من أذكى الأمثال السودانية : (الجفلن خلهن أقرع الواقفات) ..
* ونحن في كثير من الأحيان (بنقرع الجفلن وبِنجفل الواقفات) ..
* حتى الواقفات (بجفلن) لأننا بنكون مشغولين (بقرع المقروعات) ..
* والمقصود هنا ليس أطهر الطاهر وحده بل مقصود تيتيه والجهاز الفني والمعسكر ..
* كل هذه أشياء لا تستحمل التأخير ولا التأجيل ولا (المهلة) التى يتعامل بها مجلس الهلال مع الأمور المختلفة ..
* لو تعامل مجلس الهلال مع قضايا الهلال بذات السرعة التى يصدر بها (البيانات) لما حدث كل هذا ..
* عندهم سرعة خيالية في (البيانات) وعندهم (مهلة عجيبة) في قضايا الهلال وكل الأمور الحيوية التى لا تقبل التأخير ..
* ديل ممكن يطلعوا بيان بخصوص (دموع مرا سورية) ..
* لكن ما ممكن يحسموا أمر إعادة قيد أطهر الطاهر ..
* الآن نقول : (ثم ماذا بعد هذا) ؟؟
* بعد هذا .. كل أمنياتنا أن تنتهى التسجيلات حتى نحفظ (كرامة الهلال) وحتى نحفظ سمعته الغالية ..
* غاية أمانينا أن يكون اليوم هو يوم (30) نهاية التسجيلات ..
* نريد أن تنتهى التسجيلات حتى تتوقف المهازل ونرتاح من العبث والعشوائية التى بدلت (الحلو بالمُر) وخلفت جروح في القلب والخاطر ..
* ننتظر نهاية هذا المسلسل لأن هنالك مسلسل جديد ينتظر جماهير الهلال وهو مسلسل الإعداد ..
* طبعا أصلا حكاية المدرب دي ممكن نقنع منها ..
* وعشان نسهل الموضوع أكتر نرجو أن يعلن الكاردينال عن تعيين أى واحد من قدامى لاعبو الهلال مدربا للفريق ويخلينا نبدأ الإعداد ..
* لأنو كده كده المدرب البيجينا ما ح يحضر معانا الخريف الجاي ..
* لسه منتظرنا مسلسل (الكيس فاضي ولا ما فاضي) ..
* ده كلو كوم والإعداد كوم تاني يا الكاردينال ..
* الإعداد هو (ساس) لكل فريق ومن كان إعداده ناقصا سيعاني وسيدفع ثمن ذلك ..
* موضوع الإعداد ده ما فيهو هظار ، من هسه خلى فتحي بشير يسوق اللاعبين ديل ويسافر بيهم المعسكر وأنت براحتك أحسم موضوع المدرب ..
* أقول ذلك لأنني على ثقة بأن إعداد الهلال لن يبدأ إلا في الأسبوع الثاني من الشهر القادم في ظل هذه (الربكة التى تسيطر على المجلس) ..
* بعد ما الفرق المعانا تبدأ مرحلة المباريات الودية حتى يداب الهلال يبدأ الإعداد ..
* كل المطلوب منك يا الكاردينال سجل تيتيه اليوم وخلى الفريق يسافر ويبدأ المعسكر ..
* نحن إكتفينا بالتسجيلات التى تمت وبنقول ليك كتر خيرك برضو ما قصرت ..
* إكتفينا وقنعنا من ساماتا والأخطر من ساماتا وقنع حتى من (المحترف البيجيبهو في التلفزيون) ..
* قنعنا منهم كلهم وتاني بنقول ليك كتر خيرك بس عليك الله أحسم لينا موضوع المعسكر عشان الإعداد يبدأ في المواعيد ..
* سجل تيتيه اليوم وأقفل باب التسجيلات وكفاية (نصغر) الهلال ..
* الهلال عمرو ما كان صغير وسيظل كبيرا بجمهوره ونجومه وأعلامه الشريف ..
* أحسم لينا موضوع الإعداد بشكل صادق عشان ما تجي بعد كم يوم تقول لينا المدرب قال الإعداد يكون في (توتي) ..
