الأبواب ولم نفتحها الأبواب
* ولكن يظل الشعار سندقُ على الأبواب وسنفتحها الأبواب
* والأقفال صدت
* و(س) عند الأهلة كثيرة
* جابت ليها قنابل كمان
* ستنفجر
* سنعتمد على الأشبال فى هلال 2017
* سنستغنى عن الأجانب فى هلال 2017
* سنظفر بالأميرة السمراء 2016 و 2017
* سندقُ الصخرَ (دى قلناها نحنا)
* وتظل السين حرف هجاء وأمنيات للأهلة الشرفاء
* كسكته فيها كم (س).. يا إنت !!!!
* خاص صفحة الأحمر الوهاج
* فى موقف بانت جوار السينما فى كشك عصير إسمو قنبلة العصير
* قنبلة كردنه وين لى قنبلة العصير يا فطومة يا أختى !!!
* أيها الناس
* (س) للغلال شفنا طحينها
* (س) للهلال دى طحينها وين ؟؟؟؟
* أيها الناس
* أطهر الطاهر مالو ؟؟؟
* أطهر الطاهر ولدنا
* مالو !!!
* المهم
* هل صحيح رواتب أولادنا قربت تكمل شهرين كمتأخرآت ؟؟؟؟
* مجرد سؤال برئ جداً
* أيها الناس
* الى متى نظل نعيش فى متناقضات تجعل القدر يسخر مننا !!!!
* برنامج الأجراس تم إيقافه
* وبعد إسبوعين أو تلاتة تم تكريمه
* ضمن نجوم العام 2016 برعاية مساعد رئيس الجمهورية
* مافى تنسيق يا جمهوريتنا ؟؟؟
* كلو زول شغال براهو وبينقز براهو !
* حيرتونا
* أيها الناس
* إن تنصروا الله ينصركم
* أها
* نجى لى شمارات والى الخرتوم
* والينا
* بالنسبة للحرجل
* عندو مدة صلاحيه ولا (نغلى) ساى !!!
* الدوم كضابط للسيولة الجرعة للكبار بتختلف عن الجرعة للكبار ولا نتجوغر ساى
سلك كهرباء
** ننساك كيف والكلب قال لو إتطعمنا يقولوا لينا لقيتوا السكر وين؟!!!
والي لقاء
امسح للحصول على الرابط
بواسطة : بابكر سلك
 8  0
التعليقات ( 8 )
الترتيب بـ
الأحدث
الأقدم
الملائم
  • #1
    ودالقيد 11-27-2016 12:0
    ماعندك زول كبير نتكلم معاوى انت صخفى (وصخفى) |؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
  • #2
    ود الحسن 11-27-2016 12:0
    كلام شوارع اتق الله في عبادة مستحيل يكون ده كلام صحفي ؟؟؟؟؟؟ ست الشاي بنكتب احسن منك
  • #3
    بكرى النيلين 11-27-2016 09:0
    يا باشا.... انت الهلال كاسر فيك عمود نص ولا شنو....
    سيبو فى حالو وشوف الاحمر الوهاج بتاعك واكتب عنو...ذى ما عايز..ولا اغصه الفى حلقك دى لازم تكتب عنها...يحلو لكم الهلال ولكنكم مكابرون....يا حليك والله يرحمك يا ابو العائله صاحب المقوله الشهيره...لو كديسه نطت حيطه نادى الهلال ناس المريخ يقولوا لازم الكديسه تنط حيضه المريخ....فى ضل يا اخوانا اكتر من كده...مع تحياتى..الله..الوطن..الهلال...موتو مغص يا وهاجه....
  • #4
    abdelhadinasr 11-27-2016 09:0
    سلكونا اغسل وجهك من نهر الاردن بمياه سبعية وقابل اطهر بعد كده .... انساك وانساك كيف والاحمر بدأ المرحلة الثانية
  • #5
    الامين محمد نور 11-27-2016 08:0
    خارم بارم . كلام الطير في الباقير .اللهم لا نسالك رد القضاء و لكن نسالك اللطف فيه . انت راجل مفلس و ما عندك ضمير و بتحب تاكل حرام بدليل كسبك من الكتابة السيئة .اللهم عليك بهذا الفاسد . اللهم عليك بهذا الطعان الفاسق .اللهم اسكته وارح منه العباد .اللهم عليك بهذا الهماز اللماز .
  • #6
    ودعقيده خلف 11-27-2016 07:0
    عمك براحه شويه علي الصفراب لاترفع الضغط قبل ما يرتفع
  • #7
    جون سينا 11-27-2016 12:0
    الخرف كعب الزول بعد مايصبح فى أرزل العمر مفروض يعقل شويه عشان مايكون قدوة سيئة- لكن حاج تنقو العجوز - مابخلى طبيعته والسخرية من الناس - قلنا عصرة الفاضلاب وهرشتهم ليه تجيب ليه عقل لكن والله لسة فى هبالته وعوارته- ثم ثانيا يا جدو تنقو 14 سنة تخطفوا فى لعيبة الهلال ودة ولدنا أساليبكم الدنيئة دى ورينى عملوا ليك شنو- لا طلعوك من الوصافة ولا خارجوك من التمهيدى والله كان بتستفيد منهم ما مشكلة- لكن 14 سنة والطين فى طينه وسلك فى عوارته وهبالته- يبدا الموسم وينكشف التطبيل وتخلقوا مشاكل من العدم عشان تغطوا خيباتكم وفشلكم.انت زول عجوز أعقل شوية وماتضحك عليك الناس.
  • #8
    عامر علي عثمان 11-26-2016 11:0
    انت راجل عبيط و ليس لك علاقة بالصحافة وأسلوب ركيك كأنك طالب في الصف الخامس فعلا السودان أصبح بلد الهوان .
    عامر علي عثمان
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019