• ×
الخميس 22 أبريل 2021 | 04-21-2021
بابكر سلك

القناة بقت براميل متفجرة

بابكر سلك

 4  0  2108
بابكر سلك

* ويحدثنا كردنة
* فتزغرد فطومه ويهز روشا
* ويتضح ان الفنان ماسورة
* حدثنا كردنة عن قنابل
* واحدة انفجرت قبل تصل
* وواحده بعد وصلت اتضح انها عندها خشونة في الركب
* قنبلة عندها خشونة في الركب
* تخيلوا بس
* ولا ندري هل زغرودة فطومة للخشونة الفي ركبة القنبله ولا للقنبلة العندها خشونة

في ركبتها???
* وبمناسبة خشونة الركبة دي ياروشا قنبلتكم ان شاء الله ماشالت معاها حبوب

الخشونة لما سافرت
* لانو ست الحبايب بتعاني من نفس خشونة قنبلتكم
* يظهر ان ست الحابيب وقنبلتكم اولاد دفعه
* جيل واحد
* الاتنين تحت خمسة وعشرين سنة
* المهم مع الحاصل في المفاصل والحاصل مع الدواء عندنا اتمني تكون قنبلتكم قد

نسيت بعض حبوب الخشونة
* الوالدة متضايقة يا روشا
* واذا ما ترك بعض من حبوب الخشونة يا فطومة
* عليك الله شوفي لي السوري ابو من غير نادي ده ما يقوم يبلع حبوب الخشونة كلهن

ويحيرنا
* ايها الناس
* بعد فشل قنابل كردنة اتجه الرجل للبراميل المتفجرة
* يا ولد يا اسد انت
* خاص صفحة الأحمر الوهاج
* والخوف كله من الرنين يا كردنة
* وطبعا جهاز الرنين لما يلقي ليهو خشونة ولا عضمة عاضة بصفر
* سوريكم ده لو دخلتوهوا جهاز الرنين صدقوني صفافير الجهاز بتنطلق زي غنا

الرائع شرحبيل احمد الذي يعتمد علي ابداعات آلات النفخ
* كردنة زاتو زي شرحبيل عندو ألات نفخ
* آلتيييين
* هو جنس نفخ
* ويظل اجانبكم جزء من بواقينا
* ولان جميع من حضر فشل في الكشف الطبي
* تاني يافطومة اللاعب تجيبوهوا طوالي من المطار للمشرحة
* كشف طبي لي شنو والخشونة عندكم ركب
* حقوا يا روشا استغلوا علاقاتكم الطيبة بامل عطبرة وتستلفوا كومر الجنازه بتاع

حي المورده في نقل محترفنكم الاجانب من المطار للمشرحة
* باقي كومر الجنازة بتاع ناس موردة عطبرة مابشيل زول حي اطلاقا
* الا ميت
* جيبوا الكومر المطار
* اذا المحترف ركب اعرفوهوا ميت ورجعوهوا بي طيارتو الجابتو
* المهم
* البرميل المتفجر قالوا امس انفجر في عفراء
* والسبب قالوا خلاف بين خالدونا واحد جنود كردنة حول،قيام خالد باجراء حوار مع

البرميل المتفجر
* لكن السمعتو تحت تحت قالوا السبب خالد قال لي زوجة البرميل المتفجر،ياخاله
* الوكت داك خالد لسه ماشاف المحترف السوري
* خاص صفحة الأحمر الوهاج
* شاف،المره من سنها كده افتكرها والدة الزول
* ماكان عارفها مرتو
* لكن خالدونا لما شاف الزول عرف ليه اصر موظف كردنة علي عدم اجراء،الحوار
* لان خالدونا مهذب و يحترم اي شيبه
* اكيد لو بدا الحوار كان قال للسوري ياحاج
* الناس بدت اعداد
* وفي ناس لسة بفتشوا في القنابل والبراميل المتفجرة
* واتفجري
* ايها الناس
* صدقوني
* ان تنصروا الله ينصركم ويرخس دواكم
* اها
* نجي لي شمارات والي الخرتوم
* والينا عذرا اشرح لينا
* البنظم السكري قرفه ديتوف ولا دومالاتين ?
* وللحصوة افضل غبيش تين ولابذرة خله سايسين ?
* وللهموقلوبين افتكر قضيم لوبين كويس
* لالوبتنوكس كمسهل لكل الأعمار ولا للكبار فقط ???
* والشيح تاسين والحلبه لوكوز والحرجل لاكتين
* نختهم بعيد عن متناول يد الاطفال وفي درجة حرارة الغرفة العادية ولا في،التلاجه

يا والينا !!!!

سلك كهرباء

** ننساك كيف والكلب قال اوعه يكونوا دقسوا و رفعوا الدعم عن الخرشة الكاتلة

حيلنا ومسكتانا بنعضي غايتو؟!!!
والي لقاء
سللللللللللك
امسح للحصول على الرابط
بواسطة : بابكر سلك
 4  0
التعليقات ( 4 )
الترتيب بـ
الأحدث
الأقدم
الملائم
  • #1
    عمر 11-26-2016 04:0
    سلك يا معلم . . من تلقى الجماعه زعلانين تعرف انك دخلته العضم . .
  • #3
    الامين محمد نور 11-26-2016 09:0
    يا اهبل انت غير الهلال ما عندك فهم ولا فكرة .راسك فاضي يا وهم . استحي هسع دا عمود . لاتعبير لا مفردة جميلة ياخي منو الغشاك دا و قال ليك انت موهوب وطبعا هو قاصد انك انت موهوم .الله يريحنا منك .
  • #4
    جون سينا 11-26-2016 09:0
    إنت مفروض بعد علقة الفاضلاب دى تعقل شوية وتخلى الإستهزاء بعباد الله ولبعدين إنت زول عجوز يا ياحاج تنقو زول مواليد 1955 قبل الإستغلال- والله الهبالة والعوارة لزول فى سنك دى شينة شديد- وإنت قبل يومين كنت بتسخر على الفاضلاب- لكن رجال والله وقفوك فى حدك وخلوك زى الطفل - رجاء خلى الخلق وماتستهتر بالناس وتأكد من يكون كسب عيشه من إساءات الناس أن مصيره والرد عليه سوف يكون قاسى- لبعدين البراميل الفارغة زكرتنى صلعتك الكبيرة هى برضو فارغة مافيها شيئ غير الإستهزاء بالناس- يا حاج تنقو يا عجوز.
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019