* بعد الحركة بتاعت (السوري) دي عادي ممكن تقولوا لينا المدرب قال داير المعسكر يكون في الدروشاب ..
* سجل تيتيه ولو الجنسية طلعت خير وبركة ولا ما طلعت برضو ماشي ..
* إحنا عندنا حالة (طُمام) وبقت الجنسية ذاتا ما فارقة معانا ..
* همنا كلو الإعداد لأنو فريق بدون إعداد سيكون كثير العثرات ..
* وبالمناسبة .. أطهر الطاهر ذاتو قنعنا منو لأنو عقلية التفاوض البتتعاملوا بيها دي ما ممكن تقنع شافع روضة ..
* وحقيقة أخشى أن يكون هنالك مخطط لأبعاد كل لاعب لم يأتي في فترة الكاردينال ..
* أخشى ذلك والله ..
* أخشى أن تكون سياسة الكاردينال هى التخلص من أى لاعب لم يأتي إلى الهلال في فترة الكاردينال ..
* لو صح ذلك يبقي نزار حامد على موعد مع تقرير (طبي مضروب) وكذلك بوي وكاريكا وبشة والبقية ..
* كل الذين تخلص منهم الهلال الآن هم لم يسجلوا في عهد الكاردينال ..
* وهذا مخطط لا يفوت على الأذكياء ..
* وحينما ينتهى عقد نزار حامد أنا بذكركم لو الله أداني عمر ..
* المهم .. نرجع ونقول الإعداد ثم الإعداد ثم الإعداد ..
* حقيقة تجدنى دوما أكره أن أنتقد الهلال وأكره إنتقاد كل شخص منسوب للهلال لأنني أرى أننا كهلالاب عبارة عن (أهل وأحباب) و(عُشرة الهلال زيها ما في) ولكن هؤلاء يريدون لنا غير ذلك ، والأمانة هى التى جلعتنا نتحدث على مدار ثلاث أيام عن عيوب في الهلال وهذا أمر (تقيل على القلب) ولكن جبرونا جبور وحال الدنيا دايرة صبر ..
* ونحن على ثقة أن كثير من العيوب التى أظهرها مجلس الهلال في الفترة الراهنة نصيب الكاردينال فيها ليس كبيرا ..
* واضح أن هذا التخبط (جاي من برة المجلس) ولكن رئيس المجلس (يجبر بالخواطر) لأسباب مجهولة تصل درجة الغرابة ..
* قلتها قبل أيام .. الكاردينال بما قدم للهلال أصبح كبيرا في نظر الأهلة ولكن الرجل ينقاد من خارج المجلس فيجعل حتى الجوهرة الزرقاء تخرج من (نفوس الجماهير) ..
* عليك الله يا الكاردينال ناقصك شنو عشان تخت نفسك وتختنا معاك في الحتة الضيقة دي ؟؟
* القروش والحمدلله (عندك) ، العلاقات والحمدلله (عندك) ، الإستاد والحمدلله (صرفتو فيهو صرف من لا يخشى الفقر) ، طيب ليه كده ؟؟ وعشان منو وعشان شنو يحصل الكلام ده ؟؟
* لو جاوب الكاردينال على هذا السؤال يستطيع أن يغيير كثير من الأشياء ..
* الكاردينال لو إشتغل بعيد عن (المنتفعين) سيكون جمهور الهلال هو الضهر الذي ينسند عليه ..
* الجمهور ح يكون ضهرك ..
* ويا بخت من كان جمهور الهلال (ضهرا له) ..
* جرب يا الكاردينال وشوف الفرق بين إنو يكون سندك وضهرك جمهور الهلال وما بين يكون ضهرك وسندك مجموعة أشخاص ..
* لو عندك حماية من جمهور الهلال تانى ما بتطلع من النادي إلا عن طريق الموت الذي هو سبيل الأولين والآخرين ..
* سمعة الهلال غالية يا الكاردينال ، والمكانة الفيها الهلال دي عملوها رجال وأنت زول فيك خير للهلال فكن كبيرا حتى تكتسب الحصانة من الغبش الأحرار الذين يشجعون الهلال العظيم ..
* و..و..
* والله في .
* ونحن في كثير من الأحيان (بنقرع الجفلن وبِنجفل الواقفات) ..
* حتى الواقفات (بجفلن) لأننا بنكون مشغولين (بقرع المقروعات) ..
* والمقصود هنا ليس أطهر الطاهر وحده بل مقصود تيتيه والجهاز الفني والمعسكر ..
* كل هذه أشياء لا تستحمل التأخير ولا التأجيل ولا (المهلة) التى يتعامل بها مجلس الهلال مع الأمور المختلفة ..
* لو تعامل مجلس الهلال مع قضايا الهلال بذات السرعة التى يصدر بها (البيانات) لما حدث كل هذا ..
* عندهم سرعة خيالية في (البيانات) وعندهم (مهلة عجيبة) في قضايا الهلال وكل الأمور الحيوية التى لا تقبل التأخير ..
* ديل ممكن يطلعوا بيان بخصوص (دموع مرا سورية) ..
* لكن ما ممكن يحسموا أمر إعادة قيد أطهر الطاهر ..
* الآن نقول : (ثم ماذا بعد هذا) ؟؟
* بعد هذا .. كل أمنياتنا أن تنتهى التسجيلات حتى نحفظ (كرامة الهلال) وحتى نحفظ سمعته الغالية ..
* غاية أمانينا أن يكون اليوم هو يوم (30) نهاية التسجيلات ..
* نريد أن تنتهى التسجيلات حتى تتوقف المهازل ونرتاح من العبث والعشوائية التى بدلت (الحلو بالمُر) وخلفت جروح في القلب والخاطر ..
* ننتظر نهاية هذا المسلسل لأن هنالك مسلسل جديد ينتظر جماهير الهلال وهو مسلسل الإعداد ..
* طبعا أصلا حكاية المدرب دي ممكن نقنع منها ..
* وعشان نسهل الموضوع أكتر نرجو أن يعلن الكاردينال عن تعيين أى واحد من قدامى لاعبو الهلال مدربا للفريق ويخلينا نبدأ الإعداد ..
* لأنو كده كده المدرب البيجينا ما ح يحضر معانا الخريف الجاي ..
* لسه منتظرنا مسلسل (الكيس فاضي ولا ما فاضي) ..
* ده كلو كوم والإعداد كوم تاني يا الكاردينال ..
* الإعداد هو (ساس) لكل فريق ومن كان إعداده ناقصا سيعاني وسيدفع ثمن ذلك ..
* موضوع الإعداد ده ما فيهو هظار ، من هسه خلى فتحي بشير يسوق اللاعبين ديل ويسافر بيهم المعسكر وأنت براحتك أحسم موضوع المدرب ..
* أقول ذلك لأنني على ثقة بأن إعداد الهلال لن يبدأ إلا في الأسبوع الثاني من الشهر القادم في ظل هذه (الربكة التى تسيطر على المجلس) ..
* بعد ما الفرق المعانا تبدأ مرحلة المباريات الودية حتى يداب الهلال يبدأ الإعداد ..
* كل المطلوب منك يا الكاردينال سجل تيتيه اليوم وخلى الفريق يسافر ويبدأ المعسكر ..
* نحن إكتفينا بالتسجيلات التى تمت وبنقول ليك كتر خيرك برضو ما قصرت ..
* إكتفينا وقنعنا من ساماتا والأخطر من ساماتا وقنع حتى من (المحترف البيجيبهو في التلفزيون) ..
* قنعنا منهم كلهم وتاني بنقول ليك كتر خيرك بس عليك الله أحسم لينا موضوع المعسكر عشان الإعداد يبدأ في المواعيد ..
* سجل تيتيه اليوم وأقفل باب التسجيلات وكفاية (نصغر) الهلال ..
* الهلال عمرو ما كان صغير وسيظل كبيرا بجمهوره ونجومه وأعلامه الشريف ..
* أحسم لينا موضوع الإعداد بشكل صادق عشان ما تجي بعد كم يوم تقول لينا المدرب قال الإعداد يكون في (توتي) ..
* بعد الحركة بتاعت (السوري) دي عادي ممكن تقولوا لينا المدرب قال داير المعسكر يكون في الدروشاب ..
* سجل تيتيه ولو الجنسية طلعت خير وبركة ولا ما طلعت برضو ماشي ..
* إحنا عندنا حالة (طُمام) وبقت الجنسية ذاتا ما فارقة معانا ..
* همنا كلو الإعداد لأنو فريق بدون إعداد سيكون كثير العثرات ..
* وبالمناسبة .. أطهر الطاهر ذاتو قنعنا منو لأنو عقلية التفاوض البتتعاملوا بيها دي ما ممكن تقنع شافع روضة ..
* وحقيقة أخشى أن يكون هنالك مخطط لأبعاد كل لاعب لم يأتي في فترة الكاردينال ..
* أخشى ذلك والله ..
* أخشى أن تكون سياسة الكاردينال هى التخلص من أى لاعب لم يأتي إلى الهلال في فترة الكاردينال ..
* لو صح ذلك يبقي نزار حامد على موعد مع تقرير (طبي مضروب) وكذلك بوي وكاريكا وبشة والبقية ..
* كل الذين تخلص منهم الهلال الآن هم لم يسجلوا في عهد الكاردينال ..
* وهذا مخطط لا يفوت على الأذكياء ..
* وحينما ينتهى عقد نزار حامد أنا بذكركم لو الله أداني عمر ..
* المهم .. نرجع ونقول الإعداد ثم الإعداد ثم الإعداد ..
* حقيقة تجدنى دوما أكره أن أنتقد الهلال وأكره إنتقاد كل شخص منسوب للهلال لأنني أرى أننا كهلالاب عبارة عن (أهل وأحباب) و(عُشرة الهلال زيها ما في) ولكن هؤلاء يريدون لنا غير ذلك ، والأمانة هى التى جلعتنا نتحدث على مدار ثلاث أيام عن عيوب في الهلال وهذا أمر (تقيل على القلب) ولكن جبرونا جبور وحال الدنيا دايرة صبر ..
* ونحن على ثقة أن كثير من العيوب التى أظهرها مجلس الهلال في الفترة الراهنة نصيب الكاردينال فيها ليس كبيرا ..
* واضح أن هذا التخبط (جاي من برة المجلس) ولكن رئيس المجلس (يجبر بالخواطر) لأسباب مجهولة تصل درجة الغرابة ..
* قلتها قبل أيام .. الكاردينال بما قدم للهلال أصبح كبيرا في نظر الأهلة ولكن الرجل ينقاد من خارج المجلس فيجعل حتى الجوهرة الزرقاء تخرج من (نفوس الجماهير) ..
* عليك الله يا الكاردينال ناقصك شنو عشان تخت نفسك وتختنا معاك في الحتة الضيقة دي ؟؟
* القروش والحمدلله (عندك) ، العلاقات والحمدلله (عندك) ، الإستاد والحمدلله (صرفتو فيهو صرف من لا يخشى الفقر) ، طيب ليه كده ؟؟ وعشان منو وعشان شنو يحصل الكلام ده ؟؟
* لو جاوب الكاردينال على هذا السؤال يستطيع أن يغيير كثير من الأشياء ..
* الكاردينال لو إشتغل بعيد عن (المنتفعين) سيكون جمهور الهلال هو الضهر الذي ينسند عليه ..
* الجمهور ح يكون ضهرك ..
* ويا بخت من كان جمهور الهلال (ضهرا له) ..
* جرب يا الكاردينال وشوف الفرق بين إنو يكون سندك وضهرك جمهور الهلال وما بين يكون ضهرك وسندك مجموعة أشخاص ..
* لو عندك حماية من جمهور الهلال تانى ما بتطلع من النادي إلا عن طريق الموت الذي هو سبيل الأولين والآخرين ..
* سمعة الهلال غالية يا الكاردينال ، والمكانة الفيها الهلال دي عملوها رجال وأنت زول فيك خير للهلال فكن كبيرا حتى تكتسب الحصانة من الغبش الأحرار الذين يشجعون الهلال العظيم ..
* و..و..
* والله في .